သူရိယအလင်း သတင်းဂျာနယ်တိုက်ကို ဝင်ရောက်သိမ်းဆည်းခံရ
Saturday, October 19, 2013 ရန်ကုန်မြို့၊ ကမ္ဘာအေး ဘုရားလမ်း၊ မြန်မာ့ကျောက်မျက်ရတနာ ပြခန်း မျက်နှာချင်းဆိုင်ရှိ သူရိယအလင်း သတင်းဂျာနယ်တိုက်ကို အောက်တိုဘာလ ၁၈ ရက်နေ့ည ၁၂ နာရီခန့် က နေရွှေသွေးအောင်(ခေါ်)ဖိုးလပြည့် အပါအဝင် စီးပွားရေးနှင့် ကူးသန်းရောင်းဝယ်ရေး ပြည်ထောင်စု ဝန်ကြီး ဦးဝင်းမြင့်၏သားနှင့် အပေါင်းအပါများက ဝင်ရောက်၍ ပစ္စည်းများ သိမ်းဆည်းသွားကြောင်း ၎င်း သတင်းဂျာနယ်တိုက်တွင် ညအိပ် တာဝန်ကျသူများထံမှ သိရသည်။
ယင်းဂျာနယ်တိုက်သို့ ဝင်ရောက်၍ ပစ္စည်းများ သိမ်းဆည်းခံရခြင်းမှာ သူရိယအလင်း သတင်းဂျာနယ် အတွဲ(၁)၊ အမှတ်(၁၂)ပါ စစ်သူရဲ ဗလမင်းထင်ရေးသားသော မော်စကိုမှာ သာသာမယ့် ဆောင်းပါး
ှနှင့်ထောင်သူရဲ ဘအုပ်ရေးသားသောမြင်းခွာတစ်ချက်ပေါက်ရင် မီးတဟုန်ဟုန်းတောက်စေရမယ် (သို့မဟုတ်) ရွှေပေါ်မြတင် ညီလေးများထံသို့ပေးစာ ဆောင်းပါးများကြောင့် ဖြစ်သည်ဟု ၎င်းဂျာနယ် အယ်ဒီတာ တစ်ဦးက ပြောသည်။
“ညက ၁၁နာရီကျော်ကျော် လောက်မှာ ဖိုးလပြည့်နဲ့ အဖွဲ့တွေ ရောက်လာပြီး ရှေ့တံခါးကို ဖွင့်ခိုင်းတာ လုံခြုံရေး တာဝန်ခံက မဖွင့်ပေးတော့ မလွယ်ပေါက် ကနေ ဖွင့်ခိုင်းလို့ ကိုသစ်မင်းဆွေကို ဖွင့်ခိုင်း ပြီး ပြည်ထောင်စု ဝန်ကြီး ဦးဝင်းမြင့်ရဲ့သား သူရိန်နဲ့ လူအရောက်နှစ်ဆယ်လောက် ဝင်လာပြီး ဂျာနယ် အပါအဝင် ပစ္စည်းတွေကို သိမ်းသွားတာ။ ရုံးမှာ ချန်ထားတဲ့ဂျာနယ် ၁၀၀ နဲ့ ပြန်သိမ်းလာတဲ့ ဂျာနယ် ၆၀၀ ရာလောက်ကော၊ ကွန်ပျူတာ ၂၂စုံက System ပုံး၁၄လုံး ဖြုတ်သွားတယ်။ အထဲဝင်ဝင်ချင်း CCTVကို စက္ကူနဲ့ အုပ်လိုက်တယ်။
ကျွန်တော်တို့ အခန်းမှာ ရှိတဲ့ CCTV ပုံးကိုလည်း ဖြုတ်သွားတယ်။ နည်းပညာသမား ကောင်းကောင်းပါ တယ် ဗျ။ အဲဒီတော့ ရကော့(record) မရတော့ဘူးပေါ့ဗျာ”ဟု အဆိုပါဂျာနယ်၏ ရှယ်ယာ ကိုးဆယ် ရာခိုင်နှုန်း ကို ပိုင်းဆိုင်ထားသည်ဆိုသော စီအီးအို အဖွဲ့ဝင် ကိုမိုးဝေက ဆိုသည်။
