Showing posts with label စီးပွားရေး. Show all posts
Showing posts with label စီးပွားရေး. Show all posts

လင်မယား ၂ ယောက်ပဲ နေတဲ့ ထားဝယ်ဒေသက ရွာကြီး

Monday, June 15, 2015 1 comments


  
 အိမ် ၄၈၀ ရှိတဲ့ ရွာမှာ လူ၂ ယောက်ပဲ နေထိုင်တာ ဖြစ်နိုင်ပါ့မလား။

ဒီရက်ပိုင်း ထွက်လာတဲ့ စာအုပ် တအုပ်မှာတော့ ထားဝယ်ဒေသထဲက အဲဒီရွာကြီးမှာ လင်မယား ၂ ယောက်ပဲ နေတယ်လို့ တိတိကျကျ ရေးထားပါတယ်။

ထားဝယ် ရေနက်ဆိပ်ကမ်း၊ စက်မှုဇုန် စီမံကိန်းအတွက် နေအိမ်တွေကနေ ဖယ်ပေးရမယ့် ဒေသခံတွေ ရှိပါတယ်။ သူတို့တွေအတွက်  အဲဒီရွာကို ၂၀၁၂ မှာ ဆောက်တယ်။ ဆောက်ထားတာက ပုံစံတူအိမ်တွေ။
 နောက်တနှစ်မှာ အဲဒီရွာ သွားနေရပါတယ်။

ကျေးရွာသစ်နာမည်က ဘဝါ လို့ ဆိုပါတယ်။ ဘဝါရဲ့ ဘဝ အကြောင်း ဆက်ရရင်...
ဘဝါကို ပြောင်းရွှေ့နေသူ စုစုပေါင်း မိသားစု ၄ စု ရှိပေမယ့် အခုတော့  မိသားစု တစုပဲ ကျန်ပါတော့တယ်။ အဲဒီမိသားစုကတော့ အထက်မှာ ရေးခဲ့တဲ့ လင်မယား ၂ ဦးပါပဲ။

သူတို့ရဲ့ သားသမီးတွေက မြိတ်မြို့မှာ အလုပ်သွားလုပ်တာကြောင့် အိမ်မှာ သူတို့ပဲ ကျန်နေတာပါ။ သူတို့ ဒီအိမ်သစ်ကို ရွှေ့ရမယ် ဆိုတာကို ရက်သတ္တပတ် အနည်းငယ်ပဲ ကြိုသိခဲ့ရတာပါတဲ့။


   
 အိမ်က အသစ်ဆိုပေမယ့် မိုးယိုတယ်။ စားရေးသောက်ရေးအတွက် ဒီရေတောမှာရှိတဲ့ ဂဏန်း၊ ခရု၊ ဟင်း ရွက်တွေကို အားကိုးရတယ်၊ အိမ်နီးချင်း မရှိတဲ့အတွက် ရေဒီယိုကို အဖော်ပြုရတယ်၊ ဟိုတုန်းက သူတို့က တံငါသည်။  အခုတော့ နေရာသစ်မှာ ရွာသစ်မှာ အပင်လေးတွေစိုက်၊  ကြက်ဝက်တွေ မွေး၊ ဘဝက အ  သွင်ပြောင်းသွားပြီ။

တခြားအိမ်တွေမှာ လူတွေ ဘာကြောင့် ရောက်မလာသေးတာလဲ၊ ရောက်ပြီးသား မိသားစုတချို့ ဘာကြောင့် ပြန်ထွက်သွားကြသလဲ ဆိုတာကတော့ စာအုပ်ထဲမှာ တိတိကျကျ ဖြေမထားပါ။ 

အခု ဖော်ပြထားတဲ့ ဘဝါ ပြန်လည် နေရာချထားရေးအိမ်ရာ ပုံတွေကို "ပြောင်းလဲမှု၏ ရှုထောင့်များ" ဆိုတဲ့ ဓာတ်ပုံစာအုပ်ကနေ ယူထားပါတယ်။

စာအုပ်ကို ပဒေသာမိုး လူမှုအဖွဲ့အစည်းက ဖြန့်ချိထားတာပါ။

စီမံကိန်းကြီးကြီးတခု လုပ်ပြီဆိုရင် ဒေသခံတွေ နေရာဖယ်ပေးရပါတယ်။ လုပ်လက်စ လယ်ယာမြေတွေကို စွန့်လွှတ်ရပါတယ်။

စွန့်လွှတ်ရတဲ့အတွက် လျော်ကြေး ရသူတွေလည်း ရှိပါတယ်။ အဲဒီလျော်ကြေးကို မစီမံတတ် မခန့်ခွဲတတ် ရင် ဘ၀ ပျက်ပါလိမ့်မယ်။

လျော်ကြေးပေးရာမှာ ငွေကြေးပေးမယ့်အစား မြေနေရာ အစားပေးဖို့ ဒေသခံတို့နဲ့ ညှိနှိုင်းခဲ့ဟန် မတူပါဘူး။
ထားဝယ် အထူး စီးပွားရေးဇုန်မှာတော့ လျော်ကြေး မရတဲ့သူလည်း အများကြီးရှိပါတယ် တဲ့။

အထူးစီးပွားရေးဇုန်ကြောင့် ဘယ်သူတွေ အထူး စီးပွားဖြစ်ကြမလဲ?
ဒေသခံတို့ကတော့ စီးပွားဖြစ်မလား၊ စီးပွားပျက်မလား?

ဒေသခံတွေဟာ သူတို့  မှီခိုအားထားတဲ့ ဥယျာဉ်ခြံမြေတွေ မရှိတော့ဘူး ဆိုရင် အသက်မွေးဝမ်းကြောင်း  အတွက် စိုးရိမ်ရမယ်လို့ ပဒေသာမိုးအဖွဲ့က ဆိုပါတယ်။

စီမံကိန်း အစမပြုခင် မဖြစ်မနေ ပြုလုပ်ရမယ့် လူမှုစစ်တမ်း နဲ့ သဘာဝ ပတ်ဝန်းကျင် ထိခိုက်မှု စစ်တမ်းတွေကို ရွာတချို့မှာ ပြုလုပ်ခဲ့ပေမယ့် ထွက်ပေါ်လာတဲ့ ရလဒ်တွေကို ဒေသခံများ သိခွင့် မရခဲ့ဘူး၊ အရပ်ဘက်  အဖွဲ့တွေလည်း ကြည့်ခွင့်မရခဲ့ဘူးလို့ ဆိုပါတယ်။

ဒီစီမံကိန်းကြီးက လောလောဆယ် ပါဝင်ပတ်သက်သူ အားလုံး၊ ဒေသခံတွေ အားလုံးလိုလို အဆင်မပြေတဲ့ ဟန်မကျတဲ့ စီမံကိန်းဖြစ်နေတယ်လို့ ဆိုရမယ် ထင်ပါတယ်။


စည်သူလင်း

ကိုရီးယားလေကြောင်းလိုင်းရဲ့ မြေပဲဆားလှော်ဇာတ်လမ်း

Thursday, December 11, 2014 0 comments


ကိုရီးယားလေကြောင်းလိုင်းဟာ မြေပဲဆားလှော်ကိစ္စကြောင့် နိုင်ငံတကာက သတင်းတွေ ဝိုင်းပြီး ရေးသား ထုတ်လွှင့်တာနဲ့ ရင်ဆိုင်နေရပါပြီ။

    


ပုဂံမှာ တင်ဆက်နေတဲ့ ကမ္ဘာအဆင့်မီ Dandaree Show

Monday, November 17, 2014 0 comments

-




ပထမမြန်မာနိုင်ငံတော်တည်ထောင်ခဲ့တဲ့  အနော်ရထာမင်းရဲ့ ရွှေနန်းတော်ကြီးအတွင်း ယဉ်ကျေးမှုအဆင့်အတန်းမြင့်မားပုံကို  တင်ဆက်ပြသနေတာကတော့ ပုဂံမြို့ နန်းတော်ရာမှာ ဖြစ်ပါတယ်။

 

  • (ဓာတ်ပုံများ - စိုင်းဇော်/ဧရာဝတီ)

ဗိုလ်ချုပ်မှူးကြီးအိမ်ကို ငှားထားခြင်းမဟုတ်ကြောင်း WHO ရှင်းလင်း

Thursday, November 13, 2014 0 comments

.


