နေရေးထက် သေရေးခက်တဲ့ ရွာ

မန္တလေး တိုင်းပုသိမ်ကြီးမြို့နယ် လက်ကောင်း ကျေးရွာအုပ်စုပိုင် သုသာန်မြေနေရာကို ကျေးရွာလူထု မသိပဲ၊ တာဝန်ရှိသူတစ်ဦးက ယခုနှစ် ဧပြီလအတွင်းက ရောင်းချသွားခဲ့သည့်အတွက် နာရေးအတွက် ခက်ခဲနေ တယ်လို့ သိရပါတယ်။ 

ဓာတ်ပုံ- စိန်ငယ်လေး

ဤနေရာကို ၀ယ်ယူသူက သံဇကာများဖြင့် ခြံစည်းရိုးပါ ကာရံထားတဲ့အတွက် ဧပြီလမှစပြီး၊ ဒီကနေ့ အချိန် အထိ ကျေးရွာက နာရေးကိစ္စများကို မြေမြုတ်သဂြီုလ်နိုင်ခြင်းမရှိပဲ၊ ကားလမ်းနံဘေးတွင်ဖြစ်သလို သရဏဂုံ တင်ကာ လေးတိုင်စင်လေးနဲ့ ကားတာယာမီးကို အသုံးပြုမီးသဂြိင်္ုလ်နေရကြောင်းသိရပါတယ်။ 

ဓာတ်ပုံ- စိန်ငယ်လေး

အဲဒါကြောင့် မနေ့က မန္တလေးမြို့က Mr 88 ကဖေးမှာ ဒေသခံတွေက လာရောက်ပြီး သတင်းစာရှင်းလင်းပွဲ လုပ်ခဲ့ပါတယ်။ 

ဓာတ်ပုံ- မင်းထက်ငြိမ်းချမ်း

လက်ကောင်းရွာသား ဦးညီမောင်က “ အဘ  အသက်၈၇နှစ်ရှိပြီ၊ အဘ အဖေလည်းဒီရွာမှာနေလာတာ အဘ အဖေတို့ လက်ထကတည်းကရှိခဲ့တဲ့၊ သချိင်္ုင်းနှစ်ပေါင်းရာချီနေပြီ၊ အခုမှ ပုံစံ ၇ ပေါက်ပြီး ရောင်းစား လိုက် တာ၊ သုသာန်မြေကတော့ မြေစာရင်းမှာမရှိတာက အရုပ်ဆိုးလွန်းပါတယ်” လို့ ပြောပါတယ်။ 

ဓာတ်ပုံ - စိန်ငယ်လေး

လက်ကောင်းကျေးရွာဟာ မန္တလေး- မေမြိ့ကားလမ်းနံဘေးမှာရှိပြီး၊ အိမ်ခြေ ၁၇၀ ကျော်ရှိကာ၊ လူဦးရေ ၈၀၀ ကျော် နေထိုင်တယ်လို့ သိရပါတယ်။ 

အာရှ အဝေးပြေး လမ်းမကြီး စီမံကိန်းဟာ လက်ကောင်းရွာနား က ဖြတ်သန်း သွားတာကြောင့်၊ အခုအခါ မှာ တော့ ဒီအရပ်ဒေသရဲ့ မြေပေါက်ဈေးဟာ တဧကကို ကျပ်သိန်း ၂၀၀၀ နီးပါး ပေါက်ဈေးရှိတယ်လို့ မြို့နယ် အထောက်အကူပြု ကော်မတီဝင် ဦးလှသောင်က ဆိုပါတယ်။ 

ရွာသုသာန်ကတော့ လက်ကောင်းရွာနဲ့ ဘိုတက်ကုန်းရွာ ကျေးရွာချင်းဆက်လမ်း တောင်ဘက်မှာရှိပြီး၊ အခု အခါမှာတော့ သုသာန်ဇရပ်အပါအဝင် မြေပုံဟောင်းများပါဖယ်ရှားဖျက်သိမ်း ကာ သံဇကာပတ်လည် ကာရံ ထားကာသီးနှံအချို့ပင်စိုက်ပျိုးထားတယ်လို့ သိရပါတယ်။ 

ဓာတ်ပုံ- မင်းထက်ငြိမ်းချမ်း

ဒီသုဿန်မြေနေရာ ကိစ္စနဲ့ ပတ်သက်ပြီး၊ မြို့နယ်၊ ခရိုင်အဆင့်ဆင့် တင်ပြခဲ့သော်လည်း အဆင် မပြေ 
သေးတဲ့အပြင်၊ ဒေသအာဏာပိုင်တွေ လမ်းညွန်တဲ့ သလဲကွင်းသုသာန်ကလည်း ၁၅ပေခန့်သာကျယ် ဝန်းပြီး၊ ရေများထွက်နေတဲ့အတွက် လက်တွေ့မှာတော့ နာရေးကိစ္စများမှာ ခက်ခဲနေပါတယ်လို့ ဒေသခံတွေ ကဆိုပါတယ်။ 


မင်းထက်ငြိမ်းချမ်း ~ 

• ဧရာဝတီ Facebook / ဧရာဝတီ Twitter

အပြည့်အစုံသို့

မမေ့နိုင်ကြသေးတဲ့ ဆဲဗင်း ဇူလိုင်

လွန်ခဲ့တဲ့ နှစ်ပေါင်း ၅ဝ ကျော် ၁၉၆၂ ခုနှစ် ဇူလိုင်လ ၇ ရက်နေ့ က အာဏာသိမ်း စစ်ကောင်စီ ဦးနေဝင်း အစိုးရက သမိုင်းဝင် ကျောင်း သား သမဂ္ဂ အဆောက်အဦကို မိုင်းခွဲဖျက်ဆီးခဲ့ကာ တက္ကသိုလ်ကျောင်းသား
တွေ ရာနဲ့ချီ အသက်ဆုံးရှုံး၊ ဘဝ ပျက်ခဲ့ကြတာ ဒီနေ့ထိ မမေ့နိုင်ကြသေးပါဘူး။

 ကျောင်းသားသမဂ္ဂ အဆောက်အဦးကို စောင့်မျှော်နေသော ဗိုလ်အောင်ကျော် အုတ်ဂူ (ဓာတ်ပုံ – ရဲနည် / ဧရာဝတီ)

ဆဲဗင်း ဇူလိုင်နေ့နဲ့ပတ်သက်ပြီး ဘယ်လိုပဲ သမိုင်းတွေ ဖျောက်ဖျက်ပေမယ့် မနေ့နိုင်ကြဘူးဆိုတဲ့ အကြောင်း မနှစ် က ဆဲဗင်း ဇူလိုင်နဲ့ပတ်သက်ပြီး စနေလင်း ရေးသားတင်ပြခဲ့တဲ့ ဆောင်းပါးကို ပြန် လည် 
ဖော်ပြလိုက်ပါတယ်။ 

နှစ်ပေါင်း ၅၁ နှစ်ကျော်က ကိစ္စကို ၁၉၆၂ ခုနှစ်က ကျောင်းသားခေါင်းဆောင်တဦးဖြစ်ခဲ့တဲ့ ဦးလှရွှေ တစ်ယောက် ဘယ်တော့မှ မမေ့နိုင်တော့ပါ။

စစ်အာဏာရှင် ဦးနေ၀င်းအစိုးရက အရင်ဆုံး အင်္ဂလိပ်အစိုးရ လက်ထက်ကတည်းက ရှိနေခဲ့တဲ့ လွတ် လပ်ပြီး ကိုယ်ပိုင်ပြဌာန်း အုပ်ချုပ်ခွင့်ရ တက္ကသိုလ်ကောင်စီကို ဖျက်သိမ်းပြီး စစ်တပ်က လူတွေကို အစား ထိုးလိုက်တာ၊ နောက်တော့ ကျောင်း ဆောင်ကော်မတီ ကိုလည်း ဖျက်သိမ်းတာတွေ သူ မှတ်မိနေတယ်။

ဇူလိုင် ၁ ရက်နေ့ ကျောင်းပြန်ဖွင့်တဲ့ အခါ မှာ ကျောင်းသားတွေကို လိုက်နာရမယ့် စည်းကမ်း ၂၂ ချက် ထုတ်ပြီးနောက်တော့ ထီမထင် ကျောင်းတော်သားတွေက စစ်အုပ်ချုပ်ရေးကို ကန့်ကွက်ဆန့်ကျင်ရေးတွေ လုပ်လာခဲ့တာတွေကို နှစ်လည်တိုင်း ဦးလှရွှေ ပြန်ပြောင်း သတိရ ပြောပြနေကြပါ။


သူ မှတ်မိနေသေးတယ်။ ရန်ကုန်တက္ကသိုလ် ကျောင်းသားတွေ ဇူလိုင် ၇ ရက်မှာ သမဂ္ဂအဆောက်အဦး ထဲမှာ အစည်းအဝေးလုပ်မယ်၊ ချုပ်ချယ်တာကို ကန့်ကွက်မယ်လို့ ကျောင်းစဖွင့်ထဲက ပြင်ဆင်လာခဲ့တယ်။ ဇူလိုင် ၆ ရက်နေ့ ညနေကျောင်းထဲမှာ မီးပျက်တော့ ကျောင်းသားတွေက အော်ဟစ်ကြရာကနေ မန္တလေး
ဆောင်က စတင်လို့ ခုံတွေ၊ စားပွဲတွေ၊ ဘီဒိုတွေကို ချိုးပြီး အောက်ပုံချကာ မီးရှို့ကြတာ၊ အဲဒီကနေ
နောက်ဆုံး မီးတုတ်တွေကိုင်ပြီး ညလယ် ၃ နာရီအထိ ကျောင်းထဲမှာ ကန့်ကွက် ဆန္ဒပြကြတော့တာကို ဦးလှရွှေက ဧရာဝတီကို အမှတ်တရ ပြန်ပြောပြတယ်။

လွန်ခဲ့တဲ့ ၅၁ နှစ်၊  ၁၉၆၂ ခုနှစ် မတ်လအတွင်း စစ်တပ်က အာဏာသိမ်းပြီးနောက်ပိုင်း တဖြည်းဖြည်းနဲ့ အရပ်ဘက် လူ့အဖွဲ့အစည်းတွေနဲ့ အခွင့်အရေးတွေကို ရုတ်သိမ်းလာခဲ့ပါတယ်။

ဇူလိုင် ၇ ရက်နေ့ မနက် ၁၁ နာရီမှာ ကျောင်းသား သမဂ္ဂ အစည်းအဝေး စတင်ခဲ့ပြီးနောက် ကျောင်းသား
တွေ ကို ဖိနှိပ်တဲ့ စည်းကမ်းတွေ၊ တက္ကသိုလ် အက်ဥပဒေကို ရုတ်သိမ်းခဲ့တာတွေကို ကန့်ကွက်ခဲ့ကြတယ်။

နေ့လည် ၂ နာရီခန့်မှာ  အဓိပတိ လမ်းမထဲကို ရဲကားတွေ ကွေ့ဝင်လာပြီး ကျောင်းသားသမဂ္ဂရှေ့မှာရပ် ရဲတွေဝင်လာပြီး ကျောင်းသားခေါင်းဆောင်တွေဖြစ်တဲ့ ကိုဗဆွေလေး၊ ကိုသက်နဲ့ ကိုဥာဏ်ဝင်းတို့ကို အစည်းအဝေးပြီးလို့ မပြန်နိုင်ကြသေးပဲ သမဂ္ဂ စာဖတ်ခန်းမှာ၊ သမဂ္ဂ စားသောက်ဆိုင်မှာ ထိုင်နေကြ တဲ့ ကျောင်းသားတွေရှေ့မှာပဲ ၀င်ဖမ်းခဲ့ပါတယ်။

“ဖမ်းတာကလည်း ဘယ်သူ့ကိုပဲ ဖမ်းမယ်ဆိုတာ စီစဉ်ပြီးသား။ ကျောင်းသားတွေ ဘာမှလုပ်ချိန်မရ လိုက်ဘူး။ အဲဒီနောက် ကျောင်းသားနဲ့ ရဲတွေ ပဋိပက္ခ စဖြစ်တယ်။ ဒီလိုနဲ့ ညနေ ၄ နာရီခွဲလောက်မှာ စစ်တပ်က စပြီး နေရာယူလာတယ်။ ကျောင်းထဲမှာလည်း ကျောင်းသားတွေက အုပ်စုလေးတွေနဲ့ ဟိုတစ်စု၊ ဒီတစ်စုဖြစ်နေပြီ။ ကျောင်းသား ခေါင်းဆောင်တွေက ဖမ်းဆီးရေးတွေ စတော့မယ်ဆိုတာကို မြင်လာတယ်” လို့ ဦးလှရွှေက ပြောပြတယ်။

ကျောင်းသားတွေက ပစ်သတ်လိမ့်မယ်လို့ လုံးဝ မထင်ထားဘူး။ ဒါပေမယ့် တဖြည်းဖြည်းနဲ့ တပ်ရဲ့နေရာ ယူမှုက အခြေအနေ ပိုတိုးလာပြီး ညနေ ၆ နာရီခွဲမှာ ကျောင်းသားတွေကို သေနတ်နဲ့ စတင်ပစ် ခတ်တော့ တယ်။ ဘယ်လောက်အထိ ပစ်လဲ ဆိုရင် ည ၉ နာရီလောက်အထိ မီးရောင်မြင်ရင် ပစ်တဲ့အဆင့်ထိကို ပစ်ကြတာလို့ သူကဆက်ပြောပါတယ်။

အဲဒီည ၇ နာရီ မြန်မာ့အသံရဲ့ ရေဒီယိုမှာ ဦးနေ၀င်းက တိုင်းပြည်ကို သူတာဝန် ယူချိန်မှာ တက္ကသိုလ်
ကျောင်းသားများ စည်းကမ်းမဲ့ ဘ၀ကို ပြုပြင်ရမယ့် တာဝန်ပါ ကျရောက်နေတာကြောင့် တပ်မတော်၏ အင်အားတစ်စိတ်တဒေသကို သုံးပြီးဖြေရှင်းလိုက်ရကြောင်း၊ ယခုအဖြစ်ပျက်တဲ့ ကိစ္စတွေက ကျောင်းသား ကိစ္စ တစ်ခုထဲ မဟုတ်ပဲ နိုင်ငံရေး အမှောင့် ပယောဂတွေ ဖမ်းစားသည်ကို ရိပ်စားမိကြောင်း၊ မိမိတို့ရဲ့ အလုပ်ကို ပျက်အောင် တမင်လုပ် နေကြရင်  နောက်ထပ် မည်သည်ကိုမှ ထပ်မပြောလိုကြောင်း၊ ဓားကို ဓားခြင်း လှံကိုလှံခြင်း ရင်ဆိုင်ရန်သာရှိတော့ကြောင်း မိန့်ခွန်း ပြောပါတယ်။

ဇူလိုင်လ ၈ ရက်နေ့ မနက်အစောကြီးမှာတော့ ရန်ကုန်တက္ကသိုလ်ထဲက ကျောင်းသားသမဂ္ဂ အဆောက် အဦး ကို ဗုံးခွဲ ပြီးတော့ ကျောင်းသားသမဂ္ဂရဲ့ တရားဝင်ရပ်တည်မှုကို ဖျက်ဆီးလိုက်ပါတယ်။

အဲဒီ ဇူလိုင် ရ ရက် အရေးအခင်းမှာ ကျောင်းသားတွေ ဘယ်လောက်အထိ သေခဲ့တယ်ဆိုတာကို ယနေ့ အထိ ဘယ်သူကမှ တိတိကျကျ မပြောနိုင်သေးပါဘူး။ ဦးနေ၀င်း အစိုးရ ထုတ်ပြန်ထားတာကလည်း တကယ်တော့ စာရင်းအတိအကျ မဟုတ်သေးပါဘူး။

အဲဒီအချိန်ထဲကစ ကျောင်းသားသမဂ္ဂကို ဖျက်ဆီးပြီး ကျောင်းသားသမဂ္ဂရဲ့ သမိုင်းကို ဖုံးကွယ်ခဲ့ပါတော့ တယ်။

“တကယ်တော့ အစိုးရ အဆက်ဆက်တိုင်းက ကျောင်းသားတင်မကပါဘူး။ Campaign လို့ခေါ်တဲ့ စည်းရုံး လှုံဆော်မှုတွေ ကိုတောင် အစိုးရဆန့်ကျင်ရေးလို့ မြင်နေရှာတုန်းပါပဲ။ အုပ်ချုပ်ရေးယန္တရား မှာ တော်တော်
ဖြစ်နေတဲ့ကိစ္စပါ။ တခုတော့ သိထားပါ။ ကောင်းမွန်မှန်ကန်တဲ့ အုပ်ချုပ်ရေးစနစ်ဆိုရင် ကျောင်းသားတွေ က ထောက်ခံတဲ့အပြင် ပုခုံးနဲ့ တွန်းတင်ခဲ့တာ ချည်းပါပဲ။ ဖောက်ပြန်တဲ့ အစိုးရ အုပ်ချုပ်ရေး ယန္တရား ဆိုရင်တော့ ကျောင်းသားတွေနဲ့ ထိပ်တိုက်တွေ့ရမှာပဲ” လို့ ၈၈ မျိုး ဆက်ကျောင်းသားခေါင်းဆောင် ကိုမင်းကိုနိုင်က  ပြောပါတယ်။

၁၉၆၂ ခုနှစ် ကျောင်းသားသမဂ္ဂဗုံးခွဲလို့ အဆောက်အဦးကြီး မရှိတော့ပေမယ့် ကျောင်းသားထုရဲ့ ရင်ထဲမှာရှိနေတဲ့ သမဂ္ဂစိတ်ဓါတ်တွေ၊ အစဉ်လာများတွေကိုတော့ ဖျက်ဆီးလို့ မရပါဘူးလို့ ၂၀၀၇ မျိုးဆက်ကျောင်းသား ခေါင်းဆောင်တစ်ဦးဖြစ်တဲ့ ဒီငြိမ်းလင်းကလည်း ဆိုပါတယ်။

အစိုးရက ဒီမိုကရေစီ အသွင်ကူးပြောင်းနေတယ်လို့ ပြောနေပေမယ့် ကျောင်းသားသမဂ္ဂတွေရဲ့ တရားဝင် ရပ်တည်မှုကို ခွင့်ပြုပေးတာမျိုး မရှိသေးဘဲ ကျောင်းသား အခွင့်အရေးလှုပ်ရှားသူတွေကိုလည်း ပညာရေး စိတ်မဝင်စား နိုင်ငံရေး လုပ်တယ်လို့ ယူဆနေတုန်းလို့လည်း ဆက်ပြောတယ်။

ကျောင်းသားတွေသာ နိုင်ငံရဲ့ အရေးကိစ္စတွေမှာ ပါဝင်မှု မရှိခဲ့ဘူးဆိုရင် မြန်မာနိုင်ငံဟာ လွတ်လပ်ရေး ရလာမှာ မဟုတ်တဲ့အကြောင်း၊ ဒီလို ခေတ်ပြောင်း စနစ်ပြောင်းကိုလည်း ရောက်လာမှာ မဟုတ်တဲ့ အကြောင်း  ဒီငြိမ်းလင်းက ပြောပါတယ်။

ကျောင်းသားလှုပ်ရှားမှု ဆိုတာက တကယ်တော့ အရေးတော်ပုံ ကြီးတစ်ခုလုံး၏ ကနဦး လှုပ်ရှားမှု သာဖြစ်ပြီး ကျောင်းသားတွေလှုပ်ရှားနေရုံနဲ့၊ ကျောင်းသား သမဂ္ဂတစ်ခုထဲနဲ့တော့ ခေတ်စနစ် အပြောင်း အလဲ  ဖြစ်နိုင်မှာ  မဟုတ် ကြောင်းကို ၁၉၆၂ ခုနှစ် ကျောင်းသားခေါင်းဆောင် တစ်ဦးဖြစ်တဲ့ ဦးလှရွှေက သုံးသပ်ပါတယ်။

ကျောင်းသားများသည် ရိုးသားဖြူစင်ပြီး မိမိယုံကြည်ရာကို ပြောရဲဆိုရဲကြောင်း၊ အာဏာရှင်ခေတ်များတွင် လည်း ကျောင်းသားများက စတေးခံခဲ့ကြောင်း၊ သို့ရာတွင်အစိုးရဘက်မှ ကျောင်းသားတွေကို  နိုင်ငံရေး ပါတီတွေရဲ့ ပါတီ နိုင်ငံရေးတွေနဲ့ တွဲမြင်နေသေးတဲ့ အနေအထားမျိုးလို့လည်း ဆိုပါတယ်။

ဒါပေမယ့် ယနေ့ ကျောင်းသား လူငယ်အများစုဟာ ကျောင်းသားသမဂ္ဂသမိုင်းကို စိတ်ပါဝင်စားမှု အားနည်နေသေးတဲ့ အနေအထားဖြစ်နေရပြီး သမဂ္ဂရဲ့ လုပ်ထုံးလုပ်နည်း၊ ဖွဲ့စည်းပုံနဲ့ ကျင့်ထုံးတွေကို လွတ်လပ်စာ ပြဌာန်းအကောင်း အထည်ဖော်ခွင့်နဲ့ ကင်းဝေးနေဆဲလို့ ဒီငြိမ်းလင်းက သုံးသပ်ပါတယ်။

တက္ကသိုလ် ကျောင်းသားဘ၀( Campus Life ) ကို မျှော်လင့်ထားသလောက် မရသေးဘဲ ကျောင်းသား
တွေ ရဲ့ အခွင့်အရေးကို တဖြည်းဖြည်း လုပ်ယူသွားရမှာဖြစ်တယ်၊ နောက်ပြီး တက္ကသိုလ် တစ်ခုနဲ့ တစ်ခုကြားမှာ စည်းမျဉ်း စည်း ကမ်းတွေ ခွဲခြားခံနေရသေးတာကြောင့်လဲ ကျောင်းသားထုကြား စည်းလုံး ညီညွတ်မှု မရသေးတဲ့ အနေအထားမှာရှိနေသေး တယ်လို့ အမည်မဖော်လိုသော လှိုင်သာယာ နည်းပညာ တက္ကသိုလ်မှ ဒုတိယနှစ်ကျောင်းသားတစ်ဦးက  ပြောပါတယ်။