ယင်းသို့ ဂျာနယ်တိုက်အား ဝင်ရောက်စီးနင်းမှုနှင့် ပတ်သက်၍ ရဲစခန်းသို့ တိုင်ကြားထားခြင်း မရှိသေး ဘဲ ရှေ့နေများနှင့် ဦးစွာ တိုင်ပင်သွားမည်ဟုလည်း ဆိုသည်။
၎င်းဂျာနယ်ပါ ဆောင်းပါးများကိုလည်း ကိုမိုးဝေနှင့် အယ်ဒီတာများက ဖြတ်တောက်ခြင်း လုံးဝ မပြုလုပ် ဘဲ ပြည်သူလုထု သိသင့်သောကြောင့် ဖော်ပြခဲ့ခြင်း ဖြစ်သည်ဟုလည်း ၎င်းကဆက်လက်ပြောသည်။
မော်စကိုမှာ သာမယ့်လ ဆောင်းပါးတွင် “ဒီနေရာမှာ စစ်သူရဲဗလမင်းထင် ဆိုတဲ့ကောင်က ခရိုနီအားလုံးကို အတိအလင်း သတိပေးလိုက်မယ်။ ကျုပ်ပြည်သူတွေ အတွက် မှန်တာရေးလို့ ခင်ဗျားတို့က ကျုပ်နဲ့ ကျုပ် မိတ်ဆွေတွေ ကျုပ်စာကို ဖော်ပြပေးနေတဲ့ သူရိယအလင်းဂျာနယ်ကို ထိပါး၊ စော်ကား လုပ်ကြံလာမယ် ဆိုရင် ကျုပ်တို့ကလည်း ခင်ဗျားတို့ ဆွေခုနှစ်ဆက်၊ မျိုးခုနစ်ဆက် အဆုံးတိုင်အောင် လက်တုံ့ပြန်သွားမယ် ဆိုတာရယ် ခင်ဗျားတို့အားလုံး နောင်တကြီးစွာ ရစေမယ် ဆိုတာတော့ ပြတ်ပြတ်သားသား ကြီး ပြောထား လိုက်တယ်” ဟု စိန်ခေါ်မှု အရေးအသားဖြင့် ဖော်ပြထားခြင်းလည်း ဖြစ်သည်။
“ကျွန်တော်က ဒီအခန်းထဲမှာ အိပ်နေတာပါ။ သူရိန်တို့ အဖွဲ့တွေ ဝင်လာပြီး ပစ္စည်းတွေကော ဂျာနယ်တွေ
ကော သိမ်းသွားတာ။ လူကိုတော့ ဘာမှ မလုပ်ပါဘူး။ သူတို့နဲ့က အစကတည်းက ရင်းလည်း ရင်းနှီးပါ တယ်”ဟု CCTV မှတ်တမ်းစက်ထားရှိသော အခန်းတွင် အိပ်နေသည်ဆိုသော အယ်ဒီတာ အဖွဲ့ဝင် ဦးတင်အေးက ဆိုသည်။
သတင်းဂျာနယ် တိုက်အတွင်း ပြည်ထောင်စုဝန်ကြီး ဦးဝင်းမြင့်၏သား ကိုသူရိန်နှင့် အဖွဲ့များက ပစ္စည်းများ သိမ်းဆည်းနေစဉ်တွင် ဂျာနယ်တိုက်၏ အပြင်ဖက်တွင် ဖိုးလပြည့်နှင့် သူရိယအလင်းဂျာနယ်၏ ထုတ်ဝေသူ ဦးယုနိုင်လည်း ရှိနေခဲ့သည်ဟုလည်း ဆက်လက် သိရသည်။
အက္ခရာနိုင်(မြန်မာ့ခေတ်)