 ကမ္ဘာ့ကျန်းမာရေးအဖွဲ့ (WHO) ရဲ့ ရန်ကုန်ရုံးဟာ ငှားခ ဒေါ်လာ ၇၉,၀ဝ၀ ဖြစ်ပါတယ်။

မြန်မာငွေနဲ့တွက်ရင် တလ သိန်း ၈ဝဝ ပေါ့။
  
 

အိုဘားမားတည်းမယ့် ဟိုတယ်ခန်းမှာ ကျည်ကာမှန်တပ်ထားသလား

Wednesday, November 12, 2014 0 comments

-




အိုဘားမား ဒီရက်ပိုင်း နေပြည်တော်ရောက်ရင် တည်းခိုမှာက  Kempinski  ဟိုတယ် ဖြစ်ကြောင်း ဒုဝန်ကြီးတယောက်ကို ကိုးကားပြီး The Messenger သတင်းဂျာနယ်မှာ ရေးထားပါတယ်။



စင်္ကာပူမှာ နာမည်ပျက်နေတဲ့ဆိုင်

Saturday, November 1, 2014 2 comments




-


စင်္ကာပူမှာ ဈေးဝယ်ရင် နာမည်ပျက်တဲ့ဆိုင်တွေမှာ မဝယ်မိဖို့ လိုပါလိမ့်မယ်။
လောလောဆယ် မီဒီယာမှာ ရေးနေကြတဲ့ ဆိုင်တဆိုင်အကြောင်း ဖောက်သည်ချလိုက်ပါတယ်။
 



အုပ်စုလိုက် ဆယ်ဖီရိုက်မယ် ဆိုရင်....

Tuesday, October 28, 2014 0 comments

.


ကိုယ့်ကိုယ်ကိုယ်  စမတ်ဖုန်းနဲ့   ဓာတ်ပုံရိုက်တဲ့ (Selfie - ဆယ်ဖီ) အလေ့အထဟာ စမတ်ဖုန်း အသုံးပြုသူတွေအကြား၊ အထူးသဖြင့် Facebook, Twitter, Instagram တို့လို အွန်လိုင်းလူမှုကွန်ရက်တွေကို တွင်တွင်ကျယ်ကျယ် အသုံးပြုနေတဲ့ ဒီနေ့ခေတ် လူငယ်တွေအကြားမှာ အတော်လေး ခေတ်စား လာပါတယ်။

Selfie ရိုက်တယ် ဆိုတာကတော့ ကိုယ့်ဖုန်းကင်မရာကို  ကိုယ့်မျက်နှာအထက်ကနေ
 ၄၅ ဒီဂရီတိမ်းစောင်းလို့   ကိုယ့်ကိုယ်ကိုယ် ဓာတ်ပုံပြန်ရိုက်ခြင်းပါပဲ။

အခုဆိုရင်   ပိုမိုကောင်းမွန်တဲ့ Selfie ပုံတွေ ရရှိဖို့နဲ့ သူငယ်ချင်းတွေ အုပ်စုလိုက် Groufie ရိုက်တဲ့တခါ အားလုံး တစုတစည်း ဓာတ်ပုံထဲ ပါဝင်လာဖို့ အတွက်    Selfie Stick ကိုပါ တွဲသုံးလာကြပါတယ်။

Selfie Stick တွေကို အွန်လိုင်းကလည်း ဝယ်ယူနိုင်ပါပြီ။
ဈေးကလည်း အစားစား ရနိုင်တာမို့ ကိုယ်ကြိုက်နှစ်သက်ရာ အရောင် ဒီဇိုင်း၊ ကိုယ်အဆင်ပြေရာ ဈေးနှုန်း ရွေးချယ်ပြီး ဝယ်ယူရရှိ နိုင်ပါပြီ။

 ဝယ်ယူရရှိနိုင်တဲ့ ၃ မျိုး
- ရိုးရိုး ရော်ဘာ လက်ကိုင်နဲ့ Selfie Stick
- ဓာတ်ပုံရိုက်ဖို့ ခလုတ်လေးပါတဲ့ ကြိုးနဲ့ Wired Selfie Stick
- ပလတ်စတစ် လက်ကိုင်နဲ့ Bluetooth Selfie Stick  

ရိုးရိုး Selfie Stick ဈေးနှုန်းက ၆,၉၀၀ ကျပ် ဖြစ်ပြီး ဘယ်ဖုန်းနဲ့မဆို သုံးလို့ရပါတယ်။
Stick ရဲ့ 130 g အလေးချိန်ပဲ ရှိတာကြောင့် ပေါ့ပေါ့ပါးပါး သယ်သွားလို့လည်း ရပါတယ်။

Bluetooth Selfie Stick ဈေးနှုန်းကတော့ ၂၂,၅၀၀ ကျပ် ဖြစ်ပြီး သူကလည်း ဘယ်ဖုန်းနဲ့မဆို သုံးနိုင်ပါတယ်။ Stick ရဲ့ အလေးချိန်က 180 g ပါ။
သူက Android ဖုန်းတွေမှာရော၊ iPhone တွေမှာပါ ဘာ Application မှ ထည့်စရာမလိုဘဲ Selfie ပုံတွေ ရိုက်ကူးနိုင်ပါတယ်။
 100 mAh ဘက္ထရီ ပါဝင်တာကြောင့်လည်း Charging Time တနာရီကို ဓာတ်ပုံ ရိုက်ချက်ပေါင်း ငါးသောင်းကျော်အထိ ရိုက်ကူးပေးနိုင်တယ်လို့ သိရပါတယ်။

ရိုးရိုး Selfie Stick နဲ့ Bluetooth Selfie Stick တို့ရဲ့ တူညီတဲ့ အချက်တွေကတော့  ဖုန်းနဲ့အပြင် သာမန် Point and Shoot ကင်မရာတွေနဲ့ပါ အသုံးပြုလို့ရတဲ့ Monopod Mount ပါ ပါဝင်ပါတယ်။
ဒါ့အပြင် Screen အကြီး ဖုန်းတွေအထိ သုံးလို့ရတဲ့ Mobile Phone Holder လည်း ပါဝင်ပါတယ်။

Selfie Stick ဟာ ခေါက်ထားတဲ့အခါ အရွယ်အစား ၈ လက်မ သာသာ ခေါက်ထီး အရွယ်အစားမျှသာ ရှိပြီး ဆန့်ထုတ် လိုက်ရင် ၃ ပေ အရှည်ထိ ဆွဲထုတ်နိုင်ပါတယ်။
  အဆစ်ပိုင်း ၇ ဆစ်စီ ပါဝင်ပြီးတော့ ကိုယ်ထည်က သတ္တု ကိုယ်ထည်နဲ့ ပြုလုပ်ထားတာပါ။

ဓာတ်ပုံရိုက်ဖို့ ခလုတ်နဲ့ ကြိုးပါဝင်တဲ့ Wired Selfie Stick ကတော့ ဈေးနှုန်း ၁၃,၅၀၀ ကျပ်ဖြစ်ပြီး သူကလည်း Android ရော iOS မှာပါ အသုံးပြုလို့ရပါတယ်။

ကဲ … Selfie Stick သုံးပြီး  ပုံ လှလှလေးရိုက်၊  Facebook ပေါ် တင်လိုက်ကြရအောင်လား။

ပုံမှာပြထားတဲ့ Selfie Stick တွေကိုတော့ Myanmar Life Style Online Shopping ကနေ ရယူ ထားတာပါ။
  www.myanmarlifestyle.com  -
 www.facebook.com/MMR.Lifestyle  တို့မှာ ဝယ်ယူနိုင်ပါတယ်။

သီဟတိုး


Bluetooth Selfie Stick ၂၂,၅၀၀ နဲ့  ရိုးရိုး Selfie Stick-  ၆,၉၀၀ 



Wired Selfie Stick  -  ၁၃,၅၀၀

  • ဆက်စပ် ဆယ်ဖီ
စင်ကာပူ ၀န်ကြီးချုပ် လီရှန်လွန်းရဲ့ လီရှန်လွန်းနဲ့ အတူ Selfie 
http://blog.irrawaddy.org/2014/10/selfie.html


.