“ဒါပေမယ့် တကယ်တမ်း တက္ကသိုလ်  သမဂ္ဂကိုသာ တရားဝင် ရပ်တည်ခွင့်ပေးလိုက်မယ်ဆိုရင် ဒီ
ကျောင်းသား ထုက တကယ့်နိုင်ငံအားတွေ ပိုဖြစ်လာမယ်လို့  ယူဆတယ်။ ကျောင်းသားတွေက အသင်း ဖွဲ့စိတ်ဓါတ်တွေ၊ အဖွဲ့စုပေါင်း  လုပ်ဆောင်မှုတွေ အလေ့ကျင့်ဖြစ်လာမယ်၊ တစ်ဦးနဲ့တစ်ဦး အပြန် အလှန် လေးစားမှုတွေ ပိုရလာမယ်ဆိုတာတော့ အမှန် ပဲဗျ။ ဒါပေမယ့် အစိုးရဘက်က ကျောင်းသား
တွေ အပေါ်မှာ  မြင်နေတဲ့ အမြင်တွေကိုတော့ ဖျောက်ဖျက်ဖို့ရာ ခက်နေဦး မယ်။ နောက် တချို့ ဆရာတွေရဲ့ ကြောက်လန့်တဲ့ စိတ်ကို ပြောင်းလဲဖို့ လိုသေးတယ်” လို့ သူကဆိုတယ်။

အခုခေတ် အချိန်မှာ ဥပဒေအရ အာမခံပေးနိုင်မယ့် တက္ကသိုလ် အက်ဥပဒေလိုမျိုးလည်း မရှိ၊ ဆရာ၊ ဆရာမတွေနဲ့ ကျောင်း သားတွေကြားမှာ ချစ်ကြည်ရင်းနှီးရေးတွေမှာ အခက်ခဲတွေသာ ပြေလည်ခဲ့မယ် ဆိုရင် တက္ကသိုလ် သမဂ္ဂဆိုတာ မကြာခင် ပေါ်ပေါက်လာမှာဖြစ်တယ်လို့ ဒီငြိမ်းလင်းက သုံးသပ်တယ်။

ဇူလိုင် ၇ ရက်နေ့ အထိမ်းအမှတ်လုပ်ကြတယ်ဆိုတာက ဒီလိုမျိုးဖြစ်ရပ်တွေ နောက်ထပ် မဖြစ်အောင်၊
ကျောင်းသားထုကြားမှာ သမဂ္ဂစိတ်ဓာတ်တွေ၊ ကျောင်းသားသမိုင်းတွေကို သိဖို့၊ တိုင်းပြည်ရဲ့ ဖွံ့ဖြိုးတိုး တက်ရေးမှာ မောင်းနှင်အားတခုဖြစ်လာအောင် လုပ်ကြတာပါ၊ နောက်ကြောင်းပြန်လှည့်သွားဖို့၊ အငြိုး အာဂတတွေ ထပ်ဖြစ်လာဖို့၊ အနာတွေကို ပြန်ဆွဖို့ လုပ်နေ ကြတာမဟုတ်ပါဘူးလို့ သူကဆိုပါတယ်။

ကိုမင်းကိုနိုင်ကလည်း အဆက်ဆက် ကျောင်းသားလှုပ်ရှားမှုများဟာ ပေါင်းကူးတံတားသဖွယ်ဖြစ်ကြောင်း၊ ဒါကို အသိမှတ်ပြုပြီး အခွင့်သင့်တိုင်း ဖော်ထုတ်ရမည်ဖြစ်ကြောင်း၊ ကျောင်းသားသမိုင်းကိုလည်း ဆက် လက် ထိန်းသိမ်းသွားရမည်ဖြစ်ကြောင်း ဆိုပါတယ်။

ယနေ့ခေတ်အချိန်တွင် “အစပျိုးစ အခြေအနေကို ဖူးပွင့်ဖို့ရာမှာ” မိမိတို့ အားလုံးအပေါ်တွင် မူတည်
ကြောင်း၊ အစွမ်းအစဆို ရာတွင်လည်း ဥာဏ်ပညာက အရေးကြီးကြောင်း၊ မိမိတို့ အတွေ့အကြုံများကနေ သင်ယူရင်း အပြန်အလှန် နားလည်မှုကို ရရှိရန် ရင့်ကျက်မှုကို တည်ဆောက်ရမည်ဖြစ်ကြောင်း၊ နည်းဗျူဟာကို သေချာစွာ စဉ်းစားမှ “အနာဂတ်လှမှာ” ဖြစ်ကြောင်း  ကိုမင်းကိုနိုင်က သုံးသပ်ပါတယ်။


ဒီနေ့ တက်ကြွလှုပ်ရှားနေတဲ့ ကျောင်းသားလူငယ်တွေကို ရည်ရွယ်ပြီး ၁၉၆၂ ခုနှစ်ကျောင်းသား
ခေါင်းဆောင်  ဦးလှရွှေက သတိပေးပါတယ်။

ကျောင်းသားဆိုတဲ့ ဂုဏ်ပုဒ်တစ်ခုထဲတွင်ရပ်တည် မနေသင့်ပဲ အချိန်တန်ရင် ကိုယ်အားသန်ရာကို
 ပြောင်းလဲရမယ်လို့ ဗိုလ်ချုပ်အောင်ဆန်းတို့ ကျောင်းသားဘ၀ကနေ ကူးပြီး စစ်ရေး ထိုမှတဖန် နိုင်ငံရေး တခုခုကို ရွေးချယ်လျှောက်လှမ်းခဲ့ကြသူတွေ ဖြစ်ကြောင်း ဥပမာ ယူကြဖို့လည်း ပြောဆိုတယ်။


စနေလင်း ~

• ဧရာဝတီ Facebook / ဧရာဝတီ Twitter

အပြည့်အစုံသို့

ပညာရှင် များ သတိထား

  ဒေါက်တာဗမော်ဟာ အနောက်တိုင်း က ပညာတတ်တယောက်ပဲ ။ ပညာရှင်ပဲ။ မြန်မာပြည်မှာ အဦးဆုံး
ဒေါက်တာ ဘွဲ့ ရ သူတွေထဲမှာ ပါတယ်။ 

အပြည့်အစုံသို့

ကြိုးတိုက် ဋီကာ (၆)

ကျောင်းသားလှုပ်ရှားမှုတွေ အရှိန်ရလာတဲ့အခါ မဆလ အစိုးရက တန်ပြန်သပိတ် လှုပ်ရှားမှုတွေနဲ့အတူ အဆိပ်ခတ်တာ၊ မီးရှို့တာ၊ လမ်းမီးတိုင်၊ မီးပွိုင့်တွေနဲ့ အစိုးရ အဆောက်အအုံ ယန္တရားပစ္စည်းတွေ ဖျက်ဆီး တယ်ဆိုတဲ့ ကောလာဟလတွေလည်း တဆက် တည်း ဖြစ်ပေါ်ခဲ့ပါတယ်။ 

 အကျဉ်းသားကို ကြိုးတုပ် ခေါင်းစွပ်ထားသည့် သရုပ်ပြပုံ၊ ဓာတ်ပုံ-AAPP

ဒါတွေရဲ့နောက်ဆက်တွဲ အနေနဲ့ ဆန္ဒပြသူ အလွှာအသီးသီးက မြန်မာနိုင်ငံသားတွေကို အဆိပ် ခတ်မယ်၊ မီးရှို့မယ် စတဲ့ သတင်း တွေ၊ ကောလာဟလတွေနဲ့ လက်ရ ဖမ်းမိသူတွေကို ဒေါသဖြစ်နေတဲ့ လူအုပ်ကြီး
တွေ က ဖမ်းမိကြတဲ့အခါ ထူးဆန်းစွာပဲ သူတို့တွေဟာ ဓာတုဆေးဝါး တခုခုကြောင့် သာမန်လူတွေလို မဟုတ်ဘဲ ဘာဆိုဘာမျှ တုံ့ပြန်မှုမရှိတာတွေ ကြုံတွေ့ခဲ့ရဖူးပါတယ်။ 

အခုတော့ ကြိုးတိုက်ထဲမှာ အဲဒီလိုလူတွေကို ကိုယ်တိုင် ဖမ်းဆီးခဲ့တဲ့သူတွေနဲ့ ဘဝတူ အကျဉ်းသား ဖြစ်နေ ခဲ့ ပါတယ်။ သူတို့အားလုံးရဲ့ ပြောဆိုချက်တွေမှာ တူညီနေတာ တခုကတော့ တန်ပြန် သပိတ်ဆိုတဲ့ အဆိပ် ခတ် သူ၊ မီးရှို့ဖို့ ကြိုးစားတယ်ဆိုတဲ့ သူတွေဟာ ဆေးလိပ် မီးနဲ့ ထိုးပြီး စစ်ဆေးလည်း ဘယ်လိုမှ တုန်လှုပ် မှု၊ နာကျင်မှု ဝေဒနာကို မပြသလို တချို့ဆို လုပ်ဆောင်မယ့် အဖျက်လုပ်ငန်းတွေကို ဝန်ခံကြတာပါပဲ။ 

ဒီလို ဝန်ခံတဲ့အခါ ဘယ်သူက ခိုင်းတယ်ဆိုတာကို ဘယ်လိုမှ စစ်ဆေးလို့ မရတာ ထူးဆန်း တယ်လို့ 
သေဒဏ် ကျခံနေရသူတွေက ပြောကြပါတယ်။ ရှစ်လေးလုံးကာလ လူသတ်မှုတွေနဲ့ စွပ်စွဲပြီး သေဒဏ် အဖြစ် အပြစ်ဒဏ် ချမှတ်ခံထားရသူ အများစုဟာ တကယ်တော့ သူတို့ကိုယ် တိုင် သတ်ဖြတ်မှုတွေ မကျူးလွန်ခဲ့ဘဲ ဘေးကရပ်ကြည့်သူတွေ ဖြစ်နေတာပါပဲ။ 

ဒါပေမယ့် တချို့ကတော့ တန်ပြန်သပိတ် လုပ်ဆောင်သူတွေကို ဖမ်းဆီးထားချိန် သူတို့ကို ဝိုင်းဝန်း အားပေး အားမြှောက် လုပ်နေတဲ့၊ ဒေါသဖြစ်နေတဲ့ လူအုပ်ကြီးရဲ့ တိုက်တွန်းမှုတွေကြောင့် သူတို့လည်း ကိုယ်တိုင် ဓားနဲ့ ခေါင်းဖြတ် သတ်ဖြတ်ခဲ့မိတယ်လို့ ဝန်ခံပြောကြားသူတွေလည်း ရှိတယ်။ 

ဒီအထဲ ရဲတပ်ဖွဲ့ဝင်တွေကို သတ်ဖြတ်ခဲ့သူလို့စွပ်စွဲပြီး သေဒဏ် ချမှတ်ခံထားရသူတွေအနက် တချို့က သူတို့ ဟာ ရဲတပ်ဖွဲ့ဝင်တွေရဲ့အမျိုးမျိုး အနိုင်ကျင့် ခံခဲ့ရသူတွေဖြစ်လို့ အမုန်းစိတ်တွေ ကိန်းအောင်းနေခဲ့ပြီး လူထုအုံကြွမှုကာလ ရဲတပ်ဖွဲ့ဝင်တွေကို အငြိုးကြီးကြီး နဲ့ လက်စားချေခဲ့ရလို့ ကြိုးစင်တက်ရလည်း ဝမ်းမနည်း ဘူးလို့ ဆိုလာသူတွေလည်း ရှိပါတယ်။ 

ဒီအထဲက တယောက်ကဆို သေဆုံးသူ ရဲတပ်ဖွဲ့ဝင်တယောက်ရဲ့ အသားကို မီးကင်ပြီးစားခဲ့တဲ့ အကြောင်း
ပြောပြပြီး အဲဒီအချိန် တုန်းက “ဘဲကင် ရမယ်” ဆိုတဲ့ ဆိုင်းဘုတ်မှာ “ရဲကင် ရမယ်” လို့ တောင် စာပြောင်း ချိတ်ခဲ့ကြောင်း ဟာသနှောပြီး ပြန်ပြောပြပါတယ်။ 

ထူးခြားတာက ရဲတပ်ဖွဲ့ဝင်ရဲ့ အသားကိုစားတယ်ဆိုတဲ့ ကြိုးသမားဟာ တချိန်က တပ်မတော်(ရေ) က တပ်သားဟောင်းတဦး ဖြစ်ပါတယ်။ ကျန်းမာရေးအရ တပ်ကထွက်လာပြီး နောက်ပိုင်း အရက်ပုန်း ရောင်း စား ရာက ရဲတပ်ဖွဲ့တွေရဲ့ အနိုင်ကျင့်မှု၊ ဗိုလ်ကျမှုကို နေ့စဉ်နဲ့အမျှ ခံစားခဲ့ရတယ်လို့ သူက ပြောပြပါတယ်။ 

အဲဒီလို ရှစ်လေးလုံးကာလ လူသတ်မှုတွေနဲ့ သေဒဏ် ချမှတ်ခံထားရသူ ကြိုးသမားတွေထဲမှာ အထင်အရှား ဆုံး ကြိုးသမားတွေကတော့ ရန်ကုန် မြို့တော်ခန်းမကို ၁၉၈၉ ခုနှစ် ဇူလိုင်လ ၇ ရက် နေ့က ဗုံးဖောက်ခွဲ မှုကြောင့် ဖမ်းဆီး သေဒဏ်ချမှတ် ခံထားရတဲ့ ကရင် အမျိုးသား အစည်းအရုံး(KNU) က ဗိုလ်မှူး အဆင့်ရှိ တယ်ဆိုတဲ့ ကိုကိုနိုင် ခေါ် သိန်းဦးနဲ့ ဆေးကျောင်းသား ကိုအောင်သူ၊ ကိုကိုနိုင်ရဲ့ ဦးလေးတော်စပ်တဲ့ ကိုမောင်မောင်သင် တို့ ဖြစ်ပါတယ်။ 

သန်လျင် ရေနံချက်စက်ရုံ ဗုံးဖောက်ခွဲမှုမှာ မကျူးလွန်ခဲ့ဘဲ ကျူးလွန်တယ်ဆိုပြီး စွပ်စွဲကာ သေဒဏ် ချမှတ် ခံ ထားရသူတွေဖြစ်တဲ့ အမျိုးသား ဒီမိုကရေစီအဖွဲ့ချုပ် (NLD) ပါတီရဲ့ သန်လျင်မြို့နယ် NLD လူငယ် ကိုသန်းဇော်၊ ကိုညီညီဦး၊ ကိုမိုးကျော်သူ တို့ ၃ ဦး နဲ့လည်း ဘဝတူ ကြိုးသမားတွေအဖြစ် အတူဖြတ်သန်း ခဲ့ရပါတယ်။ အင်းစိန်ထောင် တိုက်ဝန်းထဲက ကြိုးတိုက်ထဲမှာ နေလာရင်း တဖြည်းဖြည်းနဲ့ နေသားတကျ ရှိလာခဲ့တယ်။ 

နေ့စဉ် မနက်စာ၊ ညစာ ကို ထောင် ထမင်း၊ ထောင်ဟင်းတွေအပြင် ကြိုးတိုက်ထဲက မိတ်ဆွေတွေရဲ့ ကြင်နာ နွေးထွေးမှုနဲ့ အသက်ဆက် ရှင်သန်နေရ တယ်။ ထောင်ကကျွေးတဲ့ ပျော့တူးမနပ် စပါးလုံးများ များနဲ့ ဝါကြင်ကြင် ထမင်း ၄ အောင်စ မရှိတရှိ၊ လက်ဖက်ရည် ဇွန်းငယ် တဇွန်းစာ နံစော်နေတဲ့ ငါးပိ၊ ပဲဟင်း အရည်ကျဲကျဲတခွက် (၂၀ဝ စီစီနီးပါး) တို့နဲ့ ကန်စွန်းကြီးရွက်ကို အမှိုက်ပါမကျန် အကုန်ရော ပြုတ် ထား တဲ့ စိမ်းရွှေရွှေ တာလဘောဟင်း၊ ဒိုက်စော်နံနေတဲ့ ငါးကြော်ဆိုတာတွေက ထောင်သားတိုင်းအတွက် အာဟာရအဖြစ် စိတ်ထဲမှတ်ပြီး မှီဝဲကြရတာပါ။ 

ထောင်ဝင်စာ မရှိတဲ့သူတဦးအဖို့ ထောင်က ကျွေးတဲ့ ထမင်း၊ ဟင်းဆိုတာနဲ့ အသက်ဆက်မယ်ဆိုရင် အကျဉ်းထောင်ထဲမှာ ၅ နှစ် ထက် မပိုဘူးလို့ ထောင်နှစ်ရှည် ကျနေကြသူတွေက မှတ်ချက်ပေးတာလည်း သတိရပါတယ်။ 

ကြိုးတိုက်နေ ကြိုးသမားတွေနဲ့ တခြား နာမည်ကြီး နိုင်ငံရေး အကျဉ်းသားတွေက သူတို့ မိသားစု ချွေးနည်း စာနဲ့ ပို့လာတဲ့ အစား အသောက်တွေကို မျှဝေကျွေးမွေးခဲ့တဲ့အတွက် ထောင်ဝင်စာ တွေ့ခွင့် မရသေးတဲ့ ကျနော့်မှာ ထောင်ဝင်စာဆိုတဲ့ အဓိပ္ပာယ် ကို နားမလည်နိုင်ဘဲ ရှိနေခဲ့ပါသေးတယ်။ 

ထိုစဉ်က အင်းစိန် အကျဉ်းထောင်မှာ အချုပ် ကျ အချုပ်သားတွေအတွက် ထောင်ဝင်စာတွေ့ရက် တွေက တနင်္လာ၊ အင်္ဂါ၊ ဗုဒ္ဓဟူး နေ့တွေဖြစ်ပြီး ထောင်ကျ အကျဉ်းသားတွေအတွက် ထောင်ဝင်စာတွေ့ရက် က ကြာသပတေး၊ သောကြာ၊ စနေ ၃ ရက် ဖြစ်ပါတယ်။ 

ကြိုးတိုက်နေ ကြိုးသမားတွေအတွက် ထောင်ဝင်စာတွေ့ရက်ကိုတော့ စနေတရက်တည်း သတ်မှတ် ပေး ထားခဲ့ပါတယ်။ 

နောက်ပိုင်း မှာတော့ တနင်္ဂနွေ တရက်တည်းသာ ကြိုးသမား ထောင်ဝင်စာနေ့အဖြစ် သတ်မှတ်ပေးခဲ့ ပါတယ်။ အဲဒီနေ့မှာတော့ တခြား အကျဉ်း သား၊ အချုပ်သားတွေရဲ့ ထောင်ဝင်စာ မရှိပါဘူး။ 

 သေဒဏ် ကျခံရပြီး ၃ လ အကျော် ၄ လ နီးပါး ကြာပြီးနောက် တရက်သော မနက်ပိုင်းမှာ ထောင်ဝင် အမှတ် ၄၀၄၆ စီ/ ဗညား ခေါ် အောင်နိုင်၊ ထောင်ဝင်စာတွေ့မယ်ဆိုတဲ့ ခေါ်သံဟာ ရင်ကို တုန်ခါစေခဲ့ ပါတယ်။ 

 ၁၉၈၈ ခုနှစ် ဩဂုတ်လလောက် ကတည်းက မိဘ၊ ညီအစ်ကို မောင်နှမတွေနဲ့ မတွေ့ခဲ့ရတော့တဲ့ ကျနော် ဟာ အဲဒီနေ့ ထောင်ဝင်စာ မှာ ဘယ်သူများ လာတွေ့လိမ့်မလဲလို့ အတွေးထဲ မေးခွန်းများစွာ ထုတ်နေမိခဲ့ တာပါ။ 

ကျနော့်အရင် တခြားကြိုးသမားတွေက သယ်ဆောင်လာတဲ့ သတင်းစကားက ကျနော့်နားစည်ဝ ရောက် လာ တဲ့အချိန်မှာ ရင်ထဲမှာ ခံစားမှုတမျိုး ဖြစ်ခဲ့ပါတယ်။ 

ကျနော့်ရဲ့ ပထမဆုံးသော ထောင်ဝင်စာကို ကျနော့် ဖခင်နဲ့ မိခင်ဖြစ်သူ ၂ ဦးသား ရန်ကုန်ကနေ မိုင် ၅၀ဝ လောက် ဝေးတဲ့ အညာ ဒေသ ကနေ နာမည်ဆိုးနဲ့ ကျော်ကြားတဲ့ အင်းစိန်ထောင်ကို ခက်ခဲပင်ပန်း ကြီး စွာနဲ့ ရောက်လာခဲ့ရတာပါ။ 

ထောင်ဝင်စာခန်းကို ရောက်ဖို့ ကြိုးတိုက်ထဲကနေ တိုက်ဝန်းရုံးခန်းမှာ ပထမအဆင့် ရှာဖွေမှုလုပ်ပြီး ခေါင်း စွပ် စွပ်တာ ခံလိုက်ရပါတယ်။ ဒီခေါင်းစွပ်ဆိုတာကြီးက စပြီးအဖမ်းခံခဲ့ရကတည်းက ယဉ်ပါးသလို ဖြစ်ခဲ့ရ တဲ့ ခေါင်းစွပ်၊ သေဒဏ် အမိန့် ချပြီးခဲ့ပေမယ့် ထောင်ကို ရောက်ခါစ စစ်ကြောရေး မပြီးပြတ်သေးလို့ အထူးဆောင် ခေါ် ထုတ်သွားပြီး မေးခွန်းတွေ ဖြေပေးရချိန်ကလည်း စွပ်လိုက်ရတဲ့ ခေါင်းစွပ်၊ အခု လည်း ထောင်ဝင်စာ တွေ့ဖို့သွားရင် လမ်းတလျှောက်လုံး သူများ မမြင်အောင် စွပ်ရတဲ့ခေါင်းစွပ်၊ မျက်လုံးပေါက် ၂ ပေါက် နဲ့ ချွေးစော် နံနေတဲ့ ခေါင်းစွပ်၊ အဲဒီ ခေါင်းစွပ်ဟာ ထိုခေတ် စစ်အာဏာရှင် တို့ရဲ့ ယန္တရားတခုထဲက အသုံးအဆောင် ပစ္စည်း တခုပေါ့။ 

ထောင်ဝင်စာခန်းအဝင်မှာ ခေါင်းစွပ် ချွတ်ပေးလိုက်ပြီး ခေါင်းလောင်းသံနဲ့ အတူ တဖက် သံဆန်ခါ ၂ ထပ်
ခြား ထားတဲ့ အခန်းထဲ ဝင် လာမယ့် ကိုယ့် မိသားစုဝင်တွေကို လည်တမော့မော့ မျှော်ကြည့် စောင့်ဆိုင်းနေ မိခဲ့တယ်။ 

