Showing posts with label May Sit Paing. Show all posts
Showing posts with label May Sit Paing. Show all posts

နေပြည်တော်က မြန်မာဆန်တဲ့ သူကြီးအိမ်

Monday, November 30, 2015 0 comments




မြန်မာဆန်တဲ့အပြင်အဆင်တွေနဲ့ရိုးရာထမင်းဝိုင်းကို အရသာရှိရှိနဲ့ လက်ရည်တပြင်တည်းစားချင်သူတွေအတွက် ဆိုရင်တော့ “သူကြီးအိမ်” ရှိပါတယ်။



“သူကြီးအိမ်” ဆိုတာကတော့ နေပြည်တော်ကောင်စီနယ်မြေ ပျဉ်းမနားမြို့ဘက်ကို ထွက်တဲ့ရာဇဌာနီလမ်းမကြီးနဲ့ ကပ်လျက်မှာ ဖွင့်လှစ်ထားတဲ့မြန်မာထမင်းဆိုင်ကို ဆိုလိုတာပါ။



အရသာကောင်းမွန်တဲ့ ထမင်းဟင်းတွေကို သစ်သားစားပွဲဝိုင်းနဲ့တင်ပျဉ်ခွေထိုင်ပြီး အားရပါးရစားသုံးချင်တဲ့သူတွေအတွက် အဆင်ပြေစေမယ့် ဆိုင်တဆိုင်လို့ ဆိုချင်ပါတယ်။



“သူကြီးအိမ်” မြန်မာထမင်းဆိုင်က ချက်ပြုတ်တဲ့ဟင်းလျာတွေဟာ ဆီအနည်းငယ်များတာကလွဲလို့ အရသာ၊ အစပ်အဟပ်နဲ့ ဝန်ဆောင်မှုတွေကောင်းမွန်သလို၊သန့်ရှင်းမှုရှိတာလည်း တွေ့ရပါတယ်။



“ဆိုင်ကနေရာပြောင်းလာလို့၊ အရင်ကဖွင့်တဲ့ဆိုင်မှာ ဘန်ဂလိုအလုံးလိုက်တွေမှာ ရွာနာမည်တွေပေးထားတယ်။ စားပွဲဝိုင်းတွေ၊ ဖျာတွေချပေးထားတယ်။ မြန်မာဆန်ဆန်ဖြစ်အောင်နဲ့ အားလုံးတပြေးညီဝိုင်းဝန်းစားလို့ရတယ်ဆိုတဲ့ သဘောပေါ့။ စားသုံးသူတွေကလည်း အဲဒီလိုလေးလုပ်ပေးထားတာကြိုက်တယ်” ဟု သူ   ကြီးအိမ် မြန်မာထမင်းဆိုင်ရဲ့ တာဝန်ခံကိုအောင်ကိုမင်းက ပြောပြပါတယ်။



ဆိုင်ရဲ့ပွဲတော်အုပ်လို့ အမည်ပေးထားတဲ့ ၁၀၀၀၀ကျပ်တန်ပွဲတော်အုပ်သေးမှာ အသားဟင်း၆မျိုး၊ အရံဟင်း၅မျိုးနဲ့ အသုပ်တမျိုး၊ဟင်းရည်နဲ့ထမင်းအဝစားလို့ရပြီး လူ၅ယောက်လောက်ငှအောင် စားလို့ရနိုင်တာ တွေ့ရပါတယ်။



ထို့အတူ ၁၅၀၀၀ကျပ်ပေးရတဲ့ ပွဲတော်အုပ်ကြီးဆိုရင်တော့ အသားဟင်း၉မျိုး၊ အရံဟင်း၊ အသုပ်၊ ဟင်းရည်တွေပါဝင်မှာဖြစ်ပြီး လူ၉ယောက်အထိ စားလို့ရမှာပါ။



ပွဲတော်အုပ်တွေနဲ့ မစားချင်ဘဲထမင်းနဲ့ ဟင်းသီးသန့်စားချင်သူတွေအတွက်လည်း ဟင်းနဲ့ထမင်းအဝစားက ၂၅၀၀ကျပ်မှ ၃၅၀၀ကျပ်ကြား ကျသင့်မှာဖြစ်ပါတယ်။



ဆိုင်ရဲ့လူကြိုက်အများဆုံးနဲ့မှာယူစားသုံးမှု အများဆုံးကတော့ လယ်တောချက်(ဗမာကြက်) ဟင်းလျာဖြစ်ပါတယ်။ အသီးအရွက်တချို့နဲ့ရောနှောချက်ပြုတ်ထားတဲ့ လယ်တောချက်ဟင်းလျာက တောရွာတရွာမှာ စားရတဲ့ အရသာမျိုးဖြစ်အောင် ချက်ပြုတ်ထားတာဖြစ်ပြီး အရသာကောင်းမွန်ပါတယ်။



တခြားဟင်းလျာတွေအနေနဲ့ ကြက်၊ဝက်၊ကလီစာ၊ငါး၊ငါးခြောက်၊အသီးအရွက်စတဲ့ ဟင်းလျာမျိုးစုံကို မြန်မာစတိုင် အမျိုးမျိုးနဲ့ ချက်ပြုတ်ထားတယ်လို့ သိရပါတယ်။



သူကြီးအိမ်မြန်မာထမင်းဆိုင်ကို၂၀၁၁ခုနှစ်က စတင်ဖွင့်လှစ်ခဲ့တာဖြစ်ပြီး မြန်မာ့ရိုးရာအငွေ့အသက်တွေနဲ့  ပြည့်နှက်နေအောင်ဆိုင်ရဲ့အပြင်အဆင်၊အစားအသောက်တွေကို အထူးဂရုစိုက်လုပ်ဆောင်ခဲ့တာကြောင့် ဧည့်သည်တွေက နှစ်သက်ကြတယ်လို့ သိရပါတယ်။



ထမင်းနဲ့ဟင်းကို တနင့်တပိုးစားသုံးမိတာနဲ့ အစာပိတ်အနေနဲ့တခုခုစားချင်သူတွေအတွက်လည်း လက်ဖက်အုပ်နဲ့ အစာကြေဆေးဘူးမျိုးစုံကိုလည်း သုံးဆောင်နိုင်ဖို့ဝန်ဆောင်မှုပေးထားလို့ဖြစ်ပါတယ်။





မေစစ်ပိုင်


ဗီယက်နမ်စာ ကောင်းကောင်းရနိုင်တဲ့ Golden Pho

Thursday, October 29, 2015 0 comments



photo - The Irrawaddy

 ရန်ကုန်မြို့မှာ ဥရောပအစားအစာ၊ အမေရိကန် အစားအစာ၊ ဂျပန်၊ အိန္ဒိယ၊ ထိုင်း စတဲ့ ကမ္ဘာတဝန်းက အစားအစာဆိုင် အများအပြားရှိပေမယ့် အာရှအစားအစာ တမျိုးဖြစ်တဲ့ ဗီယက်နမ်နိုင်ငံရဲ့ အစားအသောက်များ သီးသန့်ရနိုင်တဲ့ စားသောက်ဆိုင် အနည်းငယ်သာ ရှိပါတယ်။
အဲဒီထဲကမှ အရသာ၊ အပြင်အဆင်နဲ့ ဝန်ဆောင်မှု ကောင်းမွန်တဲ့ ဆိုင်တဆိုင်ကို ညွှန်းရရင်တော့ ရန်ကုန်ရဲ့ အေးချမ်းတဲ့ လမ်းတလမ်းထဲမှာ ပါဝင်တဲ့ ယောမင်းကြီးလမ်းက Golden Pho ဆိုတဲ့ ဗီယက်နမ် စားသောက်ဆိုင်ပဲ ဖြစ်ပါတယ်။



ဆိုင်နာမည်ဖြစ်တဲ့ Golden Pho မှာပါတဲ့ Pho ဆိုတဲ့ စာသားက ဗီယက်နမ်ရဲ့ နာမည်ကြီး ခေါက်ဆွဲတမျိုးကို တင်စားပြီး ပေးထားတာဖြစ်တဲ့အကြောင်း ဆိုင်ပိုင်ရှင် ဗီယက်နမ်အမျိုးသမီး Ms.Kellie က ရှင်းပြပါတယ်။
Pho Bo လို့ အမည်ရတဲ့ ခေါက်ဆွဲရဲ့ အရသာက အထူးဆွဲဆောင်မှု ရှိပါတယ်။ ခေါက်ဆွဲကို အရည်၊ အသုပ် ကြိုက်နှစ်သက်ရာမှာယူနိုင်ပြီး ကိုယ်နှစ်သက်တဲ့ အသားနဲ့ မှာလို့ရပါတယ်။ ကျမတို့က အမဲသားနဲ့ ခေါက်ဆွဲအရည် မှာယူခဲ့ပါတယ်။ အမဲသားလွှာ၊ အမဲသားလုံးတို့ကို နူးညံ့တဲ့ ညှပ်ခေါက်ဆွဲဖတ်နဲ့ ပြုတ်ထားပြီး နံနံပင်၊ ငရုတ်သီး၊ ပဲပင်ပေါက်၊ ရှမ်းနံနံ၊ ခပေါင်းရွက်တွေ ထည့်စားရတာပါ။ Soy bean sauce ၊ Chilli sauce တွေနဲ့ တွဲဖက်စားသုံးနိုင်ပါတယ်။ အဆီမပါတဲ့အတွက် ကျန်းမာရေးနဲ့ ညီညွတ်သလို ဈေးနှုန်းကလည်း ၄၀ဝ၀ ကျပ်ကနေ ၅၀ဝ၀ ကျပ် ဖြစ်တာကြောင့် သင့်လျော်တဲ့ ဈေးနှုန်းလို့ ဆိုနိုင်ပါတယ်။



နောက်ထပ်တမျိုး ညွှန်းချင်တာကတော့  paper roll ဖြစ်ပါတယ်။ ဆန်ပြားထဲကို ပဲပင်ပေါက်၊ သခွားသီး စတဲ့ အသီးအရွက်တချို့နဲ့ အမဲသား၊ ငါးဖယ်၊ ပုစွန်၊ ကြက်သား ကြိုက်နှစ်သက်ရာအသားတွေ ထည့်သွင်း လိပ်ထားပြီး Dipping sauce နဲ့ တွဲဖက်စားသုံးရတာပါ။ Paper roll ကို လတ်လတ် ဆတ်ဆတ် စားနိုင်သလို ကြော်ထားတဲ့ Fri roll အနေနဲ့လည်း စားသုံးနိုင်တာကြောင့် အာရှသားများရဲ့ ခံတွင်းတွေ့စေမယ့် အစားအစာတမျိုး ဖြစ်မှာပါ။



“Pho ဆိုတဲ့ ခေါက်ဆွဲကတော့ လူကြိုက်များတယ်။ နိုင်ငံခြားသားအများစုလည်း စားကြတယ်။ ကော်ဖီဆိုရင်လည်း အနောက်တိုင်းအရသာ ကော်ဖီလိုမဟုတ်ဘဲ ဗီယက်နမ်စတိုင်လ် သောက်သုံးနိုင်အောင် စီစဉ်ထားတယ်” လို့  Golden Pho စားသောက်ဆိုင်ပိုင်ရှင် Ms.Kellie က ဧရာဝတီကို ပြောပါတယ်။

နေ့လယ်စာကို ထမင်းမစားချင်သူ၊ ခေါက်ဆွဲပြုတ်လည်း မစားချင်သူတွေအတွက်တော့ Bagutte လို့ အမည်ရတဲ့ ပေါင်မုန့် အဆာသွတ်ကို ညွှန်းချင်ပါတယ်။ အပေါ်ယံသား ကြွပ်ရွနေတဲ့ ပေါင်မုန့်ထဲကို အသီးအရွက်များနဲ့ ကြိုက်နှစ်သက်ရာ အသားတမျိုးမျိုး အစာသွတ်ပြီး စားသုံးရတာ ဖြစ်ပါတယ်။ အရသာလည်းကောင်းမွန်ပြီး ပုံမှန်စားနေကျ အသားညှပ် ပေါင်မုန့်တွေလို အီသွားတဲ့အရသာမျိုး မခံစား ရတာကြောင့် စားသုံးကြည့်ဖို့ ညွှန်းချင်ပါတယ်။



ပေါင်မုန်နဲ့အတူ ရာသီပေါ် သီးနှံဖျော်ရည်အဖြစ် သံပရာရနံ့သင်းတဲ့ ကြံရည်တခွက် သောက်လိုက်မယ် ဆိုရင်တော့ နေ့လယ်စာကို မြန်မြန်ဆန်ဆန်နဲ့ ဗိုက်ဖြည့်ပြီးသား ဖြစ်သွားမှာပါ။
Golden Pho ဗီယက်နမ် စားသောက်ဆိုင်မှာ ဗီယက်နမ်နိုင်ငံက စားဖိုမှူးတွေကိုယ်တိုင် ချက်ပြုတ်ပြီး ဗီယက်နမ်နဲ့ ပြည်တွင်းကဝယ်ယူတဲ့ အသီးအရွက်၊ အသားငါးတွေကို အသုံးပြုတယ်လို့လည်း သိရပါတယ်။
ဆိုင်မှာရရှိနိုင်တဲ့ အစားအသောက်တွေကတော့ Noodle Soup ၊ Salads အမျိုးမျိုး၊ Appetizers အဖြစ်  Spring roll အမျိုးမျိုး၊  ကြံချောင်းကို ငါးဖယ်အုပ်ပြီး ကြော်ထားတဲ့ ဗီယက်နမ် အစားအစာတခုဖြစ်တဲ့ Sugar cane prawns and fish wrapped ၊ Baguette များအပြင် သောက်စရာများအဖြစ် ရာသီပေါ်သီးနှံ ဖျော်ရည်များ၊ ကော်ဖီနဲ့  Dessert တွေလည်း ရရှိနိုင်ပါတယ်။

အစားအသောက်တွေရဲ့ ဈေးနှုန်းတွေကလည်း ၁၀ဝ၀ ကျပ်ကနေ ၆၀ဝ၀ ကျပ်အထိ ဖြစ်ပါတယ်။

ဆိုင်လိပ်စာ - အမှတ် ၆၂ ၊ မြေညီထပ် ၊ ယောမင်းကြီးလမ်း ၊ ဒဂုံမြို့နယ် ၊ ရန်ကုန်မြို့








မေစစ်ပိုင်





ရန်ကုန်မြို့လယ်က India Kitchen စားသောက်ဆိုင်

Wednesday, October 21, 2015 0 comments


ဓာတ်ပုံများ - သော်ဟိန်းထက်/ The Irrawaddy

ရန်ကုန်မြို့လယ်မှာ အိန္ဒိယ အစားအစာတွေကို အေးအေးဆေးဆေး တိတ်တိတ်ဆိတ်ဆိတ် သန့်သန့်ရှင်း ရှင်းနဲ့ စားသုံးနိုင်ဖို့ ဆိုင်တဆိုင်ကို ညွှန်းချင်ပါတယ်။ ပူရီ၊ ချာပါတီ တို့လို အဆာပြေစာ ဒါမှမဟုတ် ထမင်းကို မွှေးပျံ့တဲ့ မဆလာနံ့၊ အနှစ်များများ ထည့်သွင်း ချက်ပြုတ်လေ့ရှိတဲ့ အိန္ဒိယရိုးရာ ဟင်းတွေနဲ့ တွဲဖက်စားသုံးရတာ ကြိုက်နှစ်သက်သူတွေအတွက် အဆင်ပြေပါလိမ့်မယ်။