ထိုင်း လဝက အလုပ်တချို့ကို 7-Eleven ရနိုင်ဖွယ်ရှိ

Monday, October 27, 2014 0 comments


.


 

ထိုင်းနိုင်ငံမှာ ရေရှည်နေထိုင်သူ နိုင်ငံခြားသားတွေဟာ ၃ လ ၁ ကြိမ် လဝကရုံးကို မျက်နှာသွားပြရပါတယ်။
ထိုင်းမှာ ရှိနေပါတယ်ဆိုတဲ့အကြောင်း ရက် ၉ဝ ပြည့်တိုင်း အစီရင်ခံသတင်းပို့ခြင်းပါ။ စာရွက်စာတမ်းရေးသားဖြည့်စွက် မိတ္တူကူး၊ လဝကရုံးခန်းလေးထဲမှာ ကြိတ်ကြိတ်တိုး သွားစောင့်ပြီး အချိန်ပေး လုပ်ဆောင်ရခြင်းပါ။

အခုတော့ အဲဒီအလုပ်ကို ရုံးသွားစရာမလို၊ ရပ်ကွက်ထဲက 7-Eleven စတိုးဆိုင်များမှာ လုပ်လို့ရမယ့် အစီအစဉ်ကို ထိုင်းအာဏာပိုင်တွေ စိတ်ကူးနေကြတယ်၊
ဒီအစီအစဉ် လက်တွေ့ ဖြစ်ပေါ်လာအောင် တွန်းအားပေးမယ်လို့ ချင်းမိုင်(ဇင်းမယ်) လ၀က အကြီးအကဲ  ရဲဗိုလ်မှူးကြီး  Rutjapong Saravanangkool က ပြောဆိုပါတယ် တဲ့။

အောက်တိုဘာ ၂၂ ချင်းမိုင်မြို့ အစည်းအဝေးတခုမှာ ပြောဆိုလိုက်တာဖြစ်ကြောင်း  chiangmaicitynews.com အွန်လိုင်းသတင်းတပုဒ်မှာ ရေးပါတယ်။

၃ လ ၁ ကြိမ် မျက်နှာပြရမယ့်နိုင်ငံခြားသားကို ကတ်တမျိုး ထုတ်ပေးမယ်၊ ဆိုင်သွားရင် အဲဒီကတ် ယူသွားရုံပဲလို့ ဆိုတယ်။

ဒီအစီအစဉ် တကယ် အကောင်အထည်ဖော်၊ အလုပ်ဖြစ်လာရင်တော့ ရေရှည်နေထိုင်သူ နိုင်ငံခြားသားများအတွက် အဆင်ပြေပါလိမ့်မယ်။
 7-Eleven စတိုးဆိုင်များက နေရာတကာ တွေ့နေရတဲ့အတွက်ပါ။ ဒီဆိုင်တွေလည်း ၀င်ငွေ တိုးပါမယ်။

လ၀ကရုံးအတွက်လည်း အဆင်ပြေပါမယ် - ရုံးမှာ လူတွေ တရုန်းရုန်းဖြစ်နေတာကို လျှော့ချနိုင်ပါလိမ့်မယ်။

စတိုးဆိုင်တွေမှာ ရေမီတာဖိုး၊ လျှစ်စစ်မီးဖိုး ပေးလို့ ရနေပါတယ်။ ဒီအကြောင်း "ရပ်ကွက်ထဲဆင်းလာတဲ့ ကုန်တိုက်" ဆိုပြီး http://blog.irrawaddy.org/2012/03/blog-post_19.html  မှာ ရေးခဲ့ပြီးပါပြီ။

ဝန်ဆောင်ခ ၁ဝ ဘတ်ခန့် (ကျပ် ၃ဝဝ ခန့်) ပေးရုံနဲ့ အဆင်ပြေပါတယ်။ ရေဖိုးမီးဖိုးငွေတောင်းခံလွှာမှာ ကွန်ပြူတာက ဖတ်နိုင်တဲ့ ဘားကုတ်တွေ ရှိတဲ့အတွက် ငွေချေတဲ့ကိစ္စကို အဲဒီဆိုင်မှာ ၁ မိနစ်နဲ့ ပြီးမြောက်ပါတယ်။
ဆိုင်အတွက်လည်း ၀င်ငွေရပါတယ်။
ငွေသွင်းသူကလည်း ရုံးသွားမယ်ဆိုရင် ခရီးစရိတ်က ၁ဝ ဘတ်ထက် မနည်း ကုန်ကျနိုင်ပါလိမ့်မယ်။ ရုံးဆိုတာကလည်း အလုပ်ချိန် အကန့်အသတ်နဲ့။
စတိုးဆိုင်ကတော့ ပိတ်ရက်မရှိ။ ညကြီးမိုးချုပ်လည်း ဖွင့်။

ဒီနည်းလမ်း ရှိမနေဘူး ဆိုရင် ရုံးတွေမှာ ငွေပေးချေတဲ့လူအုပ်ကြီး နဲ့ မနိုင်မနင်းဖြစ်နေတဲ့ ၀န်ထမ်းများကို တွေ့ရမှာဖြစ်ပါတယ်။

ချင်းမိုင် လ၀က   ရဲဗိုလ်မှူးကြီးပြောတဲ့ အစီအစဉ် တကယ် ဖြစ်လာမယ် ဆိုရင်တော့ အားလုံးအတွက် အဆင်ပြေစရာတွေ ထပ်တိုးလာပြီလို့ ဆိုရပါမယ်။

(ဓာတ်ပုံတွေကိုတော့ ၂၀၁၁ ခုနှစ် ချင်းမိုင်မြို့ တန်ဆောင်တိုင်ပွဲတော်ကာလအတွင်း ရိုက်ကူးထားတာ ဖြစ်ပါတယ်။)



  • ဓာတ်ပုံများ - အောင်အောင်

-

ဧရာဝတီတိုင်းလွှတ်တော်အမတ်များလည်း ကန်ထရိုက်ဖြစ်ချင်

Friday, October 24, 2014 0 comments






ဧရာဝတီတိုင်းဒေသကြီးလွှတ်တော်အစည်းအဝေးမှာ အမတ်မင်းများက သူတို့လည်း ဆောက်လုပ်ရေးကန်ထရိုက် ဖြစ်ချင်ကြကြောင်း ပြောကြပါတယ်။
ဒီအကြောင်း လွှတ်တော်ထဲ ရောက်ခဲ့တဲ့ သတင်းထောက် ဆလိုင်းသန့်စင်က အသေးစိတ် ပြောပြထားပါတယ် -



အရောင်းသွက်အောင် ဘယ်လိုလုပ်ကြမလဲ

Friday, October 17, 2014 0 comments


 `


 


 တရုတ်နိုင်ငံ  Zhejiang ပြည်နယ်၊ Yongkang မြို့ လမ်းဘေးဈေးသည်တယောက်ရဲ့ အရောင်းမြှင့်တင်ရေး အစီအစဉ်ကို ကြည့်ပါ။

 အသားကင်လည်းရောင်းတယ်၊ အကအခုန်လည်း ရတယ်။

လမ်းသွားလမ်းလာများ သူ့ကို အာရုံစိုက်၊ သူဘာရောင်းလဲ သိသွားရင် အ၀ယ်လိုက်မယ်လို့ သူက ယူဆပုံ ရပါတယ်။
သူ ယူဆတဲ့အတိုင်း အာရုံတော့ စိုက်ကြပါတယ်။
သူ့ရဲ့ အ၀တ်အစားကြောင့်လည်း အာရုံစိုက်ချင်စရာပါပဲ။

အရောင်း သွက် မသွက် ဆိုတာကတော့ မသိရပါဘူး။
ငြိမ်နေတာထက်စာရင်တော့ ပိုပြီး သွက်မယ်လို့ မျှော်လင့်ရပါတယ်။

တချို့သော ဈေးသည်တွေကတော့ သူတို့ဈေးဗန်းကို လူတွေ ခလုတ် မတိုက် တိုက်အောင် လူသွားလမ်းပေါ် ကျူးကျော် တင်ရောင်းကြ နယ်ချဲ့ကြတာ တွေ့ဖူးကြမှာပါ။

လမ်းသွားလမ်းလာတွေ လမ်းလျှောက်ရ ခက်ခဲအောင် လုပ်တာထက် စာရင် ဒီဈေးသည်လို ၀တ်ဆင်၊ ကခုန်ပြခြင်းက ပိုပြီး သင့်တော်မယ်လို့ ယူဆရပါတယ်။



 




.