ထောင်ဝင်စာခန်းထဲ ဝင်လာတဲ့ မေမေနဲ့ ဖေဖေဟာ သားကိုမြင်လိုက်တာနဲ့ မေမေကတော့ မိန်းမသား ဆိုတော့ ကျနော့်ကို မြင်မြင်ချင်း မျက်ရည်တွေ ဖြိုင်ဖြိုင် ပြိုကျလာခဲ့တယ်။ ဖေဖေကတော့ ယောကျာ်းသား မို့ အိနြေ္ဒဆည်နိုင်ပါတယ် အေးအေး ဆေးဆေးပါပဲ။ 

အဲဒီတုန်းက မေမေရဲ့ ပထမဆုံး အမေးစကားက ကျနော့်နားထဲ အခုထိ တရစ်ဝဲလည်လည်။ “သားကြီး အဖမ်းခံရတဲ့အကြောင်း သတင်းစာ နဲ့ တီဗီတွေ၊ သတင်းစာ ရှင်းလင်းပွဲတွေမှာ မေမေ တွေ့ရတယ်။ သားကို သူတို့ ဘယ်လိုတွေ နှိပ်စက် ထားသေးလဲ” တဲ့။ 

မေမေဟာ ဒီမေးခွန်းနဲ့ အတူ ကျနော့်ခန္ဓာကို အနှံ့ ကြည့်လိုနေဟန်တွေ့လို့ ကျနော်လည်း အင်္ကျီ ကို ချွတ်၊ ပုဆိုးတွေ မပြပြီး စစ်ထောက်လှမ်းရေးတွေ နှိပ်စက်လိုက်လို့ ဒဏ်ရာတွေ များများ မမြင်နိုင်တဲ့ နေရာတချို့ ကို ပြလိုက်ပါတယ်။ 

မေမေဟာ တွေတွေကြီး ကျနော့်ကို ငေးကြည့်ရင်း ကျနော့်ကို ဆက်ပြီး မေးခွန်းထပ်မေးလာပါတယ်။ 

“သားကြီး၊ အခု သူတို့ သတင်းစာတွေ၊ တီဗီ တွေက ပြောသွားသလို သားကြီးက အဲဒီ လက်နက်တွေ တကယ် ပဲ သယ်ခဲ့တာလား” တဲ့။ 

 ထောင်ကကျွေးသော တာလဘောဟင်း 

ကျနော့်အတွက် အဖြေက ရှင်းပါတယ်။ သူတို့ ပြောသလိုတော့ ကျနော်ဟာ တိုင်းပြည်ရဲ့ အဖျက်သမား မဟုတ်ပါဘူး။ ဒါပေမယ့် ဒီ လက်နက်တွေက ကျနော်တကယ်ပဲ သယ်ယူလာခဲ့တာလို့ ဖြေလိုက်တယ်။ ကျနော် လုပ်ခဲ့တယ်။ ကျနော် မညာပါဘူး။ ဒီ အတွက် လည်း နောင်တ မရပါဘူး။ 

အဲဒီအချိန်၊ အဲဒီကာလက ကျနော့် အတွေး၊ ကျနော့် ခံယူချက်အရ ကျနော် မှန်တယ်ထင်လို့ ကျနော်လုပ် ခဲ့တာပါ။ မေမေ့မျက်ရည်တွေ တသွင်သွင်စီးဆင်းလာခဲ့ တယ်။ သံဆန်ခါတွေ ခြားနေတဲ့ ကျနော့်အနေ နဲ့ မေမေ့ကို မျက်ရည် မသုတ်ပေးနိုင် ခဲ့ပါဘူး။ 

 ဖေဖေက သေဒဏ်ဆိုတဲ့ ပြစ်ဒဏ်အပေါ် စိတ်ထဲမှာ ဝန်မပိစေဖို့ ပြောရင်း နောင်တမရဘူးဆိုတဲ့ သား အတွက် အမြဲတမ်း ကိုယ့်ကိုယ် ကိုယ် စိတ်ပိုင်း၊ ရုပ်ပိုင်း ကျန်းမာ သန်စွမ်းနေအောင် နေထိုင်ပါလို့ မှာကြား တယ်။ 

 ဖေဖေသာ ကျနော့်ကို စာအုပ်စာပေတွေနဲ့ ယဉ်ပါးအောင် မလုပ်ခဲ့ရင် မြန်မာပြည်ကြီး ဘာတွေ ဖြစ်နေ တယ်၊ ဘာတွေ ဖြစ်သင့်တယ် ဆိုတာ မသိတဲ့၊ ဘဝ ဒဿန မရှိ၊ အသိမဲ့ လူလိမ္မာတယောက်ထက် မပိုတဲ့ လူအဖြစ်သာ ရှိနေခဲ့မှာဖြစ်ပြီး အခုလို စာပေတွေ လေ့ လာ ရတဲ့ အကျိုးကျေးဇူးကြောင့် လောက အကြောင်း သိခွင့်ရလို့ လောကအကျိုး သယ်ပိုးလိုစိတ်နဲ့ သေဒဏ်ကျခံရတာလို့ ကျနော် က ဖေဖေ့ကို 
ကျေးဇူးတင်ကြောင်း ပြောလိုက်တယ်။ 

ငယ်စဉ်ကတည်းက စာတွေများများဖတ်ဖို့ တိုက်တွန်းလေ့ရှိပြီး သူဖတ်ပြီးသား စာအုပ်စာပေတွေကို ကျနော့် ကို ပေးဖတ်ခဲ့တဲ့ ဖေဖေ ဟာ ကျနော့် ရဲ့ ဖေဖေ့အပေါ် ပြန်လည်ပြီး ပြောလိုက်တဲ့ ဂုဏ်ယူ စကား တခွန်းအတွက် ရုတ်တရက် မှင်တက်သွားတာ သတိထား မိလိုက်တယ်။ 

ဒီတော့ ဖေဖေက တချို့အသိတရားဟာ“ကြေး ကြီးတယ်” လို့ ပြောလာပြီး နောက်ထပ်အားပေးစကား အနည်းငယ် ပြောပါတယ်။ 

မေမေကတော့ ပြောစရာ စကားလုံးတွေ ဆို့နင့်နေပြီး ကျနော့်ကို ထပ်ပြောလာတဲ့ စကားက ရင်ထဲနွေး ခနဲ ဖြစ်သွား ပါတယ်။ 

မေမေက ပြောတယ်လေ။ ကျနော်သာ တောထဲ တောင်ထဲမှာ ရှိနေရင် တိုက်ပွဲတွေဖြစ်လို့ တောတွင်း တနေရာမှာ ကျနော် ကျဆုံး သွားရင်တောင် မေမေက ကျနော့် အလောင်းကိုတောင် မြင်ခွင့်ရမှာ မဟုတ်ဘူးတဲ့လေ။ 

ကျနော် ထောင်ကျလာပြီး အခုလို တွေ့ရ တာကိုက ကံကောင်းတာတဲ့။ အဲဒီလိုပြောပြီး မေမေဟာ ကျနော့် ကို ငေး ကြည့်နေတယ်။ အဲဒီမျက်ဝန်းဟာ ကျနော့်ကိုတသက်လုံး စွဲစွဲမြဲမြဲ ရှိနေပါတယ်။ 

ကျနော် နဲ့ ကျနော့်မိဘတွေ အပြန်အလှန်ပြောဆိုနေကြတဲ့ စကားတွေကို ကျနော့်ဘက်က ထောင်ဝန်ထမ်း တဦးနဲ့ ကျနော့် မိဘတွေဘက်မှာ ထောင် ဝန်ထမ်းတဦးတို့က အကုန်လိုက်မှတ်နေကြတာကို နောက်မှ သတိထားမိတယ်။ 

သူတို့တွေရဲ့မျက်နှာမှာ ကျနော်တို့ မိသားစုရဲ့ ပြောစကားတချို့ဟာ သူတို့အတွက် ခံစားမှုတခုခု ဖြစ်နေ တယ် ဆိုတာတော့ ထပ်ပြီး သတိထားမိလိုက်တယ်။ ထောင်ဝင်စာတွေ့ချိန် ၁၅ မိနစ်ဆိုတဲ့ သတိပေး 
ခေါင်းလောင်းသံကိုတောင် ကျနော်တို့မိသားစု သတိ မထားမိလိုက်ပါဘူး။ 

သားဖြစ် သူကို သေဒဏ် ကျ ကြိုးသမားအဖြစ်နဲ့ ပထမဆုံး တွေ့ရချိန်လေးကို မေမေက နှမြော တသဖြစ်
နေ ပါတယ်။ 

ကျနော်လည်း ထောင်ဝန်ထမ်းတွေ ခေါ်ဆောင်ရာ မေမေနဲ့ဖေဖေတို့ကို သံဆန်ခါ အခန်းထဲ ထားရစ်ခဲ့ပြီး ကြိုးတိုက်ကို ပြန်လာခဲ့ တယ်။ ထောင်ဝင်စာ အခန်းက ဆင်းတာနဲ့ မိသားစု ပေးလိုက်တဲ့ စားသောက် ဖွယ်ရာ၊ အဝတ်၊ စောင် စတာတွေကို ထောင်ဝန်ထမ်းတွေက စစ်ဆေးကြတယ်။ 

ပြီးတော့ မိန်းဂျေးလို့ ခေါ်တဲ့ နေရာမှာ ထောင်ဝန်ထမ်းတွေနဲ့ အကျဉ်းသားတချို့က အထုပ်တွေထဲ ဇွန်းတွေ နဲ့ မွှေနှောက်စစ်ဆေးတယ်။ ပြီးတော့ တိုက်ဝန်းရုံးခန်းမှာ တခါ စစ်ဆေးပြန်တယ်။ 

နောက်ဆုံးမှ ကြိုးတိုက်ထဲက နေထိုင်ရာ အခန်းကို ပြန် ရောက်လာတော့တယ်။ တချို့အကျဉ်းသားတွေ ကတော့ လမ်းတလျှောက် ထောင်ဝင်စာ စစ်ဆေးရေး ဂိတ်တွေက တဇွန်း ၂ ဇွန်းနဲ့ ယူထားလိုက်လို့ နေ ထိုင် ရာ အခန်းထဲ ရောက်တဲ့အချိန်မှာ ဟင်းထုပ်ကလေးက မရှိသလောက် ဖြစ်သွားရသူတွေလည်း ဒုနဲ့ ဒေးပါ။ 

ကျနော့်မှာတော့ ပထမဆုံး ထောင်ဝင်စာမှာ မိသားစုက ပေးလိုက်တဲ့ စားစရာနဲ့ အသုံးအဆောင်တွေမှာ ကြိုးသမားအသစ် ဖြစ်တာကြောင့် နုတ်ယူထားတာမျိုး မကြုံလိုက်ရပါဘူး။ 

ဝမ်းသာစရာတခုကတော့ ကျနော့်အတွက် စာကြည့်တိုက်ကြီးတလုံး ပါလာခဲ့တာပါပဲ။ ။ 

ဆက်လက်ဖော်ပြပါမည်။ 

လင်းသန့် ~ 

• ဧရာဝတီ Facebook / ဧရာဝတီ Twitter

အပြည့်အစုံသို့

ကြိုးတိုက် ဋီကာ (၅)

ကြိုးတိုက်နေ ကြိုးသမားတဦးအတွက် ကြိုးစင်ဆိုတာကိုတော့ မြင်ဖူးတွေ့ဖူးချင်တဲ့ အာသီသက ပြင်းပြ ခဲ့တယ်။ ဒါကြောင့် အစောင့် အကြပ် အထပ်ထပ်နဲ့ ရေချိုးဆင်းတဲ့ အချိန်မှာ ကြိုးစင်ကို မရောက်ရောက်
အောင် အလည်သွားခဲ့ ဖူးတယ်။ ကြိုးသမားတဦး အတွက် ကြိုးစင်ကို သွားကြည့်ရတာလည်း ထောင်တွင်း စွန့်စားခန်း တခုပါ။ 

-ထောင်တွင်း တနေရာ၊ ဓာတ်ပုံ/ဧရာဝတီ

အင်းစိန်ထောင်ရဲ့ ကြိုးစင်ဟာ တိုက် ၅ တိုက်ရှိတဲ့ တိုက်ဝင်းနဲ့ ကပ်လျက်၊ အထူးသဖြင့် နိုင်ငံရေး အကျဉ်း သား အများစု ရှိကြတဲ့ ၅ တိုက်နဲ့ အတော် နီးပါတယ်။ အမျိုးသမီး ကျွန်းတိုက်၊ ကြိုးတိုက်နဲ့လည်း အနီးဆုံး တည်ရှိတာပါ။ နံရံတွေ၊ ဆူးကြိုးတွေ ကာရံ ထား ပေမယ့် ကြိုးစင်ဟာ အမှတ် ၁ တောင်ယာထဲမှာ တည်ရှိ တာ မို့ တောင်ယာတွေကို ဝင်ထွက် သွားလာလို့ ရတဲ့ သံတံခါးတချပ် ရှိပါတယ်။ 

အဲဒီ သံတံခါးချပ်ကတဆင့် ကြိုးစင်ရှိရာကို မိုးသည်းထန်တဲ့ တနေ့မှာ ဆိုက်ဆိုက် မြိုက်မြိုက် ရောက်ခဲ့ ပါတယ်။ အယူခံတွေ၊ စောဒ က တွေ ရှုံးပြီး နောက်ဆုံး ကြိုးပေး အသတ်ခံရမယ့် နေရာရပ်ဝန်းဟာ ကွင်းပြင်ထဲမှာ ထီးထီးမားမား ရှိနေပါတယ်။ 

စစ်အစိုးရ တက် ပြီးနောက် ကြိုးစင်ကို မွမ်းမံထားတာ တွေ့ရတယ်။ အင်းစိန်ထောင် ကြိုးစင်ဟာ လူ ၂ ဦး ကို တပြိုင်တည်း ကြိုးပေးသတ်လို့ ရတဲ့နေရာလည်း ဖြစ်ပါတယ်။ လှေကား ၄၊ ၅ ထစ်လောက် အမြင့်ကို တက်သွားရင် တဖက်တချက် သံတိုင်တွေနဲ့ ကြိုးပေးတဲ့ သံပေါင်တန်း တခုလည်း ရှိပါတယ်။ 

ကြမ်းပြင်ကတော့ တံခါးတချပ်လို မောင်းတံတွေ၊ တံခါးမင်းတုပ် တွေနဲ့ပါ။ ကြိုးစင်ရဲ့ အခြေမှာတော့ ကြိုးပေး တဲ့ အခါ အဓိက အသုံးပြုတဲ့ ဒေါက်တိုင်နဲ့ ဒေါက်လို့ ခေါ်တဲ့ မောင်းတံ ရှိပါတယ်။ မောင်းတံ ကို ဖြုတ်လိုက်ရင် ကြမ်းပြင်ပေါ် မတ်တတ်ရပ်နေတဲ့ ကြိုးပေးခံရမည့်သူဟာ တံခါးချပ်လို ရှိနေတဲ့ ကြမ်း
ပြင်ပေါ် ခြေလွတ်သွားပြီ ဆိုတော့ လေဟာပြင်ထဲ လည်ပင်းမှာ ကြိုးတန်းလန်းနဲ့ သေပွဲဝင်ရမယ့် ပုံပါ။ 

ကြိုးစင်ရဲ့ ကြမ်းခင်းအောက်မှာ အခန်းတခန်းလည်း ရှိနေပြီး အဲဒီအခန်းထဲမှာ လူသေကို အသက် သေ တယ်၊ မသေဘူး စစ်ဆေးဖို့ အလောင်းတင် ကျောက်ခုံတခုလည်း တွေ့ရတယ်။ ကြိုးသမားတွေရဲ့ လူ့
လောက နောက်ဆုံးနေရာဟာ တကယ်တော့ အေးဆေး တိတ်ဆိတ်နေပြီး အကျဉ်းသား တချို့လည်း ကြိုးစင်ရှိရာ နေရာမှာ ထမင်းစားကြ၊ ဆေးလိပ်သောက်ကြ၊ တချို့ မူးယစ်ဆေး သုံးတာတွေနဲ့ လောင်း ကစား လုပ်တာမျိုးတွေလည်း ရှိတယ်လို့ ဝါရင့်ထောင်သားကြီးတွေက ဖောက်သည်ချ ပါတယ်။ 

ဒီကြိုးစင်မှာ လုယက်၊ လူသတ်၊ အလောင်းဖျောက်၊ မုဒိမ်းကျင့်သူ ဆိုတဲ့ ပြစ်မှုကြီးတွေကို ကျူးလွန်ခဲ့တဲ့ ရာဇဝတ်သားတွေကိုသာ မက နိုင်ငံရေးနဲ့ ပတ်သက်ပြီး သေဒဏ် ကျခံရသူတွေကိုလည်း ကြိုးပေးသတ်ခဲ့ ပါတယ်။ 

ဒီကြိုးစင်မှာ အာဇာနည်ကြီးတွေကို လုပ်ကြံမှုနဲ့ ဂဠုန်ဦးစော၊ နိုင်ငံတော် ပုန်ကန်မှုနဲ့ ဗိုလ်ကြီးဟောင်း အုန်းကျော်မြင့်၊ ၁၉၇၄ – ၇၅ ရန်ကုန်တက္ကသိုလ် ကျောင်းသားလှုပ်ရှားမှု ကျောင်းသားခေါင်းဆောင် ဆလိုင်း တင်မောင်ဦးတို့လည်း အသက်ဆုံးပါး သွားခဲ့ကြတဲ့ နေရာပါ။ 

အင်းစိန် ထောင်တွင်းမှာ တိုက်ဝန်းဟာ နာမည်ဆိုးနဲ့ ကျော်ကြားသလို သေဒဏ်ကျ အကျဉ်းသားတွေနဲ့ နာမည်ကြီး အကျဉ်းသား တွေ ထားရာ ကြိုးတိုက်ဟာ ပိုပြီး နာမည်ကြီးတယ်လို့ ပြောရမှာပါ။ 

ကြိုးတိုက်ထဲမှာ ၁၉၈၈ ခုနှစ် တုန်းက နာမည်ကြီး နိုင်ငံရေး တက်ကြွလှုပ်ရှားသူတွေကို ထားသလို နဝတ စစ်အစိုးရရဲ့ နာမည်ကြီး ဝါဒဖြန့်ချိရေး သတင်းစာရှင်းလင်းပွဲ ဖြစ်တဲ့ လှိုင်းကြီးလေထန် ဖြစ်ရပ်မှန် များထဲ က ဇာတ်ကောင်တွေ စုဝေး ရှိနေပါတယ်။ 

ကြိုးတိုက်ထဲ ကျနော့်အရင် ရောက်နေကြသူ တွေကပဲ ကျနော့်ရဲ့ ကြိုးသမားဘဝ အစပျိုး နေ့ရက်တွေရဲ့ 
ထောင်ဝင်စာ တွေ့ခွင့် မရသေးတဲ့ ကျနော်တို့ ရဲ့ဝမ်းရေးကို အကူအညီ ပေးကြပါတယ်။ 

 ကြိုးသမား တဦးအတွက် ထောင်က ကျွေးတဲ့ ဝေစုကတော့ နံနက်စာ ပဲဟင်း၊ ငါးပိနဲ့ ထမင်း၊ ညနေစာ တာလဘော ခေါ်တဲ့ အရွက် စုံ ပြုတ်ထားတဲ့ ဟင်းရည်နဲ့ ငါးကြော် ရပါတယ်။ ကျန်းမာရေး မကောင်းတဲ့ ကြိုးသမားဆိုရင်တော့ ဆေးရုံစားလို့ ခေါ်တဲ့ ကြက်သား စွပ်ပြုတ် တခွက်နဲ့ နို့တခွက် အပိုရလေ့ ရှိပါတယ်။ 

သေဒဏ် ကျခံနေရတဲ့ ကြိုးသမား ၁၀ဝ ကျော်ထဲမှာ ၈၈ ဆန္ဒပြမှု ကာလတွေ အတွင်း တောင်ဥက္ကလာပ မြို့နယ်က ရဲသတ်မှုနဲ့ ရဲရဲ့အသားစားသူလို့ စွပ်စွဲခံရသူ “ကိုကော်ရုပ်” ဆိုသူလည်း ရှိသလို သင်္ဃန်းကျွန်း မြို့နယ်မှာ ခေါင်း ၇ လုံး ဖြတ်သူတွေလို့ စွပ်စွဲ ခံရသူ တွေလည်း ရှိတယ်။ 

ဒီ့ အပြင် မြောက်ဥက္ကလာက ရဲသတ်မှုနဲ့ စွပ်စွဲ ပြီး သေဒဏ် ကျခံရသူတွေလည်း ရှိပြီး အလုံမြို့နယ် က ခေါင်းဖြတ် မှုမှာ နိုင်ငံခြား သတင်းထောက်တွေနဲ့ တွေ့ဆုံမေးမြန်းခန်း အတွင်း ခေါင်းပြတ်ကို ကိုင်ပြီး “Very Good” လို့ ပြောဆိုသူလို့ စွပ်စွဲ ခံရသူလည်း ရှိတယ်။ 

ဒလမှာ ဆန္ဒပြသူတွေကို ပစ်ခတ်တဲ့ ရဲစခန်းကို ဝင်စီးလို့ သေဒဏ် ကျလာသူတွေလည်း ရှိပါသေးတယ်။ 

ရှစ်လေးလုံး ကာလ လူသတ်မှုတွေ ကျူးလွန်လို့ သေဒဏ်ချမှတ် ခံထားရတဲ့ ကြိုးတိုက်ထဲက ကြိုးသမားတွေ ထဲကို အမျိုးအစား ခွဲကြည့်ရင် အမျိုးမျိုး ရှိပါတယ်။ 

 ရှစ်လေးလုံးကာလ စစ်ထောက်လှမ်းရေးတွေ စီစဉ်ခဲ့ တယ်လို့ ပြောဆိုခဲ့ကြတဲ့ တန်ပြန်သပိတ်မှာ အသုံးချ ခံ ရသူတွေ ဖြစ်တဲ့ လူအများသုံး ရေကန်နဲ့ သောက်သုံးရေ တွေမှာ အဆိပ်ခတ်သူ၊ ရပ်ထဲ၊ ရွာထဲ မီးရှို့သူ၊ အဲဒီလို လူတွေကို သတ်ဖြတ်တယ် ဆိုပြီး ကျူးလွန် တယ် လို့ စွပ်စွဲခံရသူတွေ ရှိသလို ရဲစခန်း တွေ၊ ရဲကင်း
တွေကို တိုက်ခိုက် သတ်ဖြတ်တယ် ဆိုတဲ့ စွပ်စွဲချက်တွေနဲ့ သေဒဏ် ကျခံရသူတွေလည်း ရှိတယ်။ 