အဲဒီလို အစားအသောက်တွေကို စိတ်ကြိုက် စားသုံးဖို့အတွက် ရန်ကုန် မြို့လယ် ဗိုလ်တထောင်မြို့နယ် အတွင်းမှာရှိတဲ့ India Kitchen စားသောက်ဆိုင်ကို သွားကြည့်လိုက်ဖို့ လမ်းညွှန်ပါရစေ။

အိန္ဒိယနိုင်ငံက ခေါ်ယူထားတဲ့ စားဖိုမှူးတွေ ကိုယ်တိုင်ချက်ပြုတ်တဲ့ India Kitchen မှာတော့ ကြက်၊ ဆိတ်၊ ငါးနဲ့ ပုဇွန်တို့ကို Tikka Masala, Handi, Hyderabadi, Kadai စတဲ့ အရသာ ပုံစံ အမျိုးမျိုးနဲ့ ချက်ပြုတ်ထားတဲ့ ဟင်းတွေကို ဧည့်သည်အများစု ကြိုက်နှစ်သက်ကြတယ်လို့ သိရပါတယ်။


ဆိုင်မှာ Starter အဖြစ် စားသုံးသူများတဲ့ Tandoori Chicken ကိုတော့ ဒိန်ချဉ်၊ လီမွန်ဆော့စ်နဲ့ နှပ်ပြီး ကင်ထားတာ ဖြစ်ပါတယ်။ ပုံမှန် ကြက်ကင်တွေနဲ့ မတူဘဲ ကြက်သားရဲ့ ပင်ကိုအရသာကို အစပ်အရသာ ပေါင်းစပ်ထားပြီး အိန္ဒိယစတိုင် ကင်ထားတာ ဖြစ်တဲ့အတွက် ဆိုင်ကပြုလုပ်ထားတဲ့ Green Sauce ၊ သခွားသီးသုတ်တို့နဲ့ တွဲဖက် စားသုံးရတာ ဖြစ်ပါတယ်။ အရသာ ကောင်းမွန်တဲ့ အဲဒီဟင်းအမယ်က အရိုးပါပါတဲ့  တကောင်လုံးဆိုရင် တပွဲ ကျပ် ၁၀၀၀၀ ကျော်ဖြစ်ပြီး ကောင်ဝက် ဆိုရင်တော့ ၆၀၀၀ ကျပ် ဝန်းကျင်ရှိပါတယ်။ အသားချည်းပဲမှာလို့လည်း ရပါတယ်။


မဆလာနံ့မွှေးပြီး ဟင်းအနှစ်များတဲ့ ဆိတ်သားနှပ် (Mutton Malasa) ကတော့ ထမင်းဖြူနဲ့သာမကဘဲ တိုရှည်၊ ချာပါတီ၊ နမ်ပြား တို့လို အစားအစာတွေနဲ့ တွဲဖက်စားသုံးလုိ့ ကောင်းတဲ့ ဟင်းတမျိုးပါ။ ဒါ့အပြင် ဒိန်ခဲကို ကင်ပြီး မဆလာ၊ ဟင်းအနှစ်တွေနဲ့ ထည့်ချက်ထားတဲ့ Paneer Tikka Malasa ကလည်း အဆိမ့်အရသာ    ကြိုက် နှစ်သက်ပြီး အသားရှောင်လို သူတွေအတွက် အဆင်ပြေစေမှာ ဖြစ်ပါတယ်။

ဈေးနှုန်းတွေကလည်း ကျပ် ၁၀၀၀ ဝန်းကျင်ကနေ ၁၀၀၀၀ ကျပ် ကြားသာဖြစ်တာကြောင့် သင့်လျော်တဲ့ ဈေးနှုန်းလို့ ပြောလို့ရမှာပါ။
“ဧည့်သည်တွေက အကင်တွေကို ကြိုက်ကြတယ်။ ဟင်းအနေနဲ့ဆိုရင်တော့ ဟင်းအနှစ်များများ ပါတဲ့ အစားအစာတွေကို ပူရီတို့ ချာပါတီတို့လိုမျိုး ထမင်းဖြူတွေနဲ့ တွဲဖက်စားရတာ ကြိုက်ကြတယ်။ ကျနော်တို့က အရသာကောင်းမွန်မှု၊ အစားအသောက် လတ်ဆတ်မှု၊ ဆိုင်သန့်ရှင်းမှုနဲ့ ဝန်ထမ်းတွေရဲ့ ဆက်ဆံရေး ကောင်းမွန်မှုတွေကို အဓိကထားပြီး ဝန်ဆောင်မှု ပေးနေတာပါ” လို့ India Kitchen စားသောက်ဆိုင်ရဲ့ မန်နေဂျာ ဦးစံထွန်းက ရှင်းပြပါတယ်။


India Kitchen ဆိုင်မှာ Vegetable, Non-Vegetable စတဲ့ အစားအသောက်တွေကို Staters, Main Course တွေ အဖြစ်ရနိုင်ပါတယ်။ ဒါ့အပြင် ဒန်ပေါက်၊ ပလာတာ (Roti & Raitha), ပဲဟင်း အမျိုးမျိုး (Dal Fry, Dal Tadka Soup Dal Tomato, Dal Nimbu Shorba၊ အချိုပွဲ Desserts တွေအဖြစ် Gajar Hawa, Gulag Jamun စတဲ့ အိန္ဒိယ အစားအသောက် များစွာကို ရရှိနိုင်တာကြောင့် သွားရောက်စားသုံးနိုင်ဖို့ လမ်းညွှန် ပေးလိုက်ပါတယ်။ ဆိုင်ဖွင့်ချိန် ကတော့ နံနက် ၁၀ နာရီကနေ ည ၁၀ နာရီအထိ ဖြစ်ပါတယ်။

ဆိုင်လိပ်စာ
အမှတ် ၂၉၇၊ မဟာဗန္ဓုလလမ်း (ဗိုလ်ကလေးဈေး လမ်းထိပ်)၊ ဗိုလ်တစ်ထောင် မြို့နယ်၊ ရန်ကုန်မြို့။
ဖုန်း - ၀၁ ၃၈၉၃၆၇၊ ၀၉ ၉၇၅၂၀၆၃၆၆၊ ၀၉ ၂၆၀၁၆၄၂၈၂။


မေစစ်ပိုင်



Flamingo Salad Bar

Wednesday, September 23, 2015 0 comments




အနောက်တိုင်းစတိုင် အစားအသောက်တွေကို သင့်တင့်တဲ့ဈေးနှုန်း၊ ကောင်းမွန်သောအရသာနဲ့ အေးအေးလူလူ စားသောက်ချင်သူတွေအတွက် Salad အများအပြား ရနိုင်တဲ့ စားသောက်ဆိုင်ကောင်းတခုကို ရန်  ကုန်မြို့မှာ မကြာခင်က ဖွင့်လှစ်လိုက်ပါပြီ။

အဲဒီဆိုင်ကတော့ ရန်ကုန်မြို့ရွှေဂုံတိုင်မီးပွိုင့်အနီး ယုဇနတာဝါမှာ ဖွင့်လှစ်ထားတဲ့ “Flamingo Salad Bar” ပဲဖြစ်ပါတယ်။ ဆိုင်ရဲ့ အပြင်အဆင်က ဥရောပဆန်ဆန် ခန့်ခန့််ထည်ထည်နဲ့ ဥရောပတေးသွားခပ်တိုးတိုးဖွင့်ထားပါတယ်။ ဆိုင်အတွင်း ထိပ်မှာတော့ ရှေးဓာတ်ပြား ဖွင့်စက်ကြီးတလုံးကို တွေ့နိုင်ပါတယ်။ Flamingo Salad Bar မှာ Appetizer များ, Salad များ၊ Steak နဲ့ Main Dish မီနူးအများအပြားအပြင် Red Wine, White Wine များပါ ရရှိနိုင်မှာဖြစ်ပြီး Salad များကို ဘူဖေး စတိုင်နဲ့လည်း စားသုံးနိုင်ပါတယ်။


သူတို့ဆိုင်မှာ ရရှိနိုင်တဲ့ Salad Menu တွေထဲက တခုဖြစ်တဲ့ Nicoise Salad က ဆလပ်ရွက်၊ အာလူး၊ တူနာငါး၊ အမဲရောင် သံလွင်သီးနဲ့ကြက်ဥတို့ပါဝင်ပြီး Dressing ဆမ်းထားပါတယ်။ အသီးအရွက်ကြိုက်နှစ်သက်ပြီး ဝိတ်ချလိုသူတွေအတွက် အဆင်ပြေနိုင်တဲ့ Salad တမျိုးဖြစ်ပါတယ်။

Menu အတိုင်းမစားချင်တဲ့သူတွေအတွက်လည်း မိမိကြိုက်နှစ်သက်ရာ ဆလပ်ရွက်၊ အသီးအရွက်နဲ့ Dressing တွေကို ရောနှောစားလို့ရအောင် ဘူဖေးပုံစံပြင်ဆင်ပေးထားတာ တွေ့ရပါတယ်။ အဲဒီလို ဘူဖေးစတိုင်စားမယ်ဆိုရင်တော့ တယောက်စာ အဝစားကို ၅၀၀၀ကျပ် ကျသင့်မှာဖြစ်ပါတယ်။

ဘူဖေးမစားဘဲ တယောက်စာပဲ စားချင်ရင်တော့ ၃၀၀၀ ကျပ် ကျသင့်မှာပါ။ Dressings တွေကလည်း Thousand Island, France, Home and Ceaser Dressing စသည်ဖြင့် အစုံရှိတာကြောင့် စားသုံးသူစိတ်ကြိုက် Dressing ကို ယူငင် သုံးဆောင်နိုင်မှာဖြစ်ကြောင်း ဆိုင်မှ ဝန်ထမ်းတဦးက ရှင်းပြပါတယ်။

ဆိုင်မှာရရှိနိုင်တဲ့ အစားအစာတမျိုးဖြစ်တဲ့ PescadoAsado ကလည်း အရသာကောင်းမွန်တာ တွေ့ရပါ တယ်။ Grilled လုပ်ထားတဲ့ ငါးတန်အသားလွှာကို အာလူးအနှစ်၊ အသီးအရွက်တွေနဲ့ Creamy White Wine ဆော့စ်ဆမ်းပြီး စားရတာဖြစ်ပါတယ်။


Salad များစားသုံးရင်း ဝိုင်သောက်ချင်သူတွေအတွက် Red, White ဝိုင်တွေရရှိနိုင်ပြီး ဝိုင်တခွက်ကို ၃၅၀၀ ကျပ် ကျသင့်ပါတယ်။ တွဲဖက် မြည်းဖို့ သံလွင်သီးကိုလည်း ပွဲတပွဲအနေနဲ့ မှာယူနိုင်ပါတယ်။

“Flamingo Salad Bar”မှာ Salad များအပြင် Main Course အဖြစ် Tortilla Roll, Burrito များ၊ Soup တွေထဲက French Onion Soup နဲ့ mushroom cream soup များနဲ့ Appetizer တွေအဖြစ် buffalo wings, Chicken Kebab အပါအဝင် အမျိုးအစား ၃၀ ခန့် ရရှိနိုင်ပြီး ဈေးနှုန်းအားဖြင့် ၃၀၀၀ ကျပ် ကနေ ၁၅၀၀၀  ကျပ်အတွင်းသာ ရှိတာကြောင့် ကျန်းမာရေး ညီညွတ်သလို အသီးအရွက် ကြိုက်နှစ်သက်သူတွေအတွက် အဆင်ပြေနိုင်မယ့် စားသောက်ဆိုင်တခုဖြစ်ကြောင်း လမ်းညွှန်လိုက်ပါတယ်။


မေစစ်ပိုင် 


ဒေါင်းလန်းနဲ့ခင်းတဲ့ တော်ဝင်ဟိုတယ်က ကေခိုင် မြန်မာထမင်းဆိုင်

Wednesday, August 19, 2015 0 comments


ဓာတ်ပုံများ - The Irrawaddy

ခမ်းနားသပ်ရပ်ပြီး သန့်ရှင်းတဲ့ ဆိုင်အပြင်အဆင်၊ ကောင်းမွန်တဲ့ အစားအသောက်အရသာတွေကို စားသုံးချင်သူတွေအတွက် ပြည်လမ်း၊ တော်ဝင်ဟိုတယ်မှာ ဖွင့်လှစ်ထားတဲ့ “ကေခိုင်” မြန်မာ စားသောက်ဆိုင်ကို လမ်းညွှန်ချင်ပါတယ်။

“ကေခိုင်”စားသောက်ဆိုင်ကို လူအများစုမသိနိုင်ပေမယ့် “မြန်မာဒေါင်းလန်းကြီး”ဆိုင်ဆိုရင် လူသိများ လိမ့်မယ်လို့ ထင်ပါတယ်။

ဆိုင်ထဲကိုဝင်လိုက်တာနဲ့ ပုံမှန်ဆိုင်တွေမှာလို ဟင်းနံ့၊ အစားအသောက် ကြော်လှော်နံ့ လုံးဝမရဘဲ သန့်ရှင်းတဲ့လေထုကိုခံစားရပါတယ်။ ကိန္နရီကိန္နရာရုပ်သေးရုပ်၊ ဇော်ဂျီ ရုပ်သေးရုပ်၊ ယွန်းအုပ်တွေနဲ့ မြန်မာဆန်တဲ့ ဆိုင်အပြင်အဆင်ကလည်းစားသုံးသူတွေအတွက် တမူထူးခြားစေတာကို တွေ့ရပါတယ်။

ဒီစားသောက်ဆိုင်မှာ အမှာအများဆုံးရရှိတဲ့ အစားအစာကတော့ မြန်မာဒေါင်းလန်းကြီးဟင်းနဲ့ ထမင်းပွဲပဲဖြစ်ပြီး မြန်မာလူမျိုးတွေအပြင် နိုင်ငံခြားသားဧည့်သည် အများအပြားကလည်း သဘောကျ နှစ်ခြိုက်ကြတယ်လို့ ဆိုင်ရဲ့ တာဝန်ခံတဦးဖြစ်တဲ့ ကိုမျိုးသီဟက ပြောပြပါတယ်။

“စားဖိုမှူးတွေ အားလုံးကလည်း ပြည်ပက ပြန်လာတဲ့သူတွေချည်းပဲ။ မြန်မာအစားအစာကတော့ အိမ်မှာလည်း ချက်ပြုတ်စားသောက်နေကျဆိုတော့ ဆိုင်ရဲ့ သန့်ရှင်းမှုနဲ့ အပြင်အဆင်ကို ဦးစားပေးထားတယ်။ ပြည်ပ ဧည့်သည်တွေ လာရင်တော့ တချို့ဟင်းအမည်တွေက မြန်မာအစားအစာဆိုတော့ သူတို့သိအောင် ရှင်းပြရတယ်။ ဘယ်လိုအကျိုးကျေးဇူးတွေရှိတယ်ဆိုတာလည်း ပြောပြရတယ်။ စားပြီးရင်တော့ သဘောကျတယ်လို့ ပြောတာများတယ်”လို့ ကိုမျိုးသီဟက ရှင်းပြပါတယ်။

