Showing posts with label Bharadwaj. Show all posts
Showing posts with label Bharadwaj. Show all posts

ကျုပ်လည်းပဲ သမ္မတဖြစ်ချင်သပ

Thursday, September 11, 2014 0 comments


 ~



  
 
   သြော် …. လန့်သွားလေသလား။ ကျုပ်စကားကြောင့်လေ ..။ လန့်လောက်ပါရဲ့ဗျာ။ စကား စကား ပြောပါများ ...  စကားထဲက ဇာတိလေးက ထိုးထိုးထောင်ထောင်ထွက်လာသကိုးဗျ။ ကျုပ်မယ် သမ္မတဖြစ်ချင်တဲ့စကားလေးတွေ ငြိမ်ငြိမ်သွားသလားလို့ပါအမောင်ရေ…။ ဒီတော့လည်း ကျုပ်က တစခန်းထလို့ သမ္မတလုပ်ချင်စကား ပြောရတာက ပွဲရှုပ်အောင် မဟုတ်ရဗျား။

ကျုပ်တို့ငယ်စဉ်ကများ သမ္မတက အစည်းအဝေးကြားက ငုတ်တုတ်အမောင်။ ကျုပ်သိသလောက် ညွှန်ကြားချက်ဆိုတာကလည်း မက်မောစရာ၊ ဆွေးနွေးစရာပဲ မရှိလို့လား။ တိုင်းသူပြည်သားလူအများက အေးဆေးပဲ။ ခုတော့ သမ္မတကလည်း ကမ္ဘာ့နိုင်ငံအကြား ကြွားကြွားဝင့်ဝင့်။ တစ်နေ့ကတော့ ကျုပ်မြင်တာ အိုးဗျာ ……. ကျုပ်တို့နိုင်ငံတော်သီချင်းကို အဲသည် နိုင်ငံတော်က စစ်သည်တွေမယ် လော်ကြီးတွေမှုတ်၊ သမ္မတကြီးနဲ့ အဲသည်တိုင်းပြည် သမ္မတကြီးတို့က အလေးပြုစင်မြင့်ထက် ကြွားကြွားကြီးရပ်လို့။ ပြုံးတုံ့တုံ့ အမူအရာနဲ့ အားကျစရာကြီးဗျ။ ကျုပ်ရင်ထဲမယ် ကလိ ကလိ၊ သမ္မတဖြစ်ချင်လိုက်တာဗျာ။

အဲ…. သူများတိုင်းပြည်က နို့နဲ့ နို့ထွက်ပစ္စည်းစက်ရုံကြီး သွားရောက်လေ့လာတော့လည်း အပြန်ကျတော့ ဂါရ၀လက်ဆောင်မွန်ပေးလိုက်ပြန်သေး။ ခင်ဗျားနှယ် ကျုပ်ရင်ထဲက သွားရည်တွေက တတောက်တောက်ကို ယိုဖိတ်လာတာလေ။ အို ကျုပ်သာ သမတကြီးဖြစ်ရင် ကျုပ်အတွက် လက်ဆောင်မွန်ကို ထမ်းသယ်ခဲ့ပြီး ရွာအ၀င်လမ်းက ကားစောင့်တဲလေးမှာကို ထင်းမီးဖိုဖို၊ ဘုန်းကြီးကျောင်းက ရာဝင်အိုးနဲ့ ရေနွေးတည်ပြီး တရွာလုံးက ကလေးငယ်နဲ့ အမယ်အို အ၀ တိုက်ချင်သားဗျ။ အိုး… နည်းပညာလေး တောင်းခဲ့ပြီး …… ဟင် ခင်ဗျားက ကျုပ်ကိုပြက်ရယ်ပြုနေသလား။ ခင်ဗျားပြုံးပုံကဗျာ။ အဲသလို မလုပ်ချင်ပါနဲ့။ ခင်ဗျားနှယ် ရှေးပညာရှိ များစကားမကြားဖူးသရော့လား။ ပညာရှာ ပမာ သူဖုန်းစား တဲ့။

ကျုပ်တို့တိုင်းပြည် ဘယ်နေရာမဆို မြက်ခင်းကတော့ ဖြစ်သဗျ။ နို့ထွက်ပစ္စည်းက ခင်ဗျားကြီးတော်ဆီက လာတာမှ မဟုတ်တာ။ ကုန်ကြမ်းက နွားဗျ။ နွားက မြက်စား၊ ကောက်ရိုးစား သတ္တ၀ါဗျ။ ခုများ လမ်းဘေးမယ် ကြောင်စာတောင် အရံသင့်ရောင်းနေပြီဆို အာဟာရပြည့်နွားစာရော ကျုပ်တို့ဘာလို့ မရနိုင်ရမတုံး။ မတုံးစမ်းပါနဲ့ ကိုယ့်လူ။ နည်းပညာ ……. ဟုတ်လား။ အေးဗျ …. လိုက်နိုင်မယ်ထင်သူ နည်းပညာနောက်လိုက်ပေါ့ဗျာ။ ကိုယ့်လူနှယ် ကျုပ်တို့လိုလူတွေကြောင့် ခက်တာ ဟုတ်လား။ ခင်ဗျားမလည်း ဟိုလူများလို ပြောတတ်တဲ့ ပါးစပ်ပဲ ရှိတာကိုး။ ဒီမယ် ပြောတတ်တဲ့ပါးစပ်များရှိရင် နားထောင်တတ်တဲ့နားလေးလည်း ရှိအောင်ကျင့်ဗျ။ ကျုပ်က ခုနက ခင်ဗျားပြောတာတွေ အတော်ကြာအောင် နားထောင်ပြီးသားလေ။ ကျုပ် ပြောခွင့်လေးကျတော့ မတွန့်တိုနဲ့ဗျာ။

ဒီမှာ အမောင် ကျုပ်တို့ နိုင်ငံက နည်းပညာပိုင်းနောက်ကျနေတာ နှစ်ငါးဆယ်။ အေးပါဗျာ ခင်ဗျားမယ် ကျုပ်ပြောသမျှ နောက်က လိုက်ထောက်နေလို့ ရှေ့မရောက်ဘူး။ ကျုပ်က အကြမ်းဖြင်းပြောတာလေ။ သေချာချင်ရင် လွတ်လပ်ရေးရတဲ့နှစ်ကနေ စလို့ ရေတွက်တော့မောင်။ နောက်ကျနေလို့ စိတ်ဓါတ်ကျပြီး မလိုက်နဲ့လို့ ကျုပ်က မပြောဘူးမောင်။ ကျုပ်တို့နည်းပညာနောက် လိုက်နေတဲ့အချိန်မှာ နည်းပညာဖွံ့ဖြိုးပြီးသား ခင်ဗျားကြီးတော်တိုင်းပြည်တွေက ကျုပ်တို့ကို ရပ်စောင့်နေမှာလား။ သူတို့က ဆက်သွားနေမှာလား။ စဉ်းစားကြည့်။

ကျုပ်တို့ အုပ်စုခွဲမယ်ဗျာ။ လတ်တလော ဖြစ်နေတဲ့ လူမှုဘ၀ အကြပ်အတည်းကို ဖြေရှင်းမယ့်အုပ်စု။ ကမ်းလက် ကို မျှော်လင့်နေသူများ အစီအစဉ်က ကူညီတာ၊ ထောက်ပံ့တာ၊ ကယ်ဆယ်တာ။ ခင်ဗျားရှင်းရမှာက ပရဟိတကလာတဲ့ ကူညီမှုက လတ်တလောအကြပ်အတည်းကို တတ်နိုင်သလောက် လှူဒါန်းတာ၊ ပေးကမ်းတာ၊ ထောက်ပံ့တာ။ ကျုပ်ပြောတာက ကိုယ့်ဘ၀ကိုယ်ကျောင်းနိုင်အောင် လုပ်ပေးတာမျိုး၊ အခြေခံကျကျဗျာ….. ဘ၀ရပ်တည်မှုစင်မြင့်ဆောက်ပေးမှာ၊ အခြေခံအတတ်ပညာတွေ အသက်မွေးဝမ်းကျောင်းနိုင်အောင် သင်ပေးမှာ။ ခင်ဗျား စဉ်းစားကြည့် အချိန်လိုတယ်နော်။ ဘ၀ရပ်တည်မှုစင်မြင့်ထက်ရောက်အောင်တက်ရမယ့် အချိန်ပိုင်းက ကူညီမှုနဲ့သွားမယ်ဗျာ။ ပရဟိတနဲ့ ခံထားမယ်ဗျာ။ လူငယ်တစ်ယောက် ကိုလူငါးယောက်က စုပြီး စင်မြင့်ပေါ်တင်မယ်ဗျာ။ သူစင်ပေါ်ရောက်ပြီဆို မိသားစု စင်ပေါ်ရောက်ပြီဆိုပါစို့ဗျ။

နောက်အုပ်စုတစ်စုဗျာ…..။ ကျေးလက် ဖွံ့ဖြိုးမှု အုပ်စု။ ကျုပ်သိပါတယ် ခုလည်း အဲဒီအုပ်စုရှိသားဆိုတာ။ ကျုပ်သမ္မတဖြစ်ရင် အဲဒီအုပ်စုဥက္ကဌကြီး ငွေလှူတာရပ်၊ ကျေးလက်ရဲ့သဘာဝ၊ ပထ၀ီအနေအထား ပတ်ဝန်းကျင် လေ့လာပြီး မိုက်ခရိုဖိုင်နယ်စ့် Micro Finance လုပ်ပြီး လုပ်ငန်းစ၊ လုပ်ငန်း မဖြစ်ခင်ကြားကာလ ရှိဦးမယ်ဗျ။ အဲဒီအတွက် စဉ်းစား။ လုပ်ငန်းဖြစ်ပြီဆို အဲဒီ့ကျေးရွာ အသက်မွေးဝမ်းကျောင်းက ခင်ဗျားနှယ် အိုကေပေါ့ဗျ။ အခြေခံပညာရေး တိုင်းပြည်က ရတဲ့ အခွန်နဲ့လိုက်ပေါ့ဗျ၊ အခြေခံ ကျန်းမာရေးစောင့်ရှောက်မှု တိုင်းပြည်အခွန်နဲ့လိုက်ပေါ့ဗျ။

နောက်တစ်အုပ်စုဗျာ…….။ ခင်ဗျားပြောတဲ့ နည်းပညာ နောက်လိုက်ဖို့။ အဝေးကြီး သွားစရာမလိုဘူးဗျ။ ရန်ကုန်မြို့တော်မဟာမယ် ရှိပါ့ဗျား။ နိုင်ငံကြီးသား စာကြည့်တိုက်တွေမယ် နိုင်ငံကြီးသား စာမေးပွဲတွေ ဖြေနေတဲ့အုပ်စုလေ။ အင်တာနေရှင်နယ်ကျောင်းတွေတက်နေတဲ့အုပ်စု……။ တိုင်းပြည်ကထောက်ပံ့စရာ မလို။ ပရဟိတရဲ့ အထောက်အပံ့ ကင်းလွတ်တဲ့ လူတန်းစား။ ခုလည်း ခင်ဗျား သိသင့်ပါ့။ နည်းပညာနောက်လိုက်လို့ သွားနေကြတဲ့ ကျုပ်တို့ တိုင်းပြည်ရင်သွေးတွေ။ ပေါပါ့ဗျား စင်ကာပူမယ်၊ ယိုးဒယားမယ်၊ မလေးရှားမယ်၊ ဖိလစ်ပိုင်မယ်။ ဒုက္ခဗျား …. သင်းတို့လေးတွေ ပြန်မလာကြတာ။ နိုး….. နိုး ပြန်မလာချင်တာ မဟုတ်ရပေါင်ဗျာ။ ခင်ဗျားနှယ် ကျုပ်တို့ လွှတ်တော်အမတ်တွေတောင် အပြိုင်ကြဲနေတဲ့ မျက်နှာစာအုပ်ဆိုတဲ့ အင်တာနက်ပေါ်က လူမှုကွန်ရက်ကလေးမယ် ဖတ်ကြည့်စမ်းပါ ... သူတို့တွေရဲ့ ရင်ဖွင့်သံ၊ အိမ်လွမ်းသံ၊ ကြေကွဲသံ။ အိုး ကျုပ်များ သမ္မတဖြစ်ခဲ့ရင် အဲသဟာ တိုင်းပြည်က ကျုပ်ကလေးတွေ ရင်ဖွင့်ကြိုလို့ လက်ကမ်းလိုက်မယ်။ လခ မြန်မာငွေ တစ်သ်ိန်းခွဲလောက်နဲ့ လက်ကမ်းလို့ကတော့ ခင်ဗျားနှယ် ဘယ်ရပါ့မလဲဗျ။ ကျုပ်တို့ ထိုက်သင့်တဲ့နေရာ၊ ထိုက်သင့်တဲ့လစာ ပေးနိုင်အောင် အချိန်ပေါ့ဗျာ လိုအပ်ပါသေးတယ်။

အေးဗျာ။ ကျုပ်က ဒိုင်ယာလော့ခ် သမ္မတတော့ မဖြစ်ချင်ပေါင်။ အော်ခင်ဗျားနှယ် ရေဒီယုိုက မိန့်ခွန်းလား ပြောမှာပေါ့ဗျ။ ဒါပေမယ့် ကိုယ့် အလုပ်တွေ လုပ်နိုင်တာတွေ လုပ်ချင်တာတွေ။ နိုင်ငံတကာသွား အတွေ့ အကြုံတွေ။ ကျုပ် သတင်းထဲမယ်ကြည့်တော့ ခင်ဗျားနှယ် သမ္မတကြီးတဲ့  တိုင်းတစ်ပါးက နိုင်ငံတော် သမ္မတကြီးနေအိမ် အသွားလမ်းက ခတ်ကျဉ်းကျဉ်းပဲအမောင်။ နို့ပေမယ့် ကား မပိတ်ဘူးဗျ။ အဲသဟာမျိုးတွေ ရေဒီယိုမ်ိန့်ခွန်းမယ် ပြောမှာပေါ့။ လမ်းတွေမှာ သန့်သန့်ရှင်းရှင်း။ ဘယ်ကသာ ... ကျော်သူတို့ အမှိုက် ကောက်ထားလို့ရမှာတုန်းဗျ။ ခင်ဗျားနှယ် ခနဲ့တဲ့တဲ့ ပြောသဟာက လူကြီးလူကောင်းမဆန်ဘူး အမောင်။ မစားရ၀ခမန်း တိုးတက်သမျှတော့ ကျုပ်မြင်သမျှ အကုန်ဘယ်နှယ့် ပြောမလဲဗျ။ ကိုယ့်လူထု အားမငယ်အောင် တစ်ယောက်တစ်အား လုပ်နိုင်သမျှလေးတော့ တောင်းတောင်းပန်ပန်ပြောရတာ ငွေလိုိက်ချေးသလောက် မျက်နှာ မငယ်ပါဘူး အမောင်ရာ။

နောက်တစ်ခုကတော့ ပညာရေးပဲဗျ။ ကျုပ်ရဲ့ တူမကမွေး မြေးလေးပေါ့။ ခင်ဗျား မမြင်ဘူးပါဘူးဗျာ။ ရန်ကုန်မြို့ပေါ်နေသူလေးဗျ။ ကျုပ် အလည်များရောက်တော့ ကလေးမလေးက တစ်တန်းရောက်ပြီ။ ခင်ဗျားသိသလား။ ရန်ကုန်မြို့ဆိုတာ စိုက်စရာ ပျိုးစရာ မြေမရှိဘဲ တိုက်တွေကားတွေနဲ့ ပြွတ်သိပ်နေတဲ့နေရာ။ ကျုပ်မြေးက သင်ရတဲ့စာမှာ စိုက်ပျိုးရေးကပါသပြန်တဲ့။ ကျုပ်ဖြင့် အံ့သြချက်မယ် ကမ်းကုန်သဗျို့။ သင်ပြီလား အဲဒီသင်ခန်းစာဆိုတော့ မသင်သေးဘူး ဆိုတာ ဆရာမက မသင်တတ်တာလား ဘာလားတော့  ကျုပ်မသိချင်ပေါင်ဗျ။ ဒီလူမမယ် ခြောက်နှစ်သာသာကလေးကို စိုက်ပျိုးရေးဖတ်စာ ငွေအကုန်ခံ ရိုက်မယ့်အစား ကျုပ်သာ သမ္မတကြီးဆို နယ်လှည့်စိုက်ပျိုးရေးပညာရှင် အုပ်စုဖွဲ့ပြီး နယ်တကာလှည့်လို့ အမှန်တကယ်စိုက်ကြသူများကို ပံ့ပိုးကူညီ သင်ကြားပေးလိုက်ချင်တာဗျ။

 မောပါရဲ့ဗျာ။ ဒီနားရပ်ပါစေ။ ခင်ဗျားပြောတဲ့ လယ်သမားစိုက်စရာမြေမရှိတဲ့အကြောင်း မဆက်ချင်ဘူးခင်ဗျ။

တကယ်ပါပဲ ကျုပ်လည်း ဘာကြောင့်မှန်း မသိ။ အခုတလောတော့ တကယ့်ကို သမ္မတဖြစ်ချင်တယ်အမောင်။



ဘာရာဒွါဂျာ (မြန်မာပြည်)

 



.

နှာစေးနေသော အေးနေ၀င်းသို့

Friday, February 21, 2014 1 comments

~




ယုန်လေးနှာစေးနေတယ် .....
ရှေ့ကိုထွက်နှာမစေးနဲ့ယုန်လေးရယ်
ပြည်သူတွေ ငတ်ပြတ်နေတုန်းက မင်းတို့ သေနတ်ခါးကြားထိုးပြီ စံစားခဲ့တာ
သေနတ်တည့်တည့်ဖောက်တုန်းက မင်းတို့ နတ်စည်းစိမ်ခံစားနေကြတာ..
မင်းနှမ သွေးမစွန်းခဲ့ဘူး
.. နင့်အမေလည်း ထောင်ဝင်စာ သွားတွေ့စရာမလိုခဲ့ဘူး..

ကိုယ့်ပေါင်ကိုလှန်မထောင်းဘဲ တကယ်စိတ်ရှိရင် တိုင်းပြည်အကျိုး ပြည်သူ့အကျိုးအတွက် ကြိုးပမ်းလိုက်..
သမိုင်းကို မင်းအိမ်က ချိတ်ထားတဲ့ပန်းချီကားတချပ်လို စိတ်ရှိတိုင်း အရောင်ပြောင်းလုိ့မရဘူး..

Generation နှစ်ဆက်ခြားသွားပြီမို့
အဖိုးရဲ့မြေး အဖိုးခြေရာနင်းမယ် ဆိုတဲ့ ငါတို့အကြည့် မင်းစိတ်ဓာတ်မှန်ရင် မပာုတ်မှန်း သက်သေပြ..
အဖိုးဘက်က ကာမပြောနဲ့ကိုယ့်လူ ... မြန်မာ့တပ်မတော် ဘာတွေလုပ်ခဲ့လဲ ဆိုတာ
သွေးစွန်းခဲ့တဲ့လမ်းတွေ...ကွဲကြေသွားတဲ့ အသိုက်အမြုံတွေ...
အဆူဆူသောဘုရားတွေ သက်သေရှိတယ် ..