တချို့ ကတော့ ရိုးရိုး ရာဇဝတ်ပြစ်မှုတွေ ဖြစ်တဲ့ လူသတ်၊ အလောင်းဖျောက်၊ လုယက်၊ ဓားပြတိုက် လူသတ် ဆိုတဲ့ ပြစ်မှုတွေ ကျူးလွန်တယ် ဆိုတဲ့ စွဲဆိုချက်တွေနဲ့ သေဒဏ်ချမှတ် ခံထားရသူတွေလည်း ကြိုးတိုက်ထဲမှာ ရှိကြပါတယ်။ 

၁၉၈၈ ခုနှစ် ရှစ်လေးလုံး ဒီမိုကရေစီ အရေးတော်ပုံကြီးကို အဖျက်အမှောင့် လုပ်ရပ်တွေကြောင့် တိုင်းပြည်
ချောက် ထဲ ကျမယ့် အရေး အစဉ်အလာရှိတဲ့ တပ်မတော်က ကယ်တင်လိုက်ရတယ် ဆိုပြီးအကြောင်း ပြခဲ့ တယ်။ 

အဲဒီ အကြောင်းပြချက်ထဲက အထင်အရှား မြန်မာ့ရုပ်မြင်သံကြားက ထိုစဉ်က ဆက်တိုက် ထုတ်လွှင့်တင်ပြ ခဲ့ တဲ့ လှိုင်းကြီးလေထန် ဖြစ်ရပ်မှန်များ ဆိုတဲ့ ခေါင်းဖြတ်၊ လူသတ်မှုတွေ ဘယ်လို ဖြစ်ခဲ့သလဲဆိုတာ အဲဒီ ကိစ္စတွေကို စွပ်စွဲသေဒဏ် ချမှတ်ခံရသူတွေ ကို မေးမြန်း လေ့လာခွင့် ရခဲ့တယ်။ 

 ဒီ အကြောင်းတွေကို မပြောခင် ရှစ်လေးလုံး အကြို အခင်းအကျင်းတချို့နဲ့ ရှစ်လေးလုံးကာလ ဦးနေဝင်း ဦးဆောင်တဲ့ မြန်မာ့ဆိုရှယ်လစ် လမ်းစဉ်ပါတီ (မဆလ) အစိုးရ တာဝန်ရှိသူတွေရဲ့ လုပ်ဆောင်ချက် တချို့ကိုလည်း ပြန်ပြောင်း သတိရသင့် ပါတယ်။ 

အကျဉ်းသား အဖြစ် သရုပ်ပြနေစဉ် (ဓာတ်ပုံ - AAPP)  

၁၉၈၇ ခုနှစ် စက်တင်ဘာ ၅ ရက်နေ့က ၇၅ ကျပ်တန်၊ ၃၅ ကျပ်တန်၊ ၂၅ ကျပ်တန် စတဲ့ ငွေစက္ကူ တွေကို တရားဝင် ငွေစက္ကူ အဖြစ်က ရုပ်သိမ်းကြောင်း ကြေညာခဲ့လို့ ကျောင်းသားတွေရဲ့ မကျေနပ်မှုကြောင့် တက္ကသိုလ်နဲ့ ကောလိပ်ကျောင်းတွေ ပိတ်ခဲ့ရမှုက ရှစ်လေးလုံးကို ကနဦး အစပျိုးခဲ့တယ် လို့ ပြောရမှာပါ။ 

ပြီးတော့ ရန်ကုန်တိုင်း အင်းစိန်မြို့နယ်၊ ကြို့ကုန်း စက်မှု တက္ကသိုလ် ကျောင်းသားတွေနဲ့ အရပ်သားတချို့ ရဲ့ ခိုက်ရန်ဖြစ်ပွားမှု အပေါ် အစိုးရ တာဝန်ရှိသူတွေက ကိုင်တွယ်ဖြေရှင်းမှု မမှန်ကန်ခဲ့တဲ့ ကိစ္စကတော့ ရှစ်လေးလုံး ဒီမိုကရေစီ အရေးတော်ပုံကြီးကို အဓိကပေါ်ပေါက်စေတဲ့ အကြောင်းဖြစ်ခဲ့ပါတယ်။ 

၁၉၈၈ ခုနှစ် မတ်လ ၁၃ ရက်နေ့မှာ ရန်ကုန် စက်မှုတက္ကသိုလ် ကျောင်းဝင်းထဲက အရပ်သားနဲ့ 
ကျောင်းသား ခိုက် ရန်ဖြစ်ပွားမှု အပေါ် အစိုးရကိုင်တွယ်မှုကို မကျေနပ်လို့ ကျောင်းဝင်းထဲ ကျောင်းသား
တွေ စုဝေးနေချိန်၊ ပဋိပက္ခမှာလည်း မပါဝင်တဲ့ အပြစ်မဲ့ ပဉ္စမနှစ် စက်မှုတက္ကသိုလ် ကျောင်းသား ကိုဖုန်းမော်နဲ့ ကိုစိုးနိုင်တို့ကို မဆလ အစိုးရရဲ့ လုံခြုံရေးတပ်ဖွဲ့တွေက သေနတ်နဲ့ ပစ်သတ် လိုက်တာဟာ ၈၈ ခုနှစ် ကျောင်းသားလှုပ်ရှားမှုတွေကို အရှိန်မြင့်သွားစေပြီး ရှစ်လေးလုံး ဒီမိုကရေစီ အရေးတော်ပုံကြီး ကို အဓိက ပံ့ပိုးခဲ့တာလည်း ဖြစ်ပါတယ်။ 

ဒါကြောင့်လည်း ကျောင်းသား လှုပ်ရှားမှုတွေဟာ ရန်ကုန်တက္ကသိုလ် အပါအဝင် တခြားတက္ကသိုလ်၊ 
ကောလိပ် ကျောင်း အပြင် အခြေခံပညာ ကျောင်းတွေ အထိပါ ပျံ့နှံ့သွားခဲ့ပြီး ကျောင်းသားလှုပ်ရှားမှုတွေ ကနေ အစိုးရ ဝန်ထမ်းများ အပါအဝင် လှည်းနေ လှေအောင်း၊ မြင်းဇောင်းပါ မကျန် လူထုလူတန်းစား အသီးသီးပါဝင်ခဲ့တဲ့ ဒီမိုကရေစီ အရေးတော်ပုံကြီး အဖြစ် အသွင်ပြောင်းသွားခဲ့တာပါ။ 

ဒါပေမယ့် ဖြစ်ပေါ်ပြောင်းလဲလာတဲ့ ဒီမိုကရေစီ အရေးတော်ပုံကြီးကို ပုံဖျက်ဖို့ အတွက် ထိုစဉ်က ဦးနေဝင်း ဦးဆောင်တဲ့ မဆလ အစိုးရရဲ့ လျှို့ဝှက်စီမံကိန်းတွေကို အကောင်အထည် ဖော်ပေးရတဲ့ စစ်ထောက်လှမ်း
ရေး အဖွဲ့ဟာ ပုံစံအမျိုးမျိုးနဲ့ တန်ပြန် သပိတ် လှုပ်ရှားမှုတွေ လုပ်ဆောင်ခဲ့ကြတာ အထင်အရှားပါပဲ။ 

တပ်မတော်က ဗိုလ်ကြီးစည်သူ အပါအဝင် စစ်ထောက်လှမ်းရေး အုပ်စုတွေဟာ လူထုလှုပ်ရှားမှု ဒီမိုကရေစီ သပိတ်ကြီးမှာ ရေပန်း စားနေတဲ့ တချိန်က လွတ်လပ်ရေးဖခင် ဗိုလ်ချုပ်အောင်ဆန်းရဲ့သမီး 
ဒေါ်အောင်ဆန်းစုကြည်ကို လုပ်ကြံဖို့ အထိ ကြိုးစားတယ် ဆိုတဲ့ စွပ်စွဲမှုတွေ ဖြစ်ပေါ်ခဲ့ပြီး ရန်ကုန်လူထုက သူတို့ကို ဖမ်းဆီးရမိခဲ့သလို ကျောင်းသား လှုပ်ရှားမှုတွေကို အနီးကပ် သတင်းရယူနိုင်ဖို့ ကြိုးစားခဲ့သူ စစ်ထောက်လှမ်းရေး ဗိုလ်မှူးစန်းပွင့် ဆိုသူ ကိုလည်း ပြည်သူနဲ့ ကျောင်းသားတွေက ဖမ်းဆီး ရမိခဲ့ပေမယ့် အသက် ချမ်းသာပေးခဲ့တယ်။ 

ဒီလုပ်ရပ်ဟာ ဆန္ဒပြ ပြည်သူနဲ့ ကျောင်းသားတွေရဲ့ လူကိုမုန်းတီးစိတ်နဲ့ ဆန္ဒပြမှုတွေကို လုပ်ဆောင်တာ မဟုတ်ဘူး ဆိုတာ ပေါ်လွင်စေပါတယ်။ ဒီလို ကိစ္စတွေဟာ တပါတီနိုင်ငံရေး စနစ် မူဝါဒ ပြောင်းရေး အတွက် သာ သဘောထား ကြီးကြီးနဲ့ လှုပ်ရှားမှုတွေကို နိုင်နင်းစွာ ကိုင်တွယ်ခဲ့တယ် ဆိုတဲ့ အထင် အရှား 
ပြယုဂ်တွေထဲက တချို့ပါ။ ။ 



လင်းသန့် ~

ဆက်လက်ဖော်ပြပါမည်။ 

ဧရာဝတီ မြန်မာပိုင်း စာမျက်နှာတွင် ဖော်ပြထားပြီး ပြန်လည် ကူးယူဖော်ပြခြင်း ဖြစ်သည်။ 

• ဧရာဝတီ Facebook / ဧရာဝတီ Twitter

အပြည့်အစုံသို့

ကြိုးတိုက် ဋီကာ (၄)

ကြိုးသမားဘဝ အစမှာ စစ်ထောက်လှမ်းရေးရဲ့ ငရဲခန်း စစ်ကြောရေး စခန်းတွေတုန်းက အခါခါပြောခဲ့ရတဲ့ ကိုယ်ရေးအကျဉ်းတွေလည်း ထပ်ပေးရတယ်။ 

(ဓာတ်ပုံ – enigmaimage)

ပြီးတော့ ကြိုးသမားရဲ့ ကိုယ်အလေးချိန် အပါအဝင် ကျန်းမာရေး ဆေးစစ်မှု မှတ်တမ်း ယူကြတယ်။ ကိုယ်အလေးချိန် ယူတယ် ဆိုတာက ကြိုးသမားတွေကို ကြိုးပေးသတ်မယ့် ကြိုးသမားရဲ့ ကိုယ် အလေးချိန် နဲ့ ကိုက်ညီအောင် ကြိုးကျစ်ဖို့ အတွက် ဖြစ်တယ်လို့ ကြိုးသမားဟောင်းတွေက ပြောကြတယ်။ 

အဲဒီ ကြိုးကိုလည်း လက်မှု၊ စက်မှု၊ စိုက်ပျိုးရေး၊ မွေးမြူရေး စတဲ့ လုပ်ငန်း အမျိုးမျိုး လုပ်ကြတဲ့ အလုပ်ကြီး ဝင်း ထဲမှာ ကျစ်ကြတာ လို့ ကြိုးသမားတွေကို အရင်ကတည်းက ထိန်းသိမ်းကိုင်တွယ်ခဲ့ဖူး တဲ့ ထောင် ဝန်ထမ်း တပ်ကြပ် ဦးမောင်မောင်ကြီးက ရှင်းပြလို့ သိခဲ့ရတယ်။ 

သူ့ရဲ့ ရှင်းပြချက်တွေထဲမှာ ကြိုးသမားတိုင်း ကြိုးပေးလို့ မသေတဲ့ သူ၊ အဲဒီလို ကြိုးပေးလို့ မသေသူ ကို ပြစ်ဒဏ်က လွတ်ငြိမ်းခွင့် တောင် ပေးတယ်ဆိုပြီး ပြောပြချက်က စိတ်ဝင်စားစရာပါ။ 

 ဒီလိုနဲ့ ကြိုးသမားကို ဘယ်လို ကြိုးပေး သတ်သလဲ ဆိုတာ စိတ်ဝင်စားစရာ ဖြစ်ပါတယ်။ ကိုယ်ကလည်း ကြိုးသမား ဖြစ်လေတော့ ကိုယ်သေရမယ့် နည်းစနစ် ပုံစံကို သိချင်၊ လေ့လာချင် စိတ်က ပြင်းထန် လာခဲ့တယ်။ 

၁၉၈၈ ခုနှစ် မတိုင်ခင် အထိ သေဒဏ် ကျသူတွေကို ကြိုးပေးသတ်လေ့ ရှိပါတယ်။ ကြိုးပေး ခံရတော့မယ့် ကြိုးသမား ဟာ အယူခံ အဆင့်ဆင့် ရှုံးပြီး နောက်ဆုံး စောဒက ဆိုတဲ့ အဆင့်ကို နိုင်ငံတော် သမ္မတထံ အသနားခံစာ တင်ရတယ် လို့ သိရတယ်။ 

အဲဒီလို အသနားခံစာ တင်ထားပြီး နိုင်ငံတော် သမ္မတက ကြိုးပေးစေဆိုတဲ့ အမိန့် ပြန်ကျလာရင်တော့ သက်ဆိုင်ရာ ကြိုးသမားကို ကြိုးတိုက်ထဲမှာ မထားတော့ဘဲ အင်းစိန် ထောင်တွင်း ကြိုးစင်နဲ့ အနီးဆုံး ဖြစ် တဲ့ တိုက်ဝင်းထဲက ၅ တိုက် အခန်းနံ ပါတ် ၂၂ နဲ့ တခြား အခန်းတခုခု၊ သို့မဟုတ် ၁ တိုက် ၁၄ ခန်း စသဖြင့် သီးသန့် အခန်းတခုထဲမှာ ပြောင်းရွှေ့ ထားလိုက်တော့တာ ပါပဲလို့ ကြိုးသမား တွေကို ကိုင်တွယ် ခဲ့တဲ့ အရာရှိတချို့ နဲ့ အခြား အဆင့် ထောင်ဝန်ထမ်းတွေက ရှင်းပြလို့ သိရတယ်။ 

အဲဒီလို နောက်ဆုံး ကြိုးပေးသတ်မယ့် နေ့ရက်ကို စောင့်စားရင်း ကြိုးသမားရဲ့ ကျန်းမာရေး ဆေးစစ်ချက် ကို ထောင် ဆရာဝန်က မပြတ်စစ်ဆေးလေ့ ရှိတယ်လို့လည်း သိရတယ်။ 

အဲဒီအချိန် သက်ဆိုင်ရာ ကြိုးသမား ဟာ ထောင်ဆရာဝန်ရဲ့ ကျန်းမာရေး ကောင်းမွန်တယ်ဆိုတဲ့ မှတ်ချက် မပြုမချင်း သူ့ကို ကြိုးစင်ပေါ် တင်ပြီး ကြိုးပေးကွပ်မျက်လေ့ မရှိဘဲ ကျန်းမာရေး ချွတ်ယွင်းချက် ဆိုတဲ့ အကြောင်းပြချက်နဲ့ သတ်မယ့် ရက်ကို ရွှေ့ဆိုင်း လေ့ ရှိတယ် လို့လည်း သိရတယ်။ 

အဲဒီလို ရက်တွေမှာ ကြိုးသမားရဲ့ ဖြစ်ချင်တဲ့ အလိုဆန္ဒတွေကို ထောင်ဥပဒေက ပြဋ္ဌာန်းထားတဲ့ ဘောင် တွင်း ကနေ အကုန် လိုက်လျောတယ် လို့လည်း သိရတယ်။ 

ထောင်တွင်း စကားတွေ အဆိုအရ လွတ်လပ်ရေး ဖခင် ဗိုလ်ချုပ်အောင်ဆန်းနဲ့ အာဇာနည် ခေါင်းဆောင်
ကြီးတွေ ကို လုပ်ကြံတယ် ဆိုတဲ့ စွပ်စွဲချက်နဲ့ ကြိုးပေး ကွပ်မျက်ခံခဲ့ရတဲ့ ဂဠုန်ဦးစောကို သူ့ရဲ့ နောက်ဆုံး ဆန္ဒဖြစ်တဲ့ လယ်တီ ဆရာတော်ဘုရားကြီးကို ဖူးတွေ့ခွင့် ပေးခဲ့တယ် လို့ ဆိုတယ်။ 

ဂဠုန်ဦးစောရဲ့ နောက်ဆုံးနေ့တွေဟာ ဘာသာတရား အဆုံးအမနဲ့ နေခွင့်ရသွားခဲ့ပြီး ပါးစပ်ရာဇဝင် 
ထောင် စကားတွေ အရ လယ်တီဆရာတော် ဘုရား ကြီးက ဦးစောကို ကံကောင်းသူ လို့ပင် ဟောပြော သွားခဲ့တယ် လို့ ဆိုတယ်။ 

ဘာကြောင့်လဲ ဆိုတော့ လူဆိုတာ သေမျိုးဖြစ် ပေမယ့် ကိုယ်သေမယ့် ရက်ကို တိတိကျကျ သိတဲ့လူ 
လောက မှာ အလွန်ရှားပြီး အခုလို ဦးစောက ကိုယ်သေမယ့် ရက်ကို တိတိကျကျ သိရတဲ့ အတွက် အလွန် ကံကောင်းပြီး ကိုယ်ဘယ်လို သေရမယ် ဆိုတာ အတွက် ကြိုတင် ပြင်ဆင်နိုင်တာပေါ့ လို့ လယ်တီ ဆရာတော်ကြီးက ဟောပြော တယ်လို့ ဆိုကြတယ်။ 

ဒီစကားတွေ တကယ်ပြောခဲ့တယ်၊ မပြောခဲ့ဘူး ဆိုတာတော့ ထိုစဉ်က သက်ဆိုင်ရာ ထောင် အာဏာပိုင်
တွေ နဲ့ ကာယကံရှင်တွေကပဲ ပိုသိနိုင်မှာ ဖြစ်ပါတယ်။ 

ဒီတော့လည်း ကြိုးသမား ကျနော့်မှာ “ဪ… ငါလည်း အတော်ကံကောင်းတော့မယ့် လူ ဖြစ်ပါလား” လို့ တွေးမိ တယ်။ 

ဒါပေမယ့် ဆင်ခြင်တုံတရား အရ စစ်အစိုးရဟာ တရားဝင် ရွေးကောက် တင်မြှောက်ထားတဲ့ အစိုးရ မဟုတ် သလို ရွေးချယ်တင် မြှောက်ခံ ရ တဲ့ သမ္မတလည်း မရှိလေတော့ ဒီအဖြစ်မျိုး ကြုံတွေ့ရမှာ မဟုတ်ဘူး ဆိုတာလည်း တဖက်က အသိမှာ ရှိနေပါတယ်။ 

ဒါပေမယ့် ကြိုးသမားတယောက်ရဲ့ နောက်ဆုံး ဇီဝိန်ချုပ်ချိန်ဆိုတာ ဘယ်လိုရှိမယ် ဆိုတာတော့ သိချင်နေ ခဲ့မိတာ အမှန်ပါပဲ။ အယူခံ အဆင့်ဆင့်ရှုံး၊ နောက်ဆုံးအဆင့် စောဒက အသနားခံစာ ရှုံးနိမ့်ခဲ့ရင် ကြိုးစင်
ပေါ် မှာ ကြိုးပေး ကွပ်မျက်တယ်။ 

ကိုလိုနီ ခေတ် အင်္ဂလိပ် လက်ထက်က ကြိုးသမားတဦးကို ကြိုးပေးထားပြီး နာရီဝက် (မိနစ် ၃၀) ကြိုးတန်း လန်းနဲ့ ထားပြီးနောက် ကြိုးဖြတ်ကာ အလောင်းစင်မှာ ကြိုးသမား အသက် ရှိ/ မရှိ သက်ဆိုင်ရာ ဆရာဝန်
တွေက စစ်ဆေးပါ တယ်။ 

အသက်မသေသေး ဘူး ဆိုရင် သူ့ကို အရေးပေါ် ကျန်းမာရေး ဆေးကုသမှုတွေလုပ်ပြီး ကျန်းမာရေး 
ကောင်းလာတဲ့ အခါ ပြစ်ဒဏ်ကနေ လွတ်မြောက်ခွင့် ရတယ် ဆိုတဲ့ ပါးစပ်စကားက ကြိုးသမားတွေ အတွက် အားပေးစကား ဖြစ်ပါလိမ့်မယ်။ 

ကြိုးသမား တယောက်ကို ကြိုးပေး ကွပ်မျက်လေ့ ရှိတဲ့ အချိန်ဟာ မနက် အရုဏ်ဦးအချိန်တွေ ဖြစ်လေ့ရှိပြီး ကွပ်မျက် ခံရတော့မယ့် ကြိုးသမားကို ထားရှိရာ သီးသန့်အခန်းကို မနက် ၄ နာရီလောက်မှာ ထောင် အာဏာပိုင်တွေနဲ့ ကြိုးသမားထိန်းတဲ့ ထောင်ဝန်ထမ်းတွေက သော့သွားဖွင့်ပြီး ကြိုးသမားကို ခေါ်ထုတ် လာလေ့ရှိ တယ် လို့ သက်တမ်းရင့် ထောင်ဝန်ထမ်းအိုကြီးတွေက ပြောပြပါတယ်။ 

တချို့ ကြိုးသမားတွေဟာ ကြိုးပေးခံရလို့ သေရမယ့်ရက် မနက်မှာ အခန်းတွင်းကနေ ခေါ်ထုတ်မယ့် သူ
တွေ ရောက်လာရင် ရုန်းကန်ငြင်းဆန် တတ်ကြပြီး တချို့ကတော့ အသာတကြည်ပဲ ကြိုးစင်ရှိရာကို သွား တတ်ကြ တယ် လို့ သိရတယ်။ တ

ချို့ကျတော့ လည်း လာခေါ်ထုတ်တဲ့အချိန်မှာ ရုတ်တရက် အားအင်ချည့်နဲ့သွားကာ လမ်းတောင် မလျှောက်နိုင်တော့ ဘူးလို့ ဆိုကြတယ်။ 