အရည်အသွေးမြင့် နားကြပ်လှလှလေးတွေနဲ့ လမ်းသလားကြမလား

Monday, October 13, 2014 0 comments

-



 
သီချင်းနားထောင်ရတာ ဝါသနာပါတဲ့ ဒီနေ့ခေတ်ရေစီးထဲက ခေတ်လူငယ်တွေအတွက် နားကြပ် ကောင်းကောင်း တလက်က မရှိမဖြစ်ပါပဲ။ စမတ်ဖုန်းကို တွင်တွင်ကျယ်ကျယ် သုံးစွဲလာကြပြီး Iphone, Ipad, Ipod တွေ ခေတ်စားနေတဲ့ ဒီနေ့ချိန်ခါမှာ အရည်အသွေး ကောင်းကောင်း၊ အသံထွက်အားကောင်းပြီး ဒီဇိုင်းလည်း လှတဲ့ Beats Audio နားကြပ် မျိုးတွေကို လူငယ်တွေ သုံးစွဲလာကြပါတယ်။

Beats Audio System ဟာ အခုနောက်ပိုင်း ထွက်ရှိလာတဲ့ HTC Smart Phone တွေမှာပါ ပါဝင်လာပြီ ဖြစ်ပါတယ်။ Beats အသံစနစ်ကို အသုံးပြုထားတဲ့ နားကြပ်တွေရဲ့ အားသာချက်ကတော့ အခြားသာမန် နားကြပ်တွေနဲ့ မတူဘဲ ဂီတ ပိုင်းဆိုင်ရာ အသံစနစ်ကို ပိုအလေးပေးပြီး ထုတ်လုပ်ထား တာကြောင့် ဘေးပတ်ဝန်းကျင်က တခြား ဆူညံသံတွေ ဝင်မလာစေနိုင်ဘဲ သာမန်နားကြပ်တွေထက် အသံအားက အဆပေါင်းများစွာ ကြည်လင် ပြတ်သားပါတယ်။

Hip Hop ဂီတသမားတွေအတွက် Beats သံကောင်းကောင်းနဲ့ Headphones တွေ Loud Speaker တွေကို စတင် ထုတ်လုပ်ခဲ့ပြီး လက်ရှိမှာလည်း ကမ္ဘာ့ဖျော်ဖြေရေး ကဏ္ဍတွေမှာ ရောင်းအား အကောင်းဆုံးနဲ့ အရည်အသွေး အမြင့်ဆုံး နေရာကို ယူထားတာကတော့ Beats by Dr.dre နားကြပ်တွေပါပဲ။

Dr.dre ဟာ အမေရိကန်က နာမည်ကြီး Hip Hop အဆိုတော်တဦး ဖြစ်ပြီးတော့ Dr.dre ရဲ့ Beat Electronics Company ကထုတ်လုပ်တဲ့ Beats by Dr.dre နားကြပ်တွေက အနိမ့်ဆုံးဈေးနှုန်း အမေရိကန်ဒေါ်လာ ၂၀၀ ဝန်းကျင်က စလို့ ၅၀၀ ဝန်းကျင်လောက်ထိ ဈေးနှုန်း အစားစား အမျိုးအစားစုံရှိပြီး မြန်မာငွေကျပ်နဲ့ဆိုရင်တော့ ၂ သိန်းကျော် ဝန်းကျင်ကစလို့ ၅ သိန်း နီးပါး အထိ ဈေးအစားစားရှိပါတယ်။ နားကြပ်ရဲ့ ကာလာ၊ အရည်အသွေး၊ ဒီဇိုင်းနဲ့ မော်ဒယ်လ် အပေါ်မူတည်ပြီး ဈေးနှုန်းက ကွဲပြားသွားတာပါ။

 


Dr.dre နားကြပ်တွေက သီချင်း နားထောင်ရတာ နှစ်သက်သူတွေ အတွက်သာမကဘဲ ဂီတနဲ့ ပရော်ဖက်ရှင်နယ် အသက်မွေး ဝမ်းကျောင်းပြုသူတွေ အတွက်ပါ အထူးအားထား နှစ်သက် အသုံးပြုနေရပြီး Beats by Dr.dre နားကြပ်တွေရဲ့ ထူးခြားကောင်းမွန်တဲ့ အသံစနစ်ကြောင့်လည်း နာမည်ကြီးနေရခြင်း ဖြစ်ပါတယ်။

Hip Hop, R&B, Pop, Acoustic, Jazz စတဲ့ ဂီတအမျိုးအစားတွေ ဖန်တီးသူတွေကတွေကလည်း Beats သံ မှန်မှန် ထုတ်ပေးနိုင်တဲ့ အားသာချက်ကြောင့် Dr.dre နားကြပ်တွေကို ရွေးချယ်ရတာဖြစ်တယ်လို့လည်း သိရပါတယ်။

Dr.dre Headphones တွေမှာ Dr.dre Beats Studio Wireless, Dr.dre Beats Excutive, Dr.dre Beats Mixr, Dr.dre Beats Pro, Dr.dre Beats by Dr.dre, Dr.dre Beats Solo စသဖြင့် အမျိုးအစားစုံရှိပြီး လူငယ်တွေက Dr.dre Beats Studio Wireless နဲ့ Dr.dre Beats Mixr ကို ပိုကြိုက်ကြတယ်လို့ ဆိုပါတယ်။
Dr.dre Beats Pro ကတော့ Hip Hop ဂီတနဲ့ ပတ်သက်ပြီး Professional လုပ်ကိုင်နေသူတွေ အထူးသဖြင့် DJ သမားတွ အသုံးပြုလေ့ရှိကြတယ်လို့ သိရပါတယ်။
Dr.dre နားကြပ်တွေရဲ့ ဈေးနှုန်းတွေကတော့ ၂ သိန်းခွဲကျော်ကစလို့ ၄ သိန်းခွဲကျော်တဲ့အထိ အစားစား ရှိတယ်လို့ သိရပါတယ်။

 


 Dr.dre က နားကြပ်အပြင် Dr.dre Beats Pill ဆိုတဲ့ Loud Speaker အသေးလေးလည်း ရှိပါသေးတယ်။ စပီကာရဲ့ ဈေးနှုန်းကတော့ ၂ သိန်းခွဲ အထက်မှာရှိပါတယ်။ အရောင်အသွေးလည်းစုံ၊ ဒီဇိုင်းလည်းလှတဲ့ Dr.dre နားကြပ်တွေက အရည်အသွေး မြင့်မားတာကြောင့် ဈေးများပေမယ့်လည်း လူကြိုက်များပြီး အဝယ်များနေရခြင်း ဖြစ်ပါတယ်။