ဘုရားပေါ်တက်တိုင်း လိပ်ပြာလုံနိုင်ပါစေ..

ဘာရာဒွါဂျာ (မြန်မာပြည်)
 -

  • ဆက်စပ်

 မဆလ သမ္မတဟောင်း ဦးနေ၀င်းရဲ့မြေး အေးနေ၀င်းနှင့် ဒီဗွီဘီ တွေ့ဆုံမေးမြန်းခန်း (အပိုင်း - ၁)


http://www.youtube.com/watch?v=ANB7z4FguLg&list=PLMOtbzdh7HlOIashPRwZbzEZ03lIHQOiV



.


ဖျာလေးတစ်ချပ် လိုချင်တယ်

Tuesday, December 3, 2013 1 comments

~


  
 


ခင်းဖို့ ဖျာသစ်လေး တစ်ချပ်လိုချင်ပါတယ်။

အမေ အိပ်နေတဲ့ ဖျာလေးက
ထောင့်တွေ စုတ်လို့ ဟောင်းလှပြီ။

အဖေ့ ကျောက ချွေးကွက်တွေနဲ့
နွမ်းလှပါပကော။

သြော်... ဖျာလေးဘယ်လိုရက်
ရော်.. ငါမတတ်ပါလား။

မြေမဲ့၊ ယာမဲ့၊ နည်းပညာမဲ့တဲ့ငါ
ဖျာလေးတစ်ချပ်အတွက်
မြ၀တီတောင်တန်းဆီသွားရမလား။
ရွှေလီမြစ်ကမ်းနံဘေးကို သွားရမလား။
ဒါမဟုတ် ရန်ကုန်ကိုလား။
နေပြည်တော်ကိုလား။

အမေ့အတွက်
ဖျာသစ်လေးတစ်ချပ် လိုချင်တယ်။

ဘာရာဒွါဂျာ (မြန်မာပြည်)



.


ရာထူးဆိုရင် အာဏာလား… ဒါမှမဟုတ် တာဝန်လား

Wednesday, October 30, 2013 1 comments

~


 

"...အထူးကုဆေးခန်း အပြင်ဘက် စင်္ကြံလေးမှာ လူနာက ဘယ်လိုအမျိုးအစားပဲဖြစ်ပါစေ။  တစ်ခါ တစ်ခါများဆို ဘုန်းကြီးလည်း ပါရဲ့။  မိန်းမပျို လေးလည်း ပါရဲ့။  ခတ်ရွယ်ရွယ်ယောက်ျားလည်း ရှိရဲ့ရှင်။  ဝင်မယ့်သုံးယောက် အင်္ကျီ ကြိုချွတ်ထား ဆိုတော့လည်း အော် အာဏာစက်အောက်မှာ ဆင်ခြေတက်ခွင့်မရှိ..."

Nearly all men can stand adversity, but if you want to test a man's character, give him power.  
 Abraham Lincoln

လူတိုင်းလိုလိုဟာ ဘေးဒုက္ခတွေကို ခံနိုင်ရည် ရှိကြတယ်။  ဒါပေမယ့် လူတစ်ယောက်ရဲ့ ခံနိုင်ရည်ကို စမ်းသပ်ချင်ရင် သူ့ကို အာဏာပေးလိုက်ပါ။
 အေဘရာဟမ် လင်ကွန်း။

ကျွန်မှာလည်း စကားတစ်ချက် ဆောင်းပါးတစ်ပုဒ်များ ဖြစ်နေမလားပဲ။  မျက်စိထဲမှာလည်း အမြင်ဆန်း၊ ဦးနှောက်ထဲမှာလည်း ရှုပ်ရှုပ်ထွေးထွေး။  အာဏာပါဝါနဲ့ စာရေးစာချီများကလည်း ရှေ့ရောက်ရောက်လာ။  အာဏာ ပါဝါနဲ့ ယာဉ်ထိန်းရဲကလည်း မျက်စိနား ဝဲလည်လည်။  အာဏာပါဝါနဲ့ မူကြိုဆရာမကလည်း မနက်လင်းတိုင်း မြင် မြင်နေရ။  ဒီတစ်ခါများ စကားစစ်ထိုးပွဲလေး လုပ်ဖြစ်မယ်ဆိုရင် ရာထူးကြီးရင် အာဏာကြီးသလား။  ရာထူးကြီးရင် တာဝန်ကြီးသလား ဆိုတဲ့ ခေါင်းစဉ်လေး ရှာတွေ့တော့ လူငယ်လေးတွေက ဘာကိုပြောကြမှာပါလဲ။  ပြောတိုင်းလည်း မယုံ သူ့လက်ထဲ ရာထူးကြီးကြီး၊ ကြီးသမှဆို လူတစ်ယောက် အိုးမဲ့အိမ်မဲ့ဖြစ်နိုင်လောက်တဲ့ ဒါမှမဟုတ် အသက်တစ်ချောင်းကို နုတ်ယူပြစ်နိုင်လောက်တဲ့ ရာထူးရာခံက ကြီးမားသွားပြီဆို လူ့သဘာဝက ပြောင်းပြောင်း သွားတတ်တာလည်း သိပါရဲ့ရှင်။  ဒါ့ကြောင့်လည်း အေဘရာဟင် လင်ကွန်းက လူတစ်ယောက်ရဲ့ ခံနိုင်ရည်တရားကို စမ်းသပ်ချင်ရင် သူ့ကို အာဏာပေးလိုက်ပါလို့ ဆိုတာဖြစ်မှာပါ။

ကျွန်မပြောနေကျစကားတစ်ခွန်းကတော့ သူ့အိမ်မှာသူ သူဘုရင်ပဲ၊ ကိုယ်က ချမ်းသာတယ် ကြည့်ရှုတယ် ဆိုပြီး သူ့အပေါ် မကျူးကျော်နဲ့၊ ဆိုက်ကားသမားလည်း သူ့အိမ်မှာတော့ သူဘုရင်ပါပဲ။  အမှိုက်လာသိမ်းတဲ့လူလည်း သူ့ရာထူးနဲ့သူ။  သူလည်း အမှိုက်သိမ်းဝန်ကြီးလို့ သူ့ကိုယ်သူ ဆိုချင်ဆို မြို့တော်ဝန်ကို စော်ကားရာ မကျပါဘူး။  သူက အမှိုက်သိမ်းဝန်ကြီး အစစ်။  သူမလာလို့ ဒေါသထွက်ပြီး ရန်စမလား။  အမှိုက် သိမ်းကားကို ကိုယ့်အိမ်နဲ့ အဝေးကြီးမှာ ရပ်။  ကိုယ်က ရှစ်ထပ်ပေါ်ကပြေးဆင်းလာ။  သူ့နားရောက်တော့ ကားက ထွက်သွား။  ဒါက သူ့လုပ်ပိုင်ခွင့်လေ။  ပိုက်ဆံလေးပေးထား အမှိုက်သိမ်းဝန်ကြီးအဖွဲ့က လူတစ်ယောက် အိမ်ပေါ်ထိလွှတ်ပေးပါ့။  ဒါလည်း သူလုပ်ပေးနိုင်တဲ့ ဘောင်ထဲက သူလုပ်ပေးတာလေ။  ကျုပ်တို့အိမ်ပေါ်တော့ မတက်ဘူးဆိုပြီး သွားမတိုင်နဲ့။  ဒါက လုပ်ပိုင်ခွင့်ကြားမှာရှိတဲ့ နားလည်မှု။

ဆရာဝန်ကြီးဆီ သွားချင်ရင် သူ့အခန်းရှေ့ တိုကင်ခေါ်တဲ့ ဆရာမလေးနဲ့ တွေ့ရမှာပေါ့။  သူကသွင်းပေးမှ ဆရာဝန်ကြီးအခန်းထဲရောက်မှာလေ။  သူနဲ့ပြေလည်မှ တိုကင်ကျော်သွားရင်လည်း သူ့ဆေးခန်းစည်းကမ်းအတိုင်း သုံးယောက်ဝင်ပြီး ကိုယ့်အလှည့်ကို ခေါ်ပေးမှာပေါ့။  ဒါလည်း သူ့လုပ်ပိုင်ခွင့်၊ သူလည်း တိုကင်ပေးဝန်ကြီးပေါ့။

စားပွဲတစ်လုံးပေါ်က ကိုယ့်လျှောက်လွှာလေး နောက်စားပွဲတစ်လုံးပေါ်ရောက်မှ အဆင်ပြေမှာဆို သူက လက်မှတ်ထိုးပြီး ပို့လိုက်မှ ရောက်မှာလေ။  ကိုယ့်ဟာကိုယ် စားပွဲတစ်လုံးက နောက်တစ်လုံးပေါ် အစစ်အဆေးမရှိ သွားတင်လို့ရတာမှ မဟုတ်ဘဲ။  ဒီတော့ သူလည်းပဲ လျှောက်လွှာလွှဲပြောင်းဝန်ကြီးလို့ သူ့ကိုယ်သူဆို ကျွန်မတို့က ဘာတတ်နိုင်သေးတာမှတ်လို့။  ဒီတော့လည်း ရှိပါစေတော့ကွယ် လို့ စိတ်လျှော့လို့မာန်ပျောက်ကာ ကိုယ့် အလုပ်ပြေလည်စေရေးအတွက် အာဏာရှိတဲ့ လူပုဂ္ဂိုလ်မြတ်ကို ပူဇော်သက္ကာရပြုလိုက်ပေတော့။

ရာထူးဆိုတာ လုပ်ပိုင်ခွင့်နဲ့သက်ဆိုင်လေတော့ ထိုက်သင့်တဲ့အာဏာက နောက်က ကပ်ပါလာတာပါပဲ။  ဒါကြောင့်လည်း အာဏာကို မစွန့်လွှတ်ချင်၊ ကုလားထိုင်ကို မြဲစေချင်။  လုပ်ပိုင်ခွင့်နောက်က အာဏာအတွက် တံတားဆောက်၊ ညောင်ထောက်၊ ခေါစာပစ် လုပ်ကြတာ ဒုနဲ့ဒေး။  ယတြာကောင်းတော့ မင်းလောင်းပင် ပျောက် သတဲ့။  ဒီစကားက မြန်မာ့ယဉ်ကျေးမှုတစ်ရပ်လို ယုံယုံကြည်ကြည်ကျင့်သုံးတာ။  ဧည့်ခန်းထဲ ယောင်းမကြီးထောင် ထားတာမြင်လို့ မေးလိုက်တော့ သားသမီးတွေ မိဘစကားနားထောင်အောင်တဲ့လေ။  ယောင်းမက မွှေတဲ့အရာ။  နံရံက မှီရတဲ့နေရာ။  ဧည့်ခန်းက အိမ်သား မဟုတ်တဲ့ ဧည့်သည်တွေ ဝင်ထွက်သွားလာတဲ့နေရာ။  ဒီနေရာသုံးခုကို အမှီပြုစဉ်းစားတော့ အကြံအစည်အောင်အောင် ဘုရားရှင် ကို ကြံကပ်တာ၊ ကြာပန်းကပ်ရင် ကြာတတ်သမို့ ဘုရားစင်ပေါ် ကြာပန်း မတွေ့ရတာ။  ရာထူးနေရာ မပြောင်းချင်တော့ ပြောင်းဖူး (မပြောင်းဘူး) ကပ်ရတာက အကြောင်း အကျိုးဆက်စပ်သလိုလိုရှိပေမယ့် ဧည့်ခန်းနံရံက သစ်သားယောင်းမ ချိတ်ထားတာကျတော့ ဥာဏ်ကမမီ၊ ဦးနှောက်က လှိုင်းမရှိ  ဖြစ်ရတာ ကျွန်မ ဘဝ။

ကျွန်မတို့ ရာထူးကြောင့်ဖြစ်လာတဲ့ လုပ်ပိုင်ခွင့်ပဲပြောပြော အာဏာပဲဆိုဆို စကားလုံးတွေ အငြင်းပွားရင် သခင်သန်းထွန်းရဲ့ နောက်ဆုံးနေ့များအနံ့တွေ လှိုင်နေသလိုပဲ။  စကားတွေပြောနေလိုက်တာ အော်.. ကွန်မြူနစ်ဆိုတာ ဒါမျိုးလားပေါ့။  အလုပ်ခွဲခြားလုပ်ကိုင်ခြင်းဆိုတာ သိတယ်မဟုတ်လား။  ကျွန်မတို့်ဝေါဟာရအသုံးမှားရင် ဝေါဟာရသမားကို စကားဆိုခွင့်ပေးလိုက်ပါ။  ဆရာမောင်ခင်မင်(ဓနုဖြူ) ရှိပါတယ်လေ။

ကျွန်မတို့မတော့ ပြည်သူ့ဆေးရုံ ဂိတ်စောင့် တံခါးစောင့်ကစပြီး အာဏာနဲ့တွေ့တာ အဆောင်ထဲရောက်တဲ့ အထိလည်း အာဏာက ရှိဆဲပဲရှင့်။  လုပ်ပိုင်ခွင့်နောက်က တစ်သားထဲကပ်ပါလာတဲ့ အာဏာ။  ဆရာဝန်တွေများ အာဏာစက် ဘယ်လောက်ပြင်းသလဲဆို  လူနာတွေ အင်္ကျီများတောင် ကြိုချွတ်ထားရတာပါရှင်။  အထူးကုဆေးခန်း အပြင်ဘက် စင်္ကြံလေးမှာ လူနာက ဘယ်လိုအမျိုးအစားပဲဖြစ်ပါစေ။  တစ်ခါ တစ်ခါများဆို ဘုန်းကြီးလည်း ပါရဲ့။  မိန်းမပျို လေးလည်း ပါရဲ့။  ခတ်ရွယ်ရွယ်ယောက်ျားလည်း ရှိရဲ့ရှင်။  ဝင်မယ့်သုံးယောက် အင်္ကျီ ကြိုချွတ်ထား ဆိုတော့လည်း အော် အာဏာစက်အောက်မှာ ဆင်ခြေတက်ခွင့်မရှိ။  ချွတ်.. တန်းစီ။  သုံးယောက်ဝင်။  လူပို လိုက်လို့မရဘူး.. ဆိုတဲ့ ဆရာမစကား နားထဲကမထွက်။  မတတ်နိုင်ဘူး ဒါ ဆရာကြီးရဲ့ ညွှန်ကြားချက်တဲ့။  ကျွန်မ ယောင်ဝါးဝါးဖြစ်သွားပါရဲ့။  လုပ်ပိုင်ခွင့်နောက်က အာဏာ။  လူကြီးမင်းတို့မြင်ပါရဲ့လားရှင်။  ရင်ဘတ်ကို နားကြပ်နဲ့ သုံးလေးနေရာစမ်း။  ကြောပြင်ကို စမ်း။  အသက်ရှု လို့ပြောစဉ်မှာပဲ သူ့ စမ်းသပ်မှုကပြီးသွားပြီ။  ဒါလေးသောက်လို့ ခေါင်းတွေသိပ် ကိုက်တယ်လို့ပြောတော့မှ လူနာမျက်နှာကို မော့ကြည့်.. ပြီးတော့ ဘာပြောလိုက်မယ်ထင်သလဲ။  ခင်ဗျားခေါင်း ကိုက်ခံမလား၊ အသေခံမလားတဲ့။  ကောင်းရော… ဟဲ့ အာဏာ… ဒါ လုပ်ပိုင်ခွင့်ကြီးလား။

သက်ရှိထင်ရှားထောက်ခံစာ … တဲ့။  ရော် ဒီဆရာ ခက်ပါဘိ ကျွန်မက သူ့ရှေ့ မတ်မတ်ကြီးကို ရပ်လို့။  ကျုပ်လိုချင်တာ ခင်ဗျား သက်ရှိထင်ရှားထောက်ခံစာ… စာလိုချင်တာ။  လူလာရပ်ပြလို့မရဘူး တဲ့။  ဟုတ်ပါပြီ။  ရပ်ကွက်အုပ်ချုပ်ရေးရုံးပေါ့ သွားပေဦးတော့ ခြေလှမ်းတစ်ရာ၊ ငွေအိတ်ပါးနဲ့ မျက်နှာထားချို။  မနက်က လမ်းထိပ်မှာ တွေ့တုန်းက သူက လက်ဖက်ဆိုင်မှာ.. အစ်မ လက်ဖက်ရည်သောက်ပါဦး တဲ့။  ခုတော့ သူ့မျက်နှာထားက ခပ်တည်တည်ရှင့်။  အော် မေ့လို့ သူက ကုလားထိုင်ပေါ် ထိုင်နေတာလေ… သူ့ရဲ့ လုပ်ပိုင်ခွင့်နယ်မြေ။  အာဏာတည်ရာနေရာတော်မြတ်။  ဒါက လုပ်ငန်းရှင်လာရမှာ..။  တစ်ခွန်းတည်းသော သူ့စကား။  ဥပဒေကဲ့သို့ အာဏာတည်သော သူ့အမိန့်။  ကျွန်မရဲ့ ချိုသာ ပျော့ပျောင်းတဲ့စကားသံကြောင့် မဟုတ်ပါဘူး။  လက်ထဲက အိတ်ပါးက သူ့အံဆွဲထဲရောက်သွားခိုက်… ကိုယ့်အစ်မတွေပဲ လုပ်ပေးရမှာပေါ့ဗျာ။  သေလိုက်ဟဲ့ .. လုပ်ပိုင်ခွင့်။

အော် .. ကျွန်မ နည်းနည်းလေးများ လွန်သွားသလားရှင်။  လုပ်ပိုင်ခွင့် နောက်က အာဏာလိုက်သလား။  ဒါမှမဟုတ် အာဏာနောက်ကပဲ လုပ်ပိုင်ခွင့်က လိုက်တာလား။  လုပ်ပိုင်ခွင့်ရှိလို့ အာဏာများရှိလေသလား။  အာဏာ ရှိလို့ လုပ်ပိုင်ခွင့်ကို နှင်းအပ်ခြင်းခံရပေသလား။  ဦးနှောက်ထဲတွင် နောက်ကျိကျိ။ 

ရာထူးရှိရင် ….အဲဒီ့ ရာထူးအလိုက် လုပ်ပိုင်ခွင့်များ အပ်နှင်းထားခြင်း မရှိရင် အကျိုးသက်ရောက်မှု အလုပ်က ဖြစ်မလာနိုင်မဟုတ်ပေဘူးလား။  ရာထူးတော့ ရှိပါရဲ့… လုပ်ပိုင်ခွင့် ဘာမှပေးမထားဘူး ဆိုတဲ့ စကားလည်း ကြားဖူး နားဝတော့ ရှိသား။  တံဆိပ်ခေါင်းတဲ့ စာရေးကိုလည်း တန်ရာတန်ဖိုးပေးရင် ဘယ်သူ့ကိုမဆို တံဆိပ်ခေါင်းရောင်းချ ခွင့် ပေးထားပြီးသားပါ။  အင်း တံဆိပ်ခေါင်းကို ငါရောင်းမှ ဖြစ်တာလို့ ဝယ်သူအပေါ် သဘောထားရင် သူ့လုပ်ပိုင်ခွင့်က အာဏာဘက်ကို လုသွားပြီ။  ဒါ ထမင်းစားချိန် ဆိုပြီး စကားတွေ ဖောင်ဖွဲ့၊ တဟီးဟီးတဟားဟား လုပ်နေ၊ တံဆိပ်ခေါင်းဝယ်သူက အပေါက်လေးမှာ ငုတ်တုတ်မေ့။  ထမင်းစားချိန်ကို စာလေး ကပ်ထားပြီး သတ်သတ်မှတ်မှတ်လေး လုပ်ရင် တစ်ခါ နှစ်ခါ အပြင် နောက်ဆို သိသွားပြီလေ။  သို့ကလိုမဟုတ် ... အဝက ဝယ်သူကို အသိအမှတ်မပြု၊ မျက်နှာထားက သူ့လုပ်စာကိုမျှကျွေးနေတဲ့ပုံ။  ရိုက်ပေါက်။  သို့ပေငြား ကိုယ်လိုချင်တာက သူ့ဆီက တံဆိပ်ခေါင်း။  စောင့်ပေတော့ တစ်နာရီ။  မမှု။