၁၉၇၄ ခုနှစ် ကျောင်းသားလှုပ်ရှားမှု ခေါင်းဆောင် ရန်ကုန်တက္ကသိုလ် ကျောင်းသား ချင်းလူမျိုး ဆလိုင်း တင်မောင်ဦး ကတော့ ကြိုးပေး ကွပ်မျက်ခံရမယ့်နေ့ မနက်အစောပိုင်း ကြိုးစင်ကို တက်သွားစဉ်မှာ သူ့ရဲ့ 
အော်ဟစ်သံကို ထိုစဉ်က အကျဉ်းကျနေခဲ့သူ တချို့က ပြန်ပြောင်းပြောပြကြပါတယ်။ 

 “ခင်ဗျားတို့ စစ်ဖိနပ်အောက်မှာ ဘယ်တော့မှ ဒူးမထောက်ပါ၊ ငါ့ခန္ဓာကိုယ်သာ သတ်နိုင်မှာ၊ ငါ့ ခံယူချက်၊ ငါ့ စိတ်ဓာတ်ကို ဘယ်တော့မှ ခင်ဗျားတို့ သတ်နိုင်မှာမဟုတ်” လို့ ကြွေးကြော်သွားတဲ့ အကြောင်း တဆင့် စကား တဆင့်နား နဲ့ ကြားခဲ့ရပါတယ်။ 

၁၉၈၀ ဝန်းကျင်က တွံတေးမြို့မှာ အမျိုးသမီး ငယ်တဦးကို ဝါးရင်းတုတ်နဲ့ မသေမချင်း ရိုက်သတ်လို့ သေ ဒဏ် ကျခံခဲ့ရပြီး ကြိုးပေး ကွပ်မျက် ခံခဲ့ရတဲ့ ကြိုးသမား ဂွတိုကတော့ မသေခင် တညလုံး စိုင်းထီးဆိုင်ရဲ့ 
မောင့် လပြည့်ဝန်း သီချင်းကို ကက်ဆက်နဲ့ ဖွင့်ပြ တာ နားထောင်ပြီး ကြိုးစင်ကို အသာတကြည် တက်သွား ကာ ဘဝဇာတ်သိမ်း သွားခဲ့တယ် လို့လည်း သူ့ကို ထောက်ဖြုတ်ခဲ့သူ ဒုတပ်ကြပ် သန်းလွင်က ပြောပြပါ တယ်။ 

အလားတူ တချို့ကြိုးသမားတွေရဲ့ စိတ်ဝင်စားစရာ ဇာတ်လမ်းတွေလည်း ကြားရ ဖတ်ခဲ့ရ ပြန်ပါတယ်။ ဒါတွေကိုတော့ အလျဉ်း သင့် သလို တင်ပြပေး သွားပါ့မယ်။ 

အခုဆက်ပြီး ပြောပြချင်တာကတော့ ကြိုးသမားတွေရဲ့ လူ့လောကမှ နောက်ဆုံး ထွက်ရာ လမ်း ကြိုးစင် အကြောင်း သိဖို့ ကြိုးစားခဲ့ရပုံပါ။ 

 ကြိုးစင်ဟာ အင်းစိန်ထောင် တိုက်ဝင်းနဲ့ ကပ်လျက်ရှိပြီး အမျိုးသမီး အချုပ်ဆောင်နဲ့လည်း သိပ် မဝေးပါ ဘူး။ အထူးသဖြင့် ၁၉၈၈ ခုနှစ် နောက်ပိုင်း နိုင်ငံရေး အကျဉ်းသားတွေကို ထားတဲ့ တိုက်ဝင်းထဲက တိုက်အမှတ် ၅ နဲ့ အလွန် နီးကပ်စွာ တည်ရှိတာပါ။ 

 ကြိုးစင် ဆိုတဲ့နေရာဟာ ကြိုးသမား ဖြစ်နေတဲ့ ကျနော့်အဖို့ အလွန် စိတ်ဝင်စားနေတဲ့ နေရာဖြစ်တာ
ကြောင့် သွားကြည့်လိုစိတ် ပြင်း ထန်ပါတယ်။ 

ဒါပေမယ့် ကြိုးသမား တဦးအနေနဲ့ ရေချိုးချိန် နဲ့ မိလ္လာချချိန်မှာပဲ အခန်းတွင်းက ထွက်ခွင့်ရတာကြောင့် ကြိုးစင်ရှိရာကို သွားလေ့ လာဖို့ အခွင့်အရေးကို အချိန်ယူပြီး စောင့်ဆိုင်းခဲ့ရ ပါတယ်။ 

ကြိုးသမားရဲ့ ရေချိုးဆင်းချိန်ဟာ ငါဆိုတဲ့ တကိုယ်တော် နိုင်ငံမှာ ရွှေရည်စိမ် လွတ်လပ်ရေး ရသလိုပါ။ အဲဒီ အချိန်မှာ နေကိုလည်း မြင်ရသလို ကောင်းကင် ကိုလည်း မြင်နိုင်ပါတယ်။ 

ဒါပေမယ့် ရေချိုးဆင်းရာ လမ်းတလျှောက် သဘာဝကို မြင်ခွင့် တားဆီးထားတဲ့ အရာကတော့ ထိုစဉ်က 
ခေတ် စား ခဲ့တဲ့ ခေါင်းစွပ်ပါပဲ။ ရေကန်ရောက်မှပဲ ခေါင်းစွပ်ကို ချွတ်ရတာ ဖြစ်ပြီး ရေကန်ပတ်ပတ်လည်မှာ နံပါတ်တုတ်တွေ ကိုင်ထားတဲ့ ထောင်ဝန်ထမ်းတွေရဲ့ မျက်လုံးစူးစူးတွေ အောက်မှာ ရှိနေရတာပါ။ 

ရေကန် ဗာယာလို့ ခေါ်တဲ့ ရေချိုးဖို့ တိုင်ပေး သူရဲ့ “ခပ်” – “ချိုး” ဆိုတဲ့ အသံနက်ကြီးနဲ့ အတူ ခန္ဓာကိုယ်
ပေါ် ကို ထမင်းစားတဲ့ ပုံစံ ပန်းကန်ပြားလေး နဲ့ ပါလာရုံလေး ပါလာတဲ့ ရေကို ခပ်ချိုးခွင့်ရတာပါ။ 

၆ ကြိမ်အော်ပြီး ရင်တော့ ဆပ်ပြာတိုက်ချိန် အနည်းငယ်ရပြီး ပြီးရင်တော့ နောက်ထပ် “ခပ်” “ချိုး” ဆိုတဲ့ အသံ ၆ ကြိမ် ကြားကြရပါတယ်။

နောက်ဆုံး ခြေဆေးဖို့ ပန်းကန်ပြားနဲ့ သယ်လာတဲ့ ရေနဲ့ ကြိုးတိုက် လှေခါးအတက်မှာ ခြေဆေးရင်း တဂျောင်းဂျောင်း တံခါးသော့ဖွင့် သံနဲ့အတူ တဒင်္ဂရွှေရည်စိမ် လွတ်လပ်ရေးလေး အဆုံးသတ်သွားပြီး ၁၀ ပေ၊ ၈ ပေ အခန်းကျဉ်းလေးထဲ ပြန်ရောက် သွားခဲ့ရပြန် တာပါပဲ။ ။ 



လင်းသန့် ~ 

(ဆက်လက် ဖော်ပြပါမည်) 

 ဧရာဝတီ မြန်မာပိုင်း စာမျက်နှာတွင် ဖော်ပြထားပြီးဖြစ်သည့် ကြိုးတိုက် ဋီကာ ( ၄) ကို ပြန်လည် ဖော်ပြ 

ခြင်းဖြစ်ပါတယ်။

• ဧရာဝတီ Facebook / ဧရာဝတီ Twitter

အပြည့်အစုံသို့

သစ္စာဆိုဝံ့ပါသလား

 ~

 

"....၉၂ ရာခိုင်နှုန်းကျော် ဆိုတာကြီးကို လွတ်လပ်တဲ့ စုံစမ်းရေးကော်မရှင်တခု ဖွဲ့စစ်သင့်တယ်..."

 

အပြည့်အစုံသို့

ကြိုးတိုက်ဋီကာ ( ၃ )

စစ်ကြောရေး အတွေ့အကြုံ 

ရှစ်လေးလုံး ကာလက အဓိက အားပေးပါတယ်ဆိုတဲ့ မိသားစု အိမ်တွေက လည်း သူတို့အိမ်တွေမှာ ဧည့်သည် အဖြစ်တောင် လက် ခံ လိုတဲ့ ဆန္ဒ မရှိကြပါဘူး။ ဒါကလည်း သူတို့ကို အပြစ်မပြောသာပါဘူး။ 

 ဓာတ်ပုံ- Steve Tickner

သူတို့မှာ ကျနော်တို့နဲ့ ပတ်သက်ပြီး အဖမ်းခံလိုက်ရရင် သူတို့ဘဝ၊ သူတို့မိသားစုဘဝတွေ ပျက်စီးသွား နိုင် ပါ တယ်။ နောက်ဆုံးတော့ ကိုမျိုးမင်းအိမ်မှာပဲ ကျနော်တို့ဟာ တောတွင်း ကျောင်းသားတွေအဖြစ်ကို ဖုံးကွယ်ပြီး နယ်က သူငယ်ချင်းတွေအဖြစ် သူ့မိဘတွေကို ပြောဆိုပြီး နေထိုင်ခဲ့ကြတယ်။ 

ကံမကောင်းစွာ အခက်အခဲတွေ ထပ်ကြုံရတာက ကိုမြင့်ဆွေနဲ့ ကိုမြင့်စိုးတို့ဟာ ငှက်ဖျားရောဂါ ထပ်မံခံ စားရပြီး အသည်းရောင် အသားဝါ ရောဂါပါ ဖြစ်နေတော့ ဆေးကုသရေး၊ ဆေးခန်းသွားပြရေး ကိစ္စတွေ 
ပေါ်လာပါတယ်။ နောက်ဆုံးတော့ ဆရာဝန်မ တဦး ရဲ့ ဆေးကုသပေးမှုကို အိမ်မှာပဲ စီစဉ်ပေးနိုင်ခဲ့ပါတယ်။ 

ဒါကြောင့် လုပ်ရမယ့်အလုပ်တွေအတွက် ချောမွေ့မှုတွေ မရှိလာဘဲ အန္တရာယ်ကို ဖိတ်ခေါ်သလို ဖြစ်နေတဲ့ အခြေအနေကြောင့် ကိုမြင့်ဆွေနဲ့ ကိုမြင့်စိုးကို ပိန်းဇလုပ်နယ်က KNU နယ်မြေမှာ ကျန်းမာရေး ကောင်းတဲ့ အခြေအနေတခုအထိ နေဖို့ ပြန်ပို့ပေးခဲ့တယ်။ 

ဒီလိုနဲ့ ရန်ကုန်မှာ ကျနော်လည်း တကိုယ်တော် လှုပ်ရှားဖို့ ဆုံးဖြတ်လိုက်တယ်။ ဒီဆုံးဖြတ်ချက်နဲ့ အတူ ပေး လာ မယ့် အခွင့်အရေး တခုကို ရှာဖွေပြီး ငယ်ရွယ်သူတဦးပီပီ စွန့်စားဖို့ ပြင်ဆင်ခဲ့တယ်။ 

ဒါပေမယ့် အခြေအနေ အကြောင်းကြောင်းကြောင့် မအောင်မြင် တဲ့ အော်ပရေးရှင်း ဖြစ်နေပြီး စိတ် အကြပ်ရိုက်ခဲ့ရတယ်။ 

တော်လှန်ရေး စိတ်ဓာတ်ပြင်းထန်နေတဲ့ ကိုမြင့်ဆွေနဲ့ ကိုမြင့်စိုးဟာ ကျန်းမာရေး ကောင်းတဲ့တနေ့မှာ ရန်ကုန် ကို ပြန်ဆင်းလာခဲ့ကြ တယ်လို့ နောက်မှ သိရတယ်။ 

အဲဒီလို သိလိုက်ရချိန်ကတော့ တနေ့မှာ ကျနော် နေထိုင်တဲ့ ဗဟန်းမြို့နယ် ရွှေတောင်ကြားထဲ က ကိုမျိုးမင်း ရဲ့ အိမ်ရှေ့ကို အဝင်၊ သံတံခါးနားမှာပဲ ကား ၄၊ ၅ စီးနဲ့ လက်နက်ကိုင်အရပ်ဝတ် စစ်ထောက် လှမ်းရေးတွေရဲ့ ဖမ်းဆီး မှုခံလိုက်ရပြီး နောက်မှာပါ။ 

အရပ်ဝတ် စစ်ထောက်လှမ်းရေးတွေက အင်းလျားမြိုင်လမ်းက ကိုမျိုးမင်းခြံတံခါးဝမှာ တံခါးအဖွင့်ကို 
စောင့်နေခိုက် ကားတွေပေါ်က လူတအုပ် ခုန်ဆင်းသံနဲ့ တဆက်တည်း ကျနော့်လက်ကို ဖမ်းဆုပ်သူက ဖမ်းဆုပ်၊ ချုပ်သူက ချုပ်၊ ခန္ဓာကိုယ်ပေါ် လက်နက်ပါ၊ မပါ စစ်သူက စစ်၊ နားထင်နဲ့ ရင်ဘတ် ကို သေနတ် နဲ့ ထောက်သူက ထောက်ပြီး “အောင်နိုင် မင်းကို ဖမ်းတယ်” လို့ ပြောလာပါတယ်။ 

စစ်ကြောရေး စခန်းသို့ ကျနော်က “အောင်နိုင်” မဟုတ်ကြောင်း ငြင်းဆိုနေစဉ်မှာပဲ တဆက်တည်း ကျနော့် မျက်နှာကို တစုံတခုနဲ့ တင်းကျပ်နေအောင် စည်းပြီး လက်ကို နောက်ပြန်ချုပ်ကာ ကားတစီးပေါ်ကို အတင်း ဆွဲ တင်တယ်။ 

ပတ်ဝန်းကျင်က စကားပြောစက် ကိုင်ထားသူတွေကလည်း ကျနော့်ကို လက်ရဖမ်းမိပြီလို့ စကား ဝှက်တွေနဲ့ သတင်းပို့မှုတွေ အဆက်မပြတ်ကြားနေရတယ်။ 

ကားပေါ်ရောက်ကတည်းက ကျနော့်ကို ကားရဲ့ ကြမ်းပြင်ပေါ် ခြေတွေနဲ့နင်းပြီး ဖိထားလိုက်တာ ၁ နာရီ 
လောက်ကြာတော့ ကား က အကွေ့အပတ်တွေ မောင်းပြီး ရပ်သွားတယ်။ 

ကားပေါ်က အတင်းဆွဲချပြီး အခန်းငယ်တခုဆီ ရောက်လာခဲ့တာ သတိထားမိ တယ်။ အဲဒီနောက် ကျနော့် ကိုယ်ခန္ဓာ တကိုယ်လုံးပေါ် သေနတ်ဒင်တွေနဲ့ ထုထောင်းကြ၊ စစ်ဖိနပ်နဲ့ ကန် ကြ၊ လက်သီးတွေ၊ ဒူးတွေ၊ တံတောင်တွေနဲ့ တရစပ် ထုနှက် ထိုးကြိတ်တာ ခံရတယ်။ 

လက်နောက်ပြန် ကြိုးတုပ်ထားတဲ့ ကျနော့်ကို စစ်ထောက်လှမ်းရေးတွေက လက်စွမ်းခြေစွမ်း ပြကြတယ်။ 

စစ်ကြောရေးမှာ စစ်ထောက်လှမ်းရေးတွေ ကနဦး အဓိက သိချင်တာက ကျနော်တို့ ၃ ဦး ဟာ ABSDF ဘယ်တပ်ရင်း ကလဲ၊ ဘာတာဝန်လဲ ဆိုတာက စပြီး ဘယ်က ဘယ်လို စီစဉ်ပြီး ဘာတွေ လုပ်မယ်၊ လမ်း ခရီးတလျှောက် ဘာတွေ လုပ်တယ်၊ ရန်ကုန်ကို ဘယ်တုန်းက ရောက်ပြီး ဘာတွေ လုပ်သလဲ၊ လက်နက် ပစ္စည်းတွေ ဘယ်လောက်ပါလာ သလဲ၊ ဘယ်မှာလဲဆိုတာ မေးတယ်။ ကျနော်ကလည်း ဘာပစ္စည်းမှ မပါ တဲ့ အကြောင်း အခိုင်အမာ ပြောဆိုတယ်။ 

ဒါပေမယ့် မရပါဘူး။ ထူးဆန်း အံ့ဩစွာပဲ ကျနော်တို့ KNU လက်နက် တိုက်ကနေ သယ်ယူလာခဲ့တဲ့ ပစ္စည်း အမျိုးအမည်တွေနဲ့ အရေအတွက်တွေကို စစ်ထောက်လှမ်းရေးတွေက သိ နေတာပါပဲ။ 

သေနတ်ဒင်နဲ့ မျက်နှာကို ရိုက်ရင်း သူတို့ သိချင်တဲ့ အချက်အလက်တွေကို စစ်ကြ၊ မေးကြ။ ကျနော်က လည်း စကားတွေ ဗလုံးပထွေးနဲ့ သွေး တွေထွက်လာ။ သတိလစ်။ ဝေဒနာက ကြီးလွန်းတော့ ဘာဆို ဘာမှ မသိတော့။ နောက်မှ သွားတွေကျွတ်သွားတာ သိရတယ်။ 

 ဒီလိုနဲ့ စစ်ကြောရေးစခန်းထဲမှာ ရေငတ်လို့ အိမ်သာထဲက ရေသောက်ရတာ၊ စစ်ကြောလာသူတွေ တယောက် နဲ့ တယောက် အကြား ခဏလေး နားခိုက်မှာ ဖိနပ်ကို ခေါင်းခုပြီး အချိန်ရခိုက် အိပ်ရတာ အရသာရှိလိုက်တာ။ 

အိပ်လို့ အရသာအလွန်ရှိနေတဲ့ နေ့မှန်းမသိ၊ ညမှန်းမသိ အချိန်တချိန်မှာ နတ်ဆိုးတံခါးဖွင့်သံနဲ့ အတူ စစ်ထောက်လှမ်းရေး အုပ်စု လိုက်ကြီး ရောက်လာပြီး အခန်းထဲက ဆွဲထုတ်သွားတယ်။ 

ပြီးတော့ ကားပေါ်တင်ပြီး ကျနော့်ကို ဖမ်းခဲ့တဲ့ နေရာကို ပြန်ခေါ်သွားခဲ့တယ်။ ကိုမျိုးမင်းရဲ့ အိမ်ရှေ့မှာ ကားကို ရပ်ပြီး စစ် ထောက်လှမ်းရေးတွေက ကိုမျိုးမင်းတို့ မိဘတွေကို မေးစမ်းမှုတွေ လုပ်နေတာ မြင်နေ ရတယ်။ ကိုမျိုးမင်း မိဘတွေနဲ့ မိသားစုတွေမှာ ကျနော်တို့ကြောင့် အခု အပူမီးတွေ ကူးစက် ခံနေရတာကြည့်ပြီး ရင်ထဲ အတော် စိတ် မကောင်းဖြစ်ရတယ်။ 

ဒီ မိသားတစုလုံးက ရှစ်လေးလုံး ကာလတလျှောက် တအိမ်လုံးက ကားကအစ ငွေအား၊ လူ အားနဲ့ ရှစ်လေး လုံး ကျောင်းသား ခေါင်းဆောင်တွေ ဖြစ်တဲ့ ကိုမင်းကိုနိုင်၊ ကိုကိုကြီး၊ ကိုမိုးသီးဇွန် အစရှိတဲ့ ဗကသ ပြန် လည် ဖွဲ့စည်းရေး ကော်မတီက ကျောင်းသား လူငယ်တွေကို အကူအညီပေးခဲ့သူတွေ ဖြစ်ပါတယ်။ 

မကြာသေးခင်ကပဲ ကိုမျိုးမင်းဟာ အကျဉ်းထောင်ထဲ၊ စစ်ကြောရေး စခန်းတွေထဲက နှိပ်စက်မှု ဒဏ်တွေ၊ ရင်ဆိုင်ရတဲ့ စိတ်ဆင်းရဲ စရာ အခြေအနေတွေကြောင့် မထင်မှတ်ဘဲ ရုတ်တရက် ကွယ်လွန် သွားခဲ့ရ တယ်။ 

စစ်ကြောရေးစခန်းမှာ စစ်ထောက်လှမ်းရေး တွေက ဗျူဟာအမျိုးမျိုး သုံးကြပါတယ်။ အကြမ်း နည်းနဲ့ နှိပ် စက် ရိုက်နှက်တာမျိုး ရှိသလို၊ အနုနည်းနဲ့ ချော့မော့ ပြောဆိုတာမျိုးလည်း ရှိပါတယ်။ 

မေးခွန်း တွေကတော့ လုံးဝ အတူတူပါပဲ။ အဖန် တလဲလဲ အကြိမ်ကြိမ် လူခွဲပြီး မေးလေ့ရှိတာ စစ်ထောက် လှမ်းရေးတွေရဲ့ လုပ်နည်း လုပ်ဟန်တခု ဖြစ်သလို သွေးခွဲ နည်းတွေ၊ သိမ်းသွင်းနည်းတွေလည်း လုပ်ကြပါ တယ်။ 

ဒီလို စစ်ထောက်လှမ်းရေးတွေရဲ့ နည်းပရိယာယ် တွေကို အမြန်ဆုံးကျော်လွှားပြီး မြန်မြန် ပြစ်ဒဏ်ချ ဖို့၊ မြန်မြန် ထောင်ကို ရောက် ဖို့ စိတ်က စေ့ဆော်နေလေ့ ရှိပါတယ်။ 

စစ်ထောက်လှမ်းရေးတွေ လက်သုံးစကား တခုလည်း နားစွဲနေပါသေးတယ်။ 

ဘာတဲ့။ “တပ်မတော်ရဲ့ သဘောထား အမှန်ကို သိပြီ လား” တဲ့။ 

အဲဒီလိုပြောပြောပြီး ရိုက်ကြ၊ နှက်ကြ၊ ထိုးကြ၊ ကြိတ်ကြ၊ ကန်ကြ၊ ကျောက်ကြ။ ကျနော်ကတော့ နာရင်း၊ ကျင်ရင်း ဝေဒနာတွေ ခံစားရင်း၊ မြတ်စွာ ဘုရား အဆုံးအမဖြစ်တဲ့ သူ့သဘော သူဆောင်တယ်လို့ သဘော ထား လိုက်တယ်။ 