မြန်မာ့ခေတ်
Universities Champions League
အယ်ဒီတာခင်ဗျား
ကျွန်တော်တို့ဆီကသတင်းအမှန်များကို မျှဝေပေး၍ကျေးဇူးအထူးတင်ရှိပါသည်။
ယခုလည်းကျွန်တော်တို့ဥက္ကဌကိုဖိုးလပြည့်ကို
တိုက်ခိုက်မှုများပြုလုပ်နေ၍သတင်းအမှန်သိစေရန်ပေးပို့အပ်ပါသည်။
- သူရိယအလင်းမှာ ဦးဝင်းမြင့်(ဝန်ကြီး)သား၊ ဗိုလ်ချုပ်ကြီးတင်ဦး(S2)သား၊
ဦးယုနိုင်(ထုတ်ဝေသူ) တို့ပိုင်ဆိုင်ပါသည်။
- သို့ရာတွင် ၎င်းသတင်းစာကို အမှန်တကယ် Run နေသူမှာ
အမေရိကန်နိုင်ငံသားခံယူထားသူ ABSDF အသင်းဝင်ဟောင်း
မိုးဟိန်း(ခ)နိုင်ဝင်းဖြစ်ပါသည်။
- နိုင်ဝင်း တစ်ယောက်ထဲမှ နိုင်ငံတော်အကြီးအကဲများ၊
လုပ်ငန်းရှင်များနှင့် နောက်ဆုံး ကိုဖိုးလပြည့်တို့ကိုပါ
အလွန်အမင်းတိုက်ခိုက်ရေးသားလာ၍ ကိုဖိုးလပြည့်မှ ဦးဝင်းမြင့်သား၊
ဦးတင်ဦးသားတို့ကို ဖုန်းဖြင့်ဆက်သွယ်
ထိုကဲ့သို့အလွန်အမင်းတိုက်ခိုက်ခြင်းမပြုရန် မေတ္တာရပ်ခံခဲ့ပါသည်။
- ဦးဝင်းမြင့်သားမှ ကိုဖိုးလပြည့်၏ မေတ္တာရပ်ခံချက်ကို
ချက်ချင်းအရေးယူသောအားဖြင့် (၎င်း၏ပိုက်ဆံများဖြင့်သာဝယ်ထားသော)
ဂျာနယ်တိုက်မှကွန်ပျူတာများကို ညတွင်းချင်းပင်သိမ်းစည်းစေခဲ့ပါသည်။
- မိမိတို့သိရသလောက် ဦးဝင်းမြင့်သားသွားချိန်တွင်
ဦးယုနိုင်တို့သားအဖနှစ်ယောက်ဖြင့်သာသွားကြောင်းသိရပါသည်။
- ကိုဖိုးလပြည့်ကို မိုးဟိန်း(ခ)နိုင်ဝင်းက အပုတ်ချပြောဆိုလို၍ ဖိုးလပြည့်လာရောက်ကြောင်းလုံးဝ သက်သေအထောက်အထားမရှိဘဲ တစ်ဘက်သက်ပြောဆိုခြင်းဖြစ်ပါသည်။ (ယင်းကိစ္စကို ဤသတင်းစတင်ဖြန့်ဝေသူ Nathan Maung ဖေ့(စ)ဘုတ်တွင်ပင်ရှင်းလင်းထားပါသည်)
- ကိုဖိုးလပြည့်အနေဖြင့် (ဘောလုံးကိစ္စဖြင့်ပင်မအားလပ်၍) ထိုကိစ္စတွင်
လုံးဝပါဝင်စွက်ဖက်မှုမရှိမှန်း မိမိတို့ရဲရဲကြီးအာမခံနိုင်ပါသည်။
- ဦးတင်မောင်ဝင်း (09250085949) သို့ဆက်သွယ်မေးမြန်းနိုင်ပါသည်။ကျေးဇူးတင်ပါသည်။