တွေ့ပါရဲ့ လမ်းမပေါ်က အာဏာရှင်များ…………။  ယာဉ်ကြောပြောင်းပြန်ဖြစ်လောက်အောင် ကျော်တက်။  မျဉ်းသေလား၊ မျဉ်းရှင်များ မသိ။  နှစ်ထပ်မျဉ်းများအပေါ် ခွကျော်တက်။  ဘာကြောင့်နှစ်ထပ်မျဉ်း ဆွဲထားမှန်းမသိ။  သိအောင်လည်း မဖော်ထုတ်။  ယာဉ်မောင်းလိုင်စင် ရေးဖြေဆို လွတ်လပ်မှု အပြည့် ရှင့်။  မေးခွန်းချပေး နောက်စာမေးပွဲခန်းစောင့်သူက တစ် က၊ နှစ် ဂ၊ သုံး ခ ဆိုပြီး အဖြေကိုရွတ်ပြသွားတာ ကိုယ်တွေ့ အူကြောင်ကြောင် စာမေးပွဲ။  လမ်းဝကို ဘတ်စ်ကားကြီးတွေက ပိတ်ရပ်။  လူတင်… လူခေါ်။  တစ်ဖက်က လမ်းထဲကွေ့မယ့်ကားက စောင့်။  နောက်က ကားတန်းကြီးကလည်း စောင့်ပေတော့ရှင်။  ကြပ်ပါပြီ ယာဉ်ကြော။  ပိတ်ပါပြီ ယာဉ်လမ်း။  နောက်ကျပါပြီ ရုံး။ သတ်မှတ်ခံလိုက်ရပါပြီ.. နေ့ဝက်ခွင့်။  လွဲပြီပေါ့ … ရုံးတက်မှန် အပိုဆုကြေး တစ်လစာ။  မောရပြီပေါ့။

နေ့စဉ်ကြုံတွေ့သမျှ … ရာထူးနောက်က တာဝန်ဆိုတာထက် ရာထူးနောက်က လုပ်ပိုင်ခွင့်အာဏာက ကြီးစိုးနေတာ အမှန်ပါပဲ။  ဆရာဝန်ကြီးလည်း လူနာရဲ့ ကျန်းမာရေးတာဝန် ဆိုတာထက် အချိန်တိုတိုအတွင်း လူနာများများကြည့်နိုင်ဖို့ အာဏာတွေသုံးရသလို တံဆိပ်ခေါင်းရောင်းတဲ့သူကလည်း မှန်ကန်တဲ့ တံဆိပ်ခေါင်းကို ရောင်းချပေးရမယ့် တာဝန်ထက် လိုချင်သူက စောင့် ဆိုတဲ့ အာဏာတွေ သုံးနေတာပါပဲ။  ပလက်ဖောင်း ဈေးသည်ကလည်း ဒါ အများပိုင်လမ်း …. လမ်းလျှောက်တဲ့သူတွေကို ဂရုမစိုက်အားဘဲ ညနေ ဆန်ဝယ်ဖို့ ကပ်တပ်တပ်နဲ့ လမ်းဖယ်မပေးရေး အာဏာကို သုံးလိုက်တော့ ဘာမှမဖြစ်ပါဘူး။  လမ်းမပေါ် ဆင်းလျှောက်ပေါ့လေ။

တာဝန်ဆိုတာ လာမပြောနဲ့။  ဒါက လက်ပတ်မှာပဲ ရေးတာ။  တာဝန်ရှိရင် အာဏာရှိမှ။

အော် ပုရွက်ဆိတ်လည်း သူ့အထွာ၊ ဆင်လည်း သူ့အထွာတဲ့လား။

 I hope our wisdom will grow with our power, and teach us, that the less we use our power the greater it will be.
Thomas Jefferson

အသိပညာဟာ ကျွန်တော်တို့ရထားတဲ့ အာဏာနဲ့အတူ ရှင်သန်လာတယ်လို့ ကျွန်တော်မျှော်လင့်တယ်။  နောက် အဲဒီ့ အာဏာကို အသုံးနည်းလေလေ အသိပညာဟာ ပိုပြီးကြီးမြတ်လာတယ် ဆိုတာကိုလည်း ကျွန်တော်တို့ကိုိ သင်ပေးနေပါတယ်။                      
သောမတ်စ်ဂျက်ဖာဆင် 

ဘာရာဒွါဂျာ (မြန်မာပြည်)



.


ခြောက်သိန်း… ဘာလုပ်ရမလဲတဲ့လား ၀န်ကြီးဦးစိုးသိန်း

Tuesday, October 29, 2013 3 comments

~


 

ကျုပ် ကြားဖူးတဲ့ ဗမာစကားတစ်ခွန်းရှိတယ်ဗျ။ ခင်ဗျားတို့လည်း ကြားဖူးမှာပါ။  ထမင်းတစ်လုပ်၊ တုတ်တစ်ချက် ဆိုတာလေ။ ခုတော့ ကျုပ်ဗျာ .. စာလေးနည်းနည်းပါးပါးရေးတယ်ဗျာ။ 



ကန်သင်းရိုးပေါ်ငုတ်တုတ်ထုိင်နေသူများ

Saturday, October 26, 2013 0 comments

~


 



ကျုပ် နည်းနည်း အံ့သြတာတွေက နည်းနည်း ဖြစ်ပြီး အခု စစ်တပ်အုပ်ချုပ်ရေးမှ လွတ်မြောက်ပြီးစ၊ နောက် စစ်သား ခေါင်းပေါင်းပေါင်းပြီး တိုက်ပုံလဲပြီးစအချိန် ကျုပ်တို့ တိုင်းပြည်မယ်.. များများ အံ့သြစရာက တစ်ပုံတစ်ပင်။ အဲဒီလို အံ့သြမှုတောင် အချိုးပြောင်းပြန်ကျကျ ဖြစ်တော့ များများအံ့သြရပြန်ပါရောဗျာ။ 



လူလေးကိုဌေးဦးရေ……. ပြောရတာမောသဗျ

Thursday, October 10, 2013 2 comments

~


 

ကျုပ်တို့ ရပ်ထဲရွာထဲမယ် ဗျိုး ဟစ်တာရှိတယ်လေ။  ရပ်ရွာထဲ အလှူဆို ရပ်ထဲ ဗျိုးဟစ်လိုက်တာပါပဲ။
 တကြော်ကြော်ခေါ်ပြီး ဖိတ်လိုက်တာလေ .. ခုတော့ ကျုပ်မှာ စိတ်ညစ်လို့ စိတ်ညစ်ကြောင်း တိုင်းပြည်ချီ ဗျိုးဟစ်လိုက်မိတော့လည်း လွန်တာရှိရင်လည်း ဝန္ဒာမိပါလို့ မဆိုတော့ဘူး။




ဘာလဲ……အသွင်ကူးပြောင်းရေးကာလစိန်ခေါ်သံတဲ့လား

Sunday, September 29, 2013 1 comments

 ~



 


            ကျုပ်က သိပ်ပြောချင်တာမဟုတ်ပါဘူး။ ဂျာနယ်တစ်စောင် မျက်နှာဖုံးမှာ ကယ်တင်ရှင် အမှတ်တရ ပုံတွေ့တယ်ဗျာ။
သူပြောပုံလေးမှတ်မိသေးတယ်….. ကိုယ်ပြောရဦးမယ်… ဆိုလားခင်ဗျ။ ဂျာနယ်လား …ဖတ်တာပေါ့ဗျာ။ ဒါပေမယ့် အပ်တူဒိတ် ( up to date ) တော့ ဘယ်ဟုတ်မလဲဗျ။
 တစ်ထောင်ဖိုး ၁၀ စောင် ရချိန်ပေါ့။ မဖတ်ရသေးတော့ ကျုပ်အတွက်တော့ အသစ်ပေါ့။




ဆိုင်းဘုတ်အောက်တွင် နေကြသူများ

Saturday, September 28, 2013 0 comments

 ~





            ယခုခေတ် ဆိုင်းဘုတ်တွေ တော်တော်များများပေါ်လာတာတွေ့ရတော့ ဆိုင်းဘုတ်တွေထက် ဆိုင်းဘုတ်အောက်ကလူတွေကို ပိုပြီးစိတ်ဝင်စားမိပါတယ်။



နိုင်ငံရေးပါတီများ၊ လူမှုအသင်းအဖွဲ့များ၊ သမဂ္ဂများ၊ လူမှုကွန်ယက်များ၊ ယခင်ကတည်းကရှိရှိနှင့်ပြီးဖြစ်တဲ့ ၀န်ကြီးဌာနများ၊ လွှတ်တော်ရုံးတော်များ၊ ကုလသမဂ္ဂဆိုင်ရာ အဖွဲ့အစည်းများက အစပြုလုို့ ပုဂ္ဂလိကလုပ်ငန်းရှင်များ၊ အထမ်းသည် အဆုံး ဆိုင်းဘုတ်လေးတွေ အတော်ပဲတွေ့ရပါတယ်။
 ဆိုင်းဘုတ်ပေါ်က အမည်နာမများကလည်း ခံတွင်းတွေ့စရာကောင်းလှတဲ့အတွက် သတင်းစာထဲမှာ ဗေဒင်ဆရာများရဲ့ အမည်ပေးပညာရပ်လည်း ကြော်ငြာစရာကိစ္စတစ်ရပ်ဖြစ်လာတာကလည်း စိတ်ဝင်စားဖွယ်။

          လူမှုလောကမှာ ကျင်လည်နေသရွေ့တော့ ဆိုင်းဘုတ်တစ်ခုခုအောက်မှာ နေရ၊ ရပ်တည်ရတာ သဘာဝပါ။
လူပန်းလုို့ စိတ်နွမ်းလောက်အောင် ဆိုင်းဘုတ်တွေက ဒုက္ခပေးနေတာလည်း ကြုံရမှာပါပဲ။
ပထမဦးဆုံးတော့ ဆိုင်း ဘုတ်ကလေးတင်လိုက်တာနဲ့ စည်ပင်သာယာက ယူနီဖောင်းသမားတွေ ရောက်လာပြီး ဆိုင်းဘုတ်ခွန်က စတော့ တာပေါ့လေ။
တင်လိုက်တဲ့ ဆိုင်းဘုတ် အရွယ်အစားပေါ်မူတည်ပြီးကောက်ခံတော့ သိစေချင်လုို့ ဆိုင်းဘုတ်တင်ကာမှ အခွန်နဲ့လာတိုးလုို့ သေးငယ်ပစ်လိုက်ရတဲ့ ဆိုင်းဘုတ်ရှင်တွေလည်း ရှိကြမှာပေါ့။

          ကိုယ်ပိုင်ဆိုင်းဘုတ်လေး မရှိတဲ့လူကျပြန်တော့လည်း သူများဆိုင်းဘုတ်အောက်ကို ၀င်ဖုို့ကြိုးစားရတာ မဆန်းပါဘူး။
 ဆိုင်းဘုတ်ဆိုတာကလည်း အမြင့်တစ်နေရာမှာ တင်ရစမြဲဆိုတော့ မနက်မိုးလင်းတာနဲ့ သူ့ကို ဦးညွှတ်ပြီး ၀င်လိုက်ရတာ ညနေခင်းတော့မှပဲ သူ့အောက်က လွတ်တော့တာပါပဲ။
သစ်သားပြားလေးနဲ့ပဲ ဖြစ်ဖြစ်၊ သံပြားလေးနဲ့ပဲဖြစ်ဖြစ် ဘယ်လိုအမည်တွေပဲ ပေးထားပေးထား ဆိုင်းဘုတ်တစ်ခုအောက်ကို ၀င်လိုက်ပြီဆိုရင် အခုခေတ်စကားနဲ့ဆို ခေါင်းစဉ်တစ်ခုရှိသွားပြီလုို့ဆိုရမလားပဲ။

          ဆိုင်းဘုတ်အောက်ကလူက ဆိုင်းဘုတ်ကို ကိုယ်စားပြုတယ်။ တစ်ခါတစ်ခါ ဆိုင်းဘုတ်ကိုတော့ သိပါရဲ့။ ဆိုင်းဘုတ်ပိုင်ရှင်ကို မသိဘူး။
ဆိုင်းဘုတ်အောက်က လူတွေရဲ့ စရိုက်လက္ခဏာကိုတော့သိပါရဲ့။ ဆိုင်းဘုတ် ပိုင်ရှင်ရဲ့ စရိုက်လက္ခဏာကို မှန်းရခက်ပါတယ်။ ကိုိုယ့်ခေတ်နဲ့ကိုယ် သန်ရာဆိုင်းဘုတ်လေးတွေအောက် ၀င်ကြတဲ့ အခါ ဘယ်ဆိုင်းဘုတ်က ကိုယ်နဲ့လိုက်ဖက်မှန်းမသိလုို့ စမ်းတ၀ါးဝါးနဲ့ ဟိုဆိုင်းဘုတ်အောက်ဝင်လိုက်၊ ဒီဆိုင်းဘုတ်အောက်ဝင်လိုက်နဲ့ လူငယ်လေးတွေ ဆိုင်းဘုတ်အရှာ ထွက်ကြတာ သဘာဝမုို့ ပြစ်တင်စောကြော မထိုက်ပါဘူး။

          ဒါပေမယ့် လူအထင်ကြီးအောင် ဆိုင်းဘုတ်ထောင်မိကာမှ လူအထင်သေးစရာက ဖြစ်ပြီး သမိုင်းမလှတဲ့သူ များလည်း ရှိတော့ ဆိုင်းဘုတ်မထောင်မိတုန်းကမှ ဟုတ်တုတ်တုတ်ရယ်လို့ အောက်မေ့မိပါတယ်။
ကမ္ဘာ့တိုင်းပြည် အသီးသီးမှာ ဆိုင်းဘုတ်တွေအမျိုးမျိုးနဲ့ ရပ်တည်နေတဲ့ ကမ္ဘာ့ကုလသမဂ္ဂအဖွဲ့အစည်းကြီးဟာ ဒုတိယကမ္ဘာစစ်ပြီး တဲ့နောက် တစ်ကမ္ဘာလုံး ကြီးနိုင်ငယ်ညှင်းကင်းစေဖုို့၊ လက်နက်အင်အားနဲ့ ပြည်သူကို မနှိပ်စက်ဖုို့၊ လူ့အခွင့်အရေး တွေဟာ အာဏာရှင်ရဲ့ လက်နက်အောက်မှာ ပြားပြားဝပ်ပျောက်ကွယ်မနေအောင်လုို့၊ ဒုက္ခသည်တွေကို ကူညီဖုို့၊ သဘာဝဘေးတွေကို ကာကွယ်ဖုို့၊ ကျန်းမာရေးအသိတွေ၊ စားနပ်ရိက္ခာတွေနဲ့ ကမ္ဘာသူကမ္ဘာသားများ ပြည့်စုံဖုို့ စတဲ့ အင်မတန်ကိုများပြားတဲ့ ဆိုင်းဘုတ်ခွဲတွေထောင်ပြီး လုပ်ခဲ့၊ လုပ်နေဆဲ။

          ဒါပေမယ့် ဘာကြောင့်များ လက်နက်တွေ ဆန်းသစ်တီထွင်တပ်ဆင်နေပါလိမ့်။ ဘာ့ကြောင့်များ အာဏာရှင်က ခုထိအနိုင်ကျင့်ချယ်လှယ်နေပါလိမ့်။
ပြည်သူတွေဟာ ဓာတုလက်နက်တွေရဲ့ ဆိုးကျိုးကိုခံနေရပါလိမ့်။ စစ်သွေးကြွအုပ်စုများက ဟိုတစ်ဒေါင့် ဒီတစ်ဒေါင့်ကနေ လူ့အသက်ကို ရန်စနေပါလိမ့်။
တောင်ကြိုအုံကြားမှာ နေထိုင်ပြီး ဘာကြောင့်များ ကိုယ့်ကြမ္မာကိုယ်ဖန်တီးခွင့်ရအောင် လက်နက်ကြီးငယ်ကိုင်ဆောင်ပြီး တိုက်ပွဲတွေ ၀င်နေကြပါလိမ့်။
ဒီတော့ ကမ္ဘာ့ကုလသမဂ္ဂအဖွဲ့ကြီးရဲ့ ဆိုင်းဘုတ်တွေဟာ လက်နက်တွေ၊ အာဏာရှင်တွေ၊ စစ် သွေးကြွအုပ်စုတွေ၊ သောင်းကျန်းသူလုို့ အမည်တပ်ခံထားရသူတွေရဲ့ သရော်ပြုံးကို ခံနေရပါရော့လား။
 ဘာကြောင့်လဲ။ ညီညွတ်မှုကို အာဏာနဲ့ ၀ါဒက ဖြိုခွင်းလိုက်လို့ပါ။

          စေတနာပဓာနဆိုတာ သိပေမယ့် စေတနာကို သိနားလည်တဲ့ လူတွေကြားမှာပဲ တန်ဖိုးရှိပြီး၊ နားမလည်တဲ့ လူတွေကြားမှာတော့ သတ္တ်ိကြောင်တယ်လို့၊ ဆင်ခြင်ဥာဏ်မရှိတဲ့ ခတ်တုံးတုံးလူတစ်ယောက်လုို့ အထင်ရောက် စေတာ အမှန်ပါပဲ။
 စေတနာပဲရှိပြီး အလုပ်မမြောက်ပြန်လည်း စေတနာဆိုင်းဘုတ်ကို ပြန်ပြီးသာ သ်ိမ်းလိုက်ပါတော့လေ။
တစ်စုံတစ်ရာသော ဆိုင်းဘုတ်ဟာ ကိုယ့်သမိုင်းကို ရေးနေတာပါပဲ။

          ဆိုင်းဘုတ်တင်မှတော့ တာဝန်ရှိလာပြီပေါ့။ ဆိုင်းဘုတ်တိုင်းဟာ တစ်နည်းတစ်ဖုံတော့ အရာရောက်လုို့ တင်ကျန်ရစ်တာပါ။
အရာမရောက်ရင်တော့ သိပ်မကြာတဲ့ကာလမှာ ဆိုင်းဘုတ်လေး အမှိုက်ပုံထဲရောက်ပြီပေါ့။
လူတစ်ယောက်က ဆိုင်းဘုတ်တစ်ခုအောက်ကို တိုးဝင်တာပဲဖြစ်ဖြစ်၊ သူကိုယ်တိုင်က ဆိုင်းဘုတ်ထောင်တာပဲဖြစ်ဖြစ် စဉ်းစားရမှာက ကိုယ်နဲ့ထိုက်တန်ရဲ့လား။
မုန့်ဟင်းခါးဆိုင်လုို့ ဆိုင်းဘုတ်ထောင်ပြီး ချဲထီရောင်းနေရတာမျိုးက သမိုင်းမလှပါဘူး။