တကယ်တမ်း အဲဒီ စိတ်ဖြစ်ဖို့ အတော် မလွယ်ကူခဲ့ပါဘူး။ ဒါပေမယ့် အဖန်တလဲလဲ စိတ်ကို အဲဒီလို သဘောထားရှိဖို့ ကြိုးစားရင်း ထူးထူးဆန်းဆန်းပဲ သူတို့ပြုသမျှ နှိပ်စက်၊ ရိုက်နှက်ချက်တွေက ဘယ်လိုမှ မခံစားရတော့သလို ဖြစ်လာတယ်။ 

ဒဏ်ရာတွေ များလွန်တော့ ဝေဒနာတွေ ထူပြီး ထုံသွားတာမျိုးလည်း ဖြစ်နိုင်သလို တကယ်ပဲ စိတ်က ဒဏ်ရာ ဗရပွနဲ့ ခန္ဓာနဲ့ သီးခြား ဖြစ်သွားတာမျိုးလည်း ဖြစ်နိုင်ပါတယ်။ 

ဒါဟာ တချိန်က တောင်ပုလု၊ မဟာစည်၊ တန့်ကြည့်တောင် စတဲ့ တရားစခန်းတွေ ဝင်ခဲ့ စဉ်တုန်းက ရခဲ့တဲ့ အတွေ့အကြုံ အထောက် အပံ့တွေလည်း ဖြစ်နိုင်ပါတယ်။ 

စစ်ကြောရေးခန်းထဲ နားမခံသာစရာ အဖြစ် ဆုံးကတော့ ကျနော်တို့ကို သုံးနှုန်းတဲ့ စကားလုံးတွေ ပါပဲ။ 

ကရင်ပြည်နယ် KNU နယ်မြေက လာခဲ့တာ ဖြစ်လို့ ကရင် ငပွေးတွေရဲ့ ပဉ္စမံတပ်သားတွေ၊ ၈ လေးလုံး အရေး တော်ပုံက ပေါက်ဖွားခဲ့သူ ဖြစ်လို့ လူမျိုးခြားနဲ့ယူတဲ့မိန်းမ (ဒေါ်အောင်ဆန်းစုကြည်ကို ရည်ညွှန်းပြော ဆို) ရဲ့ ဝမ်းမနာသားတွေ၊ တိုင်းပြည်ဖျက် အမျိုးယုတ်တွေဆိုတဲ့ စကားလုံး တွေနဲ့ မအေ၊ နှမ နားမခံနိုင်
အောင် ပြောဆိုကြတဲ့ စကားလုံးတွေ ပါပဲ။ 

KNU ဌာနချုပ် မာနယ်ပုလောက ထွက်လာကတည်းက ကိုယ့် ယုံကြည်မှုနဲ့ကိုယ် အမဲသားစားတာကို 
ရှောင်ထား ခဲ့လို့ စစ်ကြောရေး စခန်းက ကျွေးတဲ့ အမဲသားဟင်းနဲ့ ထမင်းကို ငြင်းပယ်ခဲ့လို့ အတော် အရိုက် ခံ လိုက်ရသေးတယ်။ 

ရိုးရိုးပဲ အဲဒီလို ပြောပြတာကို လက် မခံခဲ့ကြဘဲ ရိုက်ကြ၊ နှက်ကြပေါ့။ ဘာ တတ်နိုင်မှာလဲ။ 

စစ်ကြောရေးမှာ နှိပ်စက်ခံရတယ် ဆိုပေမယ့် တချို့ စာအုပ်တွေထဲ ဖတ်ဖူးသလို၊ ရေဒီယို အင်တာဗျူးတွေ ထဲ ကိုယ်တွေ့ဆိုတာ တွေ ပြောကြသလို ကြွက်ကန်ထဲ ထည့်တာတို့၊ လက်သည်း ပလာယာနဲ့ ဆွဲချွတ်တာ မျိုးတော့ ကံကောင်းထောက်မလို့ ထင်ပါရဲ့၊ ကိုယ့် အလှည့်မှာတော့ မခံခဲ့ရပါဘူး။ 

ဒါပေမယ့် ညာဘက် ခြေထောက်ကို တက်နင်းပြီး လှန်ချိုးခဲ့လို့ လမ်းကောင်းကောင်း မလျှောက် နိုင်ခဲ့ တာတော့ ဖြစ်ခဲ့တယ်။ 

စစ်ကြောရေးစခန်းထဲမှာ ရသမျိုးစုံ ရှိပါတယ်။ ကြောက်စရာတွေလည်း ကြုံရသလို၊ ရယ်စရာတွေ၊ 
ပျော်စရာတွေလည်း ကြုံရတယ်။ 

ကိုယ် အကြိမ်ကြိမ် တထပ်တည်း ပြောလိုက်တဲ့ ဇာတ်လမ်းကို စစ်ထောက်လှမ်းရေး တွေက လက်ခံတဲ့အခါ ရင်ထဲမှာ ပျော်ရသလို စစ်ထောက်လှမ်းရေး အရာရှိ ခပ်ကြီးကြီးတယောက် လာတွေ့စဉ်က ၅ သုံးလုံး စီးကရက် သောက်လိုက်ရတာလည်း အတော် အရသာ ရှိခဲ့တယ်။ 

ရယ်စရာ အဖြစ်ဆုံးကတော့ လက်ထိပ်၊ ခြေထိပ်တွေ ခတ်ထားပြီး စားပွဲတခုပေါ်ကို ၉ မမ ပစ္စတို တင်ကာ မျက်နှာချင်းဆိုင် ထိုင် ရင်း စစ်ထောက်လှမ်းရေး တချို့က သေနတ်ချင်း ယှဉ်ပစ်ကြဖို့ စိန်ခေါ်ခံရ တာမျိုး ပါ။ 

သေနတ်ထဲမှာ ကျည်ဆန် ထည့်မထားတာကို သေနတ်ပစ်ချ လိုက်ကတည်းက ဗလာသံနဲ့မို့ သိနှင့်ပြီးသား ပါ။ 

လက်နဲ့ခြေကိုလည်း တုပ်နှောင်ပြီး “ကဲ…ရော့ မင်းနဲ့ငါ သေနတ်ချင်း ယှဉ်ပစ်ကြမယ်” ဆိုတဲ့ စကားက ဘယ်လောက် ရယ်စရာကောင်း သလဲ။ 

ဒီကြားထဲ ရှားရှားပါးပါး အိပ်ချိန်တွေထဲ လာ ခိုးယူတတ်တဲ့ အဖြစ်မျိုးတွေ ကြုံရတယ်။ 

ထိုင်း-မြန်မာနယ်စပ်က လာသူဖြစ်လို့ ချဲဂဏန်း နားလည် ကျွမ်းကျင်မယ်ထင်ပြီး ချဲတွက်ခိုင်းလို့ တွက်ပေးခဲ့ ရ တာလည်း ရယ်စရာ။ ချဲ ရူးသွပ်သူ ထောက်လှမ်းရေးတွေ ထင်ပါရဲ့။ ထိုင်း ချဲထီဆိုတာ မဲနှိုက်တဲ့စနစ်၊ တွက်ယူလို့မရတဲ့ ဂဏန်းတွေ ဆိုတာ သူတို့တကယ် မသိတာလား။ 

ဒီအပြင် ဆရာမင်းသိင်္ခတို့၊ ဆရာစံဇာဏီဘို တို့လို လက္ခဏာ၊ ဗေဒင်အကျော်တွေကိုလည်း စစ်ဆေးဖူး ထားကြတဲ့ စစ်ထောက်လှမ်း ရေးတွေ ဆိုတော့ ဗေဒင် တွက်တတ်သလား မေးပြီး တွက်ခိုင်း တတ်တယ်။ 

စစ်ထောက်လှမ်းရေး တယောက်ကဆို သူ့ ရည်းစား ကောင်မလေးနဲ့ ကိစ္စ ဟောတာ မှန်လွန်းလို့ နေ့တိုင်း အခန်းထဲကို ဆေးလိပ် လာပေးတယ်။ 

စစ်ထောက်လှမ်းရေးတွေလည်း လူထဲ က လူတွေပဲ ဆိုတော့ ဆေးလိပ် မီး တောင်းရင်လည်း သူက မညည်းမညူ ပေးလေ့ရှိတယ်။ 

ဒီလိုအဖြစ်မျိုးတွေကြောင့် ခံစားနေရ တဲ့ ဝေဒနာတွေ သက်သာသွားတတ်သေးတယ်။ 

ဒီလို စစ်ထောက် လှမ်းရေးတွေ လက်ထဲ အသက်ကို ဖက်နဲ့ထုပ်၊ ရှင်သန်အောင် ကြိုးစားရင်း လွတ်ရာ လွတ်ကြောင်းလည်း စဉ်းစားဖြစ်တယ်။ ကံ ကောင်းချင်တော့ တရက်မှာ အကြောင်းက ပေါ်လာတယ်။ 

စစ်ထောက်လှမ်းရေးတွေ ထပ်မံသိမ်းဆည်းလိုချင်တဲ့ ပစ္စည်းတွေကို သိုဝှက်ထားရာ ပိန်းဇလုပ်မြို့က ကရင် သင်္ချိုင်းမှာ ရှိနေဆဲ ဖြစ် နိုင်တာမို့ သွားရောက် ဖော်ယူပေးမယ်လို့ ပြောဆိုလိုက်တဲ့အခါ သူတို့ မျက်နှာတွေ ဝင်းပသွားခဲ့တယ်။ 

ဒါကြောင့် ချက်ချင်းဆိုသလို ကားစီစဉ်ပြီး လက်ထိပ်ခတ်ထားတဲ့ ကျနော့်ကို ကားပေါ်တင်လို့ ပိန်းဇလုပ်မြို့ ဆီ ဦးတည်မောင်းနှင် ထွက်ခဲ့ကြတယ်။ 

ပိန်းဇလုပ်ဆိုတာ စစ်တောင်းမြစ်ဘေး ကပ်လျက် တည်ရှိနေတာဖြစ်ပြီး မြစ်တဖက်ကမ်း ကူးလိုက်တာနဲ့ KNU နယ်မြေကို အလွယ် တကူ သွားနိုင်တာမို့ လက်ထိပ်တန်းလန်းနဲ့ ဒီနေရာကိုအရောက် ပြန်သွားခဲ့ တယ်။ 

ပိန်းဇလုပ်က ကရင် သင်္ချိုင်းကို ရောက်တယ်ဆိုရင်ပဲ ပစ္စည်းတွေ ထုပ်ထားတဲ့ စက္ကူအပါအဝင် သဲလွန်စ တချို့ကို သူတို့ စစ်ထောက်လှမ်းရေးတွေက တွေ့သွားတယ်ဆိုရင်ပဲ ပစ္စည်းတွေက မြစ် တဖက်ကမ်း မှာ ရောက်နေနိုင်လောက်ပြီး ကျနော်နဲ့ ပတ် သက်တဲ့ လူတဦးဦးက ပြန်ယူသွားတာ ဖြစ်နိုင်တယ် လို့ ပြော ဆိုခဲ့တယ်။ 

ရန်ကုန်က ပါလာတဲ့ စစ်ထောက်လှမ်းရေးတွေက ကျနော်နဲ့ အတူ တဖက်ကမ်းကူးဖို့ ပြင်ဆင်ချိန်မှာ အခြေအနေက ပြောင်းလဲသွားခဲ့တယ်။ 

နယ်မြေခံ စစ်ထောက်လှမ်းရေးက တဖက်ကမ်းမှာ ကရင် လက်နက်ကိုင်တွေရှိနေပြီး သွားခဲ့ရင် အန္တရာယ် ရှိ တဲ့ အကြောင်း ပြောလိုက်တော့ မသွားဖြစ်ခဲ့တော့ပါဘူး။ 

အဲဒီ ပစ္စည်းတွေ ထုပ်ပိုးထားတဲ့ စက္ကူတွေ၊ ကြိုးစတွေက ကျနော်ကိုယ်တိုင် မြေကြီးထဲ မြှုပ်ထားခဲ့တာပါ။ 

တကယ်က အဲဒီပစ္စည်း တွေ ရန်ကုန်ကို ရောက်သွားနှင့်ပြီးဖြစ်ပါတယ်။ အကယ်၍သာ ပိန်းဇလုပ်မြို့ရဲ့ စစ်တောင်းမြစ် တဖက်ကမ်းကိုသွား ဖြစ်ခဲ့ရင် ကျနော် ဟာ ထွက်ပြေးဖို့ လုပ်တဲ့အတွက် ပစ်ခတ်မှုကြောင့် အသက်ဆုံးပါး သွားခဲ့ရင်လည်း သွားနိုင်သလို သေဒဏ်မကျ၊ ထောင်ထဲ မရောက်ဘဲ အသက်ဆက် ရှင်နေချင်လည်း ရှင်သန်နေပါလိမ့်မယ်။ 


ဆက်လက်ဖော်ပြပါမည်။ 


လင်းသန့် ~ 

ကြိုးတိုက်ဋီကာ ( ၃) ကို ဧရာဝတီ မြန်မာပိုင်း ပင်မ စာမျက်နှာမှာ http://burma.irrawaddy.org/article/2014/05/16/58923.html ဖော်ပြခဲ့ပြီးဖြစ်ပါတယ်။ 

• ဧရာဝတီ Facebook / ဧရာဝတီ Twitter

 

အပြည့်အစုံသို့

ကြိုးတိုက်ဋီကာ ( ၂ )

သူပုန်ကျောင်းသားမှ ကြိုးသမားတဦး အဖြစ်သို့  

ရှစ်လေးလုံး ဒီမိုကရေစီ အရေးတော်ပုံကြီးမှာ စစ်တပ်က ပစ်ခတ် ဖြိုခွင်းမှုတွေနဲ့ အတူ ၁၉၈၈ ခုနှစ် စက်တင်ဘာလ ၁၈ ရက်နေ့ ညနေ ၄ နာရီမှာ စစ်တပ်က အာဏာသိမ်းတဲ့ အကြောင်း ကြေညာပြီးနောက် ကျနော်လည်း တောခိုဖို့ ဆုံးဖြတ်ချက် ချခဲ့တယ်။ 

 ABSDF တပ်ဖွဲ့ဝင် တချို့

အိမ်က ကျနော့် မိခင်ကိုတော့ “ခဏ” ဆိုတဲ့ စကားတခွန်းသာ ပြောပြီး နှုတ်ဆက်စကား ဆိုခဲ့တာပါ။ အဲဒီ အချိန်က ကျောင်းသား တက်ကြွလှုပ်ရှားသူတွေ ရာနဲ့ချီပြီး ကုန်းလမ်း၊ ရေလမ်းတွေကနေ အခက်အခဲ အမျိုးမျိုးကြားက နယ်စပ်ဒေသ တိုင်းရင်းသား လက် နက်ကိုင် အဖွဲ့တွေ တည်ရှိရာ အရပ်တွေကို ကိုယ့် အဆက် အသွယ်တွေနဲ့ သွားသူတွေ ရှိကြသလို ဘာ အဆက်အသွယ်မှ မရှိဘဲ မှန်းဆသွားကြ သူတွေ လည်း ရှိခဲ့ကြ တယ်။ 

အဲဒီလို တောခိုကျောင်းသားတွေထဲမှာ မထင်မရှား ကျောင်းသား တက်ကြွလှုပ်ရှားသူ ကျနော်လည်း တဦး အပါအဝင်ဖြစ်ပါတယ်။ 

နယ်စပ်ဒေသ တိုင်းရင်းသား လက်နက်ကိုင် နယ်မြေတခုဖြစ်တဲ့၊ အဲဒီအချိန်က အင်အားအကြီးဆုံး အဖွဲ့ တခုဖြစ်တဲ့ ကရင်အမျိုးသား အစည်းအရုံး (KNU) နယ်မြေကို ကျနော် ရောက်ခဲ့တယ်။ 

ကျနော်ရောက်တဲ့ အချိန်မှာ တွေ့မြင်လိုက်ရတဲ့ ကျောင်းသား အပါအဝင် ဒီမိုကရေစီ အရေး တက်ကြွ လှုပ်ရှားသူ အရွယ်စုံ အဆင့်အတန်းစုံ လူတွေက ထောင်နဲ့ချီ ရှိနေတာပါပဲ။ 

အဲဒီမှာ ပြောစမှတ် စကားတခုကိုတောင် အခုအထိ မှတ်မိနေပါသေးတယ်။ ကိုယ့်ကိုယ်ကိုယ် တချိန်က 
မြန်မာ့ လွတ်လပ်ရေး ကနဦး သူရဲကောင်းတွေ ဖြစ်တဲ့ ရဲဘော် ၃ ကျိပ်လောက် ဖြစ်မယ်လို့ စိတ်ကူးယဉ်ခဲ့ ကြပေမယ့် တကယ်တမ်း တောထဲ ရောက်ချိန်မှာ ရဲဘော် ၃ သောင်းကျော် မက ရှိနေခဲ့တာပါပဲ။ 

ဗိုလ်ချုပ်အောင်ဆန်း ဦးဆောင်တဲ့ မြန်မာလူငယ် ရဲဘော် ၃ ကျိပ်ကို ကျနော်တို့ အားကျခဲ့တာလည်း ရှိပါတယ်။ 

ကျနော်လည်း မဲဆောက်က KNU ထောက် လှမ်းရေးတာဝန်ခံ ဗိုလ်မှူး စိုးစိုးအိမ်မှာ ခဏနေခဲ့ပြီး မာနယ်ပုလောကို ရောက်ခဲ့တယ်။ ဗိုလ်မှူး စိုးစိုးအိမ်မှာပဲ KNU ခေါင်းဆောင် ဗိုလ်ချုပ်မြ အပါအဝင် တခြား ခေါင်းဆောင်တွေနဲ့ ဆုံဖြစ်ခဲ့တယ်။ 

အဲဒီကနေ KNU ဌာနချုပ် မာနယ်ပုလော နယ်မြေတွင်းက သောင်ရင်းစခန်းလို့ လူသိများတဲ့ မြန်မာနိုင်ငံလုံး ဆိုင်ရာ ကျောင်းသားများ ဒီမိုကရက်တစ် တပ်ဦး (ABSDF) တပ်ရင်း (၂၀၈) မှာ အဖွဲ့ဝင် အဖြစ်နဲ့ ရပ်တည် ခဲ့ ရင်း သူပုန်ကျောင်းသား အဖြစ် တောတွင်းကာလ တဒင်္ဂကို ဖြတ်သန်းခဲ့တယ်။ 

သူပုန် ကျောင်းသားဖြစ်ခဲ့စဉ် ကာလ တလျှောက် ကိုယ်နေစရာ ကိုယ်တိုင်ဖန်တီး တည်ဆောက်၊ ကိုယ်နဲ့ ကိုယ့်ရဲဘော် အချင်းချင်း ရိုင်းပင်းရင်းနဲ့ စစ်ပညာ လေ့လာသင်ယူရင်း ထိုက်တန်တဲ့ တုံ့ပြန်မှုနဲ့ တိုင်းပြည် အကျိုး အတွက် စစ်တပ်ကို ပြန်အန်တုမယ်လို့ စိတ်ကို တုံးတုံးချခဲ့တယ်။ 

တဖက်က အစိုးရစစ်တပ်ကို ရင်ဆိုင်အံတုဖို့ လုပ်နေချိန်နဲ့ တပြိုင်တည်း သူပုန်ကျောင်းသားတိုင်း ရင်ဆိုင် ရလေ့ ရှိတဲ့ ရန်သူတော်ကြီး ကတော့ “မစ္စတာ မလေးရီးယား ဂုရု” လို့ တင်စားခေါ်ဝေါ်တဲ့ ငှက်ဖျားရောဂါ ပါပဲ။ 

အစိုးရ စစ်တပ်က ပစ်သတ်လို့ ကျဆုံးသွားရတဲ့ ကျောင်းသားရဲဘော်တွေ ရှိသလို ငှက်ဖျားရောဂါနဲ့ အသက်ဆုံးပါးရတဲ့ သူတွေလည်း မနည်းလှပါဘူး။ 

အသက်ဆုံးပါး သွားကြရသူတွေဟာ အာဟာရ မပြည့်မီမှု၊ ဆေးဝါးမစုံလင်မှုနဲ့ တခြား လိုအပ်ချက်တွေ
ကြောင့်လည်း ပါပါတယ်။ 

တောတွင်း ကျောင်းသားဘဝ နေ့စဉ်စားခဲ့ရတဲ့ ဆန်ကျိုးထမင်း၊ ငါးပိရည်၊ ငှက်ပျောအူပြုတ်နဲ့ ငရုတ်သီး မှုန့်တွေက အာဟာရဖြစ်စေခဲ့သလို တခါတရံ ကရင် လူကြီးအိမ်တွေက ပို့လာတဲ့ ဝက်သား၊ အမဲသားနဲ့ တောတွင်း အမဲလိုက်လို့ ရလာတဲ့ တောကောင် သားတွေ စားရချိန်တွေကတော့ နတ်သုဒ္ဓါ တမျှပါ။ 

တချိန်က အမေ့အိမ်က ဟင်းလျာတွေကို စိတ်ကူးနဲ့သာ မှန်းပြီး သူပုန်ကျောင်းသား အာဟာရ ဖြစ်ခဲ့ရ ပါတယ်။ 

KNU နယ်မြေမှာ ရှိစဉ် တလျှောက် မိဘငတ်နေကြသူ ကျနော်တို့တွေ ပါးစပ်ဖျားမှာတွေ့သမျှ သက်ကြီး ရွယ်ကြီး မှန်သမျှကို အမိုးနဲ့ ဖထီးဆိုတဲ့ စကားလုံးတွေ ကလည်း မြိန်ရေယှက်ရေ ရှိခဲ့ပါတယ်။ 

ရှစ်လေးလုံးက မွေးဖွားပေးလိုက်တဲ့ တောခိုကျောင်းသားနဲ့ လူငယ်တွေဟာ ထိုင်းနဲ့ မြန်မာ ၂ နိုင်ငံ နယ်စည်း မျဉ်း ဖြစ်နေတဲ့ သောင်ရင်းမြစ်ကို ကမ်းတဖက်နဲ့ တဖက် လက်ပစ်ကူး ဖြတ်သန်းရင်း တချိန်က မနီးစပ်ခဲ့တဲ့ ဗမာနဲ့ တခြားတိုင်းရင်းသားတွေကြား ပျက်ပြားခဲ့တဲ့ ယုံကြည်မှု တစုံတရာကို ရစေခဲ့တယ်လို့ ပြောရမယ် ထင်ပါတယ်။ 

တချိန်က ဗမာ တိုင်းရင်းသားတွေနဲ့ ရှမ်း၊ ချင်း၊ ကရင်၊ ကချင်၊ မွန်၊ ရခိုင် စတဲ့ တိုင်းရင်းသားတွေ အကြား ဆယ်စုနှစ်နဲ့ချီ ယုံကြည်မှု ကင်းမဲ့ နေခဲ့တာ အခုအထိ ရိုက်ခတ်နေဆဲ ပါပဲ။ 