ဆိုင်ရဲ့ အဓိကအစားအစာဖြစ်တဲ့ “ဒေါင်းလန်း        ကြီး”ပွဲတော်အုပ်တအုပ်မှာ Appetizer အဖြစ် လက်ဖက်သုပ် သို့မဟုတ် ချင်းသုပ် ကြိုက်ရာတပွဲ၊ ထ မင်း ၂ ပွဲ၊ အသားနဲ့ငါး ၂ ပွဲ၊ အသုပ် ၁ ပွဲ၊ အသီးအရွက်ကြော် ၁ ပွဲ၊ အရည်ဟင်းနဲ့ ငါးပိချက်၊ တို့စရာ၊ အချိုပွဲတွေလည်း ပါဝင်ပါတယ်။ “ဒေါင်းလန်းကြီး” တပွဲဆိုလျှင် လူ ၃ ယောက် ကောင်းကောင်းစားနိုင်ပါတယ်။ အဲဒီပွဲတပွဲကိုတော့ မြန်မာငွေ ၁၈၀ဝ၀ ကျပ် ကျသင့်မှာ ဖြစ်ပါတယ်။

ဒေါင်းလန်းကြီးပွဲတော်အုပ်ကိုတော့ ယွန်းအုပ် နဲ့ ပြင်ဆင်ထားပြီး ငါးပိချက်နဲ့ တို့စရာ၊ အချိုတည်း အစားအစာတွေ အားလုံးကို ထည့်ထားတာကလည်း ယွန်းထည်ပစ္စည်းများနဲ့ဖြစ်တာကို တွေ့ရပါတယ်။

ဒေါင်းလန်းကြီးပွဲမှာ Main Dish အဖြစ် အသားဟင်းတမျိုး၊ ငါးဟင်းတမျိုးမှာယူနိုင်တဲ့အတွက် ကျမတို့က အမဲသားနှပ်နဲ့၊ ငါးကြင်းဒန့်သလွန်ချက်ကို ထည့်ပေးဖို့ မှာယူလိုက်ပါတယ်။ အမဲသားနှပ်ရဲ့ အရသာက နူးညံ့ ကောင်းမွန်ပြီး ကြက်သွန်နီဥငယ်တွေကိုထည့်နှပ်ထားတာက အမဲသားရဲ့ အရသာကိုပိုပြီးချိုမြ၊ မွှေးသွား တယ်လို့ ခံစားမိပါတယ်။ ငှက်ပျောဖူးသုပ်၊ ငါးကြင်းနှင့် ဒန့်သလွန်သီးဟင်းကိုလည်း ဆီနည်းနည်းပဲထည့်ချက် ထားပါတယ်။ ငှက်ပျောဖူးသုပ်နဲ့ ဂေါ်ရခါးညွန့်ကြော်တွေကလည်း ဆီသုံးစွဲမှု အသင့်အတင့်သာပါဝင် သလိုအချို၊ အငန် နည်းပြီး အရဿာစပ်ဟပ်မှု ကောင်းမွန်မျှတတာကြောင့် အဆီရှောင်လိုသူတွေနဲ့ ကျန်းမာရေးအတွက် သင့်တင့်အောင် စားသုံးသူတွေအတွက် အဆင်ပြေစေမှာပါ။

ဆိုင်ရဲ့ ရရှိနိုင်တဲ့ ဟင်းအမည်တွေကတော့ မော်လ  မြိုင်ကြက်သားချက်၊ ဝက်ခရမ်းချဉ်သီးဟင်း၊ အမဲသားနှပ်၊ ကြက်သားအာလူးဟင်း၊ ဝက်သားနီချက်၊ ငါးကြင်းကြော်နှပ်၊ ငါးတန် ခရမ်းချဉ်သီးချက်၊ ပုစွန်အစပ်ကြော်၊ တရုတ်မုန်ညင်းကြော်၊ ဂေါ်ရခါးညွန့်ကြော်၊ ငါးသားနဲ့ မုန်လာဥချဉ်ရည်ဟင်း၊ ချင်းသုပ်၊ လက်ဖက်သုပ်၊ မြင်းခွာရွက်သုပ်၊ ငှက်ပျောဖူးသုပ် စတဲ့အမည်အများအပြား ရရှိနိုင်တယ်လို့ သိရပါတယ်။

ဆိုင်ရဲ့ SideDish တခုအဖြစ်ပေးတဲ့ လက်ဖက်သုပ်မှာပါတဲ့ လက်ဖက်သားနှပ်ကလည်း ဆီနည်းပြီး အညွန့်သက်သက်ဖြစ်တာကြောင့် အရသာကောင်းမွန်ပါတယ်။ ဒါ့အပြင် အချိုပွဲဖြစ်တဲ့ ရွှေရင်အေး ကလည်း ရောင်စုံကျောက်ကျော၊ ပေါင်မုန့်နဲ့ ကောက်ညှင်းတွေကို ချိုဆိမ့်နေတဲ့ အုန်းနို့ရည် ဆမ်းထားပါသေးတယ်။

“ကေခိုင်”စားသောက်ဆိုင်မှာ မြန်မာအစားအစာတွေအပြင် ဝိုင်၊ ဘီယာ၊ အဖျော်ယမကာတွေနဲ့ တခြား စားစရာတွေလည်းရရှိနိုင်ပါတယ်။ ဆိုင်ဖွင့်ချိန်ကတော့ နေ့လယ်စာအတွက် နံနက် ၁၁ နာရီကနေ နေ့လယ် ၂ နာရီ၊ ညစာအတွက် ညနေ ၆ နာရီကနေ ည ၁၀ နာရီအထိ ဖြစ်ပါတယ်။

သန့်ရှင်းသပ်ရပ်၊ အရသာကောင်းကောင်းနဲ့ တိတ်ဆိတ်ငြိမ်သက်တဲ့ နေရာမျိုးမှာ စားသုံးချင်သူတွေဆိုရင်တော့ “ကေခိုင် စားသောက်ဆိုင်” က ဒေါင်းလန်းကြီးပွဲတော်အုပ်ကို စားသုံးကြည့်ဖို့ လမ်းညွှန်လိုက်ပါတယ်။

လိပ်စာကတော့.. ကေခိုင် စားသောက်ဆိုင်၊ ပြည်လမ်း၊ တော်ဝင်စင်တာဘေး၊ တော်ဝင်ဟိုတယ် ၄ လွှာ။


မေစစ်ပိုင်


အပြင်အဆင် အဆန်းထွင်ထားတဲ့ Snow Factory ရေခဲမုန့်

Wednesday, June 3, 2015 0 comments


ဓာတ်ပုံများ - ဂျေပိုင်/ The Irrawaddy

စားသောက်ဆိုင်ထဲကို ဝင်လိုက်တာနဲ့တပြိုင်နက် စက်ရုံတရုံရဲ့အလုပ်ခွင်တခုထဲကို ရောက်သွားသလို ခံစားရမယ့်အပြင်အဆင်တွေနဲ့ ရေခဲမုန့်ဆိုင်တဆိုင်ကို ညွှန်းရမယ်ဆိုရင်တော့ Snow Factory ရေခဲမုန့်ဆိုင်ပဲ ဖြစ်ပါတယ်။

ဆိုင်ထဲကို ဝင်လိုက်တာနဲ့ စက်ရုံတရုံရဲ့ အပြင်အဆင်တွေကို စားသုံးသူတွေမြင်ရမှာပါ။ ဆိုင်ထဲမှာတော့ဧည့်ကြိုဝန်ထမ်း၊ စားပွဲထိုးဝန်ထမ်း၊ ကောင်တာထိုင်ဝန်ထမ်းတွေအားလုံးဟာ တူညီဝတ်စုံအပြာရောင်နဲ့အတူ လုပ်ငန်းခွင်သုံးဦးထုပ်တွေကို ဆောင်းထားပြီး စားသုံးသူကို ဝန်ဆောင်မှုပေးကြပါလိမ့်မယ်။


အစားအသောက်မှာတာနဲ့ ကောင်တာဝန်ထမ်းကစားပွဲနံပါတ်ပါတဲ့ လုပ်ငန်းခွင်သုံးဦးထုပ်ကိုထည့်ပေးလိုက်တာ တွေ့ရပါတယ်။ စားသုံးသူအများစုကတော့ အဲဒီဦးထုပ်ကိုဆောင်းပြီး Snow Factory ဆိုင်ရောက်ကြောင်း ဓာတ်ပုံရိုက်တာ၊ Facebook ပေတင်ကြတာမျိုးပြုလုပ်ကြတာ တွေ့ရပါတယ်။

ဆိုင်ရဲ့မီနူးမှာတော့ သီးစုံရေခဲမုန့်၊ အုန်းသီး၊ သခွားမွှေး၊ သဘောင်္သီး၊ နို့၊ စတော်ဘယ်ရီ စသဖြင့် ဆိုင်ရဲ့အခေါ်အဝေါ်အရ Snow ရေခဲမုန့် ၈မျိုး၊ တခြား Set menu တွေနဲ့ ကော်ဖီ၊ အအေးတွေအပါအဝင် မီနူးအရေအတွက် ၃၀လောက် မှာယူ ရရှိနိုင်တယ်လို့ ဆိုင်မန်နေဂျာ ကိုအောင်ကိုက ရှင်းပြပါတယ်။


“ကျနော့်သူဌေးကိုရီးယားလူမျိုးက နိုင်ငံတကာမှာ ပတ်သွားပြီး လေ့လာခဲ့တယ်။ ကိုရီးယားမှာလည်း စားသောက်ဆိုင်ဖွင့်ထားတယ်။အ ပြင်အဆင်ပိုင်းကိုပိုပြီး စိတ်အားထက်သန်တယ်။ သူ ၄၆ နိုင်ငံလောက် သွားလေ့လာတယ်။ အဲဒီအထဲက တချို့ကို ဓာတ်ပုံရိုက်ယူလာတယ်။ ဒီဆိုင်အပြင်အဆင်က သူ့စိတ်ကူးပေါ့။ အစားအသောက်ဖန်တီးမှုကတော့ သူဌေးနဲ့ဝန်ထမ်းတွေ ပေါင်းပြီးပြင်ဆင်ကြတာပေါ့” လို့ ဆိုင်မန်နေဂျာ ကိုအောင်ကိုက ပြောပြပါတယ်။

ဆက်လက်ပြီး သူက“အစားအသောက်ကိုသူများနဲ့မတူအောင်ဆန်းသစ်ထားတာ။ နောက်ထပ်မီနူးတွေလည်း ထပ်ပြီးထည့်မယ်၊ ကိုရီးယားအစားအသောက်တွေလည်း ဖြစ်ချင်ဖြစ်မယ်။ ဥပမာထမင်းလိပ်ပဲဖြစ်ဖြစ်ပေါ့။ ကျနော်တို့က စားသုံးသူအနေနဲ့ မြင်လိုက်တာနဲ့ တပြိုင်နက်အပြင်မှာ မတွေ့ဘူးတဲ့ ဆန်းဆန်းပြားပြား ပုံစံမျိုးဖန်တီးချင်ကြတာ” လို့ပြောပါတယ်။


Snow Factory ရေခဲမုန့်ဆိုင်မှာ လတ်ဆတ်တဲ့အသီးတွေထဲကို ရေခဲမုန့်နဲ့မှာယူတဲ့အမျိုးအစားအလိုက် သီးနှံရဲ့အသားကို ပုံဖော်ပြီးထည့်ပေးထားတာဖြစ်ပါတယ်။ Milk Snow Icecream ရဲ့အရသာကတော့ နို့အဆိမ့်အရသာနဲ့အတူ နေကြာစေ့၊ နမ်းနက်နဲ့ပဲ အနှစ်အနည်းငယ်ထည့်ပေးထားပါတယ်။ တခြားရေခဲမုန့်တွေလို ချိုအီတဲ့အရသာမျိုးမဟုတ်ဘဲ ပေါ့ပြီး ဆိမ့်တဲ့အရသာမျိုး ဖြစ်ပါတယ်။

Melon Snow Icecream ကတော့ သခွားမွှေးသီးထဲကို ရေခဲမုန့်နဲ့အတူ သခွားမွှေးသီးအသားကို အလုံးလေးများပုံဖော်ပြီး ထည့်စားရတာပါ။ ရေခဲမုန့်ရဲ့ဆိမ့်တဲ့အရသာနဲ့အသီးရဲ့လတ်ဆတ်တဲ့အရသာကို တပြိုင်နက်ခံစားရမှာပါ။ ဘယ် ရေခဲမုန့်အမျိုးအစားမဆို တပွဲကို ၅၀၀၀ ကျပ် ကျသင့်မှာဖြစ်ပါတယ်။ ရေခဲမုန့်တိုင်းကတော့ လှပတဲ့အပြင်အဆင်တွေနဲ့ ပေါ့ဆိမ့်တဲ့အရသာရှိပါတယ်။ ချိုအီတာကိုမကြိုက်တဲ့ သူတွေ နှစ်သက်ကြလိမ့်မယ်ထင်ပါတယ်။


Snow Factory ဆိုင်ဝန်ထမ်းတွေကတော့ သူတို့ရဲ့ရေခဲမုန့်မီနူးတိုင်းကို Snow လို့ခေါ်ကြတာကြားရပါတယ်။ Snow ဖြစ်လာဖို့ပြုလုပ်တဲ့ ရေခဲကို၁၂နာရီခန့်အေးခဲပြီးမှ ရေခဲမှုန်ရအောင်တိုက်ချတယ်။ အခြားဆိုင်များနည်းတူ ရေခဲတဲ့နည်းက သိပ်မကွာခြားပေမယ့်ရေခဲမှုန်(Snow) ပြုလုပ်ရာမှာတော့ ကွာခြားချက်တွေရှိတယ်လို့ ဆိုင်မန်နေဂျာ ကိုအောင်ကိုက ရှင်းပြပါတယ်။

Snow Factory ရေခဲမုန့်ဆိုင်ရဲ့ဖွင့်ချိန်ကတော့ မနက်၇နာရီကနေ ည၉နာရီခွဲအထိဖြစ်ပြီး ပိတ်ရက်တွေဖြစ်တဲ့ စနေ၊တနင်္ဂနွေမှာတော့ မနက်၈နာရီကနေည၁၀နာရီအထိ ဖွင့်လှစ်ရောင်းချနေတယ်လို့သိရပါတယ်။

ရန်ကုန်မှာ Snow Factory ရေခဲမုန့်ဆိုင် ၂ ဆိုင်ရှိပြီး မဟာဗန္ဓုလလမ်းနဲ့၃၁လမ်းထောင့်၊ ရသာကွန်ဒိုမြေညီထပ်မှာတဆိုင်နဲ့ ပုလဲကွန်ဒိုမှာတဆိုင်ဖြစ်ပါတယ်။