          ကိုယ့်ဆိုင်းဘုတ်လေးနဲ့ကိုယ် အလုပ်လုပ်တဲ့အခါ ကိုယ့်အလုပ်သာ အဓိကဖြစ်ဖုို့လိုပါတယ်။
သူများတွေရဲ့ ဆိုင်းဘုတ်က ကိုယ့်ဆိုင်းဘုတ်လောက်အရေးမကြီးဘူးလုို့အထင်ရောက်ပြီဆိုရင် ထမင်းဝိုင်းမှာ ထမင်းဖြူလေး အရေးပါသလို ငါးပိရည်နဲ့တုို့စရာကလည်း တစ်နည်းတစ်ဖုံ အရေးပါပါတယ်။ ထမင်းဖြူချည်းမစားနိုင် သလို ငါးပိရည်ချည်းလည်း စားလုို့ မရပါဘူး။
ထမင်းမနင်စေဖုို့ ချဉ်ရည်လေးမတည်နိုင်ရင်တောင်မှ သောက်ရေတစ် ခွက်ကတော့ မပါမဖြစ်ပါဘူး။
ဒါပေမယ့်လည်း ကိုယ့်မစင် ကိုယ်တန်ဆာဆင်မနေဖုို့တော့ အရေးကြီးသမှ။ နိုို့မုို့ဆို တစ်ဘ၀လုံးဟာ မီးဖိုချောင်ဆိုင်းဘုတ်အောက်က လူတစ်ယောက်ပဲ ဖြစ်သွားမှာ အမှန်ပဲလေ။

          ကိုယ့်အကျင့်သိက္ခာနဲ့ တင်ထားတဲ့ ဆိုင်းဘုတ်က သင့်တင့်မျှတရဲ့လား။ သင့်တင့်မျှတမှုမရှိတဲ့အခါ ဆိုင်းဘုတ် တန်ဖိုးက ဟိုးအောက်ကို ၀ုန်းခနဲလျှောကျသွားမှာ အမှန်ပဲ။
ကိုယ့် ဆိုင်းဘုတ်အပေါ် ဘယ်လောက်များ တာဝန်ကျေကြပြီလဲ။ သက်ဆိုင်တဲ့ အလုပ်ကို မလုပ်ဘဲ ကျော်ကြားမှုကို လိုက်ပြီး အလုပ်တွေလုပ်နေရင် ခက် ခက်ရချည့်။
 မူလ အလုပ်က ဘယ်သူလုပ်မတုန်းပေါ့… စဉ်းစားစရာ။

          ဆိုင်းဘုတ်ကတော့ ခန့်ခန့်ထည်ထည်။ အမည်နာမကလည်း လေးစားလောက်စရာ။
 နုတ်ထွက်စကားက ကျွန်တော်နေမကောင်းလို့ ဆေးသောက်ထားလုို့ အမတ်တွေ ဆွေးနွေးတဲ့အခါ တက်တက်ကြွကြွလေး ဆွေးနွေးပါ ဆိုတဲ့ စကားမျိုး။ ရောက်နေတဲ့ပတ်ဝန်းကျင်၊ ရှိနေတဲ့အနေအထား၊ ပြောရမယ့်စကားက လွဲနေသယောင်ယောင်။
လက်ဖက်ရည်ဆိုင်စကားဝိုင်းက စကားမျိုးက လက်ဖက်ရည်ဆိုင်ထဲမှာ ပြောရမှာလေ….. ခက်ရချည့်သေးရဲ့။ ဒီမြေတွေကိစ္စ လျော်ကြေးတွေပေးပြီးလည်း မပြေလည်၊ ဒီဌာနသွားတော့ ဟိုဌာနပုတ်လွှတ်လုို့ ကျွန်တော့်မှာ ညအိပ်မပျော်လုို့ အိပ်ဆေးသောက်အိပ်ရသတဲ့ ….. လွှတ်တော်အမတ် လုပ်ငန်းရှင်ကြီးရဲ့စကား။
သူအိပ်ပျော် အောင် ဥပဒေကို ပြဌာန်းလိုက်ရှာပေတော့လုို့ ရေးရသားရ တင်ပြရတော့မလိုလို……။  အော် ဆိုင်းဘုတ်အောက် သူ့ ဒုက္ခ။

          တိုင်းပြည်နောက်ကျကျန်ရစ်တယ်လည်းဆိုရဲ့။ ကိုယ်တင်ထားတဲ့ အလုပ်တစ်ခုကိုမှ ထိထိရောက်ရောက် မရှိ။ သူများ ဆင်ခြေထောက်ကာကွယ်ဆေးကျွေးတော့ ကိုယ်လည်းလိုက်ပြီး ကာကွယ်ဆေးတစ်မျိုးကျွေးရတန် ကောင်းရဲ့။
ရပ်ကွက်ထဲ အော်လံနဲ့လှည့်၊ တစာစာခေါ် လုပ်တော့ လူသိရှင်သိ။ တစ်ခြားဆိုင်းဘုတ်ရှင်တွေ ပန်းခွေချတော့ ငါလည်း နောက်ကျသွားရင်ဆိုတဲ့ အတွေးနဲ့ ပန်းခွေများချလိုက်ရတော့ အစဉ်အလာနဲ့ ပန်းခွေချတဲ့ လူတွေကို စုတ်သတ်နေချိန်မှာ ကိုယ်ကတော့ မဆိုင်တာလုပ်တော့ ခံပေါ့ကွာ ဆိုတဲ့ ပြစ်တင်တဲ့စကားအပြင် ဘာမှ မကျန်ရစ်ပါဘူး။

          စာသင်တဲ့ဆရာမ .. .. အထက်တန်းကျောင်းဆိုင်းဘုတ်အောက်က တာဝန်တွေ တိုင်းပြည်တိုးတက်ဖုို့ ကျေပြီလား။
သီချင်းတွေဆိုတဲ့ အဆိုတော်…. သီချင်းလေးနဲ့ ဒုက္ခသည်တွေအတွက် ရံပုံငွေရှာပြီးပြီလား။ လူမှုအသင်းအပင်းဆိုင်းဘုတ်အောက်ကလူတွေ လူမှုရေးအတွက် ဘာတွေလုပ်ပြီးပြီလဲ။
ဒါမှမဟုတ် လုပ်ရမှာက လူမှုရေးကိစ္စ၊ လုပ်နေတော့ အမြတ်ထုတ် နိုင်ငံရေးလား။ သစ်ပင်ပဲစိုက်တော့မလိုလို၊ ကာကွယ်ဆေးတွေပဲ တိုက်တော့မယောင်ယောင်၊ အမှိုက်တွေပဲ ကောက်တော့မယ့်ဟန် (ကောက်ပါရဲ့နဲ့ ခွင့်မပြုတာ လက်ဝါးကြီးအုပ်မှု) တရားစီရင်ရေးကိုပဲ ခုချက်ခြင်း အရောင်ပြောင်းတော့မယ့်ဟန်၊ စာပေလွတ်လပ်ခွင့်အတွက်ပဲ တိုက်ပွဲဝင်တဲ့သဘော ဖြစ်နေရင်တော့ ကိုယ့်ဆိုင်းဘုတ်က ယောင်တောင်တောင်ဆိုင်းဘုတ်ဖြစ်သွားမှာ အမှန်ပါပဲ။

          ကိုယ့်အလုပ်က ဘာလဲ ဆင်ခြင်လိုက်ကြပါစုို့။ တိုက်သစ်ဆောက်ရတာ လွယ်ပါတယ်။ တိုက်ဟောင်းကို ပြိုလုနီးနီးဖြစ်နေတဲ့ တိုက်ဟောင်းကို ပြုပြင်ရတာခက်ပါတယ်။
အမိုးကိုပြင်ဖုို့ပဲ အားထုတ်နေရင် ကြမ်းကျွံလုို့ အိမ်ပြို ဒုက္ခ လှလှကြီးတွေ့မှာပေါ့။ နံရံကိုပဲ ပြင်ဖုို့အားထုတ်ရင်လည်း အမိုးပြိုလုို့ မတွေးရဲစရာ။
 ဒီတော့ အမိုး ပြင်တဲ့လူကပြင်၊ ကြမ်းကို တိုင်ထောက်တဲ့လူက ထောက် ဟန်ချက်ညီညီ ပြုပြင်ပါမှ တိုက်အိုတိုက်ဟောင်းလေး ပြန်လည် သစ်လွင်လာမှာပေါ့။

          ဒီတော့လည်း ………… ဆိုင်းဘုတ်အောက်ကလူများ ပင်ပန်းလှပါတယ်။

    ဘာရာဒွါဂျာ (မြန်မာပြည်)

 



.

ငါးတန်း ABC သမား၊ ငါးပုဒ်ကျက် ဘွဲ့ရနဲ့ မြန်မာပြည်ပညာရေး

Wednesday, September 25, 2013 0 comments

 ~




ပြီးခဲ့တဲ့ရက်ပိုင်း ဥရောပခရီးစဉ်မှာ ဒေါ်အောင်ဆန်းစုကြည်က ဒီမိုကရေစီနဲ့ ပညာရေးဆိုင်ရာတွေ ပုို့ချတယ် ဆိုတဲ့ သတင်းတစ်ပုဒ် ဖတ်လိုက်ရပါတယ်။



သတင်းဆိုတော့လည်း ပုို့ချချက်ထဲက ကောက်နုတ်ပြီး ဖော်ပြထားတာပါပဲ။ ပညာရေးလုို့ဆိုလိုက်ရင် ကျွန်မမှာ ကျောစိမ့်လှပါတယ်။
စာသင်တဲ့ ဆရာမ တစ်ယောက်အတွက် ပညာရေးဟာ အသက်မွေးဝမ်းကျောင်းမှုတစ်ခုဖြစ်သလို၊ ဘ၀ရဲ့ တစ်စိတ်တစ်ပိုင်းလည်း ဖြစ်ပါတယ်။
ပညာရေး နိမ့်ကျတယ်ဆိုရင် ကျွန်မတုို့လည်း နိမ့်ကျခြင်းရဲ့ တရားခံများဖြစ်ပါတယ်။

            တစ်ခါတစ်လေ တရားခံတိုင်းဟာလည်း တရားခံဖြစ်ချင်လွန်းလုို့ မဟုတ်ပါဘူး။ တရားခံဖြစ်အောင် တွန်းပုို့လုို့ တရားခံဖြစ်သွားတာတွေ အများကြီးပါ။
ဒီလိုပါပဲ ကျွန်မတုို့လည်း ခေတ်စနစ်က ကောင်းကောင်းကြီး တွန်းပုို့ခံလိုက်ရတဲ့ တရားခံတွေပါ။
ကျွန်မတုို့က တော်လှန်ရေးကောင်စီခေတ်က ကျောင်းသားကျောင်းသူအစစ်တွေပါ။ ငါးတန်း ရောက်မှ အေ၊ ဘီ၊ စီ၊ ဒီ သင်ရတဲ့ မျိုးဆက်တွေပါ။
တက္ကသိုလ်ဝင်တန်းရောက်တော့လည်း သိပ္ပံ၊ ၀ိဇ္ဇာဘာသာတွဲကို အဋ္ဌမတန်းမှာ မခွဲတော့ဘဲ ပေါင်းပြီး ဇီဝဗေဒကို ဖြုတ်ပြီး ရှစ်ဘာသာသင်ယူခဲ့ရတာ မြန်မာလိုချည်း သင်ရတဲ့အတွက် သင်သမျှဘာသာရပ်တွေနဲ့ ပတ်သက်ပြီး အခြေခံလောက်ကိုတော့ ခုထိပြောနိုင်သေးပါတယ်။
တနည်းအားဖြင့် ခေါင်းထဲဦးနှောက်ထဲ ကျန်နေတယ်။ မြန်မာစကားပဲပြောတဲ့ ငါးတန်းက စပြီး အင်္ဂလိပ်စာ စသင်ရတဲ့အတွက် မြန်မာလိုသင်တဲ့ ဘာသာရပ်များရဲ့ သဘောတရားဟာ ခုထိကျန်နေခဲ့တယ်လုို့ အောက်မေ့ပါတယ်။

          တက္ကသိုလ်ရောက်တော့လည်း အဓိကယူတဲ့ ဘာသာရပ်ရော၊ တခြားတွဲယူရတဲ့ ဘာသာရပ်တွေ အားလုံး မြန်မာလိုပဲသင်ရပါတယ်။
ဒါ့ကြောင့်လည်း လွန်ခဲ့တဲ့ အနှစ်သုံးဆယ်က သင်ခဲ့တဲ့ ယုတ္တိဗေဒကို ခုထိနားလည် သဘောပေါက်နေသလို သမိုင်းကိုလည်း ကောင်းကောင်းသိပါတယ်။
မြန်မာလိုသင်၊ မြန်မာလိုနားလည်၊ မြန်မာလိုချရေးရတော့ အလွတ်ကျက်ရတာဆိုလုို့ ကဗျာစာကိုးတွေ၊ အဓိပ္ပါယ်သတ်မှတ်ချက်တွေလောက်ပဲရှိပါတယ်။
ဘာသာရပ်ကိုလည်း နားလည်၊ နားလည်တာကိုလည်း နားလည်သလိုချရေးနိုင်တဲ့ ဘာသာစကားဆိုတော့ ကျွန်မတုို့ အလွတ်မကျက်မှတ်ခဲ့ရပါဘူး။

          ကျွန်မတုို့ ဘွဲ့ရပြီးတော့ န၀မတန်းကစလုို့ ဘာသာရပ်တိုင်းကို အင်္ဂလိပ်လိုပြောင်းလဲလိုက်ပါတယ်။ န ၀ တ ခေတ်ပေါ့လေ။
ကျွန်မတုို့ မဟာသိပ္ပံကျမ်းပြုတွေ ဂျွမ်းထိုးခဲ့တဲ့နှစ်ပေါ့လေ။ ကျမ်းကို အင်္ဂလိပ်လို ပြုစုရပါပြီ။ ဘာသာရပ်တစ်ခုလုံးကို မြန်မာလိုသင်ခဲ့၊ မှတ်ခဲ့၊ ဖြေခဲ့တဲ့သူတွေကို တွေးကြည့်ရင် ကိုယ်ချင်းစာနိုင် ပါတယ်။ မဟာပညာရှင်များက ကျောင်းစာတွေကို အင်္ဂလ်ိပ်လိုသင်လိုက်ရင် ပညာရေးအဆင့်မြင့်သွားတယ်လုို့ အထင်ရောက်ပုံရပါတယ်။
ခု ကျွန်မတုို့ ငါးတန်း အေ၊ ဘီ၊ စီ၊ ဒီ သမားတွေ သက်ဆိုင်ရာဘာသာရပ်တွေရဲ့ ပါမောက္ခကြီးတွေ ဖြစ်နေပါပြီ။

          ကျွန်မတုို့က သင်လိုက်တဲ့ တပည့်သားတွေက နည်းပြလောက်ဖြစ်ပြီး၊ မူလတန်းဆရာမလောက်လည်း ဖြစ်နေပါပြီ။
ငါးတန်း အေ၊ ဘီ၊ စီ သမားတွေရဲ့ တပည့်တွေ ဆရာပြန်ဖြစ်တဲ့အချိန်မှာ အဲဒီတပည့်တွေက စုစုပေါင်း တနှစ်ခွဲလောက် တက္ကသိုလ်ပညာရေး၊ တနည်းအားဖြင့် ငါးပုဒ်ကျက်ဖြေ တက္ကသိုလ်ပညာရေးစနစ်နဲ့ ဘွဲ့ရခဲ့သူတွေပါ။

          ငါးတန်း အေ၊ ဘီ၊ စီ သမားက ပါမောက္ခဖြစ်ချိန်မှာ ငါးပုဒ်ကျက် ဘွဲ့ရသမားများက ဆရာမ ဖြစ်နေပြီပေါ့။

အဲဒီ့ဘွဲ့ရတွေဟာ ငါးတန်း အေ၊ ဘီ၊ စီ သမားက အင်္ဂလိပ်လို သင်လိုက်တာကို ခံယူခဲ့သူများပါ။
ကျွန်မတုို့ခေတ်မှာ မြန်မာလိုသင်ရတဲ့အတွက် သင်ဆိုင်ရာ ဘာသာရပ်ကိုတော့ ကောင်းကောင်းကြီးကို တတ်ကျွမ်းနားလည်ခဲ့ရပါတယ်။
ဒါပေမယ့် ကျွန်မတုို့ ပို့ချရတဲ့အခါကျတော့ ဘာသာရပ်ကို အင်္ဂလိပ်စာနဲ့ ရေးသားထားပြီး နားလည်အောင်ရှင်းပြ လက်ချာပေးတာကတော့ ဗမာလိုပါ။
ပုို့ချသူက ဘာသာရပ်ကို နားလည်အောင်ရှင်း ပြနိုင်ပေမယ့် အင်္ဂလိပ်ဘာသာစကားအနက်ကို ပြန်နေရတာနဲ့ အချိန်ကုန်တော့ ဘာသာရပ်ဟာ မှေးမှိန်သွားသလိုများ ဖြစ်ခဲ့ဟန်တူပါတယ်။
အင်္ဂလိပ်ဝေါဟာရတွေကို ဘာသာပြန်ပေးနေသလိုဖြစ်တော့ ကျွန်မတုို့ ဘာသာရပ်ဆိုင်ရာ အတွေးအခေါ်၊ အယူအဆတွေထက် ကျောင်းသားကျောင်းသူများကလည်း ရှေ့မှာချထားတဲ့ အင်္ဂလိပ်လို ပြင်လိုက်ကြီးရေးထားတဲ့ စာပေါ်မှာ ခဲတံလေးတွေနဲ့ အဓိပ္ပါယ်ကိုသာမက အသံထွက်ကိုပါ မြန်မာလို စာလုံးပေါင်းပြီး မှတ်ရရှာပါတယ်။ 
ပုို့ချလိုက်တဲ့ သဘောတရားတွေ၊ ရှင်းပြချက်တွေဟာ သာမညဖြစ်သွားပြီး ရေးထားတဲ့ ဘာသာစကားက ရှေ့ရောက်သွားသလိုဖြစ်သွားတယ်လုို့ ကျွန်မမှာ အမြင်ရှိပါတယ်။