အဲဒီ ကာလမှာ ABSDF ဥက္ကဋ္ဌက ကိုထွန်းအောင်ကျော် ဖြစ်ပြီး ကိုကျော်ကျော်ကတော့ KNU နယ်မြေ တာဝန်ခံ လည်းဖြစ်၊ ABSDF အထွေထွေ အတွင်းရေးမှူးလည်း ဖြစ်ပါတယ်။ နောက် ၁၉၈၉ ခုနှစ်၊ သင်္ကြန် အလွန်မှာပဲ လူ့ဘောင်သစ်ပါတီ ဥက္ကဋ္ဌ တဖြစ်လဲ ကိုမိုးသီးဇွန်တယောက် KNU နယ်မြေကို ရောက်လာခဲ့ပြီး ABSDF ဥက္ကဋ္ဌ တာဝန် ယူခဲ့ချိန်ပါ။ 

ရှစ်လေးလုံး ဒီမိုကရေစီ အရေးတော်ပုံ နောက်ပိုင်း ပေါ်ပေါက်လာတဲ့ DAB လို့ခေါ်တဲ့ မြန်မာနိုင်ငံလုံး ဆိုင် ရာ ဒီမိုကရေစီ မဟာမိတ် အဖွဲ့၊ ၁၉၈၃ ခုနှစ် ကတည်းက ဖွဲ့စည်းထားခဲ့တဲ့ NDF လို့ခေါ်တဲ့ တိုင်းရင်းသား လက်နက်ကိုင် အဖွဲ့တွေနဲ့ အတူ စစ်အာဏာရှင် ဆန့်ကျင်ရေး၊ ဒီမိုကရေစီ နိုင်ငံ ဖြစ်ထွန်းရေး၊ လူ့အခွင့် အရေး အပြည့်ရှိတဲ့ မြန်မာ့လူ့အဖွဲ့အစည်း ဖြစ်ပေါ်လာရေး၊ ဖက်ဒရယ် ပြည်ထောင်စု ပေါ်ပေါက်ရေး စတဲ့ ရည်ရွယ်ချက် ကောင်းတွေနဲ့ ရုန်းကန်လှုပ်ရှားခဲ့ကြတဲ့ ယန္တရားထဲမှာ ကျနော်လည်း အုတ်တချပ်၊ သဲတပွင့် အဖြစ် ပါဝင်ခွင့် ရခဲ့ပါတယ်။ 

၈၈ မျိုးဆက်သစ် သူပုန်ကျောင်းသား တဦးအနေနဲ့ ဒီမိုကရေစီရေး အတွက် စွန့်လွှတ် စွန့်စားလိုစိတ် က ပြင်းထန်ခဲ့ပြီး ပြည်တွင်း တော်လှန်ရေး လှုပ်ရှားမှုတခု အတွက် ကျနော်လည်း တာဝန်ယူခဲ့ ပါတယ်။ 

အဲဒီနောက် KNU ဖောက်ခွဲရေး တာဝန်ခံ ဗိုလ်အိုင်းဇက် ဆီက လိုအပ်တဲ့ စစ်လက်နက်ပစ္စည်းတွေ ထုတ်ယူလာခဲ့ပြီး ပြည်တွင်းလှုပ်ရှားမှု တခုအတွက် အစီအစဉ်တွေ အဆင်သင့် ဖြစ်ခဲ့ပါပြီ။ ကိုမြင့်ဆွေ၊ ကိုမြင့်စိုးတို့နဲ့ အတူရန်ကုန်ကိုသွားဖို့ ပြင်ဆင်ခဲ့ကြတယ်။ 

ဒီခရီးစဉ် အတွက် အဲဒီတုန်းက ကျောင်းသား တပ်မတော်က ဘတ်ငွေ တဦးအတွက် ၁ ထောင်နှုန်းနဲ့ ဘတ် ၃ ထောင်နဲ့ အတူ ရန်ကုန်ကို မာနယ်ပုလောစခန်း ကစပြီး ၁၉၉၀ ခုနှစ် ဖေဖော်ဝါရီလက တောလမ်းခြေ ကျင် ခရီးကြမ်းတခုကို စတင်ခဲ့ပါတယ်။ 

ဒီခရီးစဉ်မှာ ကျောင်းသားတပ်မတော်က ကျနော်နဲ့ အတူပါလာသူတွေ ဖြစ်တဲ့ ကိုမြင့်ဆွေဟာ ရှစ်လေးလုံး ဒီမိုကရေစီ အရေးတော် ပုံကာလ ရန်ကုန် မြို့လှိုင်မြို့နယ် လူငယ့်ရေးရာ ညကျောင်းသမဂ္ဂ ဥက္ကဋ္ဌ ဖြစ်ခဲ့သူ၊ ရန်ကုန်တက္ကသိုလ် ဓာတုဗေဒခန်း တာဝန်ခံ ဆရာ ဦးအေးဆွေရဲ့ သားတဦး ဖြစ်ပြီး အစ္စလမ် ဘာသာဝင် တဦးပါ။ 

တောတောင်ထဲ ပင်ပန်းဆင်းရဲစွာနဲ့ ဘဝကို ခက်ခက်ခဲခဲ ဖြတ်သန်းရချိန်တွေမှာ ကြံ့ကြံ့ခံနိုင်ခဲ့တဲ့ ကိုမြင့်ဆွေ ဟာ ၁၉၉၆ ခုနှစ် ဇွန်လ ၁၇ ရက်နေ့က သရက်အကျဉ်းထောင် အတွင်းမှာ စိတ် ဝေဒနာသည် ရာဇဝတ် အကျဉ်းသား တဦးဖြစ်တဲ့ ဦးလှရွှေဆိုသူက ထမ်းပိုးနဲ့ ရိုက်ခဲ့တဲ့ ဒဏ်ရာကြောင့် သေဆုံးသွားခဲ့ ပါတယ်။ 

ကိုမြင့်စိုး ကတော့ ၁၉၉၀ ပြည့်နှစ် ပါတီစုံ ဒီမိုကရေစီ အထွေထွေ ရွေးကောက်ပွဲကြီးမှာ ရန်ကုန်တိုင်း လှိုင်မြို့နယ်ကနေ ဒီမိုကရေစီပါတီ ကိုယ်စားပြု ဝင်ရောက်ယှဉ်ပြိုင်ခဲ့တဲ့ ဦးအုန်းကြိုင်ရဲ့ သားတဦး ဖြစ်ပါ တယ်။ 

ကျနော်တို့ ၃ ဦးဟာ မာနယ်ပုလော ဌာနချုပ် ကနေ KNU တပ်မဟာ ၃ နယ်မြေကို ဦးတည်ထွက် လာတာ မှာ KNU တပ်စိတ် တစိတ် က လမ်းတလျှောက် လုံခြုံရေး ယူပေးရင်း ၁၉၉၀ ပြည့်နှစ် ဖေဖော်ဝါရီ အကုန် က စတင်ထွက်လာခဲ့ကြတယ်။ 

တောလမ်းခရီး တလျှောက် ခြေကျင် တောင်တက်၊ တောင်ဆင်းနဲ့ စစ်မြေပြင်တွေကို ရှောင်ကွင်းသွားရင်း တရက်မှာ ရှေ့ကင်းထောက် အဖွဲ့ရဲ့ အချက်ပေးမှုနဲ့ အတူ အစိုးရစစ်တပ် စစ်ကြောင်းတကြောင်းနဲ့ ရင် ဆိုင် တွေ့လိုက်ရတဲ့အခါ ကျနော်တို့ ၃ ယောက် အန္တရာယ် ကင်းစေဖို့ ကရင် စစ်သားတွေက စွန့်စားခန်း ဝင်ခဲ့ကြပါတယ်။ 

အဲဒီမှာ ကျနော်တို့ သယ်ယူလာခဲ့တဲ့ KNU လုပ် လက်ပစ်ဗုံး ၁ လုံးလည်း အခြေအနေအရ အသုံးပြုခဲ့ကြ ပါတယ်။ လမ်းခရီး တလျှောက် လိုအပ်ရင် အသုံးပြုဖို့ ပါလာတဲ့ ဆေးဝါးတွေနဲ့ လမ်းမှာ တွေ့ခဲ့ကြတဲ့ လူနာတချို့ကိုလည်း ကုသပေးဖြစ်ခဲ့တယ်။ 

မြစ်ကူးချောင်းကူး ခြေကျင်တောင်ဆင်း၊ တောင်တက် ခရီးရှည်ကြောင့် ကိုမြင့်ဆွေနဲ့ ကိုမြင့်စိုးတို့လည်း လမ်းခရီးတဝက်မှာ ငှက်ဖျားရောဂါ ထချိန် ပါလာတဲ့ ဆေးဝါးတွေနဲ့ ကြိုးစား ကုသရင်း ခရီးဆက်ခဲ့တယ်။ 

ကိုမြင့်ဆွေ ကိုတော့ လမ်း မလျှောက်နိုင်တဲ့ အခြေအနေ ဖြစ်လာလို့ အထမ်းနဲ့ ခေါ်လာရင်း ပင်ပန်းစွာ လမ်းခရီးကို ဖြတ်သန်းခဲ့ကြတယ်။ 

ရန်ကုန်- မန္တလေး အမြန်လမ်းမကြီးဘေး ပိန်းဇလုပ်မြို့အနီး စစ်တောင်းမြစ် ကမ်းဘေး ကရင်ရွာ တရွာ အရောက်မှာ ငှက်ဖျားရောဂါ ပြင်းပြင်းထန်ထန် ခံစားနေရတဲ့ ကိုမြင့်ဆွေနဲ့ ကိုမြင့်စိုးတို့ ၂ ဦးကို KNU တပ်မဟာ ၃ အရာရှိ တဦးဆီမှာ ထားရစ်ခဲ့ပြီး အစီအစဉ် အရ တကိုယ်တည်း ရန်ကုန်ကို ထွက်ခွာဖို့ ပြင် ဆင်ခဲ့တယ်။ 

သောင်ရင်းမြစ်ကမ်းရှိ ABSDF ဗဟိုဌာနချုပ် ရုံးဟောင်း တည်ရာ လောကွာလူကုန်း သောင်ရင်းမြစ်ကမ်းရှိ ABSDF ဗဟိုဌာနချုပ် ရုံးဟောင်း တည်ရာ လောကွာလူကုန်း ပါလာတဲ့ စစ်လက်နက် ပစ္စည်းတွေနဲ့ တခြား အသုံးအဆောင် ပစ္စည်းတချို့နဲ့ စစ်တောင်းမြစ်ကို နံနက်မိုးသောက်ယံမှာ ဝါးတလုံး အကူနဲ့ လက်ပစ်ကူး ခဲ့ရတယ်။ 

ပိန်းဇလုပ်မြို့ ရှိရာကိုသွားဖို့ လာကြိုတဲ့ လှည်းတစီးနဲ့အတူ လိုက်ပါသွားခဲ့ပြီး ပါလာတဲ့ လက်နက် ပစ္စည်း
တွေ ကို ပိန်းဇလုပ် ကရင်သင်္ချိုင်း တနေရာမှာ မြှုပ်နှံတယ်။ အဲဒီက တဆင့် ကားလမ်းဘေး တံတားတခု 
အောက်မှာမြေတူးပြီး ပစ္စည်းတွေကို ဝှက်ထားခဲ့ လိုက်တယ်။ ဒီနောက်တော့ ပါလာတဲ့ ကျပ်ငွေ အနည်း ငယ်နဲ့ ရန်ကုန်-မန္တလေး အမြန် ကားလမ်းမဘေး ပိန်းဇလုပ် မြို့ကလေးကနေ ညောင် လေး ပင်မြို့အထိ ဟိုင်းလပ် လူတင်ကား တစီးခေါင်မိုးပေါ်ကနေ လိုက်ပါခဲ့တယ်။ 

ညောင်လေးပင်ကနေ ပဲခူးကား ထပ်စီးကာ ပဲခူးက တဆင့် ရန်ကုန်ကို ခရီးဆက်ရင်းစောင့်ကြိုနေတဲ့ လုပ်ဖော်ကိုင်ဖက်တွေ ဖြစ်တဲ့ ကိုမျိုးမင်းနဲ့ ကိုမင်းဇင် တို့ဆီ ဆက်သွယ်ခဲ့ပြီး ပါလာတဲ့ပစ္စည်းတွေ ရန်ကုန်ကို သယ်ယူရေး စီစဉ်ကြ တော့တယ်။ 

ဒီလို စီစဉ်နေဆဲကာလ တခုအတွင်း ပြည်သူ့ ရင်ပြင်ထဲက ဘီယာဆိုင်မှာ ထိုင်ခဲ့ကြတယ်။ ပြည်သူ့ ရင်ပြင် ထဲမှာ စစ်ထောက်လှမ်းရေး တွေနဲ့ ထောက်လှမ်းရေး သတင်းပေးတွေက ဒုနဲ့ဒေးဆိုတာ ထိုစဉ်က ပြည်သူ့ ရင်ပြင် တာဝန်ခံ စစ်ဗိုလ်တဦးနဲ့ တဝိုင်းတည်း မတော်တဆ ထိုင်မိတော့မှ သိလိုက်ရတယ်။ 

ဒီကြားထဲ ရယ်စရာတခုက ကျနော့်ကို စစ်ထောက်လှမ်းရေး အရာရှိလို့ ထင်မှတ်မှားပြီး သတင်းလာပို့ တဲ့ ထောက်လှမ်းရေး သင်တန်းသား တချို့နဲ့လည်း ကြုံခဲ့ဖူးသလို ဆံပင်တိုတိုထားလေ့ရှိတဲ့ ကျနော့်ကို စစ်အရာရှိ အထင်နဲ့ အလေးပြုတာမျိုးလည်း ကြုံခဲ့ရတယ်။ 

ဒီလိုနဲ့ တရက်မှာတော့ ကိုမျိုးမင်း၊ ကိုမင်းဇင်တို့နဲ့ အတူ ကိုမျိုးမင်းရဲ့ မိဘတွေ ပိုင်ဆိုင်တဲ့ ကားလေးနဲ့ ကျနော့် ပစ္စည်းတွေ သိုဝှက် ထားခဲ့တဲ့ ပိန်းဇလုပ်မြို့ တံတားတခု အနီးရှိရာကို ဦးတည်မောင်းနှင် လာခဲ့ကြတယ်။ 

အဲဒီတုန်းက ကိုမျိုးမင်းကတော့ သူ့မိဘတွေကို ပဲခူးမှာ ခွေးသွားဝယ်မယ် ဆိုပြီးပြောဆိုခဲ့တာလည်း မှတ်မိနေပါ သေးတယ်။ 

 ဒီကားပေါ်မှာတော့ ကျနော်နဲ့ အတူ ကိုမျိုးမင်းတို့ ဇနီးမောင်နှံရယ်၊ ရဲလွင်ဆိုတဲ့ အကူလူငယ် တဦးရယ် ကိုမင်းဇင်တို့ လိုက်ပါလာကြတာပါ။ ရန်ကုန် ကတည်းက လိုအပ်တဲ့ ပစ္စည်းသယ်ယူရေး အတွက် ကြိုး စတဲ့ အသုံးအဆောင် တချို့ကို ဝယ်ယူလာခဲ့တယ်။ 

ဒီလိုနဲ့ ရန်ကုန်ကနေ မိသားစုပျော်ပွဲစား ထွက်တဲ့ ပုံစံနဲ့ ထွက်လာတဲ့ ကျနော်တို့ ကားကလေးဟာ ပိန်းဇလုပ်မြို့ကို နေ့လယ်ပိုင်း လောက် ရောက်လာပါတယ်။ ကျနော် ဝှက်ထားတဲ့ တံတားအနီး ရောက် တာနဲ့ ကားကို ခဏနားပြီး အနီးပတ်ဝန်းကျင်မှာ ပစ္စည်းတွေထားခဲ့တဲ့ နေရာမှာ ခြေရာလက်ရာ ပျက်၊ မပျက်နဲ့ စောင့်ကြည့်သူရှိ၊ မရှိအကဲခတ်ပြီး စောင့်ကြည့်တယ်။ 

စိတ်ချရတဲ့ အခြေအနေကို သိလိုက်ရတော့မှ တံတားအောက်က ချုံတခုအောက်မှာ ဝှက်ထားတဲ့ ပစ္စည်းတွေ ကို ကျနော်က ထုတ်ယူပြီး ကားပေါ်ကို လူသူ သတိ မထားမိအောင် တင်ခဲ့ကြတယ်။ 

အဲဒီနောက် ကားကို တနေရာကို မောင်းသွားခဲ့ပြီး လမ်းဘေးတနေရာမှာ ကားပျက်တဲ့ ဟန်မျိုးနဲ့ ကား
ဘော်ဒီအောက်နဲ့ ကားဘော်ဒီထဲမှာ သယ်လာတဲ့ ပစ္စည်းတွေကို ဝှက်ကြကာ ရန်ကုန်ကို ဦးတည်ပြီး ကားကို ပြန်မောင်းလာခဲ့ကြ တော့တယ်။ 

ထူးခြားတာက ကျနော်တို့ကားနဲ့ ပစ္စည်းတွေ သယ်တဲ့နေ့မှာ ထိုစဉ်က နဝတ အတွင်းရေးမှူး ၁ လည်းဖြစ် စစ်ထောက်လှမ်းရေး အကြီးအကဲ ဗိုလ်ချုပ် ခင်ညွန့်က ပိန်းဇလုပ်အနီး ကျောက်တံခါးမြို့က တန် ၁၀ဝ ဆန်စက်ကို လာခဲ့တဲ့ အချိန်နဲ့ တိုက်ဆိုင်နေခဲ့တယ်။ 

ဒါကြောင့် အပြန်လမ်းတလျှောက် ဓာတ်တိုင် ၂ တိုင်ကျော် စစ်သားတဦးနှုန်းနဲ့ လုံခြုံရေး အပြည့်ယူထား တာ ကို သတိထားမိခဲ့တယ်။ 

ဒီတော့ အရပ်ဝတ် စစ်ထောက်လှမ်းရေး အရာရှိ ပုံစံမျိုးနဲ့ ကျနော်တို့ ကားလေးက ရန်ကုန်ပြန်လာမယ့် ဗိုလ်ချုပ်ခင်ညွန့်ရဲ့ ရှေ့တော်ပြေးအလား လမ်းတလျှောက်က စစ်တပ်လုံခြုံရေး ယူထားခဲ့တဲ့ ပဲခူးတပ်မ ၇၇ ဂိတ်၊ အင်းတကော်ဂိတ်၊ ထောက်ကြံ့ဂိတ် စတာတွေကို အိနြေ္ဒ မပျက် ဖြတ်သန်း ကျော်လွှားနိုင်ခဲ့ကြတယ်။ 

ရန်ကုန်ကို ပစ္စည်းတွေ ရောက်တဲ့အချိန်က စပြီး လုပ်ရမယ့် လုပ်ငန်းတွေ အတွက် လေ့လာမှုတွေ ဆက် တိုက် ဆိုသလို လုပ်နေခဲ့ကြရ တာပါ။ 

အဲဒီ နောက်တော့ ပိန်းဇလုပ်မှာ ကျန်ရှိ နေခဲ့တဲ့ ကိုမြင့်ဆွေ နဲ့ မြင့်စိုးတို့ကလည်း ရန်ကုန်ကို တက်လာခဲ့ပြီး ရန်ကုန်မှာ ပြန်ဆုံစည်းခဲ့ ကြတယ်။ အဲဒီမှာ ရည်မှန်းထားတဲ့ လုပ်ငန်းတိုင်း အားလုံးနီးပါး အတွက် လုပ်ခွင့် မသာတဲ့ အခြေအနေတွေက ဆက်တိုက် ရင်ဆိုင်ခဲ့ရ ပါတယ်။ 

အထူးသဖြင့် အခက်အခဲဆုံး ရင်ဆိုင်ရတာက နေစရာ အိမ်ပါပဲ။ ကျနော်တို့ အခေါ် “ဘိ”ပေါ့။ ဒါတောင်မှ ကျနော်တို့မှာ မှတ်ပုံတင်က အစ အထောက်အထား အပြည့်အစုံ လက်ဝယ်ရှိနေ ကြပြီးသား။ ။ 


ဆက်လက်ဖော်ပြပါမည်။ 


လင်းသန့် ~ 

 ကြိုးတိုက် ဋီကာ ( ၂) ကို ဧရာဝတီ မြန်မာပိုင်း ပင်မ စာမျက်နှာ http://burma.irrawaddy.org/article/2014/05/08/58584.html တွင် ဖော်ပြထားသည်ကို ပြန်လည် ကူးယူဖော်ပြလိုက်သည်။

• ဧရာဝတီ Facebook / ဧရာဝတီ Twitter

အပြည့်အစုံသို့

ကလေးတွေဆီအရောက်သွားတဲ့ စာသင်ခန်း

~

 
  


(မေစစ်ပိုင် ရေးသားသည်)
စစ်ကျန် ဘတ်စ်ကားဟောင်းကြီးကို ပြန်လည်ပြုပြင်ထားတဲ့ ကားတွင်းစာသင်ခန်းပေါ်မှာ “အေ၊ ဘီ၊ စီ၊ ဒီ” ကို အသံထွက်ဆိုရင်း ဖတ်စာအုပ်ထဲက အက္ခရာတွေကို ကြည့်လိုက်၊ ဗလာစာအုပ်ထဲမှာ ချရေးလိုက်၊ စာလုံး မှားသွားရင်၊ စိတ်ကြိုက်မတွေ့ရင် ခဲဖျက်နဲ့ဖျက်လိုက် ပြန်ရေးလိုက် လုပ်နေတာတဲ့ ကျောင်းသား က တော့ မောင်ကျော်သက်လို့ ခေါ်တဲ့ လက်ဖက်ရည်ဆိုင်ဝန်ထမ်းတဦးဖြစ်ပါတယ်။

ကျောင်းစာသင်ခန်းတခန်းနဲ့တူအောင် သင်ပုန်း၊ စာသင်ခုံတွေက အစ ထည့်သွင်းပြုပြင်ထားတဲ့ ဒီကားဟောင်းကြီးပေါ်မှာ မောင်ကျော်သက်တို့လို လူငယ် ၁၂ ယောက် စာသင်နေကြတာတွေ့ရပါတယ်။
ဆရာမတဦးက ကြီးကြပ်နေပြီး ကျောင်းသားတွေအားလုံးက သူငယ်တန်း အင်္ဂလိပ်ဖတ်စာထဲကအက္ခရာ တွေကို အသံထွက်ရွတ်ဆိုကြပြီး ဗလာစာအုပ်ထဲ ကူးရေးနေကြတာပါ။