မေစစ်ပိုင်




ဂျပန်ရိုးရာစားစရာ မြည်းစမ်းဖို့ SHUSHI HOUSE

Saturday, December 13, 2014 0 comments


နိုင်ငံတကာမှာထိုင်း၊ တရုတ် အစားအသောက်တွေလိုပဲလူကြိုက်များတဲ့ ရိုးရာအစားအသောက်ဆိုရင် ဂျပန်အစားအသောက်လည်းတခုအပါအဝင် ဖြစ်ပါတယ်။





ရန်ကုန်မြို့မှာဆိုရင်လည်းဂျပန်အစားအစာကိုခုံခုံမင်မင်စားသုံးသူတွေ များပြားလာတာတွေ့ရသလို၊ ဂျပန်စားသောက်ဆိုင် အများအပြားလည်းရှိပါလာပြီ။

ဒါကြောင့် ဂျပန်အစားအစာကို နှစ်ခြိုက်တဲ့ စားသုံးသူတွေအတွက် အရသာကောင်းမွန်တဲ့ ဂျပန် အစားအစာကိုဈေးနှုန်းသင့်တင့်စွာစားနိုင်အောင် ဗဟန်းမြို့နယ်၊ ရွှေဂုံတိုင်လမ်းမကြီးပေါ်က Sushi House ဂျပန်စားသောက်ဆိုင်ကိုလမ်းညွှန်ပါရစေ။

ဆိုင်အတွင်းမှာတော့ ဂျပန်ရိုးရာစားသောက် ဆိုင်ပုံစံအတိုင်းစားသောက်နိုင်အောင် တင်ပျဉ်ခွေ စားပွဲဝိုင်းတွေကို ပြင်ဆင်ပေးထားတာတွေ့ရပါတယ်။

ပုံမှန်စားနေကျအတိုင်းစားပွဲဝိုင်းတွေမှာလည်းထိုင်စားလို့ရအောင် စီစဉ်ပေးထားတာကြောင့် စားသုံးသူတွေ အဆင်ပြေမယ့် နေရာထိုင်ခင်းကိုရွေးချယ်စားသောက်နိုင်မှာပါ။




ထိုင်ခုံမှာထိုင်လိုက်ပြီဆိုတာနဲ့ တပြိုင်နက် ကြွေခွက်နဲ့ထည့်လာတဲ့ အနံ့မွှေးတဲ့ ရေနွေးအေး တခွက်က ဝန်ဆောင်မှုအဖြစ် စတင်ရရှိမှာဖြစ်ပါတယ်။

အဲဒီဆိုင်မှာ ဆူရှီ၊ စရှီမီ၊ နှစ်တရာပဲသီး၊ ကင်းမွန်ငါးပိ၊ ငါးဥသုပ်၊ ဂျပန်ခေါက်ဆွဲကြော်နဲ့ ခရုစတဲ့ ဟင်းအမည်ပေါင်း ၁၅၀ ကျော်အပြင် သောက်စရာအဖြစ် ဆာကေးအရက်လည်းရရှိမှာဖြစ်ပြီး ဟင်းပွဲတွေနဲ့ သောက်စရာတွေရဲ့ ဈေးနှုန်းကအနည်းဆုံး ၅၀ဝ ကျပ်ကနေ ၄၀ဝ၀ဝ ကျပ်ထိရှိပါတယ်။




Sushi Houseဂျပန်စားသောက်ဆိုင်မှာပုံမှန် စားနေကျ ဆော်လမွန်၊ တူနာငါး၊ ကင်းမွန် စတဲ့ အသားငါးအစိမ်းနဲ့ တွဲဖက်စားသောက်ရတဲ့ ဆူရှီထမင်းလိပ်ဟင်းပွဲတွေအပြင် အဲဒီဟင်းအမည်တွေကိုပဲ ကျက်အောင် ပြုလုပ်ထား တဲ့ ဆူရှီအကျက် ဟင်းပွဲကိုအသား၊ ငါးအစိမ်းခံတွင်းမတွေ့တဲ့ စားသုံးသူတွေအတွက် အကြိုက်တွေ့အောင် ပြင်ဆင်ပေးထားတာတွေ့ရပါတယ်။  အဲဒီပွဲကြီးတပွဲကိုကျပ် ၄၀ဝ၀ဝ ပေးရမှာဖြစ်ပါတယ်။

ဒါ့အပြင် တရုတ်ခေါက်ဆွဲနဲ့ အရသာမတူတဲ့ ယာကိဆော့ဘဂျပန်ခေါက်ဆွဲကို ဆော့၊ ပုစွန်၊ အသား၊ အသီးအရွက်တွေနဲ့ ကြော်လှော်ထားပြီး Soy Beansဆော့နဲ့ တွဲဖက်စားရတဲ့ ဂျပန် ခေါက်ဆွဲကြော်ကချိုစိမ့်ပြီးအရသာကောင်းမွန်တာတွေ့ရပါတယ် ။ ဆူရှီထမင်းလိပ်၊ ငါးကင်နဲ့ အကြော်ဟင်းအမည် ၃ မျိုးတွဲလျက်ကို ဆော့၊ အချဉ်တို့နဲ့ တွဲဖက် စားရတဲ့ Sushi House Set၊ ဆော်လမွန်ငါးဟင်းရည်တို့ကလည်းဆိုင်ရဲ့ အရောင်းရဆုံးနေ့လယ်ခင်းဟင်းလျာတွေဖြစ်တယ်လို့ Sushi House ဆိုင်တာဝန်ရှိသူတဦးကပြောပါတယ်။

“တချို့က ဆူရှီကိုအစိမ်းမစားတတ်ဘူးဆိုတဲ့ သူတွေအတွက် လုံးဝအကျက်ဖြစ်အောင် လုပ်ပေးထားတယ်၊ ဥအပြည့်ပါတဲ့ ရှီရှားမိုဆိုတဲ့ ငါးအကင်၊ ငါးအကြော်ကိုမှာစားကြတယ်၊ ခံတွင်းတွေ့ကြတယ်”လို့ သူကရှင်းပြပါတယ်။

ဆိုင်ရဲ့ အခြားဟင်းလျာတွေဖြစ်တဲ့ ပုစွန်ဥထမင်းလိပ်၊ ငါးဥသုပ်၊ ကင်းမွန်ငါးပိ၊ ငါးရှဥ့်၊ ငါးပေါက်လေးအစိမ်း၊ ဆော်လမွန်ငါးကင် ထမင်းလိပ်၊ ငါးထောပတ်ကင်၊ ခေါက်ဆွဲနှင့် အကြော်ဟင်းလျာတွေကလည်း အရသာကောင်းမွန်တာတွေ့ရပါတယ်။




 အဲဒီဆိုင်မှာအသုံးပြုတဲ့ ဟင်းအမည်တွေနဲ့ လိုအပ်တဲ့ပစ္စည်းတွေ အားလုံးကို ထိုင်းနိုင်ငံဘက်ကတဆင့် မှာယူ အသုံးပြုတယ်လို့ သိရပါတယ်။ ဆိုင်ရဲ့ စားဖိုမှူးတွေကတော့ ဂျပန်နိုင်ငံကပညာသင်ပြီး ပြန်လာသူတွေနဲ့ အခြား အကူစားဖိုမှူးတွေနဲ့ ဟင်းအမည်တွေကို ပြုလုပ်ကြတယ်လို့ သိရပါတယ်။

ဆိုင်ကိုအများဆုံးလာစားသုံးသူတွေကတော့ နိုင်ငံခြားသားအများစုဖြစ်ပြီးဂျပန်၊ ကိုရီးယားနဲ့ တရုတ်နိုင်ငံက ဖြစ်တယ်လို့ သိရပါတယ်။


Sushi Houseဂျပန်စားသောက်ဆိုင်ကိုဖွင့် လှစ်ခဲ့တာ ၆ နှစ်ကျော်ပြီဖြစ်ပြီးဆိုင်ခွဲ ၂ ဆိုင်ကိုလည်းဒဂုံမြို့နယ်၊ တော်ဝင်ဈေးဝယ်စင်တာနဲ့ မြေနီကုန်း၊ ရှင်စောပုလမ်းတို့မှာလည်းဖွင့်လှစ်ထားပါတယ်။


"အပတ်စဉ်ထုတ် ဧရာဝတီဂျာနယ်ရဲ့ အမှတ်စဉ် ၅၀ မှာလည်း ဖတ်ရှုနိုင်ပါတယ်"

လှည်းကူးကျေးလက်ဒေသ ရေကြီးမှု

Tuesday, August 5, 2014 0 comments

 ~


 

ရန်ကုန် မြောက်ပိုင်းခရိုင်၊ လှည်းကူးမြို့နယ်ရှိ ဘားလား၊ ငွေနံ့သာကျေးရွာတို့တွင် ရေကြီးသဖြင့် နေအိမ်များ၊ လယ်ယာမြေများရေနစ်မြုပ်နေသည်။

 

  • (ဓာတ်ပုံများ - ဂျေပုိုင် / ဧရာဝတီ)

မန္တလေးတိုင်းအစိုးရရဲ့သတင်းထုတ်ပြန်ချက် ဝေဖန်ခံနေရ

Friday, July 4, 2014 1 comments

 ~




 မန္တလေးတိုင်းဒေသကြီး အစိုးရအဖွဲ့၏ တရားဝင် ဝက်ဘ်ဆိုက်တွင်  ဆူပူမှုဖြစ်စဉ်များ အကြောင်း ကြာသပတေးနေ့က ဖော်ပြရာတွင် ထည့်သွင်းခဲ့သည့် အသုံးအနှုန်း တချို့သည်   ပြဿနာကို  ဆက်လက်ကြီးထွားသွားစေနိုင်သည်ဟု  အွန်လိုင်း လူမှုမီဒီယာတွင်  ဝေဖန်သံများစွာ  ထွက်ပေါ်နေသည်။

မည်သည့်ဘာသာဝင် မည်သည့် လူမျိုးကို မည်သူတို့က ရိုက်နှက်သဖြင့် ဒဏ်ရာရသည်၊ သေဆုံးသည် စသဖြင့် ရေးသားထားချက်ကို ကန့်ကွက်သူ အများအပြား ရှိနေသည်။

“အစိုးရရုံးရဲ့ တရားဝင်ဝက်ဘ်ဆိုက်မှာ တင်ထားတဲ့သတင်းတွေကို ဝန်ကြီးတွေနဲ့  လူကြီးတွေရဲ့ လက်မှတ်မပါဘဲ၊ ခွင့်မပြုဘဲ ဖော်ပြလေ့မရှိဘူး၊ ဒါက  လူကြီးတွေရဲ့ လက်မှတ်ပါမှ တင်ရတာ” ဟု မန္တလေးတိုင်းဒေသကြီး  အစိုးရအဖွဲ့ရုံးမှ တာဝန်ရှိသူတဦးက ဧရာဝတီသို့ ပြောသည်။

www.mdyregion.gov.mm သည် မန္တလေးတိုင်းဒေသကြီးအစိုးရအဖွဲ့၏ တရားဝင် အွန်လိုင်းစာမျက်နှာဖြစ်သည်ဟုလည်း အဆိုပါ တာဝန်ရှိသူက  အတည်ပြုပြောကြားသည်။

 လူမှုမီဒီယာဖြစ်သည့် ဖေ့စ်ဘုတ်စာမျက်နှာများတွင်
 “သူတို့ အစိုးရအဖွဲ့ရဲ့ လုပ်ရပ်က မီးလောင်ရာ လေပင့်ချင်တာလား”
 “လုပ်ရပ်က ရှက်ဖို့ကောင်းတယ်”
“ဦးနှောက်သုံးပြီး စဉ်းစားပြီးမှ ထုတ်ပြန်ချက်ကို သေချာတင်ပေးတာ  အကောင်းဆုံးပါ”
“လူကြီးတွေ ဒီစာမဖတ်ဘူးလား၊ လူမျိုးရေးပြဿနာတွေ  ထပ်ဖြစ်အောင် မီးမွှေးချင်တာလား” စသည့် ဝေဖန်မှု များစွာကို တွေ့ရသည်။

 လူထု၏ ဝေဖန်မှုအပေါ် မန္တလေးတိုင်းဒေသကြီးရဲတပ်ဖွဲ့၏ သတင်းထုတ်ပြန်ရေးအဖွဲ့သို့ ဧရာဝတီက  ဖုန်းဆက်ရာတွင်
“တိုင်တဲ့သူတွေပြောတဲ့အတိုင်းထည့်ရေးထားတာ၊ ဟုတ်တယ်၊  အဲဒီအတိုင်းရေးထားတာ အမှန်ပဲ” ဟု တာဝန်ကျ ရဲအရာရှိတဦးက ဖြေသည်။

“အစိုးရဖြစ်ဖြစ်၊ တိုင်းဒေသကြီးဖြစ်ဖြစ် ဒါမှမဟုတ် အဖွဲ့အစည်းတွေဖြစ်ဖြစ်  ထုတ်တဲ့ထုတ်ပြန်ချက်တွေက ရှိပြီးသားကိစ္စတွေကို ဆိုးဝါးစေတဲ့ အရေးအသားတွေ၊  သဘောထားတွေ မဖြစ်သင့်ဘူး၊ ဥပဒေအတိုင်း လုပ်ကြရင် ကောင်းမယ်၊
 အမှန်ကတော့  တချို့ကိစ္စတွေမှာ အဖြစ်မှန်တွေကို ထုတ်ပြန်ချက်မှာ အဖြစ်မှန်အတိုင်း  အားလုံးကို ရေးလို့မရဘူး၊ အမှန်တိုင်းသိလည်းရေးလို့ ပိုပြီး ဆိုးစေမယ့်  ထိခိုက်နစ်နာမှုမျိူးဖြစ်စေမယ့် အရေးအသားမျိုး မရေးသင့်ဘူး” ဟု သတင်းစာဆရာ ဦးသီဟစောက သုံးသပ်သည်။

 အထက်မြန်မာပြည်သံဃသမဂ္ဂအဖွဲ့မှ နာယက ဖြစ်သူ ဂဠုန်နီဆရာတော် ဦးကာဝိယက  အစိုးရအဖွဲ့အနေဖြင့် လတ်တလော ဆူပူအကြမ်းဖက်မှုများကို ထိန်းချုပ်နေစဉ်ကာလအတွင်း ယခုကဲ့သို့ ဘာသာနှင့် လူမျိုးတို့ကို  ထည့်သွင်း ထုတ်ပြန်ချက်မှာ မသင့်တော်ကြောင်း မိန့်သည်။

“အမည်နာမတွေထည့်သုံးတာတော့ မသင့်တော်ဘူးပေါ့၊ အစိုးရဘက်ကလည်း ကမ္ဘာမှာ  မြန်မာကချည်း သူတို့တွေကို နှိပ်စက်တယ် ပြောနေတော့ ဖြစ်စဉ်သေချာသိအောင် ရှင်းပြထားသလားလို့တော့ တွေးတယ်”ဟု ဂဠုန်နီဆရာတော် က ရှင်းပြသည်။