          ခုအဲဒီတပည့်များက ဆရာဖြစ်နေပါပြီ။ ငါးပုဒ်ကျက်ဘွဲ့ရများ ဆရာဖြစ်နေပါပြီ။ တက္ကသိုလ်အဆင့် ပညာသင်ယူမှုကို ဘာမှမရလိုက်တဲ့သူတွေပါ။ 
အခြေခံပညာကျပြန်တော့လည်း လူခြောက်ဆယ်၊ ခုနစ်ဆယ် ဆရာမတစ်ယောက်နဲ့ သင်ခဲ့ရတဲ့အပြင် အခန်းဆုံးတတ်မြောက်မှုစစ်ဆေးခြင်းတွေ၊ ကုစားစနစ်တွေ စသဖြင့် ဘာတွေ ဘယ်လိုဖြစ်ကုန်သလဲတော့ မသိပါဘူး။ တော်တော်ကို အူလည်လည် ဖြစ်နေတဲ့ ပညာရေးစနစ်ရဲ့ သားကောင်များဟာ ဆရာဖြစ်ကုန်ကြပါပြီ။

          ရန်ကုန်နာရေးကူညီမှုအသင်းမှာ ဆရာမွမ်းမံသင်တန်းလေး လုပ်စဉ်က ဘုန်းတော်ကြီးပညာသင်ကျောင်းတွေက ဆရာ၊ ဆရာမတွေ နဲ့ တွေ့ဆုံရတဲ့အခါ သက်ပြင်းသက်မ ရှိသမျှ အကုန်ချလိုက်ရ ပါတော့တယ်။ ပထမဦးဆုံးသိလိုက်ရတာက သူငယ်တန်းအင်္ဂလိပ်စာသင် ဆရာ၊ ဆရာမများရဲ့ အဖြစ်သနစ်ကိုပါ။
မွမ်းမံသင်တန်းကိုလာရောက်တက်သူများက သူငယ်တန်းကနေ စတုတ္ထတန်းအထိသင်ကြားနေတဲ့ ဆရာ၊ ဆရာမ နှစ်ဆယ်ကျော်၊ အစိတ် ၊ သုံးဆယ် အရွယ်လောက်တွေပေါ့။

            စာသင်ခန်းထဲကို ကျွန်မ ပန်းသီးအနီလေးတစ်လုံး ယူသွားပါတယ်။ သူငယ်တန်းအင်္ဂလိပ်စာက ဝေါဟာရ သက်သက်နဲ့ပဲ ဖွဲ့စည်းထားတာပါ။
ဝါကျတစ်ကြောင်းမှ မပါပါဘူး။ a for apple နဲ့စတဲ့ ပြဋ္ဌာန်းချက်ပါ။ ကျွန်မက ပန်းသီးလေးကိုပြပြီး a for apple နော်လုို့ ဆိုတဲ့အခါ ဆရာ၊ ဆရာမတွေက ရယ်ပါတယ်။
ဒီတော့ ကျွန်မက ပန်းသီးလေးနဲ့ပါတ်သက်ပြီး ဆက်ပြောပါလုို့ဆိုတဲ့အခါ အားလုံးသော ဆရာ၊ ဆရာမတွေက အူကြောင်ကြောင် ဖြစ်သွားပါတယ်။
ဘယ်သူ့ဆီကမှ ဘာအသံမှ ထွက်မလာပါဘူး။ ဗမာလိုပြောပါ ဒီပန်းသီးလေးအကြောင်းလေလုို့ ဆိုတော့ ဘာမှမပြောဘဲ အချင်းချင်း တီးတိုးစကားဆိုကြပါတယ်။
ဒီတော့ ကျွန်မက ပန်းသီးလေးက နီတာပေါ့ လုို့ ဆိုလိုက်တော့လည်း မျက်နှာလေးတွေက ကျွန်မပေးတဲ့ အချက်အလက်ပေါ်မှာ ဘာမှန်းမသိပါဘူး။
အဲဒါကိုပဲ အင်္ဂလိပ်လိုပြောကြည့်ပါဦးဆိုတော့လည်း ဒီအတိုင်းပါပဲ။

          ပန်းသီလေးနီတယ်။ ပန်းသီးလေး ချိုတယ်။ ပန်းသီးလေးက အလုံးလေးဖြစ်တယ်။ ပန်းသီးလေးက အသီးအနှံဖြစ်တယ်။
ဒီလိုလေး မြင်ပြတော့ ဟုတ်ပေသားပဲ လုို့ ဆိုချင်တဲ့၊ လင်းလက်လာတဲ့ မျက်ဝန်းတွေကို တွေ့ရပြန်တော့ ရင်ထဲ ငိုချင်ချင်ဖြစ်ခဲ့ပါတယ်။
ဘာမှ မတွေးတတ်တော့ပါလား လုို့ စဉ်းစားမိပါတယ်။ သူတုို့ သင်ယူစဉ်က ဆရာမကလည်း စာအုပ်ကိုကိုင် အင်္ဂလိပ်လိုရေးထားတာကို ဘာသာပြန်ပြ၊ သူတုို့က အလွတ်ကျက်၊ စာမေးပွဲဖြေ၊ အတန်းတက်နဲ့ ဘွဲ့ရသွားတာကိုး။

          အခုပညာရေးနိမ့်ကျတယ်လုို့ဆိုကြတယ်။ ကျွန်မတုို့ ပညာရေးစနစ်ကို ဘယ်လိုမြှင့်တင်မှာပါလဲ။ ဘယ်လိုပုို့ချချက်တွေ ပြင်ဆင်ပြီး ဒီဆရာ၊ ဆရာမတွေကို မွမ်းမံမှာပါလဲ။
ကျွန်မတုို့ မုန့်လုံးစက္ကူကပ်တော့မှာလား။

၁၉၈၈ နောက်ပိုင်း န ၀ တ ခေတ်မှာ  ကျွန်မတုို့တိုင်းပြည်က စက်မှုလက်မှုအထက်တန်းကျောင်းတွေ ပျောက်ကွယ်သွားပါတယ်။ အင်မတန် နှမြောစရာကောင်းတဲ့ ဖြစ်ရပ်ပါ။
လုပ်သားအစားထိုးမှုကြီးတစ်ခုလုံး ပျက်စီးသွားတာပါပဲ။ ကျွန်မတုို့ တက္ကသိုလ်တက်တဲ့နှစ်မှာ ပညာရေးဘွဲ့အတွက် ဆုံးရှုံးမှုက ဒီနေ့ထိ မမေ့နိုင်ပါဘူး။
ကျွန်မက အဲဒီ့ပညာရေးတက္ကသိုလ်ကို တက်ချင်သူမုို့ မမေ့နိုင်တာပါ။ ကျွန်မတုို့ဆယ်တန်းအောင်တဲ့နှစ်မှာ ပညာရေးဘွဲ့ဟာ ဘွဲ့တစ်ခုရပြီးမှ တက်လုို့ရမယ် လုို့ သတ်မှတ်လိုက်တဲ့အတွက် ကျွန်မ ဒီနေ့အထိတက် ရောက်ခွင့်မရပါဘူး။ ကျွန်မ ပထမဘွဲ့ရပြီးတဲ့နောက် ကျွန်မ မဟာဝိဇ္ဇာတက်ရောက်ခွင့်ရတဲ့အတွက် ပညာရေးတက္ကသိုလ်နဲ့ အလှမ်းဝေးခဲ့ရတာ အခုထိပါပဲ။ အခုထက်ထိလည်း တက်ခွင့်ရသေးရင် တက်ချင်ပါသေးတယ်။

          ဒီလိုဒီပုံဖြတ်သန်းခဲ့တဲ့ ပညာရေးစနစ်ကို နိမ့်ကျနေတဲ့အကြောင်းတွေပဲ မပြောတော့ဘဲ ပညာရှင်များက မြှင့်တင်ရမယ့် နည်းလမ်းကောင်းများ၊ အထူးသဖြင့် ဖြစ်နိုင်ချေရှိပြီးလက်တွေ့ကျတဲ့ နည်းလမ်းကောင်းများကို ရှာဖွေကြဖုို့ရာ အချိန်တန်ရုံမက နောက်များပင်ကျနေပါပကော။

 ဘာရာဒွါဂျာ (မြန်မာပြည်)

 



.

ဖော်ကောင် အလိုရှိသည်

Saturday, September 14, 2013 1 comments

 ~




ကိုယ်ရေးမယ့် ခေါင်းစဉ်လေးတော့ အတွေးရပါရဲ့။ မရည်ရွယ်စကောင်းတွေလည်း ရည်ရွယ်ရင်း ပါတန်သလောက်  ပါပါရဲ့။ စာပေဒေါသသင့်မှုဆိုတာလည်း စာသင်ခန်းထဲမှာကျန်ရစ်ခဲ့သလောက် ရှိပြီမို့ ဆရာမောင်ခင်မင်(ဓနုဖြူ)က ငါ့တပည့် ညံ့ချက်ကတော့ကွာ လို့ဆိုရင်လည်း ကန်တော့ကာ တောင်းပန်လိုက်ချင်ပါရဲ့။ ရင်ထဲက ကျိတ်ပြီးစောင့်လာတာမို့ တကယ့်ကို ဖော်ကောင်လေးများ အလိုရှိတာကိုလည်း ဆရာကြီးများ ခွင့်လွှတ်စာနာတန်ကောင်းပါရဲ့။


ဂျာအေးခမျာလည်း မှောင်မိုက်ထဲမှာ ငိုရရှာပေဦးမပေါ့

Monday, September 9, 2013 0 comments

 ~


"...လက်ငင်းဖြစ်ပွားနေသော ပြည်တွင်းစစ်တွင် တပ်မတော်မှ စစ်သားရဲဘော်သူငယ်လေးများ မည်မျှကျဆုံးသွားခြင်းကိုလည်း ပြောချိန်မတန်တော့ မည်သူ့နှင့်မျှ ထပ်တူထပ်မျှကြေကွဲခွင့်မရလိုက်ပါ..."
 


(စာအုပ်မိတ်ဆက်ပွဲတခုမှာ တွေ့ရတဲ့ ကိုကိုကြီးနဲ့လုပ်ဖော်ကိုင်ဘက်တချို့)


Where is the Life we have lost in living?
Where is the wisdom we have lost in knowledge?
Where is the knowledge we have lost in information?
~T.S. Eliot, The Rock, 1934

ရှင်သန်နေထိုင်မှုထဲက ပျောက်ဆုံးသွားသော ဘ၀က ဘယ်မှာပါလိမ့်။

ဗဟုသုတများစွာထဲက ပျောက်ဆုံးသွားသော အသိဥာဏ်က ဘယ်မှာပါလိမ့်။

သတင်းအချက်အလက်တွေများစွာထဲက ပျောက်ဆုံးသွားသော ဗဟုသုတတွေက ဘယ်မှာပါလိမ့်။

~T.S. Eliot, The Rock, 1934


            ဤဆောင်းပါးလေးကို မစခင် ကျွန်မမှာ အဆိုအမိန့်လေးတစ်ခုလောက်ကို စဉ်းစားရသည်။ ဆောင်းပါးလေးကို အဆိုအမိန့်လေးတစ်ခုဖြင့် စချင်သည်ကိုး။ အဆိုအမိန့်တွေကို စုဆောင်းထားသည့် ဖိုင်လေးထဲရှာလိုက်သည့်အခါ တွေ့လိုက်သော အထက်ပါအဆိုအမိန့်လေးကို မက်မက်မောမောကူးယူခဲ့သည်။ ကျွန်မရေးမည့် အကြောင်းအရာလေးနှင့် လိုက်ဖက်လွန်း လှသည်ကိုး။ အသက်ရှင်လျက်နှင့် ကျွန်မတို့ဘ၀ကပျောက်ဆုံးနေခဲ့သည်။ ဘ၀အကြောင်းပြောပါဆိုလျှင် ယောင်ချာချာမို့ အတ္ထုပ္ပတ္တိစာပေက မြန်မာ့စာပေလောကတွင် ပါးပါးလျလျ။ ဗဟုသုတတွေကြားမှာပင် အသိဥာဏ်ပညာ ကလည်း ပျောက်ဆုံးနေပြီမို့ အုပ်ချုပ်သူက လွတ်လပ်စွာစာပေလေ့လာခွင့်နှင့် မထိုက်တန်ဟု ထင်သည်မို့ မေ့ပစ်လိုက်ဖို့သာ။ သတင်းအချက်အလက်တွေကြားမှာပင် ဗဟုသုတက ဘယ်ရောက်သွားမှန်းမသိ။ သည်တော့လည်း လူတွေက ဆင်ခြင်တုံတရားကင်းလှသေးသည်ဟု အထင်အမြင်ရောက်လျှင်လည်း ခံပေတော့။

          ဒီမိုကရေစီခေတ်တွင် ပြည်သူတို့ ပညာဥာဏ်ဖြင့် မပြည့်စုံလျှင် ခက်ခက်ရချည်သေးရဲ့ ဟူသော အတွေးက စမိသည်မှာ ကြာလှချေပြီ။ တလောဆီက ဆရာဖေမြင့်ရေးသော ဆောင်းပါးလေးကို ဖတ်မိစဉ် ထိုအတွေးက ပို၍ ရှည်လာသလို ပိုမိုလည်း ခိုင်မြဲလာခဲ့ပါသည်။ စာနယ်ဇင်းလွတ်လပ်ခွင့်နှင့်စပ်လျဉ်း၍ ဆရာဖေမြင့်က သိကြားမင်းစည်းစိမ်ကို အကြိမ်ကြိမ်ခံစားပြီးကာမှဆိုလျှင် ဆောင်းပါးတွင် ပြန်ကြားရေးဝန်ကြီးဌာန၊ ၀န်ကြီး Park Royal တွင်ပြုလုပ်သော စာနယ်ဇင်းဆိုင်ရာ ရှင်းလင်းချက်ကို ဝေဖန်ရေးသားခဲ့သည်။ လွတ်လပ်ခွင့်၊ လုံးဝလွတ်လပ်ခွင့်၊ စိတ်ထင်တိုင်း လွတ်လပ်ခွင့် စသည်တို့အပေါ် ဝေဖန်ရေးသားခဲ့ပါသည်။ လွတ်လပ်ခွင့်အတိုင်းအတာကို ကျွန်မတို့ဝန်ကြီးများက ဘာနှင့်တိုင်းတာ  ဘယ်ပုံဘယ်နည်း ဆုံးဖြတ်ချက်တွေချဦးပါလိမ့်။

          ရာဇ၀င်က စာတင်သည်ဟုဆိုလျှင် ယခင်ကလည်း ဒီမိုကရေစီကို ပေးချိန်တန်မှ ပေးမည်၊ ဒီမိုကရေစီနှင့် မထိုက်တန်သေး ဆိုသကဲ့သို့စကားများ ကြားဖူးခဲ့ပါသည်။ မှတ်မှတ်ရရ ဗိုလ်ချုပ်ကြီးဟောင်း ခင်ညွှန့်အား ဖမ်းဆီးချိန်တွင် ထုတ်ပြန်လိုက်သော သတင်းစာစာအုပ်ငယ်မှ ဗိုလ်ချုပ်ကြီးဟောင်းခင်ညွှန့်အား ဖမ်းဆီးချုပ်နှောင်ရသည့်ကိစ္စကို ပြောချိန်တန်လျှင် ပြောမည်ဖြစ်ကြောင်းဟု ဆိုခဲ့သော်လည်း ယခုထက်တိုင် ပြောချိန်မတန်သေး၍ ကျွန်မတို့ ပြည်သူများ မသိရပါ။ ဟံသာဝတီဦးဝင်းတင်၏ အကျီအပြာကြီးဝတ်နေဆဲ ကိစ္စ ဖြေရှင်းချိန်မတန်သေး၍ပင် မသိရသေးဟုထင်မြင်ပါသည်။ လက်ငင်းဖြစ်ပွားနေသော ပြည်တွင်းစစ်တွင် တပ်မတော်မှ စစ်သားရဲဘော်သူငယ်လေးများ မည်မျှကျဆုံးသွားခြင်းကိုလည်း ပြောချိန်မတန်တော့ မည်သူ့နှင့်မျှ ထပ်တူထပ်မျှကြေကွဲခွင့်မရလိုက်ပါ။

          တစ်ချိန်တစ်ခါက ဒီမိုကရေစီနှင့် မထိုက်တန်သေးသဖွယ် အကြီးအကဲဟုဆိုအပ်သော သူတို့ပြောစဉ်ကလည်း ထိုသူက သန်း၆၀မျှသော ပြည်သူလူထုကို ရည်ရွယ်သည်။ ထို့ကြောင့် ကျွန်မလည်း ဒီမိုကရေစီနှင့် မထိုက်တန်သောသူအဖြစ် ခံစားရသည်။ အနှီ အကြီးအကဲက ပြည်သူဘယ်နှယောက်နှင့်တွေ့ဆုံပြီး၊ မည်သည့် အခြေခံ လူတန်းစားထဲတွင် ကျင်လည်ပြီး ဤသို့သောမှတ်ချက်ကို ချပါသနည်း။ သေချာသည်ကတော့ ထိုအကြီးအကဲ၏ ဇနီး၊ သားသမီးများ၊ သူ၏ ကိုယ်ရေးအရာရှိ၊ သူနှင့် ဆက်နွယ်ပတ်သက်သော အကြီးအကဲများကိုသာ လေ့လာရင်း ဖြစ်ပါလိမ့်မည်။ ထိုအကြီး အကဲများ တိုင်းခန်းလှည့်လည်ခြင်းသဘာဝသည်လည်း ပြောတတ်သောပါးစပ်သာရှိပြီး နားထောင်တတ်သောနား မရှိ သော သဘာဝသာဖြစ်သည်ကို ရိပ်စားမိပါသည်။

          လူငယ်တွေစာဖတ်ပါ ဟု တစာစာပြောနေသော ပညာရှင်ကြီးများ အနေနှင့်လည်း မသေးလှသော စာအုပ်တန်ဖိုးကို ရိပ်စားမိသင့်သည်။ စာကြည့်တိုက်ဟူ၍ ရန်ကုန်မြို့ကြီိးပေါ်တွင် မရှိသလောက် ရှားသည်ပင်။ လွန်ခဲ့သောနှစ်များဆီက ရပ်ကွက်ရုံးများတွင် စာကြည့်တိုက်များထားရန် လမ်းညွှန်သည်ထင့်။ ကျွန်မတို့ ရပ်ကွက်ရုံးက စာကြည့်တိုက်ဖွင့်သည်။ စာကြည့်တိုက်အမည်ကို ကျွန်မကပေးသည်။ သုခရတနာ ဟူ၍။ မနေ့ညက ဤဆောင်းပါးကိုရေးရန် ရပ်ကွက်ရုံးသို့သွား ခဲ့သည်။ စာကြည့်တိုက်ဆိုင်းဘုတ်က ဘယ်မှာ မသိ။ ရုံးကလည်း ဖုန်အလိမ်းလိမ်း၊ စားပွဲပေါ်တွင် နွမ်းကျေလျက် ဆီများစွန်းနေသော စာစောင် လေးငါးစောင်၊ ခြင်းစုတ်ထဲတွင် ဟောင်းနွမ်းနေသော အပျော်ဖတ်ဝတ္ထုစာအုပ်အချို့က ဖရိုဖရဲ၊ ထိလိုက်တော့ ဖုန်များက လက်ညှိုးတွင် ကပ်ပါလာသည်မှာ ခပ်မည်းမည်း။ ထိုင်ခုံက ကြိမ်က ပေါက်၊ စားပွဲက ချေးလက်သေးသစ်နှင့် တတောင် ထောက်ချင်ဖွယ်မရှိ။
ရန်ကုန်မြို့ ဗြိတိသျှသံရုံးစာကြည့်တိုက်ကတော့ လေအေးစက်နှင့် အခင်းအကျင်းက ငြိမ်သက်သန့်ရှင်းစွာ။ သို့သော် အသင်းဝင်ကြေးက ဒေါ်လာနှင့်။ ဖတ်ရမည့်စာအုပ်ကလည်း အဘိဓာန်ပါမှ။ ဖတ်နေသည့်လူငယ်အများစုကလည်း တိုင်းတစ်ပါးသို့အပြေးနှင်ပြီး ဘ၀အနာဂတ်ကို ရှာမည့်သူများချည်း။ ၁၉၆၂ခု မတိုင်မီ ပညာဆည်းပူးခဲ့သော လူကြီးများကလည်း စာအုပ်ကိုယ်စီနှင့်။ တိုင်းပြည်လူဦးရေနှင့်ယှဉ်သော် ထိုသူများက ရာခိုင်နှုန်းမည်မျှရှိမည်ကို ကျွန်မ လုံးဝ မတွက်တတ်ပေ။ အော် … ဒုက္ခ။