ဒီလို Beats Audio နားကြပ်တွေဟာ မြန်မာပြည် ဈေးကွက်ထဲမှာဆိုရင် အတုတွေလည်း ရှိနိုင်ပါတယ်။ အတုတွေရဲ့ ဈေးနှုန်းကတောင် အနိမ့်ဆုံး ၃ သောင်း ဝန်းကျင်လောက်ကစလို့ တသိန်းနီးပါးအထိ ရှိနိုင်ပါတယ်။ ဒီလို နားကြပ်တွေ ကတော့ များသောအားဖြင့် တရုတ်ဘက်ကနေ ဝင်ပါတယ်။ Dr.dre အစစ်တွေလောက် အရည်အသွေးက Perfect မဖြစ်ပေမယ့် ဒီဇိုင်း၊ ကာလာ မဆိုးတာကြောင့် လူငယ်တွေ ကိုယ်တတ်နိုင်တဲ့ ငွေပမာဏပေါ်မူတည်ပြီး စိတ်ကြိုက် ရွေးချယ် ဝယ်ယူသုံးစွဲကြပါတယ်။


ပုံမှာပြထားတဲ့ အမေရိကန်နိုင်ငံထုတ် Headphones တွေဖြစ်တဲ့
Dr.dre Beats Studio Wireless,
Dr.dre Beats Excutive,
Dr.dre Beats Mixr,
Dr.dre Beats Pro,
Dr.dre Beats by dr.dre,
Dr.dre Beats Solo စတဲ့ နားကြပ်တွေနဲ့
Dr.dre Beats Pill စပီကာတွေကိုတော့ အမှတ် (၂၆၂၊ စီ)၊ ပန်းဆိုးတန်းလမ်း (အပေါ်ဘလောက်)၊ ကျောက်တံတား မြို့နယ်၊ ရန်ကုန်မှာရှိတဲ့ “Ai KON” Apple Product Sales & Services မှာ ဝယ်ယူရရှိနိုင်ရပါတယ်။

 

သီဟတိုး



 

 


.

အညောင်းအညာကင်းရှင်း လန်းဆန်း ကျန်းမာခြင်း

Monday, October 6, 2014 0 comments


 ~




 

“ကျန်းမာခြင်းသည် လာဘ်တပါး” ဆိုသလိုပဲ ကိုယ်ကျန်းမာမှ စိတ်ချမ်းသာနိုင်မှာ ဖြစ်သလို စိတ်ရောကိုယ်ပါ ကျန်းမာနေမှလည်း မိမိလုပ်ဆောင်ရမယ့် လုပ်ငန်းဆောင်တာ မှန်သမျှကို အောင်အောင်မြင်မြင် အဆင်ပြေပြေ ချောချောမွေ့မွေ့ လုပ်ကိုင်ဆောင်ရွက်နိုင်ပါမယ်။

  စားဝတ်နေရေးအတွက် နိစ္စဓူဝ လှုပ်ရှားရုန်းကန်နေကြရတဲ့ မြို့ပြလူနေမှု ဘဝပုံစံတွေမှာ ကျန်းမာရေးအတွက် သီးသန့်အချိန်ပေးဖို့ အခွင့်အရေးက အင်မတန်မှ နည်းပါးလာတယ်လို့ ဆိုရပါမယ်။
နေ့စဉ်လုပ်ငန်းဆောင်တာတွေဖြစ်တဲ့ အလုပ် သွား၊ အလုပ်ပြန်၊ ကျောင်းသွား၊ ကျောင်းပြန် စတဲ့ ဗာဟီရတွေနဲ့ပဲ  အချိန်တွေ ကုန်နေရတာကြောင့် ကျန်းမာရေးအတွက် အားကစားလုပ်ဖို့ အချိန် သီးသန့်ပေးနိုင်ဖို့က ခဲယဉ်းလာကြပါတယ်။

 အလုပ်မှာ၊ ကျောင်းမှာ အထိုင်များတဲ့ မြို့ပြရဲ့ လူနေမှုဘဝပုံစံကြောင့် ကိုယ်လက် ညောင်း ညာကိုက်ခဲမှုတွေ၊ လေးလံထိုင်းမှိုင်းမှုတွေနဲ့အတူ စိတ်ဖိစီးမှုလို ဆိုးကျိုးတွေကိုလည်း နောက်ဆက်တွဲ ခံစားလာကြရလေ့ရှိပါတယ်။

ရုံးသွား ရုံးပြန်၊ ကျောင်းသွား ကျောင်းပြန် အချိန်ကြာမြင့်စွာ ကားစီး၊ ရထားစီးရပြီး ရုံးမှာ၊ ကျောင်းမှာလည်း ကွန်ပျူတာရှေ့ နာရီများစွာ အညောင်းထိုင်ရတဲ့အတွက် ဇက်၊ ခါး၊ ကျော အစရှိတဲ့ ခန္ဓာကိုယ်ရဲ့ နေရာအနှံ့က ညောင်းညာကိုက်ခဲမှုတွေ အပြင်မျက်စိ၊ မျက်ရိုး ကိုက်ခဲခြင်းတွေကိုပါ ခံစားလာကြရပါတယ်။

 အဲဒါတွေ အဆင်ပြေစေဖို့အတွက် အခု ဆိုရင် ခန္ဓာကိုယ်ညောင်းညာကိုက်ခဲမှုတွေ သက် သာစေဖို့ လူက နှိပ်နယ်ပေးတဲ့ ဝန်ဆောင်မှုတွေ အပြင်
စက်ကိရိယာနဲ့  နှိပ်နယ်ပေးတဲ့ ဝန်ဆောင်မှု မျိုးတွေလည်း ရှိနေပါပြီ။
လူကိုယ်တိုင်နှိပ်နယ်ပေးတဲ့ အနှိပ်ခန်းလို နေရာမျိုးတွေကို မသွားရောက်လိုသူတွေအတွက် စက်နဲ့နှိပ်နယ်ပေးတဲ့ ဝန်ဆောင်မှုကလည်း အဆင်ပြေပါတယ်။

 ခါးနဲ့ကျောရိုးကို သက်သောင့်သက်သာဖြစ်စေတဲ့ Back Massager, ဇက်ကြောတက်ခြင်းကို ကာကွယ်ပေးနိုင်ပြီး အညောင်းထိုင်သူတွေအတွက် အထူးသက်သာစေတဲ့
Neck Massager, မျက်စိနဲ့ မျက်ရိုးတလျှောက်ကို ပြေလျော့စေဖို့ လေအိတ် အသုံးပြုပြီး နှိပ်နယ်ပေးတဲ့ Eye Massager, ခြေထောက်နဲ့ ခြေဖဝါး ညောင်းညာကိုက်ခဲမှုတွေကို
ဖြေလျှော့ပေးနိုင်တဲ့ Foot Massager စတဲ့ စက်ကိရိယာတွေကို အိမ်မှာအပိုင်ဝယ်ထားပြီး အချိန်မရွေး လွယ်ကူစွာ တအိမ်သားလုံး အသုံးပြုနှိပ်နယ် သုံးစွဲနိုင်ပါတယ်။ 

 အချိန်ကြာမြင့်စွာ ကားမောင်းရသူတွေလည်း မိမိကားထိုင်ခုံမှာ ဒီလို အနှိပ်စက် အသေးလေးတွေကို တပ်ဆင်ပြီး အညောင်းအညာ ကင်းဝေးစွာ ခရီးနှင်နိုင်ပါတယ်။
 အိမ်မှာ ဝယ်ယူထားမယ်ဆိုရင်လည်း အဆင်ပြေပါလိမ့်မယ်။

ဈေးနှုန်း အစားစား ရှိပါတယ်။

 Back Massager - ၈၁,ဝဝဝ 
Neck Massager - ၇၃,ဝဝဝ
Eye Massager - ၁၄ဝ,ဝဝဝ
Foot Massager - ၃၆၉,ဝဝဝ

မဝယ်ယူခင် အရင် စမ်းသပ်ကြည့်ချင်သူတွေ အတွက်လည်း ရန်ကုန်တဘက်ကမ်း သံလျင်မြို့ “Lwin”  Relax & Health Wellness Center မှာ သွားရောက် အသုံးပြုလို့ ရပါတယ်။
နှိပ်နယ်မှု အသီးသီး အတွက် ၁၅ မိနစ်စာ ဝန်ဆောင်မှုများအတွက် ဈေးနှုန်းက ၅၀ဝ ကျပ် ကျသင့်ပါလိမ့်မယ်။