 မန္တလေးတိုင်းဒေသကြီး၊ မိတ္ထီလာမြို့နယ် ပြည်သူ့လွှတ်တော်ကိုယ်စားလှယ် ဦးဝင်းထိန်ကလည်း အစိုးရအဖွဲ့၏ ထုတ်ပြန်ချက်သည် လက်ရှိဖြစ်ပေါ်နေသည့် ဆူပူမှုများကို ပိုမိုကြီးထွားလာစေနိုင်ကြောင်း၊ အနာဂတ်တွင် ဘာသာရေးအဖွဲ့အစည်းများအကြား ရင်ကြားစေ့ရေးကိစ္စများဆောင်ရွက်ရာတွင် ပိုမိုခက်ခဲသွားနိုင်ကြောင်း သုံးသပ်သည်။

“ဒီလို အရေးအသားမျိုးကို လုံးဝမထောက်ခံဘူး၊ လုံးဝမသုံးစေချင်ဘူး၊  အခုဖြစ်နေတာက ကောလဟလတွေကနေ စဖြစ်တာကို  ထိန်းထိန်းသိမ်းသိမ်းဆောင်ရွက်ရမှာကို ဒီလို ထုတ်ပြန်ချက်ကြောင့်  ပြဿနာပိုပြီး ကြီးထွားသွားနိုင်တယ်”ဟု ဦးဝင်းထိန်က ပြောသည်။

 မန္တလေးဆူပူမှုဖြစ်စဉ်တွင် သေဆုံးသွားခဲ့သည့် ကိုစိုးမင်းထွေး၏ နာရေးဖိတ်စာတွင် ၎င်းတို့၏ အစ္စလာမ်ဘာသာအရ ရေးသားဖော်ပြထားသော်လည်း  ကိုထွန်းထွန်းအတွက် ရွှေကြေးစည် နာရေးကူညီမှုအသင်းမှ ဖိတ်ကြားသည့်  နာရေးဖိတ်စာတွင်လည်း “ယုတ်မာသော မွတ်စလင်တစု၏  ရက်စက်စွာသတ်ဖြတ်မှုကြောင့်….”ဟု ဖော်ပြထားသည့်အတွက် မန္တလေးမြို့၏  အခြေအနေကို ထိန်းသိမ်းဆဲ ကာလတွင် ဆူပူမှုများ ထပ်မံဖြစ်ပေါ်လာမည်ကို  ဒေသခံများကလည်း စိုးရိမ်လျက်ရှိသည်ဟု ပြောကြသည်။

 

.

ပင်လယ်စာမျိုးစုံနဲ့ ခံတွင်းတွေ့စေမယ့် Manhattan Fish Market

Monday, May 26, 2014 0 comments

 ~
 

     ~
ရောင်စုံလင်းလက်နေတဲ့ မြို့လယ်လမ်းမကြီးရဲ့ အလယ်မှာ ကြယ်တွေကိုကြည့်ရင်း၊ ညရဲ့ အလှအပကို ခံစားရင်း၊ ငြိမ့်ညောင်းတဲ့ ဂီတသံစဉ် နားထောင်ရင်း ပင်လယ်စာ စားချင်သူတွေအတွက် အကြိုက် တွေ့စေမယ့် စားသောက်ဆိုင်တဆိုင် ရန်ကုန်မြို့မှာ ဖွင့်လှစ်ထားပါပြီ။

ဆိုင်ထဲကိုဝင်လိုက်တာနဲ့တပြိုင်နက် မီးရောင်စုံ လင်းလက်နေတဲ့ မြို့လယ်လမ်းမကြီးတခုရဲ့ အလယ် ကိုရောက်ရှိသွားစေသလို ခံစားရမယ့် ဆိုင်အပြင် အဆင်ကို အရင်ဆုံးတွေ့ကြရမှာဖြစ်ပါတယ်။ လူဦး ရေ ၂ ယောက်စီသာ ထိုင်လို့ရနိုင်မယ့် စားပွဲလေးတွေ ရဲ့ အပြင်အဆင်တွေကလည်း ဆိုင်ရဲ့ထူးခြားမှုတခု ဖြစ်တာမို့ စားသုံးဖို့လာတဲ့သူတွေအတွက်အမြင်ဆန်း နေမှာပါ။

ဟင်းမီနူးထဲမှာတော့ မလေးရှား၊ ထိုင်း၊ အင်ဒို နီးရှား စတဲ့နိုင်ငံတွေကအထူးမှာယူထားတဲ့ ပင်လယ် စာတွေကို ချက်ပြုတ်ထားတဲ့ ဟင်းအမည်ပေါင်းများ စွာ၊ အအေးမျိုးစုံနဲ့ အချိုပွဲမျိုးစုံကို မှာယူလို့ရမှာပါ။

ဆိုင်ရဲ့နာမည်က Manhattan Fish Market  ဖြစ်ပြီး ရန်ကုန်မြို့ ကမ်းနားလမ်း ၄၁ လမ်းနဲ့ ၄၂ လမ်း ကြားက M.M.G  တာဝါမှာ ဖွင့်လှစ်ထားတာ ဖြစ်ပါတယ်။

အီတလီ အစားအစာတမျိုးဖြစ်တဲ့ ပါစတာ ခေါက်ဆွဲကို ပုစွန်ရောနှောပြီး ကြက်သွန်ဖြူ ရနံ့နဲ့ အစပ်အရသာ ပါဝင်တဲ့ Shrimp Agllo Ollo က နေ့လယ်စာ၊ ညစာ စသည်ဖြင့် ပေါ့ပေါ့ပါးပါးနဲ့ စားသုံးလို့ရမှာပါ။
ဒါ့အပြင် ယောက်သွားကို အနီရောင် ငရုတ်ပွအချိုနဲ့ ချိုစပ် သုပ် ထားပြီး ငရုတ်ကောင်းမှုန့် ဖြူးထားတဲ့ အမေရိကန် စတိုင်လ်  Scallop Americana အသုပ်ကလည်း မြန်မာအများစု အကြိုက်တွေ့ နိုင်မှာပါ။
 
.
 .
“ဧည့်သည်တွေကို အကောင်းဆုံးအရသာတွေ နဲ့ စားစေချင်တယ်၊ ဈေးနှုန်းလည်း သင့်တင့်ရမယ်၊ အစားအသောက်လည်း ကောင်းရမယ် ဆိုတာမျိုး လက်ကိုင်ထားတယ်” လို့ Manhattan Fish Market  ရဲ့ Operation Director  ဖြစ်သူ ကို Eric က ပြော ပြပါတယ်။

စားသုံးသူ များပြားလွန်းတာကြောင့် အချိန် အနည်းငယ် စောင့်ဆိုင်းရတာမျိုးတော့ ကြုံရပါလိမ့် မယ်၊ ဒါပေမယ့် အစားအသောက်ကို စတင်စားသုံးပြီ ဆိုတာနဲ့ လက်ရာကောင်းကောင်း အစားအသောက် တွေကြောင့် စိတ်ညစ်ညူးစရာတွေက အလိုအလျောက် လျော့နည်းသွားနိုင်ပါလိမ့်မယ်။

မလေးရှားနိုင်ငံက မှာယူထားတဲ့  Dory  ငါးကို ကြော်ထားပြီး ကြက်သွန်ဖြူဆော့စ် လောင်းထားတဲ့ Manhattan  ရဲ့ အထူးဟင်းလျာ တမျိုး ကလည်း  အရသာကောင်းမွန်တာ တွေ့ ရပါတယ်။ နူးညံ့လွန်းတဲ့ Dory ငါး အသားကို စားလိုက်ရင် ခံတွင်းထဲမှာ စိမ့်ပြီး ပျော်ဝင်သွားသလို ကြက်သွန် ဖြူရနံ့ကိုလည်း တွဲဖက်ရရှိတာက ဟင်းရဲ့ ထူးခြားမှုတခုလို့ ပြောရမှာပါ။
အဲဒီ ဟင်းအမည်မှာ အာလူးကြော်လည်းတွဲဖက် ပါဝင်မှာပါ။ တပွဲကိုတော့ ဈေးနှုန်း ကျပ် ၁၂,၀ဝ၀ ခန့် ကျသင့်မှာ ဖြစ်ပါတယ်။

ဒါ့အပြင် တီလားဗီးယားငါးကို ခရမ်းချဉ်သီး အနှစ်နဲ့ အစပ်အရသာ ပါဝင်အောင် ချက်ပြုတ်ထား တဲ့ Sexy Fish ဟင်းလျာ၊ အဆာပလာ တချို့နဲ့ Marinated လုပ်ထားတဲ့  Dory Fish ကို ကင်ထား ပြီး ခရမ်းချဉ်သီးဆော့စ် ဆမ်းထားတဲ့ အကင်၊ ပုစွန် အကောင်လိုက် အကင်၊ မှိုဟင်းရည်တွေကလည်း ဆိုင်ရဲ့မှာယူမှု အများဆုံး ထိပ်တန်းဟင်းလျာတွေပါ။
စားသုံးသူတွေ အထူးနှစ်သက်တဲ့ ဟင်းလျာကတော့ Manhattan Flaming Sea Food Platter လို့ ခေါ်တဲ့ ဟင်းလျာဖြစ်ပါတယ်။
အောက်ခံအဖြစ် ထမင်းကို ဆော့စ်နဲ့နယ်ပြီးခင်းထားပါတယ်၊ အပေါ် မှာတော့ ပင်လယ်စာအမျိုးမျိုးကို အကြော် အကင် စသည်ဖြင့် ပြင်ဆင်ထားပြီး ဆော့စ်တမျိုး ဆမ်းထား ပါတယ်။ မှာယူတဲ့ စားသုံးသူရဲ့ စားပွဲနားရောက်မှ ဓာတ်ငွေ့မီးနဲ့ အပေါ်ယံကို မီးမြှိုက်လိုက်တာ ဖြစ်တဲ့ အတွက် စားသုံးသူတွေ အထူးသဘောကျကြတယ်လို့ ဆိုပါတယ်။
အဲဒီဟင်းတပွဲရဲ့တန်ဖိုးက ကျပ် ၂၂,၈၀ဝ ဖြစ်တဲ့အတွက် များတယ်လို့ ယူဆနိုင်ပေမယ့် ဟင်း တပွဲကို လူ ၄၊ ၅ ယောက်လောက် စားလို့ရတဲ့ အတွက် သင့်တင့်တဲ့ဈေးလို့လည်း ဆိုနိုင်ပါတယ်။
 
  . 
  . 
ဆိုင်ရဲ့ ဟင်းလျာအများစုမှာ Mahanttan အထူးပြုလုပ်တယ်လို့ဆိုရမယ့်  Garlic Herb Sauce ကို အသုံးပြုထားတာကို တွေ့ရပါတယ်။

အစပ်၊ အချို၊ အငန် စသည်ဖြင့် ဟင်းအမည် မျိုးစုံကိုစားပြီးလို့ ခံတွင်းရှင်းချင်တယ် ဆိုရင်တော့ သံပရာနဲ့ လီမွန်ကို ပူဒီနာရနံ့ ပေါင်းစပ်ထားတဲ့ Citrus Mint ဖျော်ရည်က အဆင်ပြေစေမှာပါ။

မိသားစုလိုက်သွားပြီး စားချင်တဲ့သူတွေအတွက် လည်း ကလေးတွေအကြိုက်တွေ့စေမယ့် အပူအအေး အရသာ ၂ မျိုးစလုံးကို တပြိုင်နက် ရရှိစေမယ့် ချောကလက် ရေခဲမုန့်အပြင်၊ Cookie Sundae, အိုက်စကရင်ကိတ်တို့လည်း ရှိပါသေးတယ်။

ဟင်းအမည်တွေရဲ့ ဈေးနှုန်းတွေကတော့ တပွဲ ကို ကျပ် ၂,၈၀ဝ ကနေ ကျပ် ၂၅,၀ဝ၀ ထိ ရှိပါတယ်။ကုမ္ပဏီ၊ မိသားစုနဲ့ သူငယ်ချင်းတွေက အဖွဲ့လိုက် လွတ်လွတ်လပ်လပ် စားသုံးချင်ရင်လည်း သီးသန့် အခန်းတွေ ရှိပါတယ်။

၁၈၂၂  ခုနှစ် ကတည်းက  စတင်လာခဲ့တဲ့ Manhattan Fish Market ဆိုင်တွေကို မလေးရှား၊  စင်ကာပူ၊  ထိုင်း၊  အင်ဒိုနီးရှား၊  သီရိ လင်္ကာနဲ့ အိုမန်နိုင်ငံတွေမှာလည်း ဖွင့်လှစ်ထားတယ်လို့ သိရပါတယ်။


  • မေစစ်ပိုင် 

.

ဒီလမ်းမကြီးဟာ သေမင်းတမန်လမ်းမကြီး ဖြစ်နေပြီလား

Wednesday, May 14, 2014 1 comments

~



နေပြည်တော် အမြန်လမ်း အသေအပျောက်များတဲ့ ယာဉ်မတော်တဆမှုတွေက မကြာခဏ ဆိုသလို ဖြစ်ပျက်နေပါတယ်။ 

 
.
 .
ဒီလမ်းမကြီးဟာ သေမင်းတမန်လမ်းမကြီး ဖြစ်နေပြီလား။
ဒီအကြောင်း ဧရာဝတီ http://burma.irrawaddy.org/%E1%81%80_car/2013/07/17/44497.html မှာ ရေးထားတဲ့ သတင်းကို ပြန်လည် ဖော်ပြပေးလိုက်ပါတယ်။



ရန်ကုန် – နေပြည်တော် – မန္တလေး အမြန်လမ်း သေမင်းတမန် လမ်းမကြီးလား
မေစစ်ပိုင်| July 17, 2013

ရန်ကုန် – နေပြည်တော် – မန္တလေး အမြန် လမ်းမကြီးပေါ်မှာ လူထိခိုက် သေဆုံးတာတွေ များလာတာကြောင့် လူမှုကွန်ရက် တွေ၊ ဆိုရှယ်မီဒီယာတွေမှာ အမြန်လမ်းမကြီးကို သေမင်းတမန် လမ်းမကြီးလို့ ပြောင်းခေါ်သင့်နေပြီဆိုတဲ့ သုံးသပ်ချက်တွေ၊ အသံတွေ ထွက်ပေါ်လာပါတယ်။

အခုလို အမြန်လမ်းမကြီးပေါ်မှာ ယာဉ်မတော်တဆ ထိခိုက်မှုတွေ၊ လူသေဆုံးမှုတွေ အများအပြား ဖြစ်လာတာဟာ လမ်း တည်ဆောက်မှု အားနည်းတာ၊ လမ်း အရည်အသွေး မမီတာကြောင့်ဆိုပြီး လူထုဆီက ဝေဖန်သံတွေ ဆက်တိုက် ထွက်လာတဲ့ အတွက် ဆောက်လုပ်ရေး ဝန်ကြီးဌာနနဲ့ အမြန်လမ်း အင်ဂျင်နီယာတွေလည်း လမ်းကြီး ပိုပြီးကောင်းမွန်ဖို့ကို ကြိုးစား အဖြေရှာ နေကြတယ်လို့ အမြန်လမ်း အင်ဂျင်နီယာမှူး ဦးမျိုးမြင့်က ဧရာဝတီကို ပြောပါတယ်။ ဒါပေမယ့် အမြန်လမ်းမကြီးကို သေမင်းတမန် လမ်းမကြီးလို့ ခေါ်နေသလို လမ်းအင်ဂျင်နီယာတွေ ကိုလည်း လူသတ်သမားတွေလို့ ဝေဖန်သုံးသပ်နေတဲ့ အပေါ်ကိုတော့ သူက မှတ်ချက် မပေးပါဘူး။