ဒါ့အပြင် စာသင်ဖို့ ခွင့်ပြုချက်ရထားပြီးဖြစ်တဲ့ လက်ဖက်ရည်ဆိုင်ဝန်းထဲမှာလည်း ဆရာမတဦးက ပရိုဂျက်တာပေါ်မှာ ပြထားတဲ့ အင်္ဂလိပ်သင်ခန်းစာတချို့ကို ရုပ်ပုံတွေနဲ့ တကွ သင်ကြားပေးနေတာကို စိတ်ဝင်တစား နားထောင်နေကြတဲ့ ကျောင်းသား အများအပြားကိုလည်း တွေ့ရပါတယ်။

သူတို့ကတော့ မောင်ကျော်သက်တို့လိုပဲ ကျောင်းပညာရေးမပြီးခဲ့ပေမဲ့ သူတို့သင်ခဲ့ဖူးတဲ့ ကျောင်းစာတွေထဲက တချို့ကို မှတ်မိတဲ့သူတွေဖြစ်တာကြောင့် အခြေခံအလယ်တန်းအဆင့် ကျောင်းစာတွေကို သင်ယူနေကြတာပါ။

အဲဒီကျောင်းသားတွေအားလုံးက လက်ဖက်ရည်ဆိုင်တဆိုင် ရဲ့ စားပွဲထိုး၊ စားဖိုမှူးအလုပ်တွေလုပ်နေတဲ့ သူတွေဖြစ်ပြီး မြန်မာနိုင်ငံအထက်ပိုင်းဒေသတွေနဲ့ ဧရာဝတီတိုင်းဒေသကြီး ကနေ ရန်ကုန်မြို့ပေါ်မှာ အလုပ်လုပ်ဖို့အတွက် ရောက်လာကြသူတွေဖြစ်တယ်လို့သိရပါတယ်။

“၃ တန်းအောင်ပြီးကတည်း ကျောင်းမတက်ဖြစ်တော့တာဆိုတော့ စာတွေမေ့ကုန်ပြီ၊
စာသင်ရတာပျော်တယ်၊ အလုပ်အားတဲ့အချိန်တွေဆို ရွာကို စာရေးတယ်၊
စာအုပ်ဖတ်တယ်၊ တီဗွီကြည့်တယ်”လို့ အေ၊ ဘီ၊ စီ၊ ဒီ ရေးနေတဲ့ မောင်ကျော်သက်က ပြောပြပါတယ်။

သူက ဧရာဝတီတိုင်းဒေသကြီးအတွင်းမှာရှိတဲ့ ရွာတရွာကနေ ရန်ကုန်မြို့ပေါ်ကို တက်လာပြီး လက်ဖက်ရည်ဆိုင်တဆိုင် မှာ စားဖိုမှူး အလုပ် လုပ်နေတဲ့ အသက် ၂၀ ကျော် အရွယ်ရှိ လူငယ်တယောက်ဖြစ်ပါတယ်။
 အကြောင်းအမျိုးမျိုးကြောင့် မူလတန်းပညာရေး မပြီးပြတ်ခဲ့ပေမဲ့ မောင်ကျော်သက် တယောက် စာပြန်သင်နေရတာ ပျော်ပုံရပါတယ်။

“မြန်မာနဲ့ သချာင်္သင်ရတာ သိပ်မခက်ဘူး၊ အင်္ဂလိပ်စာကတော့ နည်းနည်း ပိုခက်တော့ ကြိုးစားနေတယ်၊ ကျနော် စာအုပ်ကြီးတွေ  သိပ်ဖတ်ချင်တယ်”လို့ သူက ပြောပါတယ်။

လက်ဖက်ရည်ဆိုင်တွေမှာ အလုပ်လုပ်နေကြပြီး ကျောင်းပညာရေးနဲ့ ဝေးနေတဲ့ ကလေး၊ လူငယ်တွေကို ပညာတတ်တွေဖြစ်ပြီး လူမှုဆက်ဆံရေးမှာပိုပြီး တိုးတက်စေချင်တဲ့ရည်ရွယ်ချက်တွေကြောင့် မြန်မာရွေ့လျားပညာရေးပရဟိတ အဖွဲ့ (Myanmar Mobile Education Project-My ME Project)က ဆိုင်ရှင်တွေထံက ခွင့်ပြုချက်တွေယူပြီး ရန်ကုန်မြို့ပေါ်က လက်ဖက်ရည်ဆိုင်တချို့မှာ ပညာဒါန စာသင်ကြားပေးနေတာပါ။

 

“ကျောင်းမသွားနိုင်တဲ့ကလေးတွေကို သူတို့မလာနိုင်ရင် ငါတို့က သူတို့ဆီ အရောက်သွားပြီး စာသင်ပေးမယ်ဆိုတဲ့ စိတ်နဲ့ ပါ၊ ပညာရေးတပိုင်းတစ ဖြစ်ခဲ့ရတဲ့ ကလေးတွေရဲ့ ဘဝတွေကို ပညာတတ်တွေဖြစ်လာစေချင်သလို သူတို့တွေရဲ့ ကိုယ်ပိုင်ဆုံးဖြတ်ချက်တွေ မှန်ကန်လာဖို့နဲ့ ကိုယ့်ကိုကိုယ် ယုံကြည်မှုတွေရှိလာစေချင်တာ”လို့ မြန်မာရွေ့လျားပညာရေး ပရဟိတအဖွဲ့ ဒါရိုက်တာ ကိုတင်မောင်မောင်အေးက ဧရာဝတီ ကို ပြောပါတယ်။

ကိုတင်မောင်မောင်အေးတို့အဖွဲ့ကို လွန်ခဲ့တဲ့ ၁ နှစ်ကျော်လောက်က  ဖွဲ့စည်းခဲ့တာပါ။
သူနဲ့ သူ့မိတ်ဆွေ ၅ ဦးတို့နဲ့ အစပြုခဲ့တဲ့ ဒီအဖွဲ့ရဲ့ အဓိက ရည်ရွယ်တာကတော့ ကျောင်းပညာရေးမပြီးပြတ်ခဲ့ရတဲ့ကလေး၊ လူငယ်တွေအတွက် ကျောင်းပြင်ပရွေ့ပြောင်းစာသင်ကျောင်းဆိုတာကို အကောင်အထည်ဖော်ပြီး ကလေးတွေရဲ့ ဘဝအပြောင်းအလဲဖြစ်လာဖို့အတွက်ပါပဲ။

 “ကျနော်တို့သင်နေတဲ့ သင်ရိုးပုံစံ ကို ကလေးတွေ နားလည်နိုင်စွမ်းဘယ်လောက်ရှိလဲ အရင်ကြည့်နေတယ်၊ ကလေးတွေက ပညာကို သိပ်လိုချင်ကြတယ်၊ ကျနော်တို့ ဘတ်စ်ကားဆိုက်ပြီဆိုတာနဲ့ သူတို့လေးတွေ ထိုင်ခုံမှာထိုင်ပြီး စာရေးကိရိယာတွေလည်း အဆင်သင့်ဖြစ်နေကြပြီ”

လက်ဖက်ရည်ဆိုင်တခုက စားပွဲထိုးကလေး တဦးနဲ့ သိကျွမ်းခဲ့တဲ့နောက်ပိုင်း သူတို့ရဲ့ဘဝအခြေအနေ တွေကိုသိခဲ့ရတာကြောင့် လက်ဖက်ရည်ဆိုင်မှာ အလုပ်လုပ်နေကြတဲ့ ပညာချို့တဲ့သူ ကလေးတွေအတွက် ပညာရေးအလှူပရဟိတလုပ်ဖို့ စိတ်ကူးခဲ့ရာက လက်တွေ့အကောင်အထည်ဖော်ဖြစ်ခဲ့တယ်လို့ သိရပါတယ်။

 မြောက်ဥက္ကလာပ နဲ့ တာမွေမြို့နယ်မှာရှိတဲ့ Lucky Seven လက်ဖက်ရည်ဆိုင် ၂ ဆိုင်အပြင် တောင်ဥက္ကလာပ မြို့နယ်အတွင်းမှာရှိတဲ့ လက်ရည်ဆိုင်တွေမှာရှိတဲ့ ဝန်ထမ်းဖြစ်တဲ့  ကလေး၊ လူငယ်တွေကို စာသင်ကြားပေးနေရာမှာ ဘာအခက်အခဲ ရှိပါသလဲ။

“ကလေးတွေကလည်း သင်ချင်တယ်၊ ဆိုင်ရှင်တွေကလည်း ခွင့်ပြုပေမဲ့ ဆိုင်တွေရဲ့အားလပ်ချိန်က မတူကြတော့ စာသင်ချိန်ဆွဲရတာ နည်းနည်းခက်နေတယ်”လို့ အဖွဲ့  ကိုတင်မောင်မောင်အေးက ရှင်းပြပါတယ်။

သင်ခဲ့ဖူးတဲ့ ကျောင်းစာတွေ ဘယ်လောက်ထိမှတ်မိသလဲဆိုတာ သိချင်တဲ့အတွက် အရည်အချင်းစစ် စာမေးပွဲ တခုကို အရင်ဖြေခိုင်းတယ်လို့ သိရပါတယ်။

စာမေးပွဲ ရလဒ် ထွက်လာမှ  ကလေး၊ လူငယ်တွေကို အခြေခံအဆင့်( Begineer) နဲ့ ပထမအဆင့်( level-1) အတန်းခွဲတယ်လို့ သိရပါတယ်။

လက်ရှိမှာတော့ လက်ဖက်ရည်ဆိုင်ဝန်ထမ်းကလေး၊ လူငယ် ၁၀၀ ကျော်ကို သူတို့ဆိုင်သိမ်းချိန် ညနေ ၆ နာရီ ကနေ ၈ နာရီအထိ အချိန်၂ နာရီ အတွင်းမှာဘဲ လက်ဖက်ရည်ဆိုင်နဲ့ အနီးဆုံးနေရာအထိ သွားပြီး ကျောင်းသင်ခန်းစာနဲ့ အထွေထွေ ဗဟုသုတကို သင်ပေးနေတာပါ။

“ကလေးတွေက ကျောင်းစာတွေနဲ့ ဝေးနေတာကြာပြီဆိုတော့ သူတို့ကို  စိတ်ရှည်သည်းခံပြီး သင်ပေးရတယ်၊  လိုချင်စိတ်လည်းရှိကြတော့ သင်ရတာအခက်အခဲမရှိဘူး၊ သူတို့တွေက စာကျက်ချိန်ဆိုတာလည်းမရှိတော့ သင်ပေးနေတဲ့အချိန်မှာ စာလုံးတွေကို မှတ်မိလွယ်အောင် စာလုံးတွေကို ရေးရင်း ဆိုရင်း သင်ပြရတယ်”လို့ မြန်မာရွေ့လျားပညာရေး ပရဟိတအဖွဲ့မှာ ဆရာမအဖြစ်တာဝန်ယူထားတဲ့သူက ရှင်းပြပါတယ်။

အခြေခံအဆင့်မှာတော့ သူငယ်တန်းအဆင့် ဖတ်စာကို ကျေညက်အောင်သင်ကြားပေးပြီး ပထမအဆင့် တန်းခွဲကိုတော့ အလယ်တန်းပညာရေးသင်ခန်းစာတွေကို သင်ကြားပေးပါတယ်၊
အထွေထွေဗဟုသုတဆိုတဲ့ သင်ခန်းစာကတော့ လူမှုဆက်ဆံရေး၊ ဂိမ်းကစားနည်း၊ အသက်မွေးဝမ်းကြောင်း စတဲ့ ကိစ္စတွေကို သင်ကြားပေးတာဖြစ်ပြီး အခြေခံနဲ့ ပထမအဆင့် က အတန်းသားတွေအားလုံး အတူတက်ရတယ်လို့ သိရပါတယ်။

တန်းခွဲတခွဲကို အချိန် ၃ လ သင်ကြားမှာဖြစ်ပြီး အချိန်ပြည့်တဲ့အခါမှာတော့ စာမေးပွဲဖြေပြီး အောင်မြင်သူက တဆင့်မြင့်တဲ့ အတန်းကို ပြောင်းလဲတက်ရမှာပါ၊ နောက်ပိုင်း သင်ရိုးပြီးသွားတဲ့အခါမှာတော့ ကျောင်းစာထူးချွန်သူတွေနဲ့ အသက်မွေးဝမ်းကြောင်းလုပ်ငန်း ဝါသနာပါသူ ခွဲခြားပြီး သူတို့ဝါသနာအလိုက် ပံ့ပိုးပေးသွားဖို့ရှိတယ်လို့လည်း သိရပါတယ်။

မကွေးတိုင်းဒေသကြီးအတွင်းမှာရှိတဲ့ ရွာတရွာကနေ ရန်ကုန်မှာ   စားပွဲထိုး အလုပ် လာလုပ်နေတဲ့ မောင် အောင်မင်းခိုင်က    “ကျောင်းတက်ချင်ပါသေးတယ်၊ ဒါပေမဲ့ အဘွားက အသက်ကြီးပြီဆိုတော့ သား ရှာမကျွေးရင် အဘွားနဲ့ သား နှစ်ယောက် လုံးဒုက္ခရောက်မှာ၊ ပညာရေးမှာ ထောက်ပံ့သူရှိလာရင်တောင် သားတို့ စားဝတ်နေရေးက ရှိသေးတော့ အဆင်မပြေဘူး”လို့  ဆိုပါတယ်။

သူငယ်တန်းကနေ ရှစ်တန်းအထိ အတန်းတိုင်းမှာ အဆင့်ကောင်းကောင်းနဲ့ အောင်မြင်ခဲ့ပေမဲ့ အဖေနဲ့ အမေ က ကွာရှင်းလိုက်ပြီးနောက်ပိုင်း အမေဖြစ်သူက  သူ့ကိုပစ်ပြီး ထွက်ပြေးသွားကြသလို သူတို့မြေးအဘွားကို ရှာကျွေးတဲ့ ဦးလေးကလည်း အိမ်ထောင်ပြုသွားတော့ မောင်အောင်မင်းခိုင်နဲ့ သူ့အဘွားတို့ရဲ့ စားဝတ်နေရေးအတွက် ပညာရေးကို စွန့်လွှတ်လိုက်တယ်လို့ သိရပါတယ်။

လက်ဖက်ရည်ဆိုင်ရောက်နေကြတဲ့ ကလေးတွေအပါအဝင် ဆောက်လုပ်ရေးလုပ်ငန်း၊ အိမ်ဖော်အလုပ်တွေမှာ လုပ်ကိုင်နေကြတဲ့ ကလေးအလုပ်သမားတွေအများစုရဲ့ လစာက တလ ကို ၈,၀၀၀  ကနေ ၃၅,၀၀၀  ဝန်းကျင် သာ ရရှိနေကြပြီး တနေ့ကို အလုပ်ချိန် ၈ နာရီ ကနေ ၁၁ နာရီလောက်ထိ ရှိနေတာပါ။

ပွဲစားတွေက နယ်မြို့တွေနဲ့ ကျေးရွာတွေကို သွားကြပြီး လယ်ယာလုပ်ငန်းနဲ့ မိရိုးဖလာလုပ်ငန်းတွေမှာ စီးပွားရေး အဆင်မပြေကြတဲ့ မိဘတွေကို စည်းရုံး၊   မြို့ပေါ်မှာ အလုပ်လုပ်ရမယ်ဆိုပြီး ပိုက်ဆံ ကြိုတင်ပေးခေါ်လာကြတာတွေကြောင့် ရန်ကုန်မြို့ပေါ်မှာ နယ်ဒေသအသီးသီးက အလုပ်လာလုပ်နေကြတဲ့ ကလေးတွေ အများအပြားဖြစ်နေရတယ်လို့ ကလေးသူငယ်အရေးလှုပ်ရှားသူတချို့က ဧရာဝတီကို ပြောပြပါတယ်။

“တချို့ဆို ကိုယ့်အိမ်ဘယ်လိုပြန်ရမယ်ဆိုတာတောင် မသိကြဘူး၊ မိဘတွေကလည်း တောသူတောင်သားတွေဆိုတော့ နားမလည်ကြဘူး၊ ကလေးတွေရဲ့ ဘဝ ကို ပွဲစားတွေကပဲ ကြိုးကိုင်ချယ်လှယ်နေတာ” လို့  ကလေးသူငယ်အရေးလှုပ်ရှားဆောင်ရွက်နေသူတဦးက ပြောပါတယ်။

အလုပ်သမားတွေကို ထွက်ပြေးမှာစိုးတာကြောင့် အလုပ်ချိန်ပြီးတာနဲ့တပြိုင်နက် အခန်းတံခါးသော့ခတ်ပြီး ပိတ်ထားတဲ့အခြေအနေမျိုးတွေလည်း လက်ဖက်ရည်ဆိုင်လုပ်ငန်းနဲ့ အိမ်ဖော်လုပ်ငန်းတချို့မှာ ရှိနေတယ်လို့ သိရပါတယ်။

အမျိုးသားပညာရေးဥပဒေကြမ်းထဲမှာ လမ်းပေါ်ရောက်နေတဲ့ ကလေးသူငယ်တွေ၊ ကလေးအလုပ်သမားတွေအတွက် အသက်မွေးဝမ်းကြောင်းပညာတခုခု သင်ကြားပေးဖို့ ဆိုတဲ့ အချက်တချက်လည်း ပါနေတယ်လို့ သိရပါတယ်။

“အလုပ်လက်မဲ့တွေ၊ လက်ဖက်ရည်ဆိုင်ကလေးတွေအပါအဝင် အလုပ်လုပ်နေကြရတဲ့ ကလေးတွေအတွက် မူဝါဒ တခု ဆွဲသင့်တယ်၊ အစိုးရအနေနဲ့ကလည်း အဲဒီလိုကလေးတွေအတွက် အသက်မွေးဝမ်းကြောင်းပညာရေးကို အားပေးသင့်တယ်” လို့ ပြည်သူ့လွှတ်တော်ကိုယ်စားလှယ် ဒေါက်တာဇော်မြင့်မောင်က ပြောပါတယ်။

သမ္မတ ဦးသိန်းစိန်က မူလတန်းပညာရေး အခမဲ့စနစ် ကျင့်သုံးခဲ့ပြီး လက်ရှိမှာ အလယ်တန်းပညာရေးကိုပါ အခမဲ့စနစ်ကျင့်သုံးဖို့လုပ်နေပြီး မြန်မာနိုင်ငံရဲ့ ပညာရေးကဏ္ဍ ဖွံ့ဖြိုးတိုးတက်အောင် ကြိုးပမ်းနေပါတယ်။

ဒါပေမဲ့ အခြေခံလူတန်းစားက မွေးဖွားလာကြတဲ့ ကလေးသူငယ် တွေ ပညာသင်ကြားရာမှာ အဓိက အထောက်အကူဖြစ်နိုင်တဲ့ ဘုန်းတော်ကြီး၊ သီလရှင်သင်ပညာရေးကျောင်းတွေ နဲ့ ပညာဒါန စာသင်ကျောင်းတွေအပေါ် အစိုးရရဲ့ ထောက်ပံ့ဆောင်ရွက်မှု ကတော့ နည်းပါးနေသေးတယ်လို့ သိရပါတယ်။

ကျူရှင်သင်ပေးတယ်ဆိုတာက အပိုဝင်ငွေရှာရတာပါပဲ၊ ဆရာမ တယောက်ရဲ့ လစာက မိသားစု တစု ရဲ့ စားဝတ်နေရေး မဖူလုံဘူး လို့ အလယ်တန်းပြကျောင်းဆရာမ ဒေါ်နွေးနွေးရီက ဧရာဝတီကိုပြောပါတယ်။

“လစာတွေကို လုံလုံလောက်လောက်ပေးထားမယ်ဆိုရင် ကျူရှင်သင်ပြီး အပိုငွေ ရှာနေစရာ လိုတော့မှာမဟုတ်ဘူး”

ကျောင်းချိန်မှာ အတန်းချိန်ပြည့် စာသင်နေရပြီး ညနေပိုင်းမှာလည်း ကိုယ်ပိုင်အားလပ်ချိန် မထားနိုင်ဘဲ ကျူရှင်သင်နေရတာက စားဝတ်နေရေးအခြေအနေနဲ့ ဝင်ငွေ ရရှိဖို့အတွက်ဆိုပေမဲ့ စိတ်ပင်ပန်းတယ်လို့ သူက ဆိုပါတယ်။

မြန်မာနိုင်ငံမှာ ပညာကိုစွန့်ပြီး ဝမ်းရေးအတွက် ရုန်းကန်နေကြတဲ့ ကလေးအလုပ်သမားများစွာရှိနေပါတယ်၊ တချို့ကတော့ ဘုန်းတော်ကြီးသင်ပညာရေးကျောင်း၊ ပညာဒါန ကျောင်းတွေကို တက်ပြီး အစိုးရစာမေးပွဲကို တနှစ် ကျရှုံးခံပြီး အပြင်ဖြေသဘောမျိုးဖြေဆိုကြတာပါ။

ဗြိတိန်နိုင်ငံအခြေစိုက်  (Maplecroft Consult) အဖွဲ့ရဲ့ ၂၀၁၂ ခုနှစ်၊ ညွှန်းကိန်းများအရ မြန်မာနိုင်ငံဟာ ကမ္ဘာမှာ ကလေးအလုပ်သမား ပြဿနာ အဆိုးရွားဆုံး ရှိနေတဲ့နိုင်ငံဖြစ်နေပါတယ်။
ကုလသမဂ္ဂ  ထုတ်ပြန်ချက်တရပ်မှာလည်း မြန်မာနိုင်ငံက အသက် ၇ နှစ်မှ ၁၆ နှစ်ကြား  ကလေး  ၃ ပုံ ၁ ပုံသည် လုပ်ငန်းခွင်ထဲ ရောက်နေကြတယ်လို့ ဆိုထားပါတယ်။

ဒီလို အခြေအနေမှာ ၃ ပုံ ၁ ပုံသော ကလေးငယ်များထဲ ပါဝင်တဲ့ မောင်ကျော်သက်တို့အတွက် စစ်ကျန် ဘတ်စ်ကားဟောင်းကြီးကို ပြန်လည်ပြုပြင်ထားတဲ့ ကားတွင်းစာသင်ခန်း ပေါ်ပေါက်လာတာဖြစ်ပါတယ်။

 




 

• ဧရာဝတီ Facebook / ဧရာဝတီ Twitter

.

အပြည့်အစုံသို့