          လူဦးရေ သန်း၆၀မျှရှိသော မြန်မာနိုင်ငံတွင် စာအုပ်တစ်အုပ်ကို ထုတ်ဝေလျှင် အုပ်ရေ နှစ်ထောင်မျှ။ ယခု ထောင်အတွေ့အကြုံစာအုပ်များကတော့ ရောင်းကောင်းဟန်တူပါသည်။ ခဏလေးဖြင့် ကုန်သွားတတ်သည်။ တစ်ခါတုန်း က တက္ကသိုလ်ဘုန်းနိုင်၏ ၀တ္ထုစာအုပ်များက ရောင်းရအကောင်းဆုံးစာရင်းဝင်ခဲ့သည် ဟု ကြားဖူးသည်။ အုပ်ရေ နှစ်သောင်းလား၊ တစ်သောင်းလား။ ကျွန်မ မမှတ်မိပါ။ ကျွန်မတို့ဝတ္ထုစဖတ်သောခေတ်ဖြစ်သော်လည်း ကျွန်မတို့က ကြူမွှေးနှင့် ပျော်မွေ့ချိန်တွင် မိခင်က တက္ကသိုလ်ဘုန်းနိုင်၏ အမာခံပရိသတ်။ ပြည်သူကို ချိန်ထိုးချင်လျှင် တိုင်းပြည်တွင် ရောင်းရတွင်ကျယ်သော စာအုပ်နှင့် ချိန်ထိုးခြင်းသည် အကောင်းဆုံးဖြစ်မည်လား။ သို့မဟုတ် ခေတ်အလျောက်ပေါ်ပေါက်လာသော တေးဂီတဖြင့် ပြည်သူကို ချိန်ထိုးမည်လား။ ၀တ်စားဆင်ယင်မှုဖြင့် ချိန်ထိုးလျှင် အနှီ အကြီးအကဲ ညကလပ်ပွဲကို ရောက်ရမည်။ ဟင်းလျာဈေးတန်းကို လျှောက်ရမည်။ စူပါမားကက်ကြီးများကို လှည့်ရမည်။ ရုပ်ရှင်ရုံအောက်သို့ ရောက်ရမည်။ မန်းမြို့တော်ကျုံးဘေးတွင်လည်း ညဥ့်နက်မိုးချုပ် ထိုင်ရမည်။ အစေအပါးကို လွှတ်၍ စနည်းနာမရ။ ဤသို့လွှတ်လိုက်လျှင်ဖြင့် တစ်ပါတီခေတ်က ဦးနေ၀င်းကိန်းဆိုက်ရုံအပြင်မရှိ။ အော် .. ဦးနေ၀င်းသည်ပင် လျှင် ၂၆နှစ်လုံးလုံး အဟုတ်မှတ်၍ လျှောက်လှမ်းနေသည်မှာ လူထုတစ်ရပ်လုံးအုံကြွမှ အဖြစ်မှန်ကိုသိရော့သည်ဟု ဆိုသည်ကိုး။

          လွန်ခဲ့သော ဆယ်နှစ်ကျော်ခန့်ကဟုအောက်မေ့သည်။ ထိုစဉ်က ကြံ့တောသုဿန်ကြီးရှိသေးသည်။ အသုဘက ပို့နေကျမို့ အခင်းအကျင်းကလည်း မျက်စိထဲတွင်စွဲထင်ပြီးသား။ သို့သော် ထိုအချိန်က ၀န်ကြီးတစ်ပါးကြွလာမည့် အသုဘကို ကျွန်မလည်းရောက်ခဲ့သည်။ ကြံ့တောအခင်းအကျင်းက မျက်စိထဲအဆန်း။ လမ်းတစ်လျှောက် ပန်းလေးများ ပွင့်လို့။ မြေချမည့် ခေါင်းရင်းပိုင်းတစ်လျှောက်လည်း ပန်းပင်လေးများက အပွင့်လေးများနှင့် စီစီရီရီဖြစ်နေသည်မှာ မျက်စိပသာဒဖြစ်ဖွယ်။ မှတ်မိသည်က ရွှတ်တတ်နောက်တတ်သော အစ်ကိုတစ်ယောက်က ပွင့်နေသောပန်းတစ်ပင်ကို တိတ်တိတ်နုတ်ကာ ကျွန်မကိုပြသည်။ ဘုရားသခင်… အမြစ်မရှိပါ။ ထိုအစ်ကိုက မနက်ကတည်းက မြေကျင်းတူးသည့် နေရာကို ရောက်နှင့်သူ။ ပန်းပင်များဟုခေါ်ဆိုအပ်သော အပွင့်ပါရိုးတံများကို လာစိုက်သူများကလည်း စိုက်နှင့်နေပြီ။ သူက ဘာအတွက်လည်းဟုမေးသည်။ ၀န်ကြီးလာမှာမို့ ဟုဖြေသည်။ ထိုစဉ်က စာပေလွတ်လပ်ခွင့်မရှိတော့ ကျွန်မလည်း မရေးရ။ ထိုဝန်ကြီးလည်း သိခွင့်မကြုံ။

          ယခုလည်း ပြန်ကြားရေးဝန်ကြီးက စာပေလွတ်လပ်ခွင့်ကို စိတ်ထင်တိုင်း လွတ်လပ်ခွင့်မရှိပါ ဟု ဆိုသည်။ အများ ပြည်သူအကျိုးငှာ အစိုးရသည် စာနယ်ဇင်းဆိုင်ရာ စည်းမျဉ်း၊ ဥပဒေများရေးဆွဲနိုင်သည်ဟု ဆိုသည်။ ဤသည်က အဓိက ရည်မှန်းချက်ဖြစ်သည့် စာနယ်ဇင်းသည် ထိန်းချုပ်ခံရမှုမှ လွတ်ကင်းရမည် ဟူသော၊ နိုင်ငံသားတို့သည် အကြောင်းအရာ တစ်ခုကို ဘက်စုံထောင့်စုံကြားသိနိုင်ရန် လိုအပ်သည် ဟူသော အဆင့်ကို မတက်လှမ်းနိုင်သေးသည့်အတွက် ကြားရည် မှန်းချက်သဘောထားကို ချမှတ်ရှင်းလင်းရခြင်းဖြစ်သည်။ တနည်း အဓိကရည်မှန်းကို ဖော်ဆောင်ရန် ပြည်သူ(စာနယ်ဇင်းဆရာများအပါအ၀င်) ကသော်လည်းကောင်း၊ လက်ရှိအစိုးရကသော်လည်းကောင်း မထိုက်တန်သေးသည့်သဘော ဟုသာမြင်ပါသည်။ လက်ရှိအစိုးရကပြောသည်ဖြစ်၍ ကိုယ့်ကိုယ်ကိုယ်တော့ မထိုက်တန်သေးဟု လူ့သဘာဝအရ တွေးမြင် မည်မဟုတ်ဟု ထင်ပါသည်။ ကျွန်မတို့ပြည်သူများကသာ ဆင်ခြင်ဥာဏ်၊ ဝေဖန်သုံးသပ်တတ်သည့်ဥာဏ်နည်းပါးသည် ဟု အထင်ရောက်၍သာ ဖြစ်ပါလိမ့်မည်။

          တဖန် ဆရာဖေမြင့်၏ "လူထုမှာလည်း ဥာဏ်ပညာရှိသည်ဆိုတာ လက်ခံဖို့လိုသည် "ဆောင်းပါးတွင်လည်း ဆရာက အာဏာပိုင်များ၏ သဘောထားကို ဖော်ပြထားသည်။ ပြည်သူများအားလုံးသည် ဥာဏ်ပညာရှိများအဖြစ် မှတ်ယူနိုင်သော  အနေအထားမျိုးတွင်သာ လွတ်လပ်စွာရေးသားခွင့်ကို အပြည့်အ၀ ကျင့်သုံးခွင့်ပြုသင့်သည် ဟူသော အာဏာပိုင်တို့၏သဘောထား။ လမ်းတွေမရှိဘဲ မပြင်ဆင်ဘဲ ကားတွေအများကြီး တင်သွင်းခွင့်ပြုထားသည့် အတွေးအ ခေါ် ပိုင်ရှင်များပေကိုး။ ကားကအရင်ရောက်၊ တံတားကနောက်ကလိုက်ထိုး။ လမ်းဖောက်တုန်းက မဆင်ခြင်၊ ကားတွေ တိုက်တော့မှ ပရိတ်ရွတ်ကြသူများကိုး။

          ဆရာ ဖေမြင့်က ဥာဏ်ပညာရှိ ဟုတ်၊ မဟုတ်ဆိုသော အတိုင်းအတာကို ရေးသည်။ ကျွန်မက သူတို့ အလို ရှိသော ဥာဏ်ပညာနှင့် ပြည်သူဖြစ်နည်းကို တွေးမိသည်။ ဥာဏ်ပညာသည် ပေါင်မုန့်တစ်လုံးမဟုတ်၊ ပေါင်မုန့် ၀ယ်စရာ ပိုက်ဆံရှိလျှင် ၀ယ်လိုက်နိုင်သည်။ ၀ါးစရာ သွားမရှိလျှင် သွားဖုံးဖြင့် ကျိတ်လိုက်ရုံ။ ဥာဏ်ပညာဆိုသည်က ပိုက်ဆံရှိလျှင်လည်း ၀ယ်လို့မရ။ အသနားခံ၍ တောင်းလို့မရ။ အော် ဒုက္ခ။

          ဥာဏ်ပညာလိုချင်လျှင် …. ပညာရှိဆီသွားလိုက်။ ကားလမ်းက ကြပ်သည်။ ခရီးစရိတ်က ကြီးသည်။  နောက် ညအိပ်ညနေ ဆည်းပူးလျှင် ဧည့်စာရင်းက တိုင်ရဦးမည်။ လူစုလျှင်တော့ ခုခေတ်မှာ ပြဿနာက သိပ်မရှိတော့။ ပညာရှိထံ ကျွန်မလို လူပြိန်းများက သွားမည်ဆိုတော့ လူကများမည်။ ပညာရှိကြီးဘက်မှလည်း တစ်ဦးချင်းတွေ့လိုမေးလိုကြတော့ တိုကင်ပေးရတော့မည်။ တိုကင်ပေးသူက အဂတိလိုက်စားလျှင် ကျွန်မတို့ ပညာမဲ့များက ပညာရှိကြီးကို ဆန္ဒထုတ်ဖော်ရမည်။ ကျွန်မတို့က လူပြိန်းများဖြစ်သည့်အလျောက် ပညာရှိကြီး အိမ်ရှေ့တွင် ကြွေးကြော်သံများဖြင့် ဆန္ဒကို မနေနိုင် မထိုင်နိုင်ထုတ်ဖော်မည်။ သည်တော့လည်း ပုဒ်မ တစ်ခုခုနှင့် ငြိစွန်းတော့သည်။ သည်တော့မှ ကျွန်မတို့သည်လည်း ပညာရှိကြီးထံ သွားရောက်ပြီး မေးလိုသည့် အချက်ကို အဖြေရလိုက်သည်။ ကျွန်မတို့ လူပြိန်းများနားလည်သည်က ဒီမိုကရေစီရပြီဆိုလျှင် လွတ်လပ်စွာ ပြောဆိုခွင့်၊ ဆန္ဒထုတ်ဖော်ခွင့်ရှိသည်။ နောက်ဆက်တွဲကို ပညာရှိကြီးထံမေးရန် ကိုယ့်နည်းကိုယ်ဟန်နှင့် ကြိုးစားတော့ နိုင်ငံတော်က အဖြေပေးသည်။ ဟုတ်ပေစွ။

          ဤနည်းလမ်းသည်လည်း မစွံရေးချ မစွံ။ သည်တော့ စာအုပ်စာတမ်းထဲက ဗဟုသုတရှာမည်။ မြန်မာလို ရေးသော စာအုပ်များသာ ဖတ်နိုင်သော ကျွန်မတို့ ၆၂-ခုနှစ်နောက်ပိုင်းစာတတ်များက အင်္ဂလိပ်လိုတော့ မဖတ်နိုင်။ သည်တော့ မြန်မာလို ရေးသားထားသော စာအုပ်များကို အားကိုးရမည်သာ။ နှစ်ပေါင်း ၅၀မျှ စာနယ်ဇင်းလွတ်လပ်ခွင့် မရှိတော့ အာဏာရှင်အလိုတော်ရိစာပေများ နှင့် မိတ်ဆွေဖြစ်သည်။ တက်ကျမ်းများနှင့် အဖော်သဟဲပြုသည်။ ဒီမိုကရေစီ နှင့်လူ့အခွင့်အရေး ဟူသော စကားလုံးများကို ရှောင်ရှားသော စာအုပ်များနှင့်က ငယ်ပေါင်းကြီးဖော်….။ သည်တော့လည်း ရှိပါစေတော့။ ဂျာအေးကို သူ့မအေက ရိုက်ဦးမည်။ ဂျာအေးခမျာလည်း မှောင်မိုက်ထဲမှာ ငိုရရှာပေဦးမပေါ့။



 ဘာရာဒွါဂျာ (မြန်မာပြည်)

 

 



.

ယဉ်ကျေးသော လူ့အဖွဲ့အစည်း နှင့် ဒီမိုကရေစီ

Sunday, September 8, 2013 0 comments

~


 

ကျွန်မတို့ပြောပြောနေကြသော၊ ကျွန်မတို့ကြားကြားနေသော ဒီမိုကရေစီဆိုသည်မှာ အဘယ်နည်း ဟုဆိုလျှင် ပြည်သူသဘောကျ အုပ်ချုပ်သော လူတန်းစားကို ကိုယ်တိုင်  လွတ်လပ်စွာ ရွေးချယ်ခွင့်ရှိသော၊ နိုင်ငံရေးရာကို နိုင်ငံသားတိုင်း ပါဝင်လှုပ်ရှားနိုင်သော၊ နိုင်ငံသားအားလုံး၏ လူ့အခွင့်အရေးများကို ကာကွယ်နိုင် သော၊ နိုင်ငံသားတိုင်းကို တူညီသော ဥပဒေကို ခံစားရရှိစေသော အုပ်ချုပ်ရေးစနစ်ဟု နိုင်ငံရေးပညာရှင်မဟုတ်သော ကျွန်မမှာ ဤရွေ့ဤမျှသာ နားလည်သဘောပေါက်နိုင်ပါသည်။
 



နိုင်ငံရေးအကျဉ်းသားတဲ့လား

Wednesday, August 28, 2013 2 comments

 ~



ဦးခင်ညွှန့် (ဗိုလ်ချုပ်ဟောင်း)က သူလည်းပဲ နိုင်ငံရေး အကျဉ်းသားပါပဲ၊ ဒါ့ကြောင့် နိုင်ငံရေး အကျဉ်းသားတွေ ကိစ္စမှာ ပါဝင်လုပ်ကိုင်ချင်ပါသတဲ့။
လွန်ခဲ့တဲ့နှစ်ရက်လောက်က facebook တနေရာမှာ တွေ့လိုက်ရတာပါ။ 

 


 ဖတ်နေတဲ့ မျက်စိကရော ကိုယ့်မျက်စိမှ ဟုတ်ရဲ့လား၊ နားလည်လိုက်တဲ့ ဦးနှောက်ကရော ကိုယ့် ဦးနှောက်မှ ဟုတ်ရဲ့လားလို့ မယုံနိုင်အောင် ဖြစ်ခဲ့ရပါတယ်။ ဘယ်သူကမေးလို့ ဒီလူဖြေလိုက်မှန်းလည်း ကျွန်မ မသိလိုက်ရပါဘူး။ သူ့ကို စိတ်ဝင်စားတဲ့ လူတွေ ရှိမှာပါ။
အမိန့်ဆိုတာကို ဦးလည်မသုန်ထမ်းရွက်ရင်း အမိန့်ပေးတဲ့လူတွေကပဲ ထောင်သွင်းအကျဉ်းကျသွားတဲ့၊ အာဏာစက်တွေပြင်းထန်လှတဲ့ ယခင် ထောက်လှမ်းရေးအကြီးအကဲ ဗိုလ်ချုပ်ကြီးဟောင်း ဘာတွေလုပ်နေသလဲ ဆိုတာ စိတ်ဝင်စားပြီး မျက်ခြေမပြတ် လေ့လာနေသင့်တာလည်း အမှန်ပါပဲ။

ဒါပေမယ့် သူ့သဘောထားတွေ၊ သူ့အမြင်တွေ၊ သူ့လုပ်ရပ်တွေကို ကြုံတွေ့ခံစားပြီးမှတော့ ဘာအတွက် သူ့သဘောထားကို မေးမြန်းနေကြပါလိမ့်လို့လဲ တွေးမိပါတယ်။ သူ့ကိုသရော်ဖို့လား၊ သူ့ကိုပြန်ပြီး နိုင်ငံရေး ပြဇာတ်မှာ ဇာတ်ဆောင်တစ်ဦးဦးအဖြစ် ဗီလိန်နေရာကပဲဖြစ်ဖြစ် ပြန်ကစေချင်လို့လား။ အခု ကနေတဲ့ နိုင်ငံရေး ပြဇာတ်ကြီးက စင်ပေါ်က ပြဇာတ် မဟုတ်ဘူး။ ပြည်သူတွေ ပါဝင်ကခုန်နေတဲ့ ဘ၀ဇာတ်ခုံထဲက နိုင်ငံရေးကဏ္ဍ အခန်းတစ်ခန်းပါ။

စစ်မှန်တဲ့ဒီမိုကရေစီဘ၀ လျှောက်လှမ်းဖို့ ဥပဒေတွေပြင်ဆင်နေတဲ့အချိန်။ လူသားတစ်ဦးရဲ့ ဦးနှောက်ကို ခွဲစိတ်ပြုပြင်သလို နိုင်ငံရဲ့ ဦးနှောက်ကြီးကို ခွဲစိတ်ပြုပြင်နေရတဲ့အချိန်ပါ။  လူ့သားတစ်ဦးရဲ့ အာရုံကြောတွေကို ရှင်သန်အောင် ကုသမှုနည်းလမ်းကို ရှာနေသလို အာရုံကြောတွေ သေဆုံးနေတဲ့ နိုင်ငံတစ်နိုင်ရဲ့ အာရုံကြောတွေကို ကုသမယ့် နည်းလမ်းကို ရှာဖွေနေဆဲ အချိန်ပါ။