 


ဒီနေ့ခေတ်မှာ စမတ်ဖုန်းနဲ့ ကွန်ပျူတာအပါအဝင် ခေတ်ပေါ် လျှပ်စစ်ပစ္စည်းတွေကို ကြာရှည်နီးကပ်စွာ နေ့စဉ်အသုံးပြုနေ သူတွေရဲ့
ခန္ဓာကိုယ်မှာရှိတဲ့ လျှပ်စစ်အမဓာတ်တွေကလည်း နေ့စဉ်ဆုံးရှုံးနေရတယ်လို့ သိရပါတယ်။
ခန္ဓာကိုယ်မှာ လျှပ်စစ်အမဓာတ်တွေ အများအပြား ဆုံးရှုံးလာတာနဲ့အမျှ အဓိကအားဖြင့် ကိုယ်ခံအား နည်းလာပြီး ခန္ဓာကိုယ်ကို ရောဂါတွေ အလွယ်တကူ ဝင်ရောက်လာနိုင်ပါတယ်။

  လျှပ်စစ်အမ ဓာတ်တွေကို ပြန်လည်ဖြည့်တင်းပေးတဲ့ စက်ကိရိယာ တမျိုးကတော့ Life Energy Device လို့ခေါ်တဲ့ လျှပ်စစ်စက်ကွင်း  ကုထုံးနည်းနဲ့ ရောဂါဝေဒနာတွေကို ကုသပေးတဲ့ စက်တမျိုး ဖြစ်ပါတယ်။
Life Energy Device ဟာ အနှိပ်စက်လည်း မဟုတ်သလို လေ့ကျင့်ခန်းလုပ်တဲ့ စက်လည်း မဟုတ်ပါဘူး။
 အားကုန်သွားတဲ့ အရာတွေကို အားပြန်သွင်းသလိုပဲ လူ့ခန္ဓာကိုယ်မှာ အားကုန်သွားတဲ့ လျှပ်စစ်အမဓာတ်တွေကို ပြန်လည်ဖြည့်တင်း အားသွင်းပေးတဲ့ စက်တမျိုးပါ တဲ့။
Life Energy Device ကို အသုံးပြုမယ် ဆိုရင် ၄၅ မိနစ်ကို ကျပ် ၂,ဝဝဝ  ကျသင့်ပါမယ်။ 

နောက်ထပ် ကျန်းမာရေးအတွက် အထူးသင့်လျော်တဲ့ စက်တမျိုးကတော့ ကိုရီးယားနိုင်ငံထုတ် “MIGUN” လို့ခေါ်တဲ့ အနီအောက်ရောင်ခြည်သုံး အကြောအချဉ်ပြေလျော့စက် ဖြစ်ပါတယ်။
ဒီစက်ပေါ် လဲလျောင်းပြီး အသုံးပြုရမှာပါ။
စက်ရဲ့ခုတင် ဝမ်းတွင်းမှာ ကျောင်းစိမ်းအစစ်ကို အသုံးပြုထားပြီး အပူနဲ့ လူ့ခန္ဓာကိုယ် ပင်မကျောရိုးတလျှောက်ကို နှိပ်နယ်ပေးတာကြောင့် အကြောအချဉ် ပြေလျှော့စေပြီး သွေးသားကိုလည်း သန့်စင်ပေးနိုင်တယ်လို့ သိရပါတယ်။
ခန္ဓာကိုယ်တွင်းမှာရှိတဲ့ အဆိပ်အတောက်တွေကို ပြေလျော့စေပြီး သွေးလည်ပတ်မှု အား ကောင်းစေသလို၊ အသားအရေ ကြည်လင်လှပပြီး ကိုယ်ခံစွမ်း အားကိုလည်း မြှင့်တင်ပေးနိုင်တယ်လို့ သိရပါတယ်။
ဒီစက်ကို အသုံးပြုမယ်ဆိုရင် မိနစ် ၄၀ ကို   ၁,၅၀ဝ  ကျသင့်ပါမယ်။

 


ကဲ ... အထိုင်များပြီး အညောင်းမိသူတွေအတွက် လုပ်ငန်းခွင်မှာ ထိုင်းထိုင်းမှိုင်းမှိုင်း ဖြစ်မနေစေဖို့နဲ့ ခန္ဓာကိုယ်ကို Relax လုပ်ဖို့ နီးစပ်ရာ
Health Center တခုခုကို သွားလိုက်ရအောင်လား။

သီဟတိုး

(အချက်အလက်တွေကို သံလျင်မြို့ “Lwin”  Relax & Health Wellness Center ကနေ ရယူပါတယ်)
 

 






 



.

ခေတ်စားလာတဲ့ Hip Hop ဖက်ရှင်

Monday, September 29, 2014 0 comments


 ~








 Hip Hop ဂီတကို ကြိုက်နှစ်သက်တဲ့ ဒီနေ့ ခေတ်ရေစီးကြောင်းထဲက Hip Hop Crazy လူငယ်တွေအတွက် အထာကျပြီး ဒီဇိုင်းလန်းတဲ့ Hip Hop Fashion ဝတ်စားမှုပုံစံမျိုးကို ဟစ်ဟော့ရှိုးပွဲတွေမှာသာမကဘဲ အပြင်မှာလည်း သဘောကျ နှစ်ခြိုက်စွာနဲ့ တွင်တွင်ကျယ်ကျယ် ဝတ်စားလာကြတာကို တွေ့မြင်နေရပါပြီ။

အခုဆိုရင် Hip Hop နဲ့ ပတ်သက်တဲ့ ဖက်ရှင်အဝတ်အစား အင်္ကျီ၊ ဘောင်းဘီတွေအပြင် Hip Hop Fashion မှာ မပါမဖြစ် Rapper ဦးထုတ်၊ Hip Hop Culture အရ Bling Bling လို့ ခေါ်တဲ့ အရောင်ပြိုးပြိုးပြက်ပြက် ဆွဲကြိုး Accessories တွေ၊ ဖိနပ်တွေ စသဖြင့်ရှိတဲ့အထဲမှာ ဦးထုပ်၊ ဆွဲကြိုး၊ အကျီ င်္ အချို့မှာ မြန်မာနိုင်ငံပုံနဲ့ ကိုယ်ပိုင်ဒီဇိုင်း၊ ကိုယ်ပိုင် Brand တခု ထွင်ပြီး ထုတ်ထားတဲ့ Hip Hop Fashion တွေ ဝတ်လာကြတာကိုလည်း တွေ့ရပါတယ်။ 

ဒီပစ္စည်းတွေကို အွန်လိုင်းကနေတဆင့် ကြိုက်နှစ်သက်တဲ့ ဒီဇိုင်းပုံ၊ အရောင် အစရှိတာတွေကို ရွေးချယ်ပြီး ဝယ်ယူလို့လည်း ရပါတယ်။  ရန်ကုန်မှာတော့ ဒီလို Hip Hop Fashion ချည်းပဲ သီးသန့်ရောင်းချတဲ့ Hip Hop Fashion Shop တွေ သိပ်မရှိသေးပါဘူး။  ဟစ်ဟော့အဆိုတော် SZ ဖွင့်ထားတဲ့ “RUN Ygn”၊ နာမည်ကြီး ဟစ်ဟော့အဆိုတော် အဖွဲ့တဖွဲ့ဖြစ်တဲ့ Snare အဖွဲ့မှ အဆိုတော်ဖြိုးလေး ဖွင့်ထားတဲ့ “Genius” နဲ့ အဆိုတော်နေဝင်း ဖွင့်ထားတဲ့ “OMG” တို့လောက်သာ ရှိတာကို တွေ့ရပါတယ်။