“လမ်းမှာ ကာကွယ်မှုတွေ လုပ်နေတဲ့ကြားထဲက ယာဉ်တိုက်မှုတွေ ဖြစ်နေရတာကို ကျနော်တို့လည်း စိတ်မကောင်းပါဘူး၊ ကျနော်တို့ ဘက်ကလည်း လမ်းရဲ့ လိုအပ်ချက်တွေကို ပြင်နေပါတယ်။ ဒီလမ်းကြီးက မပြည့်စုံသေးတဲ့ လမ်းကြီးတခုဖြစ်ပြီး အများပြည်သူ သွားလို့ရအောင်ဆိုပြီး ဖွင့်လှစ်ခဲ့ရတာကြောင့် လိုအပ်ချက်တွေလည်း ရှိပါတယ်” လို့ အမြန်လမ်း အင်ဂျင်နီယာမှူးကြီး ဦးမျိုးမြင့်က ပြောပါတယ်။

အမြန်လမ်းမကြီး စတင်ဖွင့်လှစ်ခဲ့တဲ့ ၂၀၀၉ ခုနှစ် မတ်လကနေ ၂၀၁၃ ဧပြီလ အထိ လမ်းပေါ်မှာ ယာဉ်အစီးရေ စုစုပေါင်း ၁၁၀၀၀၀၀ ကျော် ဖြတ်သန်းသွားလာခဲ့ပြီး ယာဉ်မတော်တဆမှု ၄၃၂ မှု၊ သေဆုံးသူ ၂၁၆ ဦး၊ ထိခိုက်ဒဏ်ရာ ရသူ ၆၇၈ ဦး ရှိခဲ့ပါတယ်။ အဲဒီအထဲကမှ ယာဉ်မောင်း ပေါ့ဆမှုကြောင့် ၃၀၅ မှု၊ ယာဉ်ချွတ်ယွင်းမှု ၁၁၀ မှု၊ ခရီးသည် ပေါ့ဆမှု ၂ မှုနဲ့ တခြား အကြောင်းအရာ တွေကြောင့်က ၁၁ မှုဖြစ်တယ်လို့ ဆောက်လုပ်ရေး ဝန်ကြီးဌာန ထုတ်ပြန်ချက်တွေအရ သိရပါတယ်။

အမြန်လမ်းကို ပြန်လည်ပြုပြင်ဖို့အတွက် USAID နဲ့ JICA ကလည်း လမ်းတွေကို ဆာဗေးတိုင်းတာမှု၊ စစ်ဆေးမှုတွေ လုပ်နေဆဲ အဆင့်မှာသာ ရှိသေးပြီး ပြုပြင်ဖို့နည်းလမ်း၊ ကုန်ကျစရိတ် စတဲ့ ဘယ်ကိစ္စကိုမှ လက်ရှိအချိန်ထိ မစတင် ရသေးဘူးလို့ သိရပါတယ်။

လတ်တလောမှာတင် ဖြစ်ပွားခဲ့တဲ့ အဆိုတော် ဆိုတေးရဲ့ ယာဉ်မတော်တဆမှုမှာဆိုရင် ယာဉ်မောင်းနှင်သူဟာ သတ်မှတ် ကီလိုမီတာ နှုန်းထက် များစွာ ပိုမိုမောင်းနှင်တာ တွေ့ရသလို၊ လမ်းကြောကျွမ်းကျင်မှုလည်း လိုအပ်နေတာတွေကြောင့် ဖြောင့်တန်းနေတဲ့ လမ်းကြောပေါ်မှာ မဖြစ်သင့်ဘဲ ဖြစ်သွားရတဲ့ အခြေအနေတခုလို့ အင်ဂျင်နီယာမှူးကြီးက ရှင်းပြပါတယ်။

အမြန်လမ်း အင်ဂျင်နီယာတွေက လမ်းပေါ်မှာ သွားလာနေတဲ့ ယာဉ်မောင်းတွေကို မေးမြန်းကြည့်ရာမှာတော့ ရံဖန်ရံခါ သွားလာတဲ့သူတွေ အဖြစ်များပြီး လမ်းတလျှောက် တံတားတွေက အနိမ့်အမြင့်တွေ များသလို၊ လမ်းပေါ် ရေဝပ်တာတွေ ကိုလည်း ပြင်ဖို့လိုကြောင်း အကြံပြုကြတယ်လို့ သိရပါတယ်။

ပုံမှန် အမြန်လမ်းပေါ် သွားလာနေကျ ကုမ္ပဏီ ယာဉ်မောင်းတဦးဖြစ်သူ ကိုသန့်ဇင် ကတော့ “အမြန်လမ်းကို သွားရင် အန္တရာယ် ရှိတာ ကျနော်တို့တွေ တွေးနေကျပဲ၊ ဒါကြောင့် အဲဒီလမ်းကို သွားပြီဆိုတာနဲ့ ကိုယ့်ကိုယ်ကိုယ် သတိထားရတယ်။ ပုံမှန် ကီလို ၁၀၀ နဲ့ မောင်းရင် ကြာတော့ အိပ်ငိုက်လာတာ တွေကြောင့် ကီလိုကို နည်းနည်း ကစားပြီး မောင်းပေးရတယ်” လို့ ဆိုပါတယ်။

ယာဉ်မောင်းသူတွေက လမ်းညွှန်ဆိုင်းဘုတ်တွေ အများအပြား စိုက်ထူထားတာ တွေ့ကြပေမယ့် တချို့ဆိုင်းဘုတ်တွေက  ဆေးပျက်နေတာတွေ၊ ယိုင်လဲ နေတာတွေကြောင့် လမ်းညွှန်ဆိုင်းဘုတ်ကိုချည်း အားမကိုးဘဲ လမ်း အနေအထားကို ကြည့် ပြီး မောင်းနှင်ရတာတွေလည်း ရှိတယ်လို့ သိရပါတယ်။

“အမြန်လမ်းက ကွန်ကရစ်လမ်း ဖြစ်နေတော့ နေပူနေတဲ့ အချိန်ဆိုရင် ကားဘီးလေပေါင်ချိန်က ကွန်ကရစ်လမ်းနဲ့ တွေ့ပြီး တက်လာတယ်။ ဒါကြောင့် တာယာတွေ ကွဲကုန်တာ။ အမြန်လမ်းမှာဖြစ်တဲ့ ယာဉ်တိုက်မှု တချို့ကို တွေ့တာတော့ ရိုးရိုးလေပဲ ထိုးတာဆိုတော့ အပူများပြီး လေပေါင်ချိန်တက်ရာက တာယာကွဲ၊ ယာဉ်မှောက်တာပဲ” လို့ အမြန်လမ်းမကြီးကို သွားလာလေ့ ရှိတဲ့ ယာဉ်မောင်း ကိုအောင်မြင့်ကျော်က ပြောပြပါတယ်။

ဒါကြောင့် ကားမောင်းတဲ့သူ အများစုကတော့ ကွန်ကရစ်လမ်းဖြစ်တဲ့ အမြန်လမ်းကို ဖြတ်သန်းတော့မယ်ဆိုရင် ကားကို နိုက်ထရိုဂျင်လေ ထိုးပြီးမှ သွားကြတယ်လို့ သိရပါတယ်။ ပုံမှန်လေ ပေါင်ချိန်က ကွန်ကရစ်လမ်းနဲ့ တွေ့ရင် ခုန်ပြီး လေပေါင်ချိန် ၁၀ ပေါင်၊ ၁၅ပေါင် လောက်အထိ မြင့်တက်လာစေတာကြောင့် တာယာကွဲနိုင်တယ်လို့လည်း သိရပါတယ်။ ကတ္တရာ လမ်းတွေမှာတော့ ရိုးရိုး လေပေါင်ချိန်က ကတ္တရာဆွဲအားကြောင့် လေပေါင်ချိန် မတက်တော့ ပြဿနာ မရှိတာကြောင့် ကွန်ကရစ် ခင်းထားတဲ့ ရန်ကုန် – မန္တလေးအမြန်လမ်းမကြီးကို သွားမယ်ဆိုရင်သာ ကားလေကို နိုက်ထရိုဂျင်ထိုးပြီး ယာဉ် မတော်တဆမှု မဖြစ်အောင် ကြိုတင်ကာကွယ် နေကြရတယ်လို့ သိရပါတယ်။

အမြန်လမ်းမကြီးကို ပြုပြင်နိုင်ဖို့ အကူအညီပေးမယ့် ဂျပန်နိုင်ငံ အပြည်ပြည်ဆိုင်ရာ ပူးပေါင်းဆောင်ရွက်ရေး အေဂျင်စီ (JICA) က မြန်မာနိုင်ငံဆိုင်ရာ အကြီးအကဲ တာနာကာက Myanmar Times ဂျာနယ်မှာ အမြန်လမ်းမကြီးနဲ့ ပတ်သက်ပြီးတော့ “ဘတ်ဂျက်ငွေ မလုံမလောက်နဲ့ လမ်းဖောင်ဒေးရှင်း ကောင်းအောင် လုပ်နိုင်မှာ မဟုတ်ဘူး။ အခုတော့ မြန်မာတွေဟာ ထိန်းသိမ်း ပြုပြင်ဖို့ရော၊ ပြန်လည်ပြင်ဆင် ဖို့ရော အင်မတန် အကုန်အကျများမယ့် အမြန်လမ်း (အဆင့်မမီကြီး) လက်ထဲ ပိုက်လျက်သား ဖြစ်နေပါပြီ” လို့ သုံးသပ် ရေးသားထားတာ တွေ့ရပါတယ်။

ဇူလိုင် ၁၅ ရက်ထုတ် နိုင်ငံပိုင် ကြေးမုံ သတင်းစာမှာတော့ ဆောင်းပါးရှင် ဖေဒီ ဆိုသူက အမြန်လမ်းမကြီးကို သွားဖို့အတွက် ခရီးသည်တွေ အနေနဲ့ ကားပေါ်မှာ အိပ်မနေဘဲ စကားများများ ပြောသင့်တဲ့အကြောင်း၊ မီးတွေမပိတ်ဘဲ မောင်းသင့်တဲ့ အကြောင်း၊ ကားဆရာ အနေနဲ့လည်း စပယ်ယာနဲ့ စကားပြောနေတာက အိပ်ငိုက်တာကို ပြေပျောက် စေတဲ့အကြောင်း အကြံပြု ထားပါတယ်။

ဒါ့အပြင် အမြန်လမ်းကို ဖြတ်သန်းရမယ့် ကိုယ်ပိုင်ကား၊ ခရီးသည်တင် ကားတွေအနေနဲ့ သွားလာတဲ့ လမ်းတလျှောက်မှာ မေတ္တာပို့သ အမျှပေးဝေခြင်းတွေကို သတိတရ လုပ်သွားဖို့ ဆောင်းပါးရှင်က အကြံပြုထားတာ တွေ့ရပါတယ်။

(အားနည်းချက်တွေ ရှိနေတဲ့ ရန်ကုန်-နေပြည်တော်-မန္တလေး အမြန်လမ်းမကြီး ပြုပြင်မယ့် အကြောင်း ဧရာဝတီက သတင်းရေးသားခဲ့တာကို   http://burma.irrawaddy.org/archives/43053 မှာ ပြန်လည် ဖတ်ရှုနိုင်ပါတယ်။

ဒီအမြန်လမ်းမကြီးပေါ်မှာ အန္တရာယ်ကင်းစွာ သတိရှိရှိ သွားလာဖို့ ဘယ်လိုလုပ်ဆောင်ကြမလဲဆိုတာ ဆွေးနွေးချင်ရင် http://burma.irrawaddy.org/archives/44424 ကနေတဆင့် ဖိုရမ်မှာ သွားရောက် ပြောဆိုနိုင်ပါတယ်။)


အပေါ်ပုံ  - ယာဉ်မတော်တဆမှု မကြာခဏ ဖြစ်နေသည့် ရန်ကုန် – နေပြည်တော် – မန္တလေး အမြန်လမ်းမကြီး  (ဓာတ်ပုံ – ဂျေပိုင် / ဧရာဝတီ)

ဆက်စပ်

http://burma.irrawaddy.org/news/2014/05/13/58789.html


.


အစပ်ကဲတဲ့ ငှက်ပျောဖက်စိမ်း အိန္ဒိယစားသောက်ဆိုင်

Monday, May 12, 2014 3 comments

~


 

စတိုင်လ် အစားအသောက်တွေကို ငှက်ပျောဖက်စိမ်းနဲ့ ခင်းကျင်းပေးထားပြီး လက်နဲ့ အားရပါးရစားချင်တဲ့ သူတွေအတွက် ဈေးနှုန်း အသင့်အတင့်နဲ့ စားနိုင်တဲ့ အိန္ဒိယစားသောက်ဆိုင်တဆိုင်ကို ရန်ကုန်မြို့လယ် ကောင်မှာ ဖွင့်လှစ်ထားတာ တွေ့နိုင်ပါတယ်။

 
.
 .
Tiru’s Indian Banana Leaf  လို့ အမည်ရ ပြီး ဧပြီလလယ်ပိုင်းကစလို့ ရန်ကုန်မြို့ ပန်းဘဲ တန်းမြို့နယ်ထဲက ၃၂ လမ်း အပေါ်ဘလောက်မှာ ဖွင့်လှစ်ထားတာဖြစ်ပါတယ်။

ပြင်ပ ပူလောင်မှုတွေထဲကနေ ဆိုင်ထဲကို ဝင်သွားပြီ ဆိုတာနဲ့ လေအေးစက်က လာတဲ့ အအေးဓာတ်နဲ့အတူ အိန္ဒိယ အစားအသောက် တွေမှာ  မပါမဖြစ်လို့  ဆိုရမယ့်  ဟင်းခတ် မဆလာအနံ့ သင်းပျံ့နေပါလိမ့်မယ်။ သန့် ရှင်းတဲ့   ဆိုင်အခင်းအကျင်းကိုလည်း တွေ့ရမှာပါ။ နေ့လယ်စာစားချိန် ဆိုရင် တော့ ဆိုင်ထဲမှာ နိုင်ငံခြားသားအများစု လာရောက်စားသောက်ကြတာ တွေ့ရ ပါလိမ့်မယ်။

ဆိုင်ရဲ့ ဟင်းအမည်တွေထဲမှာ တော့ အိန္ဒိယ ရိုးရာအစားအသောက် ပေါင်း ၃၀ ကျော်၊ ရေခဲမုန့်၊ လက်ဖက် ရည်၊ ကော်ဖီ၊ အိန္ဒိယသားတွေရဲ့ အချိုပွဲ မလိုင်နဲ့ ဟာလဝါလိုမုန့်တွေအပြင် ဘီယာနဲ့ ဖျော်ရည်အအေးတွေ ကိုလည်း မှာနိုင်ပါတယ်။