သတိလေးတစ်ချက်လွတ်သွားရင် ကိုယ့်ကိုချမယ့်ပြစ်ဒဏ်ကို ကိုယ့်ဖာသာကိုယ် ပြဌာန်းနေတဲ့အချိန်မို့ အရေးကြီးလှတယ်ပေါ့။  အမိန့်တွေကိုချမှတ်တဲ့လူကလည်း ဘယ်သူ့အကျိုးစီးပွားအတွက်လဲ၊ ချမှတ်လိုက်တဲ့ အမိန့်ကိုလည်း ဆက်လက်ဖော်ဆောင်တဲ့လူကလည်း ဘယ်သူ့အကျိုးစီးပွားအတွက်လဲ ဆိုတာ မစဉ်းစားကြတော့ဘူးဆိုရင် ကျွန်မတို့ နိုင်ငံအသိုင်းအ၀ိုင်းက အင်မတန်ကို အောက်တန်းနောက်တန်းကျတဲ့ အသိုင်းအ၀ိုင်းပေါ့။ အမိန့်ကြောင့် တာဝန်အရ လုပ်တာပါဆိုတဲ့ စကားတွေနဲ့ ခွင့်လွှတ်မှုကို အရယူနေတဲ့ လူတွေဟာ အမိန့်ကို မလွဲမသွေဆောင်ရွက်ရမယ်လို့ ဦးနှောက်ထဲရိုက်သွင်းထားလို့ ဘာကိုမှ မစဉ်းစားဘဲ ဆောင်ရွက်နေ ကြတယ် ဆိုတဲ့စကားဟာ တကယ့်ကို ယုံကြည်သင့်တဲ့စကားလား။
ပြောတဲ့လူကရော အမှန်တကယ်ကို မိမိအကျိုး စီးပွားမပါဘဲကို အမိန့်ဆိုရင် လုပ်ကြတာပဲလား။ မဟုတ်ပါဘူး။ အမိန့်ရဲ့ နောက်ကွယ်က မိမိအကျိုးစီးပွားကို ရှေ့ရှုခြင်းက အများကြီးပါဝင်ပါတယ်။

သက်ဆိုင်ရာဘာသာရပ်ကို တစ်ခုခုကို တတ်မြောက်အောင် သင်ယူနိုင်ပြီဆိုရင် အဲဒီလူဟာ ဦးနှောက် ဥာဏ်ရည်မီတဲ့ လူတစ်ယောက်လို့ ယူဆလို့ရပါတယ်။ ဦးနှောက်ဥာဏ်ရည်မီတဲ့သူဆိုရင် ကိုယ့်လုပ်ရပ်တွေပေါ်မှာ ဆင်ခြင်နိုင်စွမ်းရှိတဲ့သူဟာ နီးရာဓါးကို ကြောက်လို့ အမိန့်တွေကို ဦးလည်မသုန်ဆောင်ရွက်ခဲ့တယ်ဆိုရင်လည်း ခတ်ညံ့ညံ့ လူတစ်ယောက်ပါပဲ။  အမိန့်ဟာ မတရားသောအမိန့်၊ ဆက်လက်မဆောင်ရွက်သင့်သော အမိန့်ဆိုရင် ဆက်လက် မဆောင်ရွက်ဘူးပေါ့။ အဲဒီလိုလား။ မဟုတ်သေးပါဘူး။ မဆောင်ရွက်ရင် ထောင်ကျမယ်။ ကြိုးမိန့်အပေးခံရမယ်။ လာဘ်လာဘတွေ ပျောက်ဆုံးသွားမယ်။ ငါ့သား၊ ငါ့သမီး၊ ငါ့ဇနီး၊ ငါ့ဆွေ၊ ငါ့မျိုး ဒုက္ခရောက်သွားမယ်။ ဒါတွေကို ကြောက်လို့ အမိန့်တိုင်းကို မဆင်ခြင်ဘဲ ဆောင်ရွက်ခဲ့တာပါ။

ဒီလိုဆိုရင် သူ့ရဲ့ အမိန့်နာခံမှုဟာ ရိုးသားဖြူစင်ခြင်းရှိရဲ့လား။ ကိုယ့်သမိုင်းဟာ အလွန်ကို ဆိုးရွားသွားမယ် ဆိုတဲ့ အသိဟာလည်း သူ့အာဏာစက်ကို သူ့ဖာသာသူ ယစ်မူးနေတဲ့အတွက် ပျောက်ကွယ် ဆုံးရှုံးခဲ့တာပါပဲ။ သူကြေညာ ဖတ်ပြခဲ့တဲ့ raod map က တိုင်းပြည်ကိုကယ်ဖို့လား။ ပြည်သူကို မြှင့်တင်ဖို့လား။ ဒါမှမဟုတ် ကျဉ်းထဲ ကျပ်ထဲ ရောက်နေတဲ့ သူတို့လူတန်းစားကို ကယ်တင်ဖို့လား။ အဖြေရှာရင် အဖြေထွက်မှာပါ။

ဘာအတွက်   ဒီလောက်တောင် ပြည်သူတွေကို ဖိနှိပ်ပြီး နင်းပြားဖြစ်အောင် နှစ်ပေါင်းများစွာ လုပ်ခဲ့ပါသလဲ။ တိုင်းပြည်ကောင်းစားရေး ဆိုရင် ခုလောက် တိုင်းပြည်ဟာ နောက်ကျမကျန်ရစ်ခဲ့ပါဘူး။ ပြည်သူ့ အရေးကို တစ်စိုက်မတ်မတ်ဆောင်ရွက်နေခဲ့တာဆိုရင် ပြည်သူတွေဟာ ခုလောက် ဆင်းရဲပြီး မကျန်ရစ်ပါဘူး။ သူ့ကျွန် ဖြစ်တုန်းကမှ ဗိုလ်ချုပ်ခမျာ အိမ်ထောင်ပြုခွင့်လေးရလိုက်ပါရဲ့။ ငါ့ကျွန်ဖြစ်တော့ ကိုမင်းကိုနိုင်တို့အုပ်စု အိမ်ထောင်ပြုခွင့်လေးတောင် မရလောက်အောင်ကို ဖိနှိပ်ခံဘ၀က၊ အာဏာရှင်လက်ထဲက လွတ်မြောက်အောင်ကြိုးစားရရှာတာပါ။

ထောက်လှမ်းရေးဆိုရင် ကျောချမ်းလှတဲ့ခေတ်ကို ဦးဆောင်တဲ့သူက ခုတော့ သူလည်းပဲ နိုင်ငံရေးအကျဉ်းသမားဆို တော့ မောင်သော်ကတို့၊ ဦးဝင်းတင်တို့၊ ဇာဂနာတို့၊ ကိုကိုကြီးတို့ကို အားနာစရာကောင်းနေပါပြီ။ သူက အဲဒီ့ နိုင်ငံရေး အကျဉ်းသမား ဆိုတဲ့ ခေါင်းစဉ်အောက်မှာ နေမယ်ဆိုရင် ကျွန်မသာ ဇာဂနာ ဖြစ်ခဲ့ရင် ကျွန်တော်တို့ ကတော့ သူပုန် ဆိုပြီး  ခေါင်းစဉ်ပြောင်းလိုက်ပါတော့မယ်လို့သာ ဆိုချင်ပါတယ်။

ဟိုတစ်နေ့က မိတ်ဆွေတစ်ဦးက သူ့ရဲ့လိပ်စာကတ်ပြားလေး ကျွန်မကို ပေးပါတယ်။ သူ့နာမည်လေးအောက်မှာ ခြောက်ကြိမ်မြောက် နိုင်ငံရေးအကျဉ်းကျခဲ့သူ လို့ ကွင်းစ၊ ကွင်းပိတ်လေးနဲ့ကို ဂုဏ်ယူစွာ ဖော်ပြထားပါတယ်။ ဂုဏ်ယူစရာပေပဲကိုး။ သူ့မှာ အိမ်ခန်းလေးတစ်ခန်းပိုင်တာ ကျွန်မသိတယ်။ ကွန်ဒိုတိုက်ခန်းမဟုတ်ပါဘူး။ အနှစ် လေးဆယ်လောက်အိုမင်းနေတဲ့ တိုက်ဟောင်းလေးထဲက အ်ိမ်ခန်းတစ်ခန်းကိုပဲ ပိုင်ဆိုင်ထားတာ ၁၉၈၉ ထဲကပါ။ နိုင်ငံရေးအရအကျဉ်းကျခံဖူးသူ ဆိုတော့ လူတွေကလည်း သူနဲ့ သိပ်ပြီး ပတ်ပတ်သက်သက်လုပ်ရင် ဖမ်းမှာကြောက်တော့ မလုပ်ရဲတော့ပါဘူး။ သူ့မိသားစုရဲ့ ဘ၀လှိုင်းတံပိုးကလည်း ကြီးမားလိုက်ပါဘိ။ သူ့ရဲ့ အသက်မွေးဝမ်းကျောင်းမှုကိုလည်း ပိတ်ပင်လိုက်ပြန်တော့ အခက်အခဲဟာ အများကြီးပါ။ မိသားစုရဲ့ တုန့်ပြန်မှုကိုလည်း ခန့်မှန်းလို့ရပါတယ်။ ဒီတော့ သူသား၊ သူ့သမီး၊ သူ့ဇနီးအတွက် နိုင်ငံရေးကို စွန့်လွှတ်လိုက်သလားဆိုတော့ မစွန့်လွှတ်လိုက်ပါဘူး။ ဆက်ပြီးတော့ လုပ်၊ ထောင်တွေအကြိမ်ကြိမ်ကျ။ ခုရော လွှတ်တော်အမတ်ဖြစ်နေသလား ဆိုတော့ မဖြစ်ပါဘူး။ သူက လွှတ်တော်အမတ်ဖြစ်ချင်လို့ လုပ်တာမဟုတ်ဘူးလေ။ သူက သူ့အသိပညာနဲ့ အသက်မွေးဝမ်းကျောင်းချင်သူဆိုတော့ သူ့ အသက်မွေးဝမ်းကျောင်းလေးကိုလည်း ပြန်လည် လုပ်ကိုင်ခွင့်ရတော့ ပြန်လုပ်တာပေါ့။

ဒီလို အကျဉ်းကျတဲ့ နိုင်ငံရေးသမားလို့ခေါ်ဆိုထိုက်တဲ့ လူတွေ အများကြီးဟာ နိုင်ငံရေးလောကထဲမှာ မကျင်လည်တော့ဘဲ သူတို့ရဲ့မူလအလုပ်ကို ပြန်လုပ်၊ မူလနေရာကိုပြန်သွား။ ဒီတော့ ဒီလူတွေ နိုင်ငံရေးလောကကို ကျောခိုင်းလိုက်တာလား။ မဟုတ်ပါဘူး။ လူ့အခွင့်အရေးတွေ မရရသေးရင်၊ တန်းတူညီမျှတဲ့ ဥပဒေတွေ မပေါ်ပေါက်ဖူးဆိုရင်၊ ပြည်သူတွေကို ညှင်းပန်းနေမယ်ဆိုရင် ဒီလူတွေ နိုင်ငံရေးလောကထဲကို ကဗျာတစ်ကြောင်းနဲ့ပဲဖြစ်ဖြစ် ပြန်ဝင်လာမှာပါပဲ။

ဒီလူတွေက တိုင်းပြည်မျက်နှာအတွက် နိုင်ငံရေးလုပ်သူ။ ပြည်သူ့အခွင့်အရေးအတွက် နိုင်ငံရေးလုပ်သူ၊ ပြည်စေခံလူတန်းစားပေါ်ပေါက်ရေးအတွက် နိုင်ငံရေးလုပ်သူ။ ဒီလူတွေကို နိုင်ငံရေးလုပ် ဆိုတဲ့ အမိန့်ကို ပေးအပ်လို့ လုပ်တာမှ မဟုတ်ဘဲ။ ဦးခင်ညွှန့်ကတော့ စစ်အုပ်ချုပ်ရေးကာလ စစ်အုပ်ချုပ်ရေးအတွက် နိုင်ငံရေးလုပ်သူ၊ စစ်အုပ်ချုပ်သူလူတန်းစား အခွင့်အရေးအတွက် နိုင်ငံရေးလုပ်သူ၊ ပေါ်ပေါက်နေတဲ့ အာဏာရှင် အုပ်ချုပ်သူ လူတန်းစားကို ကာကွယ်ပေးဖို့ နိုင်ငံရေးလုပ်သူ၊ သူကာကွယ်နေတဲ့ လူတန်းစားက သူ့ကို ယုံကြည်မှု အားနည်း သွားလို့ အကျဉ်းကျခဲ့သူ ဆိုတော့ အတော်ကြီးကို ဇာဂနာတို့နဲ့ကွာသွားပြီ။ နော်အုန်းလှနဲ့ ယှဉ်လို့ မရတော့ဘူး။

ဦးခင်ညွှန့်ကို ဖမ်းဆီးစဉ်က သတင်းစာထဲမှာ ...   ဘာကြောင့် ဖမ်းရသလဲဆိုတာ ပြောချိန်တန်လျှင် ပြောမည်ဖြစ်ကြောင်း ဆိုပေမယ့် ခုထိတိုင် မပြောသေးတော့ ဦးခင်ညွှန့်ခမျာလည်း သေသေချာချာ ဘာကြောင့်အကျဉ်းကျတယ်မှန်းမသိတော့ ငါလည်း နိုင်ငံ့တာဝန်ကို ထမ်းဆောင်ရင်း ထောင် ကျခံလိုက်ရတာဆိုတော့ နိုင်ငံရေး အကျဉ်းသားလို့ ပြောလိုက်တာဖြစ်မှာပါ။

ခွင့်လွှတ်ခြင်းတိုင်းဟာ ခွင့်လွှတ်ခြင်းနဲ့ ထိုက်တန်လို့ ခွင့်လွှတ်တာမှ မဟုတ်ဘဲ ကိုယ့်ကသာ ငြိ်မ်းချမ်းခြင်းနဲ့ ထိုက်တန်တဲ့လူဖြစ်လို့ ခွင့်လွှတ်လိုက်တာမျိုးလည်း ဖြစ်တတ်ပါတယ်။

                                                                     ဘာရာဒွါဂျာ (မြန်မာပြည်)

 



.

လွတ်လပ်ခြင်းဆိုတာ ဒါပဲလား အစ်ကို

Tuesday, August 27, 2013 1 comments

 ~



ကိုမင်းကိုနိုင်သို့ အိတ်ဖွင့်ပေးစာ ~


 ကျွန်မ ဒီဆောင်းပါးကို ရေးဖို့၊ မရေးဖို့ အတော့်ကို စဉ်းစားရပါတယ်။ ဘာဖြစ်လို့လဲဆိုတော့ ဒီဆောင်းပါးက ကျွန်မတစ်ဦးတည်းရဲ့ အမြင်ကို ဖော်ပြချင်လို့ဖြစ်ပါတယ်။ အထောက်အထား၊ ကျမ်းကိုး၊ ဗုဒ္ဓဟောတရားတွေကို မကိုးကားဘဲ သာမာန် ပြည်သူတစ်ယောက်ရဲ့ အမြင်ကို ပြောချင်လို့ပါ။



ဒီဆောင်းပါးမှာ ညွှန်းဆိုလိုက်တဲ့ အစ်ကို ဆိုသူကလည်း ၈၈ မျိုးဆက် အစ်ကိုများကိုပဲ ညွှန်းဆိုပြောခြင်းဖြစ်ပါတယ်။  မြန်မာ့ဒီမိုကရေစီရေးကို ဆောင်ရွက်နေကြတဲ့ ၈၈ မျိုးဆက်ဟာ ကျွန်မတို့မျိုးဆက်ပါပဲ။

၈၈ မျိုးဆက်လို့ဆိုခြင်းက ၈၈အခါက ကျောင်းသားအဖြစ်ရှိနေကြတဲ့  ကျောင်းသားတိုင်း (အထူးသဖြင့် ၈၈ အရေးတော်ပုံမှာ ပါဝင်ခဲ့တဲ့ကျောင်းသားများ ) ဟာ ၈၈ မျိုးဆက်တွေပဲပေါ့။  ကျွန်မကလည်း ၈၈ တုန်းက ကျောင်းသူဘ၀ဆိုတော့  ၈၈မျိုးဆက်က အစ်ကိုတွေအပေါ် သံယောဇဉ်ရှိတာ မဆန်းပါဘူး။ အစ်ကိုတို့ရဲ့ သတင်းများကိုလည်း အချိန်နဲ့အမျှ မျက်ခြေမပြတ် အမြဲတစေ နားထောင်ဖတ်ရှုတဲ့အတွက် အစ်ကိုတို့ရဲ့ တိုင်းပြည် အပေါ်ထားတဲ့ စိတ်ကလေးနဲ့ ထောင်တွေ အကြိမ်ကြိမ်အကျခံပြီး ဆောင်ရွက်တဲ့ သတ္တိနဲ့ စိတ်ဓါတ်ကိုလည်း ကျွန်မ အလွန်ပင် လေးစားတန်ဖိုးထားပါတယ်။ ၈၈ မျိုးဆက်မဟုတ်တဲ့ ယုံကြည်ချက်ကြောင့် အကျဉ်းကျ၊ သေဆုံးတဲ့သူတွေကိုလည်း အင်မတန်ကို လေးစားတဲ့သူပါ။

အစ်ကိုတို့က လူ့အခွင့်အရေးရရှိ်ရေးအတွက် အင်မတန်ကြွေးကျော်ခဲ့ကြပါတယ်။ ဒီမိုကရေစီရေးအရ လွတ်လပ် ခွင့်အားလုံး အတွက် အားကြိုးမာန်တက် အခုထက်ထိလည်း ဆောင်ရွက်သူများမို့ ရေးလိုက်ခြင်း ဖြစ်ပါတယ်။ လူ့အခွင့်အရေးဆိုတာ ဘာလဲ အစ်ကို။ လွတ်လပ်စွာ ပြောဆိုရေးသားခွင့် ဆိုတာကို ဘာပါလိမ့်။ လွတ်လပ်ခြင်းမှာ ဥပဒေမရှိဘူးလားအစ်ကို။ လူ့အခွင့်အရေး ဆိုတာလည်း ဥပဒေအောက်က အခွင့်အရေး၊ ဥပဒေထဲက တစ်နည်းအားဖြင့် ဒီမိုကရေစီရေးအရ ပြဌာန်းထားတဲ့ အခွင့်အရေးပဲ မဟုတ်ဘူးလား။