တခြားသောဆိုင်တွေမှာ Hip Hop နဲ့ ပတ်သက်တဲ့ ဖက်ရှင်ပစ္စည်းတွေ၊ အဝတ်အစားတွေ၊ ဖိနပ်၊ ဦးထုပ်၊ Bling Bling စသဖြင့် ရနိုင်ပေမယ့် တခြားဖက်ရှင်ပုံစံတွေနဲ့ပါ တွဲရောင်းတဲ့ပုံစံမျိုး ဖြစ်တာကြောင့် Hip Hop Fashion အတွက် တနေရာတည်းမှာ ပစ္စည်းတွေအားလုံး မရနိုင်သေးတဲ့ အခက်အခဲကတော့ ရှိနေပါသေးတယ်။ 

နာမည်ကြီး ဟစ်ဟော့အဆိုတော်တွေကိုယ်တိုင် ဖွင့်ထားတဲ့ ဟစ်ဟော့ဖက်ရှင် သီးသန့်ဆိုင်တွေလည်း ဖြစ်ပြီး ကိုယ်ပိုင်ဒီဇိုင်း၊ ကိုယ်ပိုင် Brand၊ ကိုယ်ပိုင် Logo တွေနဲ့လည်း အင်္ကျီ၊ ဦးထုပ်၊ Bling Bling စတာတွေကို ထုတ်လာကြတော့ ဟစ်ဟော့ဂီတကို ကြိုက်တဲ့ မြန်မာလူငယ်ပရိသတ်တွေအတွက်လည်း ကိုယ့်နိုင်ငံက ကိုယ်ပိုင်ဒီဇိုင်းတွေကို ဟစ်ဟော့ရှိုးပွဲတွေမှာ ဝတ်ဆင်လာကြတာကိုပါ တွေ့ရတယ်။

ကိုယ်ပိုင် Brand၊ ကိုယ်ပိုင် Design ဆိုတဲ့ နေရာမှာ “OMG” Hip Hop Fashion ဆိုင်ကတော့ မြန်မာ ဆိုတာကို တခြားနိုင်ငံက Hip Hop ဂီတသမားတွေပါ သိရှိအောင် မြန်မာနိုင်ငံ မြေပုံပုံစံကို Bling Bling တွေမှာနဲ့ ဦးထုပ်၊ အကျီ င်္ တွေမှာ ထည့်သွင်းပြီး ထုတ်လုပ်ပါတယ်။  ဒါ့အပြင် မြန်မာနိုင်ငံ မြေပုံအရောင်ကိုလည်း မြန်မာကို ကမ္ဘာက “The Golden Land” ရွှေနိုင်ငံလို့ လူသိများတာကြောင့် ရွှေရောင်ထွင်းပြီး ထုတ်လုပ်ထားတယ်လို့လည်း သိရပါတယ်။

အမေရိကန်နိုင်ငံ၊ New York City, Bronx ဒေသက အာဖရိကန် အမေရိကန် လူငယ်တွေကြားကနေ စတင်ပေါ်ပေါက်လာခဲ့တဲ့ Hip Hop Music နဲ့ Hip Hop Culture ဟာ မြန်မာနိုင်ငံမှာတော့ အက်ဆစ်၊ သီအိုရီ အစရှိတဲ့ ဟစ်ဟော့အဖွဲ့တွေကနေတဆင့် ၂၀၀၀ ခုနှစ် ဝန်းကျင်လောက်မှာ စတင် ခေတ်စားလာခဲ့တာ ဖြစ်ပါတယ်။

ဟစ်ဟော့ရဲ့ 1st  Generation မှာ အင်္ကျီပွပွ၊ ဘောင်းဘီပွပွတွေကိုမှ New Era  ဒီဇိုင်းမျိုးတွေ ဝတ်ဆင်ခဲ့ကြပြီး သီချင်းပုံစံတွေကလည်း အခု 2nd Generation တွေနဲ့ အနည်းငယ် ပုံစံကွဲပါတယ်။  1st Generation Hip Hop ဂီတသမားတွေရဲ့ သီချင်းပုံစံ၊ ဝတ်ပုံစားပုံတွေကို Old School လို့ ခေါ်ပြီး ၁၉၈၀ ကျော်လောက်က စခဲ့တယ်လို့ ပြောလို့ရတဲ့ 2nd Generation Hip Hop ကိုတော့ New School လို့ ခေါ်ပါတယ်။ 

အဝတ်အစားဒီဇိုင်းမှာလည်း အခုနောက်ပိုင်း New School ဒီဇိုင်းတွေက New Era ဦးထုပ်မျိုးကို မဝတ်ကြတော့ဘဲ Snapback ဦးထုပ်ပုံစံမျိုးတွေ အဝတ်များလာကြသလို အဝတ်အစားဆိုရင် အရင်ကလည်း အကျီ င်္ပွပွ၊ ဘောင်းဘီပွပွ ပုံစံမျိုးမဟုတ်တော့ဘဲ ကိုယ့်ခန္ဓာကိုယ်နဲ့ Cutting ကျတဲ့ ပုံစံမျိုးတွေ ဝတ်လာကြတာကို တွေ့ရပါတယ်။

ဒီတပတ်မှာတော့ ဧရာဝတီ ခေတ်ရေစီး စာဖတ်ပရိတ်သတ်တွေထဲက Hip Hop ဂီတကို ကြိုက် နှစ်သက်တဲ့ Hip Hop Crazy လူငယ်တွေအတွက် လတ်တလော ခေတ်စားနေတဲ့ Snapback ဦးထုပ်ပုံစံအမျိုးမျိုးနဲ့ OMG Fashion က ကိုယ်တိုင်ထုတ်ထားတဲ့ ရွှေမြန်မာ Logo နဲ့ Snapback, Bling Bling စတာတွေကို ရိုက်ကူး ဖော်ပြပေးလိုက်ပါတယ်။  

ပုံမှာပြထားတဲ့ Hip Hop ဖက်ရှင်အတွက် Snapback တွေရဲ့ ဈေးနှုန်းနဲ့ အချက်အလက်တွေကို အမှတ် (၁၄၄)၊ ဗိုလ်ချုပ်အောင်ဆန်းလမ်း၊ ၄၇ လမ်းထိပ်၊ ပုဇွန်တောင်မြို့နယ်၊ ရန်ကုန်မြို့မှာရှိတဲ့ “OMG” Hip Hop Fashion World (Retail & Wholesale) မှာ သွားရောက် ရိုက်ယူထားတာဖြစ်ပါတယ်။
 

သီဟတိုး
 




 ၉,ဝဝဝ

 ၁၂,ဝဝဝ
 အင်္ကျီ  ၁၂,ဝဝဝ၊ ဘောင်းဘီ  ၁၅,ဝဝဝ


  ၁၂,ဝဝဝ


.

ဘယ်နိုင်ငံခြားဘဏ်တွေ မြန်မာပြည်လာမလဲ၊ မကြာခင် သိရပါတော့မယ်

Thursday, September 25, 2014 0 comments


 ~



    
 မြန်မာပြည်မှာ ဖွင့်ခွင့်ရမယ့်   နိုင်ငံခြားဘဏ်တချို့ရဲ့အမည်ကို ဒီလကုန်မှာ  ကြေညာပါတော့မယ်။ လကုန် ဆိုတော့ ရက်ပိုင်းပဲ လိုပါတော့တယ်။

 



အိမ်မဲပျံကျဈေး ဒီလကုန်အပြီးရွှေ့ရမယ်

Sunday, September 21, 2014 0 comments

 ~



 

ဧရာဝတီတိုင်း၊   အိမ်မဲမြို့ ကမ်းနားလမ်းမှာရှိတဲ့ ပျံကျဈေးဟောင်းက ဆိုင်အားလုံး စက်တင်ဘာ  ၃၀  နောက်ဆုံးထားပြီး ဈေးသစ်ကို ရွှေ့ပြောင်းဖို့ မြို့နယ်အထွေထွေ အုပ်ချုပ်ရေး ဌာနက
 ညွှန်ကြားထားပါတယ်။

ပျံကျဈေးဟောင်းဟာ အိမ်မဲမြို့မဈေးကြီးအနီးမှာ တည်ရှိပြီး ပျံကျဈေးအသစ်ကတော့ အိမ်မဲမြို့ စာချွန်ကံရပ်ကွက်မှာပါ။