ဟင်းအမည်တွေထဲကမှ ထမင်း၊ အရွက် ကြော် (Samboal Dal)၊ ချာပါတီနဲ့ ပဲဟင်း (Papadums) တွေပါဝင်တဲ့ Vegetarian Daily Special  က သက်သတ်လွတ်စားလိုသူတွေအတွက် အဆင်ပြေ စေမယ့် နေ့လယ်စာတမျိုး ဖြစ်ပါတယ်။ သက်သတ် လွတ် နေ့လယ်စာတပွဲကို ကျပ် ၁၀ဝ၀ နဲ့ စားနိုင်မှာပါ။

မဆလာနံ့ သင်းပျံ့နေတဲ့ ကြက်သားကြော်ကို သံပရာသီးညှစ်၊ ပူဒီနာရွက်အြွကပ်ကြော်နဲ့ တွဲဖက် ထားတဲ့  Chicken  65၊  ဆိတ်သားကို  ဒိန်ချဉ်၊ သီဟိုဠ်ဆန်တို့နဲ့ နူးအိအောင် ချက်ထားတဲ့ Mutton Masala တို့ကလည်း ထမင်းဖြူနဲ့ တွဲဖက်စားသောက် လို့ မြိန်တဲ့ ဟင်းအမည်တွေပါ။ ဆီသုံးထားတာအသင့် အတင့်ဖြစ်သလို ဟင်းချိုမှုန့်အရသာမရဘဲ သဘာဝ အချိုအရသာနဲ့ အငန်လည်း လျှော့ထားတာကြောင့် စားလို့ကောင်းသလို ကျန်းမာရေးအတွက်သင့်လျော် ပါတယ်။

အိန္ဒိယ  အစားအသောက်တွေရဲ့  စတိုင်လ် အတိုင်း ထမင်းဖြူတပွဲ (White Rice Set) မှာရင် ချတ်တနီ၊  အသီးအရွက်  ဘာဂျီကြော်နဲ့  ပဲဟင်း တခွက်၊ မနုဿနီ မန်ကျည်းသီး ဟင်းချိုတခွက်၊ ပါပရာကြော်တို့  တွဲလျက်ပါပြီးသား ဖြစ်ပါတယ်။ ဒံပေါက်လည်း ရနိုင်ပေမယ့် ဒံပေါက်ရဲ့ အရောင် အဆင်းနဲ့ အနံ့ အရသာကတော့ မြန်မာပြည်က စားနေကျ ဒံပေါက်ပုံစံမျိုးမဟုတ်ဘဲ သီးခြားအရသာ ရှိပါတယ်။

Titu’s Indian Banana Leaf Resturant  ရဲ့ အစားအသောက်တွေက ဟင်းရည်နဲ့ ဒိန်ချဉ်ကို အခြေခံပြီး ချက် ပြုတ်ထားတဲ့ ဟင်းအမည်တွေဖြစ်ပြီး အစပ်အရသာကို အလေးပေး ချက် ပြုတ်ထားတာ တွေ့ရပါတယ်။

 ဒီဆိုင်ရဲ့  အစားအသောက် တွေ အားလုံးကိုတော့ အိန္ဒိယနိုင်ငံ က ဝါရင့်စားဖိုမှူးကြီး ၂ ယောက်က ချက်ပြုတ်ပေးနေတာ ဖြစ်တယ်လို့  ဆိုင်ရဲ့ တာဝန်ခံတဦးဖြစ်တဲ့ မမေရီ ကိုက ဧရာဝတီကို ပြောပြပါတယ်။

အစပ်ကဲတဲ့ ထမင်းဟင်းတွေ စားသောက်ပြီးချိန်မှာ ဟာလဝါ၊ ကူ ဖီးလ်နဲ့  Gulab Jamun (မလိုင် အရသာ ပါဝင်တဲ့အချိုပွဲ) တို့ကို အချို တည်းနိုင်သလို၊ လက်ဖက်ရည်သောက် တတ်သူတွေကတော့ မဆလာနံ့သင်း တဲ့ အိန္ဒိယစတိုင်လ် တီးမဆလာကို မှာယူနိုင်ပါသေးတယ်။ အဲဒီ လက်ဖက် ရည် တခွက်ကိုတော့ ငွေ ၁၀ဝ၀ ကျပ် ကျသင့်မှာ ဖြစ်ပါတယ်။

Titu’s Resturant   ကို  စင်ကာပူနိုင်ငံ မှာလည်း ဖွင့်လှစ်ထားပြီး အခုဆိုင်ကတော့ မြန်မာ နိုင်ငံအတွက် ပထမဆုံးဆိုင်ခွဲတခုလို့ သိရပါတယ်။ ဆိုင်ဖွင့်ချိန်ကတော့ နံနက် ၁၁ နာရီကနေ ည ၉ နာရီအထိ နေ့စဉ် ဖွင့်လှစ်ကြောင်း သိရပါတယ်။

အစားအသောက်ဈေးနှုန်းတွေကတော့ အနည်း ဆုံး ၅၀ဝ ကျပ်ကနေ အများဆုံး ၁၅၀ဝ၀ ကျပ်အထိ ရှိပေမယ့် အသားဟင်း၊ ငါးဟင်း၊ ပုစွန်ဟင်းတမျိုးကို ကျပ် ၂၀ဝ၀ ကနေ ၄၀ဝ၀ အကြားသာ ကျသင့်မှာ ဖြစ်လို့ ဆိုင်အပြင်အဆင် သန့်သန့်ရှင်းရှင်း အေး အေးချမ်းချမ်းနဲ့ ဈေးနှုန်းအသင့်အတင့် အိန္ဒိယစာ တွေ စားသုံးလိုသူတွေအတွက် ညွှန်းရခြင်းဖြစ်ပါတယ်။



.


ကလေးတွေဆီအရောက်သွားတဲ့ စာသင်ခန်း

Saturday, May 10, 2014 0 comments

~

 

  



(မေစစ်ပိုင် ရေးသားသည်)

စစ်ကျန် ဘတ်စ်ကားဟောင်းကြီးကို ပြန်လည်ပြုပြင်ထားတဲ့ ကားတွင်းစာသင်ခန်းပေါ်မှာ “အေ၊ ဘီ၊ စီ၊ ဒီ” ကို အသံထွက်ဆိုရင်း ဖတ်စာအုပ်ထဲက အက္ခရာတွေကို ကြည့်လိုက်၊ ဗလာစာအုပ်ထဲမှာ ချရေးလိုက်၊ စာလုံး မှားသွားရင်၊ စိတ်ကြိုက်မတွေ့ရင် ခဲဖျက်နဲ့ဖျက်လိုက် ပြန်ရေးလိုက် လုပ်နေတာတဲ့ ကျောင်းသား က တော့ မောင်ကျော်သက်လို့ ခေါ်တဲ့ လက်ဖက်ရည်ဆိုင်ဝန်ထမ်းတဦးဖြစ်ပါတယ်။

ကျောင်းစာသင်ခန်းတခန်းနဲ့တူအောင် သင်ပုန်း၊ စာသင်ခုံတွေက အစ ထည့်သွင်းပြုပြင်ထားတဲ့ ဒီကားဟောင်းကြီးပေါ်မှာ မောင်ကျော်သက်တို့လို လူငယ် ၁၂ ယောက် စာသင်နေကြတာတွေ့ရပါတယ်။
ဆရာမတဦးက ကြီးကြပ်နေပြီး ကျောင်းသားတွေအားလုံးက သူငယ်တန်း အင်္ဂလိပ်ဖတ်စာထဲကအက္ခရာ တွေကို အသံထွက်ရွတ်ဆိုကြပြီး ဗလာစာအုပ်ထဲ ကူးရေးနေကြတာပါ။

ဒါ့အပြင် စာသင်ဖို့ ခွင့်ပြုချက်ရထားပြီးဖြစ်တဲ့ လက်ဖက်ရည်ဆိုင်ဝန်းထဲမှာလည်း ဆရာမတဦးက ပရိုဂျက်တာပေါ်မှာ ပြထားတဲ့ အင်္ဂလိပ်သင်ခန်းစာတချို့ကို ရုပ်ပုံတွေနဲ့ တကွ သင်ကြားပေးနေတာကို စိတ်ဝင်တစား နားထောင်နေကြတဲ့ ကျောင်းသား အများအပြားကိုလည်း တွေ့ရပါတယ်။

သူတို့ကတော့ မောင်ကျော်သက်တို့လိုပဲ ကျောင်းပညာရေးမပြီးခဲ့ပေမဲ့ သူတို့သင်ခဲ့ဖူးတဲ့ ကျောင်းစာတွေထဲက တချို့ကို မှတ်မိတဲ့သူတွေဖြစ်တာကြောင့် အခြေခံအလယ်တန်းအဆင့် ကျောင်းစာတွေကို သင်ယူနေကြတာပါ။

အဲဒီကျောင်းသားတွေအားလုံးက လက်ဖက်ရည်ဆိုင်တဆိုင် ရဲ့ စားပွဲထိုး၊ စားဖိုမှူးအလုပ်တွေလုပ်နေတဲ့ သူတွေဖြစ်ပြီး မြန်မာနိုင်ငံအထက်ပိုင်းဒေသတွေနဲ့ ဧရာဝတီတိုင်းဒေသကြီး ကနေ ရန်ကုန်မြို့ပေါ်မှာ အလုပ်လုပ်ဖို့အတွက် ရောက်လာကြသူတွေဖြစ်တယ်လို့သိရပါတယ်။

“၃ တန်းအောင်ပြီးကတည်း ကျောင်းမတက်ဖြစ်တော့တာဆိုတော့ စာတွေမေ့ကုန်ပြီ၊
စာသင်ရတာပျော်တယ်၊ အလုပ်အားတဲ့အချိန်တွေဆို ရွာကို စာရေးတယ်၊
စာအုပ်ဖတ်တယ်၊ တီဗွီကြည့်တယ်”လို့ အေ၊ ဘီ၊ စီ၊ ဒီ ရေးနေတဲ့ မောင်ကျော်သက်က ပြောပြပါတယ်။

သူက ဧရာဝတီတိုင်းဒေသကြီးအတွင်းမှာရှိတဲ့ ရွာတရွာကနေ ရန်ကုန်မြို့ပေါ်ကို တက်လာပြီး လက်ဖက်ရည်ဆိုင်တဆိုင် မှာ စားဖိုမှူး အလုပ် လုပ်နေတဲ့ အသက် ၂၀ ကျော် အရွယ်ရှိ လူငယ်တယောက်ဖြစ်ပါတယ်။
 အကြောင်းအမျိုးမျိုးကြောင့် မူလတန်းပညာရေး မပြီးပြတ်ခဲ့ပေမဲ့ မောင်ကျော်သက် တယောက် စာပြန်သင်နေရတာ ပျော်ပုံရပါတယ်။

“မြန်မာနဲ့ သချာင်္သင်ရတာ သိပ်မခက်ဘူး၊ အင်္ဂလိပ်စာကတော့ နည်းနည်း ပိုခက်တော့ ကြိုးစားနေတယ်၊ ကျနော် စာအုပ်ကြီးတွေ  သိပ်ဖတ်ချင်တယ်”လို့ သူက ပြောပါတယ်။

လက်ဖက်ရည်ဆိုင်တွေမှာ အလုပ်လုပ်နေကြပြီး ကျောင်းပညာရေးနဲ့ ဝေးနေတဲ့ ကလေး၊ လူငယ်တွေကို ပညာတတ်တွေဖြစ်ပြီး လူမှုဆက်ဆံရေးမှာပိုပြီး တိုးတက်စေချင်တဲ့ရည်ရွယ်ချက်တွေကြောင့် မြန်မာရွေ့လျားပညာရေးပရဟိတ အဖွဲ့ (Myanmar Mobile Education Project-My ME Project)က ဆိုင်ရှင်တွေထံက ခွင့်ပြုချက်တွေယူပြီး ရန်ကုန်မြို့ပေါ်က လက်ဖက်ရည်ဆိုင်တချို့မှာ ပညာဒါန စာသင်ကြားပေးနေတာပါ။

 


“ကျောင်းမသွားနိုင်တဲ့ကလေးတွေကို သူတို့မလာနိုင်ရင် ငါတို့က သူတို့ဆီ အရောက်သွားပြီး စာသင်ပေးမယ်ဆိုတဲ့ စိတ်နဲ့ ပါ၊ ပညာရေးတပိုင်းတစ ဖြစ်ခဲ့ရတဲ့ ကလေးတွေရဲ့ ဘဝတွေကို ပညာတတ်တွေဖြစ်လာစေချင်သလို သူတို့တွေရဲ့ ကိုယ်ပိုင်ဆုံးဖြတ်ချက်တွေ မှန်ကန်လာဖို့နဲ့ ကိုယ့်ကိုကိုယ် ယုံကြည်မှုတွေရှိလာစေချင်တာ”လို့ မြန်မာရွေ့လျားပညာရေး ပရဟိတအဖွဲ့ ဒါရိုက်တာ ကိုတင်မောင်မောင်အေးက ဧရာဝတီ ကို ပြောပါတယ်။

ကိုတင်မောင်မောင်အေးတို့အဖွဲ့ကို လွန်ခဲ့တဲ့ ၁ နှစ်ကျော်လောက်က  ဖွဲ့စည်းခဲ့တာပါ။
သူနဲ့ သူ့မိတ်ဆွေ ၅ ဦးတို့နဲ့ အစပြုခဲ့တဲ့ ဒီအဖွဲ့ရဲ့ အဓိက ရည်ရွယ်တာကတော့ ကျောင်းပညာရေးမပြီးပြတ်ခဲ့ရတဲ့ကလေး၊ လူငယ်တွေအတွက် ကျောင်းပြင်ပရွေ့ပြောင်းစာသင်ကျောင်းဆိုတာကို အကောင်အထည်ဖော်ပြီး ကလေးတွေရဲ့ ဘဝအပြောင်းအလဲဖြစ်လာဖို့အတွက်ပါပဲ။

 “ကျနော်တို့သင်နေတဲ့ သင်ရိုးပုံစံ ကို ကလေးတွေ နားလည်နိုင်စွမ်းဘယ်လောက်ရှိလဲ အရင်ကြည့်နေတယ်၊ ကလေးတွေက ပညာကို သိပ်လိုချင်ကြတယ်၊ ကျနော်တို့ ဘတ်စ်ကားဆိုက်ပြီဆိုတာနဲ့ သူတို့လေးတွေ ထိုင်ခုံမှာထိုင်ပြီး စာရေးကိရိယာတွေလည်း အဆင်သင့်ဖြစ်နေကြပြီ”

လက်ဖက်ရည်ဆိုင်တခုက စားပွဲထိုးကလေး တဦးနဲ့ သိကျွမ်းခဲ့တဲ့နောက်ပိုင်း သူတို့ရဲ့ဘဝအခြေအနေ တွေကိုသိခဲ့ရတာကြောင့် လက်ဖက်ရည်ဆိုင်မှာ အလုပ်လုပ်နေကြတဲ့ ပညာချို့တဲ့သူ ကလေးတွေအတွက် ပညာရေးအလှူပရဟိတလုပ်ဖို့ စိတ်ကူးခဲ့ရာက လက်တွေ့အကောင်အထည်ဖော်ဖြစ်ခဲ့တယ်လို့ သိရပါတယ်။