ဒီကနေ့မှာတော့ လူတွေဟာ လွတ်လပ်စွာ ပြောဆိုခွင့်ကို အကြောင်းပြုပြီး လုပ်ဇာတ်ခင်း၊ အထောက် အထားမဲ့၊ အသရေဖျက်မှုနဲ့ တရားစွဲဆိုနိုင်လောက်အောင်ကို တရားလက်လွတ် ပြောဆိုနေကြသလို၊ လွတ်လပ်စွာ ရေးသားခွင့်ကို အသုံးချပြီး ရှေ့ရေးကိုမငဲ့ကွက်၊ နာမည်ကြီးရင်ပြီးရောလောက် ဒါမှမဟုတ် သမိုင်းထဲမှာ နာမည်ဆိုးတွင်ချင်လည်း တွင်ပါစေတော့ ဒီအုပ်စုကို နှံလိုက်ရင်ဖြင့် လူတွေဖတ်ကြမယ်၊ ဒီလူကို ချီးမြှင့်မြှောက်စားလိုက်ရင်ဖြင့်  လူတွေဖတ်ကြမယ်ဆိုပြီး ပြောဆိုရေးသားတာတွေလည်း တွေ့ရပါတယ်။

ဒါတွေကိုလည်း အစ်ကိုတို့ ဖတ်ရ၊ ကြားရ မှာပါပဲ။ အခုတော့ အင်မတန် ရုပ်ဆိုးတဲ့ အဖြစ်အပျက်ကလေးကို ကြားသိခဲ့တာတော့ ကြာပါပြီ။ GTC ကျောင်းသားကျောင်းသူနှစ်ဦးရဲ့ ဇာတ်လမ်းကို ဗွီဒီယိုခိုးရိုက်တဲ့လူက ရိုက်ပြီး သတင်းတွေ ပျံ့လွင့်နေတာလည်း ကြာနေပါပြီ။ ကျွန်မကတော့ ဂျာနယ်ထဲပါတဲ့ သတင်းလောက်ပဲ သိတာပါ။ မနေ့တစ်နေ့ကတော့ တပည့်တစ်ဦးက (အဲဒီတပည့်ဆိုသူကလည်း လူကြီးဖြစ်နေပါပြီ။ ကလေးနှစ်ယောက် အဖေတောင် ဖြစ်နေပါပြီ။ ) အဲဒီ GTC က ကျောင်းသားကျောင်းသူနှစ်ဦးလက်ထပ် လိုက်ပြီလို့ ပြောတော့လည်း ကျွန်မက အင်း လိုက်ရုံအပြင် ဘာများပြောစရာရှိလို့ လဲအစ်ကို။

ဒါပေမယ့် မနေ့ကကျောင်းသွားရင်း ဦးထောင်ဘို မီးပွိုင့်၊ ရွှေတိဂုံဘုရားခြေတော်ရင်းမှာ စီဒီတွေ ရောင်းနေတဲ့ လူငယ်လေးနှစ်ဦး ကျွန်မတို့ကားနားရောက်လာပါတယ်။ ပါးစပ်ကလည်း GTC ဖြစ်ရပ်မှန် အခွေတွေ၊ GTC ဖြစ်ရပ်မှန် အခွေတွေလို့ တစာစာ အော်ပြီး ကျွန်မကို ပြပါတယ်။ ကျွန်မကတော့ ထိတ်လန့် တုန်လှုပ်စွာ မင်တက်နေ ပေမယ့် ဘေးမှာ ထိုင်နေတဲ့ ကျွန်မအစ်ကိုကတော့ တစ်ခွေဝယ်လိုက်ပါတယ်။ အဲဒီ့အချိန်မှာ တက်စီမောင်းတဲ့ကားဆရာက ဒါက မလုပ်သင့်တာတွေ လို့ပြောလိုက်တယ်။ ကျွန်မ နားမရှင်း ဖြစ်သွားပါတယ်။ သူဆိုလိုတာ ဒီဖြစ်ရပ်ထဲက ကျောင်းသားနဲ့ ကျောင်းသူကို ပြောတယ်လို့ပဲ ထင်လိုက်မိပါတယ်။ ဒါပေမယ့် မဟုတ်ပါဘူး၊ သူဆိုလိုတဲ့ မလုပ်သင့်ဘူး ဆိုတာက ဒီလို မရောင်းချသင့်ဘူး လို့ပြောလိုက် တာကို သူဆက် ပြောတဲ့ စကားတွေ နားထောင်ရင်း သိလိုက်တာပါ။

ဒီိဗွီဒီယိုကို အစောင့်တွေက ရိုက်ကြတာလို့ ပြောကြသလို၊ တစ်ချို့ကလည်း ကျောင်းသား ကျောင်းသူ တွေက ရိုက်တာလို့ အမျိုးမျိုး ဆိုကြပါတယ်။ ဒီဗွီဒီယိုကို ခုလို ပျံ့နှံ့သွားအောင် ရောင်းချတာကို မြင်တော့ ဒီကလေးတွေ ကိုယ်တိုင် GTC ကျောင်းက ဖြစ်ရပ်စုံတွေကို သိစေချင်လွန်းလို့ နာမည် အပျက်ခံပြီးများ အရိုက်ခံ လိုက်ကြတာများလား လို့တောင် မဖြစ်နိုင်တာလေးကိုပဲ တွေးမိပြန်ပါတယ်။

ကျောင်းသူကျောင်းသားများအရွယ်နဲ့ အခြေအနေတွေအရ ဒီကလေးတွေ ဒီလိုဖြစ်နိုင်ပါတယ်။ ဒီလို ကျောင်းစည်းကမ်း ဖောက်ဖျက်ကျူးလွန်သူကို ထိုက်တန်တဲ့အပြစ်ဒဏ်ပေးလိုက်ရမှာပဲ။ ကျောင်းက တာဝန်ရှိတဲ့ ကျောင်းအုပ်က အစပြုလို့ မော်ကွန်းထိန်းအလယ် ဆရာ၊ ဆရာမတွေအဆုံး တာဝန်ရှိတဲ့လူတွေဟာ တာဝန်နဲ့ အညီ မဆောင်ရွက်နိုင်ခဲ့ရင် သူတို့ကိုလည်း ထိုက်သင့်တဲ့ အပြစ်ဒဏ်ကျခံရမှာပဲ။ ဒါပေမယ့် ပြစ်မှုကျူးလွန်ခြင်းဟာ ကြော်ငြာစရာမလိုတဲ့ကိစ္စတစ်ရပ်ပါ။ သတင်းအဖြစ် ထုတ်ပြန်ကြေညာရမှာပဲ ဖြစ်ပါတယ်။

ကျွန်မ နိုင်ငံတကာသတင်းမှာရော၊ မြန်မာ့သတင်းစာမှာပါတွေ့ရတာက ပြစ်မှုကျူးလွန်ကြောင်း ထင်ရှားရင်တောင်မှ ဓာတ်ပုံနှင့်တကွ ဖော်ပြတဲ့အခါမှာ မျက်စိနေရာကို အနက်ရောင်နဲ့ ပိတ်ပြီးမှ ဖော်ပြကြတာကို တွေ့ရပါတယ်။ နိုင်ငံခြားက သတင်းတွေမှာ ပြစ်မှုကျူးလွန်သူကိုပြတဲ့အခါ မျက်နှာကို ဘယ်သူ ဘယ်ဝါမှန်း မသိအောင် ၀ါးပြီး ဖော်ပြကြပါတတယ်။ ပြစ်မှုကျူးလွန်သူဟာ ပြစ်ဒဏ်ကို ကျခံပြီးရင် သူ့ရဲ့ လူမှုဘ၀ကို ပြန်ပြီး ကျင်လည်ရဦးမှာဖြစ်ပါတယ်။ မှုခင်းသတင်းတွေမှာ မုဒိမ်းမှုကို ဖော်ပြရင်လည်း မုဒိမ်းပြုကျင့် ခံရတဲ့ မိန်းကလေးအမည်ကို ဖော်ပြရေးသားလေ့ မရှိပါဘူး။ ဒါဟာ ကျင့်ဝတ်တစ်ခုလို့ ဆိုရင်လည်း မှန်ကန်လှတဲ့ ကျင့်ဝတ်လေးတစ်ခုပါ။

ခုတော့  GTC ကျောင်းသားနဲ့ ကျောင်းသူ ဖြစ်ရပ်ကို အခွေတွေပွားပြီး ဖြန့်ချိရောင်းစားတာကို တွေ့ရတော့ နိမ့်ကျလှတဲ့ ကျွန်မတို့လူနေမှုအသိုင်းအ၀ိုင်း ဆိုပြီး  စက်ဆုပ်ရွံရှာမိပါတယ်။ မလိမ္မာ တစ်ခါမိုက် ဆိုတဲ့စကားလိုပေါ့ အစ်ကို။ တစ်ခါတော့ မိုက်ဖူးကြမှာပါပဲ။ တစ်ခါမိုက်မိတိုင်း အမြဲတမ်းမိုက်မယ့်လူ လို့ ကျွန်မတို့ ပြောလို့ရပါ့မလား။ လူသတ်မှုနဲ့ ထောင်ကျပြီး ပြစ်ဒဏ်ကိုခံယူပြီးတဲ့ လူကို လူသတ်သမားလို့ပဲ လူ့အသိုင်းအ၀ိုင်းက ဆိုမလား။  သူ့အပြစ်အတွက် သူပေးဆပ်ပြီးပြီလေ။

ခုလိုစာသင်ခန်းထဲမှာ မဖွယ်မရာ ဇာတ်စုံခင်းလိုက်တဲ့ ကျောင်းသားနဲ့ ကျောင်းသူဟာ ပြစ်ဒဏ်ကို ခံယူပြီးပြီ ဆိုရင် ဒီကိစ္စ၊ ဒီအကြောင်းဟာ အဲဒီမှာပဲ ရပ်လိုက်ရမှာ မဟုတ်ဘူးလားအစ်ကို။ ဒီလိုကိစ္စတွေမဖြစ်အောင် ဘယ်သူ့မှာတာဝန်ရှိသလဲ။ တာဝန်ရှိတဲ့လူကိုလည်း အပြစ်ပေးလိုက်ခြင်းအားဖြင့် နောက်နောင်ကို ဒီလို ကိစ္စတွေ မဖြစ်လာအောင် ထ်ိန်းသိမ်းကြမှာပါပဲ။ ဒါပေမယ့် ခုလို လမ်းဆုံလမ်းခွမှာ ဖြန့်ချိရောင်းချနေတော့ ပြစ်ဒဏ် ကျခံပြီးသားသူတွေကို ပတ်ဝန်းကျင်က ပြစ်ဒဏ်တွေ မဆုံးနိုင်အောင် ပေးနေဦးမှာပါပဲ။ ဒီပြစ်ဒဏ်ဟာ လူ့ကျင့်ဝတ်နဲ့ဆိုင်တော့ မိဘမောင်ဘွားများပါ ခံရမှာပါပဲ။ ပြစ်မှုကျူးလွန်တဲ့လူငယ်တွေဟာ လူသားတွေပါ။ သူတို့မှာ မိသားစုဆိုတာရှိမယ်၊ ဆွေမျိုးတွေဆိုတာလည်း ရှိမှာပါပဲ။ သူတို့ရင်ထဲကို ပြည်သူချစ်တဲ့ အစ်ကို ခဏလေး ၀င်ကြည့်ပါဦး။

ဗွီဒီယိုရိုက်တဲ့ လူကရော ဒီနေရာမှာ သူ့အစ်မ၊ သူ့ညီမဆို ရိုက်မလား။ အခွေကို ဖြန့်ချိပြီး အမြတ် ထုတ်နေတဲ့လူတွေကရော သူ့နှမ၊ သူ့အမေ ဆိုရင်လည်း တစ်ခွေ ငါးရာနဲ့ ဖြန့်ချိကြမှာလား။ ဖြန့်ချိတာကို မတားဆီးတဲ့ လူတွေကရော သူ့အမျိုး၊ သူ့အဆွေဆိုရင်လည်း မတားဆီးတော့ဘူးလား။ ဒီ ကလေးနှစ်ယောက်ဟာ ပြစ်မှုအကြီးကြီးကို ကျူးလွန်လိုက်လို့ တရားဥပဒေအရ ပေးတဲ့ ပြစ်ဒဏ်ကိုခံယူပြီးရင်တောင်မှ ဘ၀တစ်ခု လုံး စုတ်ပြတ်သွားအောင် ဒဏ်ခတ်တာကို ဆက်ခံရဦးမှာလားအစ်ကို။

အပြာဇာတ်ကားတစ်မျှ ဆိုးရွားတဲ့ ဒီအခွေကို လူငယ်လေးတွေကြည့်လိုက်တယ်ဆိုရင် ဘာတွေဆက်ပြီး ဖြစ်လာနိုင်သလဲအစ်ကို။ အစ်ကိုတို့တွေ ပြောပြောနေတဲ့ မျိုးဆက်သစ်ကလေးတွေရဲ့ ဦးနှောက်ကလေးထဲကို အညှီအဟောက်တွေ ကြီးစိုးသွားမှာပါပဲ မဟုတ်ဖူးလားအစ်ကို။  အပြာကားတစ်မျှဆိုးဝါးတဲ့ ဒီအခွေမျိုးကို လမ်းဆုံလမ်းခွမှာ အသက်ကြီးငယ်မရွေးကို ရောင်းချနေတာဟာ လူ့အခွင့်အရေးရဲ့ အနှစ်သာရလားအစ်ကို။ အစ်ကို ထောင်ထဲအကြိမ်ကြိမ်ဝင်ခဲ့တာ ဒီလိုလူ့အခွင့်အရေးတွေရဖို့လားအစ်ကို။

လူဆိုတာကလည်း ဘာကျမ်းဂန်၊ ဘာအဟောကိုမှ မသိနားမလည်တဲ့ လူတွေအဖြစ် ရှိနေမယ် ဆိုရင်တောင် ဒီလိုအမူအကျင့်တွေ မရှိသင့်ဘူးဆိုရင် ဘုရားအဆုံးအမတွေနဲ့ ဘ၀ဂ်ထိအောင်ပျံ့နေတဲ့ ကျွန်မတို့ တိုင်းပြည်က လူတွေဟာ ဒီလို အမူအကျင့်တွေ ရှိသင့်ရဲ့လား။ လူတွေဟာ လွတ်လပ်စွာ ပြောဆိုရေးသားခွင့်ကိုရတဲ့အခါ လွတ်လပ်ခြင်းကို အကြောင်းပြုပြီး ဒါမျိုးတွေ လုပ်ကြမှာလား။ ဘုရားဟောကို သိမှပဲ ရှောင်ကျဉ် ကြမှာလား။ ဒီလိုမဖွယ်မရာဖြစ်နေတာကို အပြစ်လို့မြင်ရင် တာဝန်ရှိကျောင်းအုပ်တို့၊ မော်ကွန်းထိန်းတို့ကို ခေါ်ပြပြီး တိုင်ကြား၊ အရေးယူရမှာ။ သူတို့ဗွီဒီယိုရိုက်တာ အကြာကြီးပါ။ ကျောင်းအုပ်တို့၊ မော်ကွန်းထိန်းတို့ကို သွားခေါ်လို့ရပါတယ်။ တကယ်လို့ မခေါ်ဖြစ်လို့ သက်သေဖြစ်အောင်ရိုက်ထားတာဆိုရင်လည်း ဒီပြစ်မှုကို တိုင်ကြားရင်း တစ်ပါတည်း အဲဒီ့ ဗွီဒီယိုကို အပ်လိုက်ရမှာပဲမဟုတ်ဖူးလား အစ်ကို။  အခုလို ဗွီဒီယိုခိုးရိုက်တာက တရားဝင်သလားအစ်ကို။ ခိုးရိုက်ပြီး ဖြန့်ချိတာကိုရော တရားဥပဒေကြောင်းအရ ခွင့်ပြုထား သလား။ ဒီလိုသာ  ရှင်သန်မယ့် လူမှုပတ်ဝန်းကျင်ဆိုရင် လွတ်လပ်ခြင်းအတွက် အချိန်အကုန်မခံပါနဲ့တော့ အစ်ကို။ လူ့အခွင့်အရေး အတွက်လည်း ထောင်အကျ မခံပါနဲ့တော့အစ်ကို။

ငါးခုံးမတစ်ကောင်ကြောင့် တစ်လှေလုံးပုပ် ဆိုတဲ့ စကားရှိတယ်လေ။ ငါးခုံးမကလည်း တစ်ကောင်တည်း မဟုတ်ဖူးအစ်ကို။ လှေကလည်း တစ်စင်းတည်းမဟုတ်ဖူးလေ။ အစ်ကိုက စာရေးတတ်သူ စာရေးဆရာမို့ လူ့ကျင့်ဝတ်တွေကို ရေးပါအစ်ကို။ လွတ်လပ်စွာ ပြောဆိုရေးသားသူတွေရဲ့ တာဝန်ကို ပြောပါဟောပါဦး။  လွတ်လပ်စွာပြောဆိုရေးသားခွင့်ရှိတယ် ဆိုတိုင်းလည်း  မဟုတ်တာကို အဟုတ်လုပ်ပြောခွင့်၊ ဆိုခွင့်ရှိတာမဟုတ်ဖူး ဆိုတာလေးကို ဇာတ်အိမ်လေးဖွဲ့ပါဦး။ အစ်ကို့ကို ပြည်သူတွေက ချစ်ပါတယ်။ ပုဂ္ဂိုလ်ခင်ရင် တရားလည်း မင်သတဲ့။ ဒီမိုကရေစီ နဲ့ လူ့အခွင့်အရေးကို ပြည်သူတွေကို ပေးချင်တဲ့အစ်ကို … ဒီမိုကရေစီ၊ လူ့အခွင့်အရေးနဲ့ ထိုက်တန်တဲ့ ပြည်သူဖြစ်အောင်လည်း ကြိုးစားပါဦးအစ်ကို။

          ကျွန်မတို့မြန်မာလူမျိုးဟာ အင်မတန် မေ့လွယ်၊ ပျောက်လွယ်တဲ့ အမျိုးပါ။ ၀င်းမော်ဦးလေးကိုလည်း မေ့နေပါပြီ။ မောင်သော်ကတို့၊ ဆရာအောင်မေသုတို့ကိုလည်း မသိသလောက်ဖြစ်နေပါပြီ။ ကားထဲမှာ အဆမတန် လူတွေများပြီး အသက်ရှူကြပ် သေဆုံးခဲ့တဲ့သူတွေကိုရော မှတ်မိသေးမယ်လို့ အစ်ကို ထင်သလား။ တံတားနီရော ပြည်သူတွေရဲ့ နှလုံးသားထဲမှာ ရှိသေးရဲ့လား။ ဒါပေမယ့် ဇာဂနာကိုတော့ မမေ့ကောင်း သေးပါဘူး။ မင်းကိုနို်င်နဲ့ ကိုကိုကြီးကိုလည်း သိကြတန်ကောင်းပါရဲ့။ ဒီလူတွေကို စာနာတန်ကောင်းပါရဲ့။ ဒီလူတွေရဲ့ နာကျင်မှုဟာ နှလုံးသားနဲ့ ဦးနှောက်ကလေးထဲမှာ ခိုအောင်းနေဆဲပဲဆိုတာ နားလည်တန် ကောင်းပါရဲ့။

          ကျွန်မကတော့ ဒီလိုကျင့်ဝတ်မဲ့တဲ့လူတွေကြောင့် ရင်ထဲက အားနာမိပါရဲ့အစ်ကို။

                                                                                          ဘာရာဒွါဂျာ(မြန်မာပြည်)

 



.

 
Copyright © 2014 Irrawaddy Publishing Group. All Rights Reserved