“သူတို့ဈေးရောင်းရတာ အဆင်ပြေစေဖို့ ဈေးမော်တော်တွေကို အဲဒီဈေးသစ်နေရာမှာ ဂိတ်ထိုးပေးဖို့ သတ်မှတ်ထားပါတယ်။
တခြား လိုင်းမော်တော်တွေအနေနဲ့လည်း ဈေးနေရာမှာ လူအတင်အချပြုလုပ်ပြီး ၀င်ရောက်ရပ်နားပေးဖို့ ကျနော်တို့ စီစဉ်ထားပေးပါတယ်”လို့ အိမ်မဲမြို့နယ် အုပ်ချုပ်ရေးမှူး ဦးလှထွဋ်က ဧရာဝတီကို ပြောပါတယ်။

ဈေးဟောင်းကို ရွှေ့ပြောင်းရတာဟာ ပြည်ထောင်စုလွှတ်တော်ရဲ့ လယ်ယာမြေစုံစမ်းရေးကော်မရှင် အစီရင်ခံစာအရ တိုင်းဒေသကြီးအစိုးရက ညွှန်ကြားလာတဲ့အတွက် အခုလိုဆောင်ရွက်ရတာဖြစ်တယ်လို့ မြို့နယ်အုပ်ချုပ်ရေးမှူးက ဆိုပါတယ်။

 ဈေးသစ်ဟာ မြို့ပြင်မှာ တည်ရှိတဲ့အတွက်  ဈေးမော်တော် ၁၀ စီးလောက် ဆိုက်ကပ်ရုံနဲ့ သူတို့ဈေးရောင်းလို့ အဆင်မပြေဘူးလို့ ဈေးသည်တွေက ပြောနေတာပါ။

“ဈေးမော်တော်ဆိုတာက အိမ်မဲမြို့အနီးနားက သူဌေးတွေ ဈေးလာဝယ်တဲ့မော်တော်ပါ။
လူနည်းနည်းပဲ ပါသလို ကျမတို့ ပျံကျဈေးတန်းမှာ ဈေးဝယ်ကြသူတွေ မဟုတ်ပါဘူး။
လိုင်းမော်တော်ကမှ ကျမတို့ ပျံကျဈေးရဲ့ ဈေးဝယ်သူတွေပါ။
အဲဒီလိုင်းမော်တော်တွေ မဆိုက်ကပ်ဘူးဆိုရင် ကျမတို့ ဈေးသည် ၁၅၀ ကျော်က ဈေးရောင်းရဖို့ လမ်းမမြင်ပါဘူး။
ဒါကြောင့် ပျံကျဈေးသစ်နေရာမှာ လိုင်းမော်တော်တွေ ဂိတ်ထိုးပေးမှသာ ကျမတို့အတွက် အဆင်ပြေမှာဖြစ်ပါတယ်” လို့ အိမ်မဲမြို့ ပျံကျဈေးမှာ ထမင်းဟင်းရောင်းချသူ ဒေါ်သေးသေးက ပြောပါတယ်။

ပျံကျဈေးအဟောင်းမှာ နှစ်ပေါင်း ၂၀ နီးပါး ဈေးရောင်းလာခဲ့တဲ့ ဈေးသည် ဒေါ်ခင်ပွားကလည်း
“တကယ်လို့ ဈေးနေရာသစ်မှာ အရောင်းအ၀ယ် အဆင်မပြေလို့ ဈေးမရောင်းရရင် ကျမတို့ကိုမှီခိုနေရတဲ့မိသားစုဝင်တွေ အကုန်ဒုက္ခရောက်ကြမှာပါ။
ကျမမှာ မျက်မမြင်အမေအိုကြီးကို ထမင်းရောင်းပြီး ရှာကျွေးနေရတာပါ။
လူကြီးတွေအနေနဲ့ မရှိဆင်းရဲသား ကျမတို့ဈေးသည်တွေကို သနားငှဲ့ညှာပြီး ဈေးရောင်းပြီး ၀မ်းစာရှာဖို့ကို အဆင်ပြေအောင်စီစဉ်ပေးပါလို့ တင်ပြချင်ပါတယ်” လို့ ပြောပါတယ်။

ပျံကျဈေးသစ်မှာ ၆ ပေပတ်လည်ကျယ်တဲ့ ဆိုင်ခန်းပေါင်း ၁၉၈ ခန်းဆောက်လုပ်ထားပြီး ဈေးဆိုင်ခန်း တခန်းကို ၃၅,၀၀၀ ကျပ် သတ်မှတ်ထားပါတယ်။
 ဆိုင်ခန်းခကိုတော့ ပျံကျဈေးသည်တွေအနေနဲ့ လာမယ့် ဒီဇင်ဘာလနဲ့ ဇန်န၀ါရီလကျမှသာ ပေးသွင်းဖို့၊ ပေးသွင်းရာမှာလည်း တကြိမ်တည်း မတတ်နိုင်သူတွေ ၃ ကြိမ်ခွဲ ပေးသွင်းဖို့ ဧရာဝတီတိုင်းအစိုးရအဖွဲ့ဝင် ဘဏ္ဍာရေးနဲ့ အခွန်ဝန်ကြီး ဦးဝင်းကိုကိုအမိန့်နဲ့ ခွင့်ပြုပေးထားတာပါ။ 

လက်ရှိမှာတော့ အိမ်မဲမြို့တာဝန်ရှိသူတွေက ပျံကျဈေးဟောင်းက ဈေးသည်တွေကို မဲနှိုက်ပြီး နေရာချပေးလျက်ရှိရာမှာ ဈေးသည်ပေါင်း ၈၄ ဦးက မဲနှိုက်ပြီး အခန်းတွေ ရယူထားကြောင်း သိရပါတယ်။

နေရာသစ်ဟာ အဆင်မပြေနိုင်ဘူးလို့ယူဆတဲ့ ဈေးသည် ၆၀ ကျော်ကတော့ မဲမနှိုက်သေးဘဲ  ရွှေ့ပြောင်းဖို့ ငြင်းဆန်နေကြပါတယ်။

ပျံကျဈေးဟောင်းပေါ်ပေါက်လာပုံကတော့ န၀တအစိုးရလက်ထက် ၁၉၉၂ ခုနှစ်မှာ အိမ်မဲမြို့ကမ်းနားလမ်းက နေအိမ်များကို  မြို့သန့်ရှင်းသာယာ လှပရေးစီမံချက်နဲ့ အိမ်မဲချောင်းတဖက်တချက်က  အိမ်အလုံးပေါင်း ၃၈၀ ကျော်ကို ဖျက်သိမ်းခဲ့ပြီး လွတ်သွားတဲ့မြေနေရာမှာ ဈေးရောင်းချရာကနေ အစပြုခဲ့တာ ဖြစ်ပါတယ်။

ဈေးသည်တွေ နေရာသစ်ဆီကိုရွှေ့ပြောင်းပြီးရင် ပျံကျဈေးဟောင်းနေရာကို မူလရည်ရွယ်ချက် အတိုင်း မြို့သန့်ရှင်းသာယာလှပရေးအတွက် အများပြည်သူ အပန်းဖြေနိုင်တဲ့ ပန်းခြံတခုအဖြစ် တည်ဆောက် ထိမ်းသိမ်းသွားမယ်လို့ အိမ်မဲမြို့နယ် စည်ပင်ဌာနမှူး ဦးဇော်မင်းက ဆိုပါတယ်။

လက်ရှိမှာတော့ ဘယ်ဈေးသည်မှ နေရာသစ်ကို ရွှေ့ပြောင်းခြင်း မရှိသေးဘဲ ကမ်းနားလမ်းက မူလဈေးဟောင်း နေရာမှာသာ ရောင်းချနေကြပါတယ်။

ဆလိုင်းသန့်စင်



 



.

 
Copyright © 2014 Irrawaddy Publishing Group. All Rights Reserved