 မြောက်ဥက္ကလာပ နဲ့ တာမွေမြို့နယ်မှာရှိတဲ့ Lucky Seven လက်ဖက်ရည်ဆိုင် ၂ ဆိုင်အပြင် တောင်ဥက္ကလာပ မြို့နယ်အတွင်းမှာရှိတဲ့ လက်ရည်ဆိုင်တွေမှာရှိတဲ့ ဝန်ထမ်းဖြစ်တဲ့  ကလေး၊ လူငယ်တွေကို စာသင်ကြားပေးနေရာမှာ ဘာအခက်အခဲ ရှိပါသလဲ။

“ကလေးတွေကလည်း သင်ချင်တယ်၊ ဆိုင်ရှင်တွေကလည်း ခွင့်ပြုပေမဲ့ ဆိုင်တွေရဲ့အားလပ်ချိန်က မတူကြတော့ စာသင်ချိန်ဆွဲရတာ နည်းနည်းခက်နေတယ်”လို့ အဖွဲ့  ကိုတင်မောင်မောင်အေးက ရှင်းပြပါတယ်။

သင်ခဲ့ဖူးတဲ့ ကျောင်းစာတွေ ဘယ်လောက်ထိမှတ်မိသလဲဆိုတာ သိချင်တဲ့အတွက် အရည်အချင်းစစ် စာမေးပွဲ တခုကို အရင်ဖြေခိုင်းတယ်လို့ သိရပါတယ်။

စာမေးပွဲ ရလဒ် ထွက်လာမှ  ကလေး၊ လူငယ်တွေကို အခြေခံအဆင့်( Begineer) နဲ့ ပထမအဆင့်( level-1) အတန်းခွဲတယ်လို့ သိရပါတယ်။

လက်ရှိမှာတော့ လက်ဖက်ရည်ဆိုင်ဝန်ထမ်းကလေး၊ လူငယ် ၁၀၀ ကျော်ကို သူတို့ဆိုင်သိမ်းချိန် ညနေ ၆ နာရီ ကနေ ၈ နာရီအထိ အချိန်၂ နာရီ အတွင်းမှာဘဲ လက်ဖက်ရည်ဆိုင်နဲ့ အနီးဆုံးနေရာအထိ သွားပြီး ကျောင်းသင်ခန်းစာနဲ့ အထွေထွေ ဗဟုသုတကို သင်ပေးနေတာပါ။

“ကလေးတွေက ကျောင်းစာတွေနဲ့ ဝေးနေတာကြာပြီဆိုတော့ သူတို့ကို  စိတ်ရှည်သည်းခံပြီး သင်ပေးရတယ်၊  လိုချင်စိတ်လည်းရှိကြတော့ သင်ရတာအခက်အခဲမရှိဘူး၊ သူတို့တွေက စာကျက်ချိန်ဆိုတာလည်းမရှိတော့ သင်ပေးနေတဲ့အချိန်မှာ စာလုံးတွေကို မှတ်မိလွယ်အောင် စာလုံးတွေကို ရေးရင်း ဆိုရင်း သင်ပြရတယ်”လို့ မြန်မာရွေ့လျားပညာရေး ပရဟိတအဖွဲ့မှာ ဆရာမအဖြစ်တာဝန်ယူထားတဲ့သူက ရှင်းပြပါတယ်။

အခြေခံအဆင့်မှာတော့ သူငယ်တန်းအဆင့် ဖတ်စာကို ကျေညက်အောင်သင်ကြားပေးပြီး ပထမအဆင့် တန်းခွဲကိုတော့ အလယ်တန်းပညာရေးသင်ခန်းစာတွေကို သင်ကြားပေးပါတယ်၊
အထွေထွေဗဟုသုတဆိုတဲ့ သင်ခန်းစာကတော့ လူမှုဆက်ဆံရေး၊ ဂိမ်းကစားနည်း၊ အသက်မွေးဝမ်းကြောင်း စတဲ့ ကိစ္စတွေကို သင်ကြားပေးတာဖြစ်ပြီး အခြေခံနဲ့ ပထမအဆင့် က အတန်းသားတွေအားလုံး အတူတက်ရတယ်လို့ သိရပါတယ်။

တန်းခွဲတခွဲကို အချိန် ၃ လ သင်ကြားမှာဖြစ်ပြီး အချိန်ပြည့်တဲ့အခါမှာတော့ စာမေးပွဲဖြေပြီး အောင်မြင်သူက တဆင့်မြင့်တဲ့ အတန်းကို ပြောင်းလဲတက်ရမှာပါ၊ နောက်ပိုင်း သင်ရိုးပြီးသွားတဲ့အခါမှာတော့ ကျောင်းစာထူးချွန်သူတွေနဲ့ အသက်မွေးဝမ်းကြောင်းလုပ်ငန်း ဝါသနာပါသူ ခွဲခြားပြီး သူတို့ဝါသနာအလိုက် ပံ့ပိုးပေးသွားဖို့ရှိတယ်လို့လည်း သိရပါတယ်။

မကွေးတိုင်းဒေသကြီးအတွင်းမှာရှိတဲ့ ရွာတရွာကနေ ရန်ကုန်မှာ   စားပွဲထိုး အလုပ် လာလုပ်နေတဲ့ မောင် အောင်မင်းခိုင်က    “ကျောင်းတက်ချင်ပါသေးတယ်၊ ဒါပေမဲ့ အဘွားက အသက်ကြီးပြီဆိုတော့ သား ရှာမကျွေးရင် အဘွားနဲ့ သား နှစ်ယောက် လုံးဒုက္ခရောက်မှာ၊ ပညာရေးမှာ ထောက်ပံ့သူရှိလာရင်တောင် သားတို့ စားဝတ်နေရေးက ရှိသေးတော့ အဆင်မပြေဘူး”လို့  ဆိုပါတယ်။

သူငယ်တန်းကနေ ရှစ်တန်းအထိ အတန်းတိုင်းမှာ အဆင့်ကောင်းကောင်းနဲ့ အောင်မြင်ခဲ့ပေမဲ့ အဖေနဲ့ အမေ က ကွာရှင်းလိုက်ပြီးနောက်ပိုင်း အမေဖြစ်သူက  သူ့ကိုပစ်ပြီး ထွက်ပြေးသွားကြသလို သူတို့မြေးအဘွားကို ရှာကျွေးတဲ့ ဦးလေးကလည်း အိမ်ထောင်ပြုသွားတော့ မောင်အောင်မင်းခိုင်နဲ့ သူ့အဘွားတို့ရဲ့ စားဝတ်နေရေးအတွက် ပညာရေးကို စွန့်လွှတ်လိုက်တယ်လို့ သိရပါတယ်။

လက်ဖက်ရည်ဆိုင်ရောက်နေကြတဲ့ ကလေးတွေအပါအဝင် ဆောက်လုပ်ရေးလုပ်ငန်း၊ အိမ်ဖော်အလုပ်တွေမှာ လုပ်ကိုင်နေကြတဲ့ ကလေးအလုပ်သမားတွေအများစုရဲ့ လစာက တလ ကို ၈,၀၀၀  ကနေ ၃၅,၀၀၀  ဝန်းကျင် သာ ရရှိနေကြပြီး တနေ့ကို အလုပ်ချိန် ၈ နာရီ ကနေ ၁၁ နာရီလောက်ထိ ရှိနေတာပါ။

ပွဲစားတွေက နယ်မြို့တွေနဲ့ ကျေးရွာတွေကို သွားကြပြီး လယ်ယာလုပ်ငန်းနဲ့ မိရိုးဖလာလုပ်ငန်းတွေမှာ စီးပွားရေး အဆင်မပြေကြတဲ့ မိဘတွေကို စည်းရုံး၊   မြို့ပေါ်မှာ အလုပ်လုပ်ရမယ်ဆိုပြီး ပိုက်ဆံ ကြိုတင်ပေးခေါ်လာကြတာတွေကြောင့် ရန်ကုန်မြို့ပေါ်မှာ နယ်ဒေသအသီးသီးက အလုပ်လာလုပ်နေကြတဲ့ ကလေးတွေ အများအပြားဖြစ်နေရတယ်လို့ ကလေးသူငယ်အရေးလှုပ်ရှားသူတချို့က ဧရာဝတီကို ပြောပြပါတယ်။

“တချို့ဆို ကိုယ့်အိမ်ဘယ်လိုပြန်ရမယ်ဆိုတာတောင် မသိကြဘူး၊ မိဘတွေကလည်း တောသူတောင်သားတွေဆိုတော့ နားမလည်ကြဘူး၊ ကလေးတွေရဲ့ ဘဝ ကို ပွဲစားတွေကပဲ ကြိုးကိုင်ချယ်လှယ်နေတာ” လို့  ကလေးသူငယ်အရေးလှုပ်ရှားဆောင်ရွက်နေသူတဦးက ပြောပါတယ်။

အလုပ်သမားတွေကို ထွက်ပြေးမှာစိုးတာကြောင့် အလုပ်ချိန်ပြီးတာနဲ့တပြိုင်နက် အခန်းတံခါးသော့ခတ်ပြီး ပိတ်ထားတဲ့အခြေအနေမျိုးတွေလည်း လက်ဖက်ရည်ဆိုင်လုပ်ငန်းနဲ့ အိမ်ဖော်လုပ်ငန်းတချို့မှာ ရှိနေတယ်လို့ သိရပါတယ်။

အမျိုးသားပညာရေးဥပဒေကြမ်းထဲမှာ လမ်းပေါ်ရောက်နေတဲ့ ကလေးသူငယ်တွေ၊ ကလေးအလုပ်သမားတွေအတွက် အသက်မွေးဝမ်းကြောင်းပညာတခုခု သင်ကြားပေးဖို့ ဆိုတဲ့ အချက်တချက်လည်း ပါနေတယ်လို့ သိရပါတယ်။

“အလုပ်လက်မဲ့တွေ၊ လက်ဖက်ရည်ဆိုင်ကလေးတွေအပါအဝင် အလုပ်လုပ်နေကြရတဲ့ ကလေးတွေအတွက် မူဝါဒ တခု ဆွဲသင့်တယ်၊ အစိုးရအနေနဲ့ကလည်း အဲဒီလိုကလေးတွေအတွက် အသက်မွေးဝမ်းကြောင်းပညာရေးကို အားပေးသင့်တယ်” လို့ ပြည်သူ့လွှတ်တော်ကိုယ်စားလှယ် ဒေါက်တာဇော်မြင့်မောင်က ပြောပါတယ်။

သမ္မတ ဦးသိန်းစိန်က မူလတန်းပညာရေး အခမဲ့စနစ် ကျင့်သုံးခဲ့ပြီး လက်ရှိမှာ အလယ်တန်းပညာရေးကိုပါ အခမဲ့စနစ်ကျင့်သုံးဖို့လုပ်နေပြီး မြန်မာနိုင်ငံရဲ့ ပညာရေးကဏ္ဍ ဖွံ့ဖြိုးတိုးတက်အောင် ကြိုးပမ်းနေပါတယ်။

ဒါပေမဲ့ အခြေခံလူတန်းစားက မွေးဖွားလာကြတဲ့ ကလေးသူငယ် တွေ ပညာသင်ကြားရာမှာ အဓိက အထောက်အကူဖြစ်နိုင်တဲ့ ဘုန်းတော်ကြီး၊ သီလရှင်သင်ပညာရေးကျောင်းတွေ နဲ့ ပညာဒါန စာသင်ကျောင်းတွေအပေါ် အစိုးရရဲ့ ထောက်ပံ့ဆောင်ရွက်မှု ကတော့ နည်းပါးနေသေးတယ်လို့ သိရပါတယ်။

ကျူရှင်သင်ပေးတယ်ဆိုတာက အပိုဝင်ငွေရှာရတာပါပဲ၊ ဆရာမ တယောက်ရဲ့ လစာက မိသားစု တစု ရဲ့ စားဝတ်နေရေး မဖူလုံဘူး လို့ အလယ်တန်းပြကျောင်းဆရာမ ဒေါ်နွေးနွေးရီက ဧရာဝတီကိုပြောပါတယ်။

“လစာတွေကို လုံလုံလောက်လောက်ပေးထားမယ်ဆိုရင် ကျူရှင်သင်ပြီး အပိုငွေ ရှာနေစရာ လိုတော့မှာမဟုတ်ဘူး”

ကျောင်းချိန်မှာ အတန်းချိန်ပြည့် စာသင်နေရပြီး ညနေပိုင်းမှာလည်း ကိုယ်ပိုင်အားလပ်ချိန် မထားနိုင်ဘဲ ကျူရှင်သင်နေရတာက စားဝတ်နေရေးအခြေအနေနဲ့ ဝင်ငွေ ရရှိဖို့အတွက်ဆိုပေမဲ့ စိတ်ပင်ပန်းတယ်လို့ သူက ဆိုပါတယ်။

မြန်မာနိုင်ငံမှာ ပညာကိုစွန့်ပြီး ဝမ်းရေးအတွက် ရုန်းကန်နေကြတဲ့ ကလေးအလုပ်သမားများစွာရှိနေပါတယ်၊ တချို့ကတော့ ဘုန်းတော်ကြီးသင်ပညာရေးကျောင်း၊ ပညာဒါန ကျောင်းတွေကို တက်ပြီး အစိုးရစာမေးပွဲကို တနှစ် ကျရှုံးခံပြီး အပြင်ဖြေသဘောမျိုးဖြေဆိုကြတာပါ။

ဗြိတိန်နိုင်ငံအခြေစိုက်  (Maplecroft Consult) အဖွဲ့ရဲ့ ၂၀၁၂ ခုနှစ်၊ ညွှန်းကိန်းများအရ မြန်မာနိုင်ငံဟာ ကမ္ဘာမှာ ကလေးအလုပ်သမား ပြဿနာ အဆိုးရွားဆုံး ရှိနေတဲ့နိုင်ငံဖြစ်နေပါတယ်။
ကုလသမဂ္ဂ  ထုတ်ပြန်ချက်တရပ်မှာလည်း မြန်မာနိုင်ငံက အသက် ၇ နှစ်မှ ၁၆ နှစ်ကြား  ကလေး  ၃ ပုံ ၁ ပုံသည် လုပ်ငန်းခွင်ထဲ ရောက်နေကြတယ်လို့ ဆိုထားပါတယ်။

ဒီလို အခြေအနေမှာ ၃ ပုံ ၁ ပုံသော ကလေးငယ်များထဲ ပါဝင်တဲ့ မောင်ကျော်သက်တို့အတွက် စစ်ကျန် ဘတ်စ်ကားဟောင်းကြီးကို ပြန်လည်ပြုပြင်ထားတဲ့ ကားတွင်းစာသင်ခန်း ပေါ်ပေါက်လာတာဖြစ်ပါတယ်။

 





 

.


 
Copyright © 2014 Irrawaddy Publishing Group. All Rights